Latest news with #2027election
BBC News
27-05-2025
- Business
- BBC News
Details of di NEC meeting PDP dey do to avoid possible collapse
Di main opposition party for Nigeria, Peoples Democratic Party (PDP) dey hold dia National Executive Committee (NEC) meeting for Abuja, di capital of di nation, to discuss several issues wey go also include di 2027 election. Dis na di 99th NEC meeting of di PDP wey dey hold for di party presidential campaign office, Legacy House, Abuja. According to di party, di NEC na "one of di highest decision-making organs of di PDP" and e dey important. Dis meeting dey come for period wey di party dey face serious defection threat, instability and some members dey do anti-party activities. "Di meeting na to address critical issues wey dey affect di party, wey go also include strategies for upcoming political engagements," di party for dia X post. Howeva, dose wey dey expected for di meeting include di party National Chairman, members of di National Working Committee, state governors under di party, serving and former presidents, former vice-presidents, di chairman and secretary of di Board of Trustees (BoT), principal officers of di National Assembly, state chairpersons, former governors, and founding members. More details on who dey present for di meeting, wetin dem discuss and conclude go soon come out. Recall say for April 2027, govnors under PDP for Nigeria bin rule out any option of join bodi wit oda opposition parties ahead of 2027. "Di PDP no go join any coalition or merger. However, di PDP as a major opposition party go welcome any party, pipo or groups wey dey willing to join dem to drag power and enthrone good leadership for 2027," di govnors tok for dia communique afta dat meeting. Afta dat meeting, one of dia strong power wey be former Rivers state govnor and current Minister for FCT, Nyesom Wike bin knock di govnors say dem no get di power to take dat kain decision. Wike na one of di political power wey PDP get but e currently dey work for di ruling APC and e dey clear say di party dey open eyes for am sake of di tins wey e dey tok to di party. Howeva, di influence wey Wike get for PDP dey make am control some political powers but e say im no dey contest for 2027. Wike influence for PDP and wetin e tok about Makinde In di build-up to di 2023 elections, Wike bin show interest, buy form to contest to become di PDP presidential candidate but e no win di party ticket. Former Nigeria Vice-President Atiku Abubakar win am and since den, Wike still dey para. E dey tok against di party leadership and oda key members say dem dey wrong as dem decide to give dat ticket to di north. Since di defeat of di party for di 2023 election, di party don witness a lot of crisis, defections and in-fighting. For one exclusive interview wit BBC Pidgin, Wike say di party no stand a chance for 2027 if dem no put dia house in order, even as e say e no get interest to run dis time around. Wike don tok say im no go contest for di 2027 election, sake of say im dey work wit di ruling party and e like am like dat. Wike howeva insist say e no go defect from di party. "I no go fit do dat kain tin, I no be fear fear man, I be weak man? how I go build house, you go come come frustrate me, make I comot, who go comot, na you go comot, I no gree you spoil house wey I build, I go dey dia." Wike bin accuse Oyo state Govnor Seyi Makinde say na im be di architect of di problems wey dey worry di PDP. For one statement on im X account, di former Rivers State govnor accuse key party leaders of betrayal, dishonesty, and serial violations of mutual understandings. E say non-compliance wit agreements wey dem reach for one reconciliation meeting wey former Senate President Bukola Saraki set up, na di reason for di wahala for di party, and e allege say Govnor Makinde na di "chief culprit of dis anomaly." Oga Wike also announce say im don pull out of all agreements wey dem don reach bifor, and im don decide to continue to fight until im get justice. PDP inside defection rofor-rofor Defection na one of di big crisis wey don hit PDP dis year and e no be like say e dey stop any moment soon. Three out of di six South-South states wey be traditional stronghold of di PDP for more dan 20 year, don witness serious threat sake of defection comot from di party. Recently, Sheriff Oborevwori wey be di Delta state govnor officially dump PDP to jump inside di ruling party APC. Some lawmakers for different states of di kontri to comot from di PDP go di ruling party and dis dey deal huge blow for dem ahead of di 2027 Nigerian election. Lekan Ige wey ogbonge political sabi pesin tell BBC Pidgin say PDP don lose dia popularity and stronghold for Nigeria sake of di plenti defection wey hit dem. "PDP bin dey in charge of 11 states but as di Delta State govnor don comot now, dem just dey in charge of 10. And rumours still dey fly say di govnors of Akwa Ibom and Rivers State fit still comot to join APC.
Bloomberg
22-05-2025
- Politics
- Bloomberg
Nigeria's Ruling Party Backs Tinubu for Second Term as President
Nigeria's ruling All Progressives Congress party has endorsed President Bola Tinubu as its candidate for the 2027 election, after top opposition leaders agreed to unite ahead of the ballot. Former Vice President Atiku Abubakar of the main opposition Peoples Democratic Party, the Labour Party's Peter Obi and former minister Nasir El-Rufai of the Social Democratic Party agreed to join forces under the African Democratic Congress in the next election.
