أحدث الأخبار مع #المريخاب
WinWin
منذ 9 ساعات
- رياضة
- WinWin
3 ظواهر سلبية من مشاركة المريخ في الدوري الموريتاني
اقترب المريخ من إنهاء مسيرته بمسابقة الدوري الموريتاني في نسخة استثنائية، شهدت ظهورا ضعيفا وتراجعا واضحا للفريق على صعيد النتائج والمستوى الفني، دفع خلالها ثمنا غاليا لرحيل كبار نجومه وتعدد المدربين. ورافقت مسيرة "الزعيم الأحمر" بمشاركته في الدوري الموريتاني برفقة الهلال ظواهر وأرقام سلبية نستعرضها مع متابعي winwin عبر التقرير التالي. أرقام سلبية غير معهودة لنادي المريخ وسجل "النادي الأحمر" أرقاما سلبية غير معهودة، حيث تعثر في 16 مباراة من مجمل 28 خاضها بمسابقة الدوري الموريتاني بالخسارة في 9 مباريات والتعادل في 7، محققا 12 فوزا فقط، فيما استقبلت شباك "المريخاب" 24 هدفا كأعلى معدل أهداف تهتز بها شباك الفريق في تاريخ مشاركاته بمنافسة محلية. بالمقابل اكتفى رفاق القائد رمضان عجب بإحراز 36 هدفا فقط، بمعدل يزيد قليلا عن هدف في المباراة الواحدة، ليسجل الفريق أسوأ ظهور له في مسابقة محلية عبر تاريخه خلال 98 عاما. إيقافات مستمرة وغيابات متعددة واستمرارا للظواهر السلبية التي لازمت رفاق القائد رمضان عجب فقد سجل الفريق أسوأ سلوك للاعبيه داخل الملعب وسجل نجومه غيابا مستمرا أزعج مدربي الفريق بسبب البطاقات الملونة، وسجل الفريق 3 حالات طرد بالبطاقة الحمراء المباشرة، وتوقف 8 لاعبين بسبب تراكم البطاقات، فيما تعرض لاعبان من الفريق لعقوبة مضاعفة بعد توقيفهم مرتين بالمنافسة، لتشهد مباريات الفريق غيابات مستمرة للاعبين، مما تسبب في عدم استقرار التشكيل الأساسي. تعدد المدربين وتغيير مستمر في اللاعبين وامتدادا للظواهر السلبية فقد شهد الموسم الحالي للعملاق السوداني قبل نهايته، تغيير 4 مدربين مع تبقي 9 مباريات في منافستي الدوري الموريتاني ودوري السوبر السوداني، كما شهد الفريق انتداب عدد قياسي من اللاعبين بلغ 35 لاعبا خلال فترتي الانتقالات الشتوية والصيفية، مع الاستغناء عن عدد مماثل من اللاعبين، كما عرف موسم المريخ رحيل صانع ألعابه أحمد حامد التش بإنهاء تعاقده من جانب واحد، كدليل على بيئة غير جاذبة بالنادي. 3 نجوم كبار يثيرون الحيرة والتساؤلات وسط جماهير المريخ اقرأ المزيد ويرغب "المريخاب" في تغيير الصورة السيئة التي ظهر بها الفريق، وإنهاء الموسم العصيب بشكل جيد وذلك بالتتويج بلقب السوبر السوداني الذي ينطلق أواخر شهر مايو الجاري على ملعبي كسلا والقضارف، وتستضيف المدينة الأخيرة مباريات الفريق حيث يستهلها بصدام عنيف مطلع يونيو/ حزيران المقبل ضد النادي الأهلي مدني أقوى المرشحين لمنافسة العملاقين المريخ والهلال على لقب البطولة.
سودارس
منذ 12 ساعات
- رياضة
- سودارس
نشر في كورة سودانية يوم 19 - 05
دوري (دبِّل ليهو)!! على ناس المريخ مجلس الإدارة والإخوة الأفاضل في المكتب الإعلامي للقلعة الحمراء أن يجهِّزوا منذ الآن تهنئة كبيرة قدر (الليلة وباكر)، تهنئة غليدة للهلال الذي فاز في ظروف الحرب ببطولة الدوري الموريتاني – السوداني (دبِّل ليهو) أو اقترب من ذلك بإذن الله بعد أن أصبح الفارق بين الهلال البطل المُتوّج أو المُشرف ووصيفه بطل الدوري على الأندية الموريتاتية نواذيبو (5) نقاط قبل نهاية الدوري بجولتين، مع مباراة إضافية مُؤجّلة للهلال. كلِّموا ناس المريخ يجهِّزوا تهنئتهم للهلال، يرفعوا إيدهم ويعلوا صوتهم ويقوموا يبشِّروا في العريس ويباركوا ليه بعد أن حقّق الهلال بطولة الدوري الموريتاني السوداني (دبِّل ليهو) في ظل الحرب المشتعلة في السودان والهلال يلعب غريباً أو ضيفاً على الدوري الموريتاني السوبر. فوز الهلال بهذا اللقب إن شاء الله سوف يكون تاريخياً، وهو سوف يكون لنا ذكرى خالدة بعد انتهاء الحرب الآن أو لاحقاً سوف نقول لأولادنا وأحفادنا إنّ الهلال أثناء الحرب فاز بالدوري الموريتاني – السوداني (دبِّل ليهو)، الحرب سوف تصبح ذكرى. تاريخية هذا اللقب (دبِّل ليهو) تأتي من كونه لم يسبق لفريق أن حقّق لقباً خارجياً بالفوز بدوري غير دوري بلاده، أعتقد ذلك، لا أقطع بهذا.. فليبحث لنا الدكتور علي عصام عن هذا الأمر هذا حدثٌ فريدٌ ونادرٌ وغريبٌ في نفس الوقت، خاصةً أنه يحدث في موريتانيا الدولة الشقيقة التي نحبها كثيراً، وقد أحببناها أكثر بعد أن شارك الهلال والمريخ في الدوري الموريتاني، فوجدنا من الإخوة الموريتانيين في كل القطاعات كل احترام وتقدير وحُب. الفوز بالدوري الموريتاني – السوداني (دبِّل ليهو) إنجازٌ عظيمَ للهلال سوف يُكتب في السجلات وهو حدثٌ لا أظنه سيتكرّر لنا أو لغيرنا بعد ذلك، ومن هنا تأتي غلاوته ربما يحدث ذلك كل مائة عام.. قوة الدوري الموريتاني تظهر في المركز الذي يحتله المريخ الآن سادس الدوري ولا أظن أنّ في إمكانية المريخ أن يتحسّن مركزه أكثر من مركزين، على أفضل الأحوال، كذلك أحسب أنّ الكرة الموريتانية مُتطوِّرة، كفى أننا شهدنا تنظيماً بديعاً للدوري الموريتاني وهو أمرٌ كنا نفقده نحن في السودان حتى قبل اشتعال الحرب وأتوقع أن يحدث تطورٌ أكبر في الدوري الموريتاني والكرة الموريتانية في السنوات القادمة بصورة أكبر، خاصةً أن ممثلي الكرة الموريتانية يتواجدون في كُبرى الأندية الأفريقية، وفي بعض الدوريات الأوروبية وسوف ترتفع رقعة تمثيلهم بصورة أكبر في الفترة القادمة، وسوف نقول كلما تُحقِّق الكرة الموريتانية نجاحاً، إنّ الهلال سبق أن فاز بالدوري الموريتاني – السوداني (دبِّل ليهو) أحفادنا ح يقولوا لينا دي حصلت كيف؟ ح نقعد نحكي ليهم. ح نقول ليهم الهلال كان عندو مدرب طلس مدرب قاعد ساكت جعل الهلال يصل لدوري الثمانية في البطولة الأفريقية، بعد غياب عن هذه المرحلة لمدة عشر سنوات، وفاز بالدوري الموريتاني – السوداني (دبِّل ليهو) وهو غريبٌ علينا، مدرب قاعد ساكت أكيد، ما في مدرب بفوز ليه بدوري (دبِّل ليهو) في موسم واحد. طبعاً من لهم رأي في فلوران من ناس الهلال ح يتفقوا لأول مرة مع المريخاب على أن الدوري الموريتاني ضعيفٌ، لا أعرف كيف يقول المريخاب ذلك على دوري يحتلون فيه المركز السادس (فضيحة السواد)؟! يتحدّثون عن ضعفه بعد أن خسروا فيه 9 مباريات، دوري خسروا فيه من رابع الطيش ومن ثالث الطيش ومن تاني الطيش ومن الطيش في عضمو، يبقى ضعيف كيف؟ حيث أصبح فارق النقاط بين الهلال والمريخ 17 نقطة وللهلال مباراة مُؤجّلة ستجعل الفارق إن شاء الله على أقل تقدير 20 نقطة. الكلام دا بعد النمير وبعد مدرب إيطالي ومدرب سوداني ومدرب صربي ومدرب مصري والفرق يمكن أن يكون بين الهلال والمريخ 20 نقطة، فضيحة السواد (دبِّل ليهو).. أتاريهم ناس أسامة عطا المنان وعامر عثمان كانوا ساترين فضائح.. كانوا شايلين بلاوي!!! 20 نقطة وبهاجموا في فلوران أتحدث عن ند الهلال فريق المريخ الذي يبقى كبيراً في كل الأحوال. دي ما حصلت قبل كدا الرقم القياسي بين الهلال والمريخ في الدوري السوداني كان مسجل بفارق 18 نقطة لصالح الهلال، هذا الموسم ممكن الفارق يبقى 20 نقطة!!! الفأر كان عندو دور!! فضيحة السواد!! (دبِّل ليهو). كلو من فلوران بعمل في حاجات غريبة.. إنت بتعمل في حاجات زي الورد.. (دبِّل ليهو). طيَبعاً المنتقدون لفلوران ممكن يقولوا ليك المريخ ضعيف وظروف الحرب وعدم الاستقرار الفني، طيب إنتوا يا فالحين وقت عارفين عدم الاستقرار الفني بعمل كدا، ليه بتطالبوا بالإطاحة بفلوران، عاجبكم عدم استقرار المريخ؟! (منطق غريب)، أما الحرب فهي كما وقعت على المريخ وقعت على الهلال.. إنتوا بتتكلموا عن الهلال السوداني وليس الهلال السعودي. وعن ضعف المريخ فالمريخ يبقى المريخ حتى لو شال الكورة وهرب. وهل هنالك ضعف أكثر من ذلك؟ فقد كان ذلك يحدث في السودان. أما من يُشكِّك أو يُقلِّل من قيمة الدوري الموريتاني من ناس الهلال، فنقول لهم إنّ الهلال لم يأتِ للدوري الموريتاني من الدوري الإنجليزي أو الإسباني، وإنما جاء له من الدوري السوداني الذي يعاني في البرمجة والتنظيم ويعاني في الملاعب والتحكيم، وإن كان يتفوق الدوري السوداني على نظيره الموريتاني في الجانبين الإعلامي والجماهيري.. لكن حتى على مستوى النقل المنتظم للدوري الموريتاني في القناة الموريتانية يتفوّقون به على القنوات السودانية التي كانت تنقل الدوري السوداني، مع حاجة القناة الموريتانية لمراجعات في النقل التلفزيوني، إذ تبدو الصورة بعيدة إلى جانب إشكاليات في الإخراج والإعادة، ودي برضو حاجات نحن بنعاني منها. أضف الي ذلك تقنية الفيديو المستعلمة في الدوري الموريتاني وغائبة في السودان، وهو أمر يحسب لهم. فنياً، ليس هنالك أي أفضلية للدوري السوداني على الموريتاني بل يمكن أن يتفوّق الدوري الموريتاني على السوداني في السرعة والقوة البدنية واللياقة. المهم يا جماعة الكلام دا بنرجع ليه تاني، بس كلِّموا ناس المريخ وذكِّروهم بتهنئة الهلال، خلوهم يجهِّزوا لينا تهنئة معتبرة.. تهنئة غليدة (دبِّل ليهو) نحن ممكن نسامح في أي حاجة إلا في التهنئة دي. الهلال حقّق بطولة مركبة بفوزه بالدوري الموريتاني السوداني (دبِّل ليهو)، فهو إلى جانب تغلبه وتصدره على كل الأندية الموريتانية، بما في ذلك نواذيبو الذي حقّق البطولة قبل هذا الموسم سبع مرات على التوالي، ليأتي الهلال ويتغلّب عليه في دوريه ويُحقِّق ما فشلت فيه كل الأندية الموريتانية، الهلال إلى جانب هذا الإنجاز هو تصدّر وتغلّب في البطولة الخاصّة التي تجمعه مع نده المريخ، بحساب المواجهات المباشرة وبحساب حصيلة الهلال في النقاط والأهداف في الدوري الموريتاني.. لهذا نطلق على الدوري الموريتاني – السوداني الذي يجمع بين القمة السودانية الهلال والمريخ والأندية الموريتانية دوري (دبِّل ليهو)، لأنّ الهلال حقّق البطولة دبل، الموريتانية والسودانية، دوري تربيع، لذلك نحن نُطالب بتهنئة ليها (ضُل) من ضُلنا حتى في الدوري الموريتاني غايتو الزول وقت يكون (ضُل) يكون ضُل طول عمره، في السودان وقت شالوا الكورة في أول بطولة للممتاز، وفي تنزانيا التي انسحب فيها المريخ من أمام الهلال في السوبر السوداني بعد التسخينة وفي سيكافا الأخيرة التي انسحبوا عنها أيضاً، وفي الدوحة (والي الدين)، وفي أبوظبي (النعسان)، وفي نواكشوط (الغربال).. ضُل في أي حتة، في أي زمان وأي مكان. عايزين تهنئة (دبل)، وقت بتعرفوا تهنوا ما بنخلِّيكم، زمان كنا بنلقى ليكم العُذر، لكن تاني ما عندنا ليكم عُذر. يلا هنوا يلا صفِّقوا كلكم. زمان كان عندنا قريبنا اسمو (عباس خلي الملامة عليّ)، كنا بنقول ليه كدا، عشان كان زول لوّام لوم شديد، محل ما يلاقيك بتكسر ليك لوم، مرات تزوغ منو، ومرات تخلي ليه الشارع، عشان لو وقّفك ما بفكِّك. يدور فيك لوم زي عريضة الطلاق!! عباس خلي الملامة عليّ، كان وقت يلاقيك في مناسبة زواج بمسكك في العقد ويقول ليك: إنت مالك ما بترد على تلفوني؟ تقول ليه ضربت لي متين؟ يقول ليك الشهر الفات، قبل 21 يوماً كدا تقريباً زي الساعة (7) صباحاً. تقول ليه (7) صباحاً ضارب لي مالك؟ إن شاء الله خير؟ (7) صباحاً لو ضربوا مصنع الشفاء ما بقوم، عاوز إنت وقت تضرب تلفوني أقوم أرد ليك!! يا راجل قول كلام غير دا. يقول ليك أبداً، بس كنت بتغالط مع المدام، الكبير إنت والّلا أخوك الكبير؟ وإنت عارف الغلاط دا ما بقعد لي بعدين.. ما بنتظرها إلى أن تشرق كويس. تقول ليه الغريبة رقمك مسجل عندي، لكن رقمك ما جاتني منو مكالمة. يقول ليك يجيك كيف؟ أنا ضربت ليك من رقم تاني. تقول ليه: والله ما عرفتك.. يقول ليك يعني إنت ما بترد على رقم غريب!!!؟ خلاص تاني بعمل ليك رسالة، قبل ما أضرب ليك، بس رد علينا، عشان الصباح دائماً أنا والمرا بنبدأ يومنا بالغلاط.. نقعد نتغالط كدا لامن تشرق، وبنحتاج ليك مرات في بعض المسائل. بنشرب الشاي بالغلاط بدل الزلابية. تقول ليه جداً. عباس خلي الملامة عليّ، مرات يلاقيك في المقابر، ويقول ليك: يا زول إنت مالك ما بتسلم، يوم داك شايفك من بعيد في المولد النبوي قدر ما رفعت ليك إيدي ما ردّيت عليّ، ولا عبّرتني، بعدين مالك ضعفت كدا؟ ضربك سكري والّلا دي الحرب؟ تتجاوز موضوع الضعفة دي وتقول ليه والله ما شفتك، أشوفك كيف في المولد مع الخلق دي؟ يقول ليك يا زول أنا كنت ظاهر، لابس طايقتي الحمراء، معقولة تكون ما شفتني. تقول ليه: والله ما شفتك. يقول ليك: خلاص عليك الله تاني طاقيتي الحمراء دي لو لاقتك في أي حِتّة أعرف طوالي دا أنا، عباس... عباس خلي الملامة عليّ بقول في الكلام دا والناس بتدفن، والميت بيسألوا فيه والمشيعون بيدعوا ليه. الفايق لي طاقيتك الحمراء منو؟ وعباس خلي الملامة عليّ مرات بتلقاه في الكورة، الجابو اليوم داك الاستاد شنو ما عارف؟ محل ما تقبِّل تلقاه قدامك متل البرّاد الصيني. الليلة الله يحلّنا. من اَشوفو بقنع من الكورة. يقوم يخلِّي الكورة ويمسكك إنت، ما تفهم أي حاجة في الكورة، من التسخينة يشبكك إنت ما سمعت بي التايا بنت جاب اللبن. تقول ليه التايا بنت جاب اللبن مالها؟ يقول ليك ماتت. تقول ليه متين؟ يقول ليك يا زول إنت قاعد وين؟ الزولة دا على الأقل كدا ماتت قبل خمس سنوات، أو سبع سنوات. تقول ليه ما سمعت بيها أصلاً أنا ما بعرفها. يقول ليك، عشان كدا أنا زعلان منك.. ما تعزيني في التايا بنت جاب اللبن؟ تقول ليه وإنت علاقتك بي التايا بنت جاب اللبن شنو؟ يقول ليك كيف؟ إنت ما بتعرف حسن تور الجك؟ تقول ليه ما بعرفو. يقول ليك ما بتعرف صلاح ود كترينا؟ تقول ليه ما بعرفو. يقول ليك طيِّب ما بتعرف تاج السر السنم؟ الزول دا هو وجدك المات سنة 64 قرأوا خلوة في الدامر.. قول ما بتعرفو كمان؟ كانوا دفعة واحدة !!.. أنا دفعتي ما عارفها، عاوزني أعرف دفعة جدي اللي مات سنة 1964م. تقول تتخارج منه عشان تأخذ ليك نفس بين الشوطين والله الجري الجريتو مع عباس خلي الملامة عليّ، حكم المباراة ما جراهو.. تقول ليه أيوه بعرفو… يقول ليك التايا بنت جاب اللبن القلت ما بتعرفها ديك.. تاج السر السنم بيبقى ليها خالها باللفة. تقول ليه وعلاقتك إنت بالموضوع شنو؟ يقول ليك كيف: العراقي بتاعي السمني المُشخّط خيطتو عند خال التايا بنت جاب اللبن الشفيع السنم أخو تاج السر السنم البتكلم ليك عنو من بداية المباراة لغاية ما الحكم الرابع ما رفع الزمن البدل الضائع. العراقي السمني بتاعي تعرفو؟ مرة ادّفق فيه شاي لبن الطيب سجلات عينو حارة مرة شافو، قال لي مالك قصير كدا؟ عامل زي فتيل الريحة لمن يكون في آخرو، تدسو في آخر الدولاب وقبل ما تتريّح منه تعاين ليه سمح في حسرة، من اليوم داك تاني ما شفت لي عافية أقوم وأقع من ملاريا لي تسمم زي شافع التسنين، الله يلعنو الطيب سجلات عينو زي اللجنة الشعبية ما بتريّح ليها زول.. زي لوح الطاقة!! تقول ليه: طيِّب البخليني أعزيك عشان خياطة عراقيك السمني شنو؟ كمان العراريق دخلت في صلة الرحم؟ والّلا عشان لونه سمني؟ تقوم تقيف فجأة، بعد ما روحك تطلع وأقول ليه خلاص أنا طالع، عشان ألحق المواصلات قبل الأبواب ما تزدحم، الزمن بدل الضائع دي عندك حاجة عاوز تقول ليّ فيه؟ يقول ليك أبداً، بس عليك الله لمن نضرب ليك رد على التلفون، عشان مرات أنا والمرا بنقعد نتغالط وبنرجع ليك في بعض المسائل. تقول ليه جداً.. وإنت طالع كدا، الحكم يصفر معلناً نهاية المباراة، بتشوف أقرب زول جنبك في المدرجات وإنت في الطريق للباب وتقول ليه: أسمع الكورة انتهت كم؟ الزول بعاين ليك كدا وبفتكرك من بتاعين الملح البدخلوا بعد ما يفتحوا الأبواب، وبقول ليك، الواحد طول وعرض ولابس نضيف، ويدخل ملح، إنتوا وقت بتحبوا الكورة ما تدفعوا. عباس خلي الملامة عليّ مرات بلاقيك في الفرن. بقول ليك إنت مالك ما بتكفِّر لي؟ تقول ليه مالك، أكفِّر ليك شنو، تراكا شديد ولضديد متل الحصان، يكفِّروا ليك في شنو؟ يقول ليك الأسبوع الفات كانت عاوز تقرصني عقرب، والله مرقت منها بي بنط.. مرقت منها بكرامة البليلة. تقول ليه: والله ما سمعت بيها، ولو العقرب لدغتك، كنا بنجيكم عشان نكفِّر للعقرب. بفتكرك بتهظر وإنت قاصدها!! تقوم تفوت تخلي العيش، خليهم يعملوا أي شئ، كسرة، قراصة، عصيدة، إن شاء الله ما نأكل، بس نتخارج من الفرن دا. وعباس خلي الملامة عليّ، مرات بلاقيك في المستشفى وإنت بين الحياة والموت، شغّال فحص وكشف، يمسكك في غرفة الموجات الصوتية، ويقول ليك: بنتي يخطبوها ما تبارك ليّ؟ تقول ليه، إنت عندك بنت؟ بقول ليك إيمان بنت عمتك خطبوها. تقول ليه وإنت علاقتك بي إيمان بنت عمتي شنو؟ يقول ليك إنت ما عارف إيمان دي زي بنتي، أكلت سمايتها وشربت شاي اللبن في السماية حقّتها بالزلابية، وما تبارك لي؟ تقول ليه لكن إيمان دي أقرب لي منك.. إنت مفروض تبارك ليّ. يقول ليّ يا زول إنت نسيت، أنا شربت في سمايتها شاي اللبن بالزلابية، إنت شربت في سمايتها الشاي باللبن بالزلايية؟ أقول ليه أبداً؟ يقول ليّ طيِّب مالك؟ تقوم تسكت يمكن علاقة الزلابية بي شاي اللبن في الزمن دا بقت أقوى. زي العراقي السمني!! والطاقية الحمراء. يمكن البلد دي أي حاجة فيها بقت جائزة. قبل ما يفوت بقول ليك أسمع خلي تلفونك فاتح يمكن نضرب ليك في أي وقت، عليك الله لو مسكلت ليك أرجع ليّ.. الشبكة مرات بتكون كعبة، عشان كدا يمكن أمسكل ليك (4) صباحاً، عليك الله أرجع لي ما بكون عندي رصيد.. خلي الغتاتة وأرجع ليّ من أول جرس، أنتوا القروش دي عاوزين توديهو وين؟ أقوله تمسكل ليّ (4) صباحاً ليه أنا دكتور نساء وتوليد؟ لكن عشان أقفل الموضوع بقول ليه جداً، وأقوم بدون ما أشعر "كركرب أجي واقع".. نسيتوا إني في المستشفى. الجماعة بقولوا للدكتور يا دكتور الزول دا مالو؟ الدكتور بعاين لي الموجات الصوتية وبقول ليهم الزول دا هسع في وقفتو دي طقتو مُسيّرة. دا شغل مُسيّرة عديل الدكتور ما عارف عباس خلي الملامة عليّ، أخطر من المُسيّرة. أها أنا عاوز أعمل لي ناس المريخ زي ما عمل لي عباس خلي الملامة عليّ، يمين ما تهنئوا الهلال بالدوري الموريتاني السوداني (دبِّل ليهو) أشبككم زي الفاتح جبرا رحمة الله عليه وقت شبك الجماعة بمطار هيثرو. يلا صفِّقوا كلكم!! … متاريس نحن ما بنخلي حقنا، أقصد ما بنخلي تهنئتنا. يا تهنونا يا تهنونا. الدوري دا نحن تعبانين فيه وإنتوا الجهاز الفنى حقكم بقى زي (غيار الزيت) كل شهر بتغيِّروه!!.. دوري غيّرتوا فيه الجهاز الفني 4 مرات واحتليتوا فيه المركز السادس أنا ما عارف علي جعفر دا في شنو؟ المركز دا ما عاوز ليه مدير كورة، ولا عاوز ليه حارس مرمى. أكيد ثلث كشف المريخ مُهدّد بالشطب بعد التقارير التي وصلتنا من جان كلود، إذا أقيم الدوري السوداني. يمين كسلا فيها حلاة فتك ومتك. نصيحة لمصعب مكين، الكلام دا ما بتقدر عليه، أحسن شيل دفتر العيادة. نحن زمان كنا بنزوغ من الاختبارات وحصة التسميع بي دفتر العيادة. نحن كنا شفوت. وعارفين أي حاجة. الشئ البضحِّك، ناس المريخ عادي ينسحبوا من أمام الهلال، فعلوها في السوبر السوداني وفعلوها في سيكافا، هسع بلاحقوا في الاتحاد عشان ينظم الدوري السوداني.. ولمن تأتي ساعة الجد بنسحبوا!! يا كابو خليك قريب. جان كلود دا ناس مصعب مكين ما بقدروا عليه. ... ترس أخير: صلاح نمر بكون أكتر زول مَبسُوط من جان كلود الأيّامَات دي.
كورة سودانية
منذ 13 ساعات
- رياضة
- كورة سودانية
دوري (دبِّل ليهو)!!
صَـابِنَّهَـا محمد عبد الماجد دوري (دبِّل ليهو)!! على ناس المريخ ـ مجلس الإدارة والإخوة الأفاضل في المكتب الإعلامي للقلعة الحمراء أن يجهِّزوا منذ الآن تهنئة كبيرة قدر (الليلة وباكر)، تهنئة غليدة للهلال الذي فاز في ظروف الحرب ببطولة الدوري الموريتاني – السوداني (دبِّل ليهو) أو اقترب من ذلك بإذن الله بعد أن أصبح الفارق بين الهلال البطل المُتوّج أو المُشرف ووصيفه بطل الدوري على الأندية الموريتاتية نواذيبو (5) نقاط قبل نهاية الدوري بجولتين، مع مباراة إضافية مُؤجّلة للهلال. كلِّموا ناس المريخ يجهِّزوا تهنئتهم للهلال، يرفعوا إيدهم ويعلوا صوتهم ويقوموا يبشِّروا في العريس ويباركوا ليه بعد أن حقّق الهلال بطولة الدوري الموريتاني ـ السوداني (دبِّل ليهو) في ظل الحرب المشتعلة في السودان والهلال يلعب غريباً أو ضيفاً على الدوري الموريتاني السوبر. فوز الهلال بهذا اللقب إن شاء الله سوف يكون تاريخياً، وهو سوف يكون لنا ذكرى خالدة بعد انتهاء الحرب ـ الآن أو لاحقاً سوف نقول لأولادنا وأحفادنا إنّ الهلال أثناء الحرب فاز بالدوري الموريتاني – السوداني (دبِّل ليهو)، الحرب سوف تصبح ذكرى. تاريخية هذا اللقب (دبِّل ليهو) تأتي من كونه لم يسبق لفريق أن حقّق لقباً خارجياً بالفوز بدوري غير دوري بلاده، أعتقد ذلك، لا أقطع بهذا.. فليبحث لنا الدكتور علي عصام عن هذا الأمر ـ هذا حدثٌ فريدٌ ونادرٌ وغريبٌ في نفس الوقت، خاصةً أنه يحدث في موريتانيا الدولة الشقيقة التي نحبها كثيراً، وقد أحببناها أكثر بعد أن شارك الهلال والمريخ في الدوري الموريتاني، فوجدنا من الإخوة الموريتانيين في كل القطاعات كل احترام وتقدير وحُب. الفوز بالدوري الموريتاني – السوداني (دبِّل ليهو) إنجازٌ عظيمَ للهلال سوف يُكتب في السجلات وهو حدثٌ لا أظنه سيتكرّر لنا أو لغيرنا بعد ذلك، ومن هنا تأتي غلاوته ـ ربما يحدث ذلك كل مائة عام.. قوة الدوري الموريتاني تظهر في المركز الذي يحتله المريخ الآن ـ سادس الدوري ولا أظن أنّ في إمكانية المريخ أن يتحسّن مركزه أكثر من مركزين، على أفضل الأحوال، كذلك أحسب أنّ الكرة الموريتانية مُتطوِّرة، كفى أننا شهدنا تنظيماً بديعاً للدوري الموريتاني وهو أمرٌ كنا نفقده نحن في السودان حتى قبل اشتعال الحرب ـ وأتوقع أن يحدث تطورٌ أكبر في الدوري الموريتاني والكرة الموريتانية في السنوات القادمة بصورة أكبر، خاصةً أن ممثلي الكرة الموريتانية يتواجدون في كُبرى الأندية الأفريقية، وفي بعض الدوريات الأوروبية وسوف ترتفع رقعة تمثيلهم بصورة أكبر في الفترة القادمة، وسوف نقول كلما تُحقِّق الكرة الموريتانية نجاحاً، إنّ الهلال سبق أن فاز بالدوري الموريتاني – السوداني (دبِّل ليهو) ـ أحفادنا ح يقولوا لينا دي حصلت كيف؟ ح نقعد نحكي ليهم. ح نقول ليهم الهلال كان عندو مدرب طلس ـ مدرب قاعد ساكت جعل الهلال يصل لدوري الثمانية في البطولة الأفريقية، بعد غياب عن هذه المرحلة لمدة عشر سنوات، وفاز بالدوري الموريتاني – السوداني (دبِّل ليهو) وهو غريبٌ علينا، مدرب قاعد ساكت أكيد، ما في مدرب بفوز ليه بدوري (دبِّل ليهو) في موسم واحد. ـ طبعاً من لهم رأي في فلوران من ناس الهلال ح يتفقوا لأول مرة مع المريخاب على أن الدوري الموريتاني ضعيفٌ، لا أعرف كيف يقول المريخاب ذلك على دوري يحتلون فيه المركز السادس (فضيحة السواد)؟! يتحدّثون عن ضعفه بعد أن خسروا فيه 9 مباريات، دوري خسروا فيه من رابع الطيش ومن ثالث الطيش ومن تاني الطيش ومن الطيش في عضمو، يبقى ضعيف كيف؟ حيث أصبح فارق النقاط بين الهلال والمريخ 17 نقطة وللهلال مباراة مُؤجّلة ستجعل الفارق إن شاء الله على أقل تقدير 20 نقطة. الكلام دا بعد النمير وبعد مدرب إيطالي ومدرب سوداني ومدرب صربي ومدرب مصري والفرق يمكن أن يكون بين الهلال والمريخ 20 نقطة، فضيحة السواد (دبِّل ليهو).. أتاريهم ناس أسامة عطا المنان وعامر عثمان كانوا ساترين فضائح.. كانوا شايلين بلاوي!!! 20 نقطة وبهاجموا في فلوران ـ أتحدث عن ند الهلال فريق المريخ الذي يبقى كبيراً في كل الأحوال. دي ما حصلت قبل كدا ـ الرقم القياسي بين الهلال والمريخ في الدوري السوداني كان مسجل بفارق 18 نقطة لصالح الهلال، هذا الموسم ممكن الفارق يبقى 20 نقطة!!! الفأر كان عندو دور!! فضيحة السواد!! (دبِّل ليهو). كلو من فلوران ـ بعمل في حاجات غريبة.. إنت بتعمل في حاجات زي الورد.. (دبِّل ليهو). طيَبعاً المنتقدون لفلوران ممكن يقولوا ليك المريخ ضعيف وظروف الحرب وعدم الاستقرار الفني، طيب إنتوا يا فالحين وقت عارفين عدم الاستقرار الفني بعمل كدا، ليه بتطالبوا بالإطاحة بفلوران، عاجبكم عدم استقرار المريخ؟! (منطق غريب)، أما الحرب فهي كما وقعت على المريخ وقعت على الهلال.. إنتوا بتتكلموا عن الهلال السوداني وليس الهلال السعودي. وعن ضعف المريخ فالمريخ يبقى المريخ حتى لو شال الكورة وهرب. وهل هنالك ضعف أكثر من ذلك؟ فقد كان ذلك يحدث في السودان. أما من يُشكِّك أو يُقلِّل من قيمة الدوري الموريتاني من ناس الهلال، فنقول لهم إنّ الهلال لم يأتِ للدوري الموريتاني من الدوري الإنجليزي أو الإسباني، وإنما جاء له من الدوري السوداني الذي يعاني في البرمجة والتنظيم ويعاني في الملاعب والتحكيم، وإن كان يتفوق الدوري السوداني على نظيره الموريتاني في الجانبين الإعلامي والجماهيري.. لكن حتى على مستوى النقل المنتظم للدوري الموريتاني في القناة الموريتانية يتفوّقون به على القنوات السودانية التي كانت تنقل الدوري السوداني، مع حاجة القناة الموريتانية لمراجعات في النقل التلفزيوني، إذ تبدو الصورة بعيدة إلى جانب إشكاليات في الإخراج والإعادة، ودي