14 hours ago
Court sentence Timileyin Ajayi to death by hanging for killing Salome Adaidu
Di High Court for Lafia, Nasarawa State, don sentence Oluwatimileyin Ajayi to death by hanging for di death of National Youth Service Corp member Salome Adaidu.
Justice Simon Aboki wey preside ova di case sentence di suspect on Thursday.
Di judgment find Oluwatemileyin Ajayi guilty of killing and dismembering (cutting to piece) di late Salome Adaidu.
Dem bin charge Ajayi wit one count of culpable homicide contrary to Section 221 of di Penal Code of Northern Nigeria wey dey punishable by death.
Di late Salome mama bin tell BBC Pidgin say 'Salome na my husband since my husband die, I want justice for my daughter'
Di suspect Timileyin Ajayi bin plead not guilty for court wen di hearing bin start.
We still dey update dis tori.
