Latest news with #NigeriaFootballFederation

BBC News

Former Nigeria captain and coach Christian don die at di age of 74

Former Super Eagles captain and head coach Christian Chukwu don die at di age of 74 on Saturday 12 April. Di Nigeria Football Federation (NFF) announce dis informate on Saturday. "Di Nigeria Football Federation don express deep sorrow afta e dey confirmed say Christian Chukwuemeka Chukwu, wey bin captain Nigeria1980 Africa Cup of Nations-winning squad and later coach di team, bin die for im native city of Enugu on Saturday. Im be di first Nigerian captain to lift di African Nations Cup trophy afta a 3–0 victory over Algeria for di final of di 1980 tournament for Lagos. Chukwu bin assist Dutch coach Clemens Westerhof wen Nigeria win a second Afcon title for 1994 en route to di country's maiden appearance at di 1994 USA World Cup. Di Enugu-born legend bin also lead di Super Eagles to a third-place finish at di 2004 Africa Cup of Nations for Tunisia. We dey update dis tori