أحدث الأخبار مع #studio77
المصري اليوم
منذ 8 ساعات
- ترفيه
- المصري اليوم
عمرو سلامة: تشجيع الزمالك ضار بالصحة أكثر من السجائر (فيديو)
كشف المخرج عمرو سلامة ، عن انتمائه الكروي، موضحًا أنه يشجع نادي الزمالك، موضحًا أنه امتنع لفترة دامت 9 سنوات عن مشاهدة مباريات الفريق. وقال عمرو سلامة في تصريحات لبودكاست «فايق ورايق»، المعروض على «studio 77»، تقديم الإعلامي إبراهيم فايق: «أنا قعدت 9 سنين مبطل سجاير وزمالك، 9 سنين لا نفس سيجارة ولا ماتش زمالك، الزمالك ضار أكتر بالصحة، عندي نظرية، الزمالك شبه مصر أوي، الأهلي دا المؤسسة الوحيدة اللي في مصر مش شبه مصر، الزمالك شبه مصر إنه بيديك أمل في لحظات تبقى فاكر إن الدنيا لسه سودا، ويحبطك في لحظات قمة الأمل». وأضاف: «هو على طول بيلاعبك، دي درامته، دي جمال الدراما، إن إنت تبقى فاكر إنها سودا، تلاقي نفسك كسبت السوبر، تبقى جايب فريق الأحلام وماتشمش دوري، أواخر التسعينيات كدة، أنا الحمدلله إني حضرت فقرتين، أنت ممكن تطلع زملكاوي عشان أبوك زملكاوي، عشان أصحابك في الفصل كانوا زملكاوية». وتابع: «إنك تكمل زملكاوي دا اختيار، إنك تكمل أهلاوي دا سهلة، الزمالك قادر يخليك تفقد الأمل في الكرة، فإنك تكمل زملكاوي متحمس دا معناه إنك شخص عندك قلب متعاطف جدا، عندك ولاء جدا، صبور وحمول جدا بتعرف نوع الأدوية اللي تاخدها والقدرة على مواجهة الظروف الصعبة والقدرة إنك تقف بعد ما تقع، أكيد أي شخص مكمل زملكاوي متحمس فيه صفات مشتركة هتلاقيها فيهم، وإنك تبقى بتتعاطف مع الطرف الأضعف».
المصري اليوم
منذ 8 ساعات
- ترفيه
- المصري اليوم
بعد 5 سنوات من عرضه.. مخرج «ما وراء الطبيعة»: «فكرته بدأت وأنا عندي 9 سنوات»
كشف الفنان عمرو سلامة ، مفاجآت عن مسلسله «ما وراء الطبيعة»، بطولة الفنان أحمد أمين، الذي تم عرضه عام 2020، على منصة «نيتفليكس»، المقتبس من روايات الكاتب الراحل أحمد خالد توفيق. مسلسل ما وراء الطبيعة :«بدأ وأنا عندي 9 سنوات» قال عمرو سلامة، خلال استضافته في بودكاست «فايق ورايق»، المعروض على«studio 77»:«فكرة ما وراء الطبيعة من وأنا عندي 9 سنوات عايش في السعودية، ولفت نظري إن مكتوب عليها رواية مصرية، لأن كنت عايز حاجة تفكرني بمصر، وكان أول كتاب اقرأه كان ما وراء الطبيعة، وكل ما العدد ينزل بجري على المكتبة عشان أشتريه، واتعرض عليا أعمله في 2004 و2008 بس كان بشكل مختلف». وأضاف: «في 2018 كنت قاعد في أمريكا مع رئيس قطاع الإنتاج في نيتفليكس واحدة هندية، وهي معروف عنها إن أهم حاجة عندها طريقة تقديمي للعرض، وقالتلي إن أهم حاجة عندي شغفك مش مشروعك، وقعدت 3 سنوات شغال على مشروع واحد، ودي حاجة عمها ما بتحصل في الشغلانة، وبذلت مجهود في المسلسل عمري ما عملته في عمل تاني».
المصري اليوم
منذ يوم واحد
- ترفيه
- المصري اليوم
بطولة أحمد حلمي.. عمرو سلامة: لست راضيًا عن إخراجي لهذا الفيلم (فيديو)
تحدث المخرج عمرو سلامة ، عن تجربته في إخراج فيلم «صنع في مصر»، بطولة الفنان أحمد حلمي، موضحا أنه غير راضٍ عن أدائه في هذا العمل. أخبار متعلقة عمرو سلامة يكشف تفاصيل بداية معرفته بأحمد فهمي وشيكو وهشام ماجد بعد 8 سنوات.. عمرو سلامة يكشف سرًا عن «شيخ جاكسون» وأحمد الفيشاوي خارج سيطرتنا.. عمرو سلامة يرد على منتقدي مسلسل «برستيج» وقال عمرو سلامة، خلال استضافته في بودكاست «فايق ورايق»، تقديم الإعلامي إبراهيم فايق، المعروض على «studio 77»:«فيلم صنع في مصر أنا شايف إن شغلي فيه وحش، وأنا مش راضي عنه كنت ممكن أعمل أحسن من كده، لأن كل حاجة فيه مسؤوليتي، الناس محبتش نوع الكوميديا اللي فيه، ولما اتفرجت على أول نسخة من الفيلم، قولت أنا أخفقت». أحدث أعمال عمرو سلامة، مسلسل برستيج، الذي تم عرضه على منصة يانجو بلاي، المكون من 8 حلقات، بطولة محمد عبدالرحمن توتا ومصطفى غريب .
المصري اليوم
٠٩-٠٥-٢٠٢٥
- ترفيه
- المصري اليوم
«كانت معترضة عليا».. سامي مغاوري يكشف تفاصيل أزمته مع سعاد حسني (فيديو)
كشف الفنان سامي مغاوري ، تفاصيل أزمته مع الفنانة الراحلة سعاد حسني، في بداية دخوله مجال التمثيل، ومشاركته في أحد أفلامها. وقال سامي مغاوري في تصريحات لبودكاست «فايق ورايق»، المعروض على «studio 77»:«المخرج محمد فاضل رشحني عشان أشارك في فيلم بطولة عادل إمام وسعاد حسني، ووقتها كنت لسه بادئ في التمثيل، والشركة المنتجة واستاذة سعاد كانت معترضة عليا عشانوا عايزين حد عنده خبرة أكثر مني لأن كنت واخد دور مهم في الفيلم، والمخرج محمد فاضل كان متمسك بيا وكان ممكن يسيب الفيلم لو حد مكاني جيه». وأضاف:«في أول يوم تصوير صورت المشاهد مع استاذة سعاد لكن مكلمتيش ولا كلمة وسلمت على اللوكيشن كله إلا أنا، وتاني يوم أنا كنت في الأوضة قاعد بحفظ المشهد بتاعي، وسمعت صوتها لما دخلت اللوكيشن، وقالت فين استاذ سامي، فانا طبعا وقتها استغربت وفرحت، ودخلتلي وقالتلي تعالى نحفظ مع بعض، واقتنعت بيا بعدها».
بوابة الفجر
٠٥-٠٥-٢٠٢٥
- ترفيه
- بوابة الفجر
مي سليم تكشف عن صعوبات التربية الحديثة مع ابنتها: "فاضل إني يجيلي جلطة"
في حلقة جديدة من بودكاست «اللعب مع الكبار» المعروض عبر منصة «studio77»، استضاف الإعلامي رامي رضوان الفنانة مي سليم برفقة ابنتها لي لي، في لقاء خاص شهد حديثًا صريحًا عن تحديات الأمومة وتفاصيل العلاقة بين الأم وابنتها. تصريحات مي سليم وخلال اللقاء، فتحت مي سليم قلبها وتحدثت عن الضغوط التي تواجهها كأم، قائلة: "أنا ولا بضرب ولا بعلي صوتي قدام صحابها ولا ورا صحابها عشان التربية الحديثة.. التربية الحديثة بتقول لك ماينفعش وما ينفعش وأنا موافقة.. فاضل إني يجيلي جلطة أو أمشي على مهدئات". وأوضحت أنها تحرص على التحدث مع ابنتها على انفراد عند حدوث أي مشكلة، لكنها تواجه تكرار التصرفات نفسها، معلقة: "لما حاجة تحصل وصحابها موجودين باخدها بعيد وأكلمها لكن الموضوع بيتكرر". من جانبها، كشفت لي لي عن الأمور التي تزعج والدتها، قائلة: "علشان مش بذاكر كتير، والقعدة على الموبايل كتير، وخروج مع صحابي كتير أو أرجع متأخر، وبتتعصب قدام صحابي وأنا مابحبش كده". مي سليم آخر أعمال مي سليم على الصعيد الفني، تواصل مي سليم نشاطها، إذ طرحت مؤخرًا أحدث كليباتها بعنوان "إتعلقت بيه"، من كلمات خالد فرناس، وألحان ياسر نور، وتوزيع عمرو عبد الفتاح. كما شاركت في مسرحية "المجانين" بطولة الفنان محمد هنيدي، ضمن فعاليات موسم الرياض، إلى جانب مشاركتها في الموسم الرمضاني 2025 من خلال المسلسل الإذاعي "هايدي ونوفل"، الذي تم بثه عبر إذاعة الراديو 9090، وشاركها البطولة محمد نشأت وإيناس عز الدين.