برضو حاجات نحن بنعاني منها. أضف الي ذلك تقنية الفيديو المستعلمة في الدوري الموريتاني وغائبة في السودان، وهو أمر يحسب لهم. فنياً، ليس هنالك أي أفضلية للدوري السوداني على الموريتاني ـ بل يمكن أن يتفوّق الدوري الموريتاني على السوداني في السرعة والقوة البدنية واللياقة. المهم يا جماعة الكلام دا بنرجع ليه تاني، بس كلِّموا ناس المريخ وذكِّروهم بتهنئة الهلال، خلوهم يجهِّزوا لينا تهنئة معتبرة.. تهنئة غليدة (دبِّل ليهو) ـ نحن ممكن نسامح في أي حاجة إلا في التهنئة دي. الهلال حقّق بطولة مركبة بفوزه بالدوري الموريتاني ـ السوداني (دبِّل ليهو)، فهو إلى جانب تغلبه وتصدره على كل الأندية الموريتانية، بما في ذلك نواذيبو الذي حقّق البطولة قبل هذا الموسم سبع مرات على التوالي، ليأتي الهلال ويتغلّب عليه في دوريه ويُحقِّق ما فشلت فيه كل الأندية الموريتانية، الهلال إلى جانب هذا الإنجاز هو تصدّر وتغلّب في البطولة الخاصّـة التي تجمعه مع نده المريخ، بحساب المواجهات المباشرة وبحساب حصيلة الهلال في النقاط والأهداف في الدوري الموريتاني.. لهذا نطلق على الدوري الموريتاني – السوداني الذي يجمع بين القمة السودانية الهلال والمريخ والأندية الموريتانية دوري (دبِّل ليهو)، لأنّ الهلال حقّق البطولة دبل، الموريتانية والسودانية، دوري تربيع، لذلك نحن نُطالب بتهنئة ليها (ضُـل) من ضُـلنا حتى في الدوري الموريتاني ـ غايتو الزول وقت يكون (ضُـل) يكون ضُـل طول عمره، في السودان وقت شالوا الكورة في أول بطولة للممتاز، وفي تنزانيا التي انسحب فيها المريخ من أمام الهلال في السوبر السوداني بعد التسخينة ـ وفي سيكافا الأخيرة التي انسحبوا عنها أيضاً، وفي الدوحة (والي الدين)، وفي أبوظبي (النعسان)، وفي نواكشوط (الغربال).. ضُـل في أي حتة، في أي زمان وأي مكان. عايزين تهنئة (دبل)، وقت بتعرفوا تهنوا ما بنخلِّيكم، زمان كنا بنلقى ليكم العُـذر، لكن تاني ما عندنا ليكم عُـذر. يلا هنوا ـ يلا صفِّقوا كلكم. زمان كان عندنا قريبنا اسمو (عباس خلي الملامة عليّ)، كنا بنقول ليه كدا، عشان كان زول لوّام لوم شديد، محل ما يلاقيك بتكسر ليك لوم، مرات تزوغ منو، ومرات تخلي ليه الشارع، عشان لو وقّفك ما بفكِّك. يدور فيك لوم زي عريضة الطلاق!! عباس خلي الملامة عليّ، كان وقت يلاقيك في مناسبة زواج بمسكك في العقد ويقول ليك: إنت مالك ما بترد على تلفوني؟ تقول ليه ضربت لي متين؟ يقول ليك الشهر الفات، قبل 21 يوماً كدا تقريباً زي الساعة (7) صباحاً. تقول ليه (7) صباحاً ضارب لي مالك؟ إن شاء الله خير؟ (7) صباحاً لو ضربوا مصنع الشفاء ما بقوم، عاوز إنت وقت تضرب تلفوني أقوم أرد ليك!! يا راجل قول كلام غير دا. يقول ليك أبداً، بس كنت بتغالط مع المــدام، الكبير إنت والّلا أخوك الكبير؟ وإنت عارف الغلاط دا ما بقعد لي بعدين.. ما بنتظرها إلى أن تشرق كويس. تقول ليه الغريبة رقمك مسجل عندي، لكن رقمك ما جاتني منو مكالمة. يقول ليك يجيك كيف؟ أنا ضربت ليك من رقم تاني. تقول ليه: والله ما عرفتك.. يقول ليك يعني إنت ما بترد على رقم غريب!!!؟ خلاص تاني بعمل ليك رسالة، قبل ما أضرب ليك، بس رد علينا، عشان الصباح دائماً أنا والمرا بنبدأ يومنا بالغلاط.. نقعد نتغالط كدا لامن تشرق، وبنحتاج ليك مرات في بعض المسائل. بنشرب الشاي بالغلاط بدل الزلابية. تقول ليه جداً. عباس خلي الملامة عليّ، مرات يلاقيك في المقابر، ويقول ليك: يا زول إنت مالك ما بتسلم، يوم داك شايفك من بعيد في المولد النبوي قدر ما رفعت ليك إيدي ما ردّيت عليّ، ولا عبّرتني، بعدين مالك ضعفت كدا؟ ضربك سكري والّلا دي الحرب؟ تتجاوز موضوع الضعفة دي وتقول ليه والله ما شفتك، أشوفك كيف في المولد مع الخلق دي؟ يقول ليك يا زول أنا كنت ظاهر، لابس طايقتي الحمراء، معقولة تكون ما شفتني. تقول ليه: والله ما شفتك. يقول ليك: خلاص عليك الله تاني طاقيتي الحمراء دي لو لاقتك في أي حِتّة أعرف طوالي دا أنا، عباس… عباس خلي الملامة عليّ بقول في الكلام دا والناس بتدفن، والميت بيسألوا فيه والمشيعون بيدعوا ليه. الفايق لي طاقيتك الحمراء منو؟ وعباس خلي الملامة عليّ مرات بتلقاه في الكورة، الجابو اليوم داك الاستاد شنو ما عارف؟ محل ما تقبِّل تلقاه قدامك متل البرّاد الصيني. الليلة الله يحلّنا. من اَشوفو بقنع من الكورة. يقوم يخلِّي الكورة ويمسكك إنت، ما تفهم أي حاجة في الكورة، من التسخينة يشبكك إنت ما سمعت بي التايا بنت جاب اللبن. تقول ليه التايا بنت جاب اللبن مالها؟ يقول ليك ماتت. تقول ليه متين؟ يقول ليك يا زول إنت قاعد وين؟ الزولة دا على الأقل كدا ماتت قبل خمس سنوات، أو سبع سنوات. تقول ليه ما سمعت بيها ـ أصلاً أنا ما بعرفها. يقول ليك، عشان كدا أنا زعلان منك.. ما تعزيني في التايا بنت جاب اللبن؟ تقول ليه وإنت علاقتك بي التايا بنت جاب اللبن شنو؟ يقول ليك كيف؟ إنت ما بتعرف حسن تور الجك؟ تقول ليه ما بعرفو. يقول ليك ما بتعرف صلاح ود كترينا؟ تقول ليه ما بعرفو. يقول ليك طيِّب ما بتعرف تاج السر السنم؟ الزول دا هو وجدك المات سنة 64 قرأوا خلوة في الدامر.. قول ما بتعرفو كمان؟ كانوا دفعة واحدة !!.. أنا دفعتي ما عارفها، عاوزني أعرف دفعة جدي اللي مات سنة 1964م. تقول تتخارج منه عشان تأخذ ليك نفس بين الشوطين والله الجري الجريتو مع عباس خلي الملامة عليّ، حكم المباراة ما جراهو.. تقول ليه أيوه بعرفو… يقول ليك التايا بنت جاب اللبن القلت ما بتعرفها ديك.. تاج السر السنم بيبقى ليها خالها باللفة. تقول ليه وعلاقتك إنت بالموضوع شنو؟ يقول ليك كيف: العراقي بتاعي السمني المُشخّط خيطتو عند خال التايا بنت جاب اللبن الشفيع السنم أخو تاج السر السنم البتكلم ليك عنو من بداية المباراة لغاية ما الحكم الرابع ما رفع الزمن البدل الضائع. العراقي السمني بتاعي تعرفو؟ مرة ادّفق فيه شاي لبن ـ الطيب سجلات عينو حارة مرة شافو، قال لي مالك قصير كدا؟ عامل زي فتيل الريحة لمن يكون في آخرو، تدسو في آخر الدولاب وقبل ما تتريّح منه تعاين ليه سمح في حسرة، من اليوم داك تاني ما شفت لي عافية ـ أقوم وأقع من ملاريا لي تسمم زي شافع التسنين، الله يلعنو الطيب سجلات عينو زي اللجنة الشعبية ما بتريّح ليها زول.. زي لوح الطاقة!! تقول ليه: طيِّب البخليني أعزيك عشان خياطة عراقيك السمني شنو؟ كمان العراريق دخلت في صلة الرحم؟ والّلا عشان لونه سمني؟ تقوم تقيف فجأة، بعد ما روحك تطلع وأقول ليه خلاص أنا طالع، عشان ألحق المواصلات قبل الأبواب ما تزدحم، الزمن بدل الضائع دي عندك حاجة عاوز تقول ليّ فيه؟ يقول ليك أبداً، بس عليك الله لمن نضرب ليك رد على التلفون، عشان مرات أنا والمرا بنقعد نتغالط وبنرجع ليك في بعض المسائل. تقول ليه جداً.. وإنت طالع كدا، الحكم يصفر معلناً نهاية المباراة، بتشوف أقرب زول جنبك في المدرجات وإنت في الطريق للباب وتقول ليه: أسمع الكورة انتهت كم؟ الزول بعاين ليك كدا وبفتكرك من بتاعين الملح البدخلوا بعد ما يفتحوا الأبواب، وبقول ليك، الواحد طول وعرض ولابس نضيف، ويدخل ملح، إنتوا وقت بتحبوا الكورة ما تدفعوا. عباس خلي الملامة عليّ مرات بلاقيك في الفرن. بقول ليك إنت مالك ما بتكفِّر لي؟ تقول ليه مالك، أكفِّر ليك شنو، تراكا شديد ولضديد متل الحصان، يكفِّروا ليك في شنو؟ يقول ليك الأسبوع الفات كانت عاوز تقرصني عقرب، والله مرقت منها بي بنط.. مرقت منها بكرامة البليلة. تقول ليه: والله ما سمعت بيها، ولو العقرب لدغتك، كنا بنجيكم عشان نكفِّر للعقرب. بفتكرك بتهظر وإنت قاصدها!! تقوم تفوت تخلي العيش، خليهم يعملوا أي شئ، كسرة، قراصة، عصيدة، إن شاء الله ما نأكل، بس نتخارج من الفرن دا. وعباس خلي الملامة عليّ، مرات بلاقيك في المستشفى وإنت بين الحياة والموت، شغّال فحص وكشف، يمسكك في غرفة الموجات الصوتية، ويقول ليك: بنتي يخطبوها ما تبارك ليّ؟ تقول ليه، إنت عندك بنت؟ بقول ليك إيمان بنت عمتك خطبوها. تقول ليه وإنت علاقتك بي إيمان بنت عمتي شنو؟ يقول ليك إنت ما عارف إيمان دي زي بنتي، أكلت سمايتها وشربت شاي اللبن في السماية حقّتها بالزلابية، وما تبارك لي؟ تقول ليه لكن إيمان دي أقرب لي منك.. إنت مفروض تبارك ليّ. يقول ليّ يا زول إنت نسيت، أنا شربت في سمايتها شاي اللبن بالزلابