Latest news with #BBCHausa
BBC News
4 days ago
- General
- BBC News
Nigerian air force mistakenly bomb vigilantes for Zamfara
Pipo wey dey some villages for Maru Local Goment Area for Zamfara State, northwest Nigeria, don tok say na 20 pipo die as bandits attack dem, and Nigerian army jet wey come fight di bandits drop airstrike wey kill pipo. Di villagers tok say di bandits carry more dan 50 pipo from di village wey dey work for farm, but di army jet wey come help, mistakenly kill some local vigilante wey dey try fight di bandits. Pipo for Mani area of Maru Local goment tok say di bandits wey ride come wit motorbike attack dem for afternoon wen dem dey farm. Dem tok say as di bandits reach, dem begin shoot anyhow and carry some pipo comot. One pesin wey no wan make dem call im name tell BBC Hausa say dem dey go help di pipo wey bandits attack wen di army jet come, but di jet begin shoot dem and kill some. Di man tok say, "Di bandits carry 50 pipo but as di army jet see us dey go help, e fly low begin shoot. Eviribodi run for im life and even us wey dey alive na God save us, sake say we lie down for ground." "We lie down like say dem shoot us too, and wen di jet comot, we stand up run go save ourself." Anoda pesin wey tok to BBC beg goment make dem help dem well well becos di bandits tok say dem go come back again. E tok say, "We dey beg goment make dem send more security come protect us. But make di security pipo sabi say sometimes dem dey mistakenly kill our pipo, make dem dey check well befor dem act." "We tell security afta di attack, but na so di jet just come kill our vigilante pipo." Up till now, Nigerian army neva tok anytin about wetin happun. For January 2025, Nigerian army jet mistakenly kill 16 pipo, including vigilante and farmers, for Tungar Kara village for Zamfara State becos dem tink say na bandits. Still for December 2024, anoda airstrike kill 10 civilians for Sokoto State, and di state govnor tok say na mistake wey affect innocent pipo.
BBC News
26-03-2025
- Politics
- BBC News
Four major drama dem wey don happen under Senator Godswill Akpabio 10th senate
Di senate hearing wey happen on Tuesday for di petition wey Senator Natasha Akpoti-Uduaghan bin write against di senate president Godswill Akpabio, end wit drama and gbas-gbos. Dis na as one of di senators, Onyekachi Nwebonyi para for former Minister of Education, Oby Ezekwesili, wey also attend di hearing to show solidarity wit Senator Akpoti-Uduaghan. Di incident na one of di many times wey di current 10th senate don charge for drama in less dan two years since dem start work. Hia na some of di notable ones: Nwebonyi vs Ezekwesili Dis na di latest gbas-gbos wey happun for di senate wia di two public figures - Nwebonyi and Ezekwesili - bin exchange words anyhow for national TV. Di event na for di senate panel wey suppose investigate di sexual harassment accuse wey Senator Natasha Akpoti-Uduagha bin accuse di Senate President Godswill Akpabio. Ezekwesili bin tell Nwebonyi to "shut up" as e wan interject during di process, and in response Nwebonyi tell am say "You be fool". Di matter come hot reach wia Ezekwesili tell Nwebonyi say "you be disgrace to di senate" and Nwebonyi tell am say "you be disgrace to womanhood". Later for one TV interview, Ezekwesili explain say why she bin tell Nwebonyi to shut up na becos di head of di panel bin don tell dem say dem no dey allowed to speak, yet di senator just dey talk "witout any form of an equivalent treatment". She add say di reaction of di senator na example of di "disrespectful behaviour" of some public officials for di kontri. Nwebonyi, wey be di deputy chief whip of di senate, also grant interview wia e tok say e no regret as e change am for Ezekwesili. "I give am to her. E dey fair for her to address me dat way? As a former minister of di federal republic and a grandmother, ask her first," Nwebonyi tok. Las las, di hearing no later go on as chairman of di panel, Neda Imasuen, tok say di matter don dey for court and so di senat no go fit chook mouth on top. Senate vs Abdul Ningi In March 2024, Abdul Ningi wey dey represent Bauchi Central for di Senate accuse di Nigeria senate say plenty wuruwuru dey for di budget of 2024 wey di senate bin pass in December 2023. For one interview wit BBC Hausa, Ningi allege say more dan N3.7 trillion no dey tied to any specific project for di 2024 budget. E say