9 hours ago
Robin Padilla, naghain ng resolusyon para huwag nang dinggin ng Senado ang impeachment case vs VP Sara Duterte
Hindi pa man opisyal na nagsisimula ang impeachment proceedings ng Senado bilang impeachment court sa kaso laban kay Vice President Sara Duterte, naghain na ng resolusyon si Senador Robin Padilla para hindi na itong dinggin.
Sa Senate Resolution 1371, inihayag ni Padilla na magtatapos na "sine die" sa Biyernes, June 13 ang 19th Congress at, "all pending matters and proceedings shall terminate upon the expiration of one (1) Congress."
'Whereas, the Articles of Impeachment against Vice President Sara Zimmerman Duterte is one such pending matter, and the consideration thereof is one such pending proceeding,' paliwanag sa resolusyon.
'(F)rom all the foregoing, it is indubitably clear that the matter of the Articles of Impeachment against Vice-President Sara Zimmerman Duterte and its consideration by the present Senate cannot be fully accomplished by the expiration of the Nineteenth Congress on 30 June 2025, thereby resulting in its termination,' patuloy nito.
Nitong nakaraang Pebrero nang i-impeach ng mahigit 200 kongresista sa Kamara de Representantes si Duterte.
Kabilang sa mga alegasyon na ibinato laban sa kaniya ang betrayal of public trust, culpable violation of the constitution, graft and corruption, at other high crimes.
Kung mapapatunayang nagkasala, mapapatalsik sa kaniyang puwesto si Duterte.
Gayunman, itinanggi ng pangalawang pangulo ang mga alegasyon laban sa kaniya.
SIMULAN NA ANG PROSESO
Kaugnay nito, naghain ng mosyon ang grupo ng minorya nina Senate Minority Leader Aquilino "Koko" Pimentel III at Senator Risa Hontiveros, na simulan na ng Senado ang proseso upang maging impeachment court ang kapulungan.
'Mr. President, my dear colleagues, any further delay not only undermines the explicit mandate of the Constitution and our rules. It risks eroding public trust in the Senate's capacity and capability to uphold the accountability of public officers and the rule of law,' saad ni Pimentel sa plenaryo nitong Lunes.
Sa mosyon ni Pimentel, iminungkahi niya ang mga sumusunod:
suspendihin ang mga legislative business ng Senado;
buuin na ang Senado bilang impeachment court;
panumpain ang Senate President bilang presiding officer sa impeachment court;
panumpain ng Senate President/presiding officer administer ang mga senador bilang impeachment judges;
itakda ang calendar para sa impeachment trial;
at sa June 10, 2025, sa ganap na 2 p.m. gagawin ng impeachment court para sa presentasyon at pagbasa sa articles of impeachment ng panel of prosecutors mula sa Kamara; at
magpalabas ng writ of summons sa inaakusahang opisyal.
Sinuportahan ni Hontiveros ang mosyon ni Pimentel pero sumalang muna ito sa mahabang diskusyon ng mga senador bago pagbotohan.
'Mr. President, my dear colleagues, any further delay not only undermines the explicit mandate of the Constitution and our rules. It risks eroding public trust in the Senate's capacity and capability to uphold the accountability of public officers and the rule of law,' ani Pimentel.
'Not only do many believe that the Senate is heading to a no-trial scenario, worse, many have opined that simply by inaction or by merely refusing to convene as the impeachment court, the Senate seems to believe that it can effectively dismiss or defeat an impeachment complaint duly filed and transmitted by the House of Representatives,' dagdag pa niya.– mula sa ulat ni Giselle Ombay/FRJ, GMA Integrated News