out of di total budget amount of about 28 trillion, sabi pipo find out say di money wey dey attached to specific projects na only about 25 trillion. "Di remaining three trillion, wia dem come from?" Dis accuse cause plenty gbas-gbos for di senate plenary of 12 March 2024, as di Senate Leader Opeyemi Bamidele insist say Ningi bin lie to di press so dat di public go put pressure on di Senate President Godswill Akpabio to resign. "You no go allow dis deliberate mischief by Ningi to go away. E do am on purpose. E know say na lie. E wan set di public against you, and e go do am again. We must apply our sanction," Bamidele tok. Akpabio later put am to vote and di senators agree to suspend Ningi for three months. However, dem later recall am bifor dat three months finish. Senate vs Ali Ndume In July 2024 anoda gbas-gbos incident happun for di senate chambers involving Ali Ndume, ranking senator wey dey represent Borno South in di north east region of Nigeria. Ndume bin grant one interview wia e tok say President Bola Tinubu no dey aware of di kind hunger and suffering wey pipo for Nigeria dey go thru, bicos "di pipo for Aso Rock don cage di President". Dis tok vex di leadership of di All Progressives Congress (APC), di party wey both Tinubu and Ndume belong, sotey di party national chairman Abdullahi Ganduje write letter to senate and tell dem to comot Ndume from im position as di Senate Chief Whip. Dem accuse Ndume say e dey "bent on dividing di kontri" and say e no dey paint di kontri well for di international community. Di Senate President Akpabio put di matter to vote and majority of di senators vote 'aye' and dem comot di chief whip position from Ndume give am to Tahir Monguno, anoda senator from Borno State. To compensate Ndume, Akpabio make am chairman of di Senate Committee on Tourism. Senate vs Natasha Akpoti-Uduaghan Dis particular gbas-gbos don throw up plenty oda matter, including di accuse of sexual harassment against di Godswill Akpabio, di senate president, but wetin start am na sitting arrangement wahala. Na during di senate plenary of Thursday, February 20, 2025, wen madam Akpoti Uduaghan bin vex and para for evribodi wen she find out say dem change her sitting position. According to her, dem carry her go for one corner of di senate wia nobody go dey notice her even wen she raise her hand to contribute to ongoing discussion. Akpoti-Uduaghan also say nobodi tell her say dem go change her position only for her to come in for plenary and see am. She para sotee Akpabio bin ask di security pipo to escort her comot from di chambers, but oda senators bin intervene for di matter. However, many senators wey later chook mouth for di matter say dat na normal procedure for di senate. "Sitting position fit change anytime and na di senate president get power to assign am, and e no need to inform anybodi or take permission from anybodi. Dem don change my sitting position two times for dis 10th senate and I no make noise about am," Orji Uzor-Kalu, former Abia State governor and current senator representing Abia North, tok for one interview.
BBC News
02-03-2025
- Politics
- BBC News
Negotiations for peace deal wit bandits go fit solve Nigeria insecurity palava?
For about four months now, peace don return for Birnin Gwari local goment area of Kaduna state, northern Nigeria, afta one peace agreement di state goment reach wit di bandits wey bin dey terrorize di area. Di bandits bin agree to drop dia arms and stop dia reign of terror for in and around di state. For November 2024, di Kaduna state govnor, Uba Sani bin receive wetin e call "repentant bandits" as part of im goment initiative to build bridges and subsequently get di bandits to lay down dia arms. E say dem no give di bandits any money but dem humble dem through open, honest dialogue. "Through numerous meetings and extensive discussions, we don build bridges of trust. Several senior bandit leaders don lay di arms and embrace peace, along wit dia followers. Bifor di agreement, Kaduna state bin dey under intense attacks from bandits wey dey terrorize di state, especially for Chikun, Kagarko, Giwa, Kajuru, and Birnin Gwari local goment areas of di state. Dia oda areas of attack na major highways. These bandits no only dey tiff and kill, but dem dey kidnap pipo too, plenty school children become victims of dia terrors. Why Govnor Uba Sani for Kaduna negotiate wit bandits? However, dis no be di first time wey goment for some states of Nigeria don make peace wit bandits wey dey operate for di region. Some state govnors for di northern part of Nigeria wey dey face security wahala don tok say dem dey open to negotiate wit insurgents for dia region. Similar negotiation happun during di time of former governor of Zamfara state, Bello Muhammad Matawalle. E work for some time but later di bandits return to dia banditry work. Di question wey some Nigerians dey ask be say, dis negotiation fit last forever? Wetin make dis negotiation different from di ones wey dem don do before? And whether e go get any effect for di future? Kaduna State Govnor, Senator Uba Sani, don reveal why im administration decide to do peace deal wit di bandits wey dey terrorize some parts of di state. For one interview wit BBC Hausa service, Sani say di decision to do dialogue na sake of di pipo wey beg for di violence stop, especially di residents wey di wahala don affect well well. "Na di pipo wey di violence dey affect na dem call for di dialogue. For example, di Emir of Birnin Gwari don come wit im pipo to beg for dialogue. When I ask am im reason, e tok say our communities don suffer from di banditry wahala, and e don lead to di deaths of plenty pipo and hundreds of our pipo don dey kidnapped for more dan ten years now, wit no lasting solution." Di govnor still tok say di appeal by di leaders of di communities, im meet wit important stakeholders, including di National Security Adviser, Nuhu Ribadu, bifor e finally decide to start di peace deal. Di negotiation wit bandits go fit bring lasting peace for northern Nigeria? For dis matter, some security experts dey see am as beta development if dem put correct measures in place, e fit bring lasting peace for di northern region wey don dey battle insecurity for ova ten years. Dr Yahuza wey be security expert and di managing director for Eagle Integrated Security and Logistics Company for Abuja, Nigeria capital believe say any measure wey dem fit take to avoid bloodshed suppose dey welcome since e fit bring peace, and di money wey dem dey use fight insurgents fit be use build infrastructure. "Any measure wey fit bring peace and help stop bloodshed, I tik say e good one. We know say di Minister of Defence, Badaru Abubakar, don go some states including Birnin Gwari region wia e tell di leaders, including di govnor of Kaduna state, make dem find ways to bring peace for di state." E tok say di bandits na Nigerians, which mean say dem fit go live dia lives for community. "Dis bandits na Nigerians too, and some of dem fit get talent wey go fit benefit di country if negotiation happun between both sides. Because e go bring peace for di community." "Di peace wey dey Birnin Gwari right now na proof say di peace tok fit produce beta result." Dr Getso add say, e good make Katsina, Zamfara, Sokoto, Kebbi plus oda Nigerian states wey dey face insecurity wahala try di same measures wey Kaduna state goment don use to bring peace for dia region. "Why we no try apply di same tin for Sokoto, Zamfara, and Katsina, since up till now peace never still dey these regions, even though goment dey spend plenty money to bring peace? "If dem negotiate, dem fit use di money for beta things like getting more infrastructure." Oga Getso tok. E add say if dem take correct measures during di negotiation, including know who di bandits be and who di victims be, e go really help bring lasting peace. Wetin be di implication? Dr Yetso tok say di only implication e tink dis negotiation fit bring na if authorities no take good measures during di negotiation and if di remaining states wey dey experience insecurity refuse to do dialogue wit di bandits, becos di terrorist fit move from Kaduna to oda states do dia operations. "Di implication be say if di authorities no put measures in place di problem fit come back". "Anoda implication be say if di oda states no take di same measures dos pipo fit comot from Kaduna go oda places like Kebbi, Sokoto, Zamfara do dia dirty work and then comeback Kaduna do dia normal life." Nigeria northwest region don see increase in attacks from bandits and armed groups in recent years. Data from Nigeria National Bureau of Statistics record nearly 615,000 deaths in attacks between May 2023 and April 2024, and di northwest carry di highest number wit more dan 200,000 killings.
BBC News
09-02-2025
- Politics
- BBC News
To settle my papa and Govnor Uba Sani no be my job – Bello El-Rufai
From di time wey signs begin dey show say di fight between Kaduna State Govnor, Uba Sani, and former govnor of di state, Malam Nasir El-Rufai, dey increase, El-Rufai son bin don dey tok im own on di mata. Bello El-Rufai, di member of di House of Representatives wey dey represent Kaduna North constituency, tok for di BBC Hausa Madina Maishanu, for Mahangar Zamani program, say, im no happy wit how tins take dey between former govnor Nasir El-Rufa'i and di curent govnor of di state, Uba Sani, unto di positions wey di two men get for im life. Misunderstandings catch fire between di former govnor and im successor less dan one year afta dem form new goment for Kaduna State. Governor Uba Sani don first complain about di plenti debt wey di former govnor allegedly leave for am, as im say di state goment no fit even pay salaries of im workers wit di small funds dem dey receive. Di state House of Assembly later launch one investigation into El-Rufai goment over allege irregularities from borrow-borrow and diversion of N423 billion without any proper explanation . However, di former govnor deny all di accuse, come open one court case to challenge di state Assembly. Bello El-Rufai tok say: "E no dey pleasant for us, even if someone na my enemy, I no like to see am dey fight anoda enemy, I want peace." Bello bin also link di situation to how life fit change at any time, "marriages dey break up, friends stop to be friends, na just say friendships no suppose end no mata di kain of conflict dey get into." Wetin unite dem? Bello tok say im no really know wetin join im papa wit im former boss, and im no tink say dem dey fight each oda sake of say e never hear any of dem come out and insult di oda in front of am. According to am, e no even know if di alleged fight dey real as pipo dey report am. "None of dem tell me anytin about di conflict, I just realize say e dey over now." Bello also yarn say pipo dey make di conflict worse pass wetin actually dey happun wit di mind to turn am into one major conflict. "Pipo wan am to be like Dramendra and Amitabh Bachchan [from one Indian film] fight, and some pipo dey call to hear more about wetin bin happun." Many pipo for long don dey wan hear from Bello about im closeness to di state governor. For years wey don pass, Bello bin serve as im deputy and na im bin advise am to run for parliament, according to wetin im bin tell BBC. However, opposite to Bello claim say di two no dey tok bad tin about di oda for im presence, dis week, Mallam Nasir El-Rufai bin respond strongly to Uba Sani on social media over some of di govrnor comments wey im bin no like. Di two men, wey bin be each oda political support, don dey fight demsef since di change of goment and di tensions bin rise afta Uba Sani become govnor. Na dat time di tok to investigate El-Rufai goment and how im administration spend money during im tenure begin rise, situation wey show signs of conflict between dem. Di incident surprise many pipo as political observers believe say El-Rufai dey get hand for Uba Sani victory for di governorship race. Bello say for im opinion,dis no mean anytin becos to do research no be crime, but if dem do am without any purpose, na violation of God. "Investigation no be for anyone, but if you dey investigate for injustice or to insult pesin or sake of say pesin don wrong you, den God go punish you. God go forgive you everytin but I no go infringe on anybody rights." Dem fit dey divided? Wen we ask if e think say e fit reconcile dem, Bello tok clearly, "By God, no be my job, my job na to focus on helping di pipo of Kaduna North constituency." E bin show say im want peace and say e for like am between dem. "I like peace and to maintain trust. If pesin touch me, we go argue wit dem, but no be outside, but dis na me." Bello finally show say possibility dey to bring back peace between di two, as im emphasize di position of di two of dem and how im dey pray for peace between dem. "For me, no one beta pass Mallam Nasiru politically. Im bin only put im work first and na so I wan be. Na my papa, papa na papa." "And about Govnor Uba Sani, all di pipo wey dey wait for me to say sometin about am, dem go surprise." For many states for Nigeria, similar situation kontinu to occur, wia tension dey for relationship between former govnors and di pipo wey dem bin support to succeed dem. One wey catch fire pass na fr Rivers State between di current govnor, Siminalayi Fubara and di current Minister of di FCT, Nyesome Wike.
Yahoo
05-02-2025
- Yahoo
Seventeen pupils burnt to death in Nigeria school fire
At least 17 children have died in a fire at an Islamic school in northern Nigeria. Several other pupils were injured and rushed to health centres in the town of Kauran Namoda, Zamfara state, for treatment. It is believed that the fire broke out in a nearby house on Tuesday night and spread to the school while the children, believed to be teenagers, were sleeping. Local authorities and emergency responders were sent to the scene, but the fire had already resulted in significant casualties. Eyewitness Yahaya Mahi told BBC Hausa the location of the school made it difficult for those trying to stop the fire. 'Even if the firefighters had come on time, reaching the house would've been difficult due to the tight road leading to the house,' he said. Local official Mannir Haidara said other Islamic schools would be inspected to make sure they were not a fire risk. 'We'll take measures to prevent another occurrence of this nature,' he said. The father of one of the victims told BBC Hausa that he was devastated but his faith in God was comforting him at this time. Five sentenced to death in Nigeria over 'witchcraft' murder Tems sees off Yemi Alade and Burna Boy to win Grammy 'We dig graves for free, like our fathers did before us' Go to for more news from the African continent. Follow us on Twitter @BBCAfrica, on Facebook at BBC Africa or on Instagram at bbcafrica Africa Daily Focus on Africa
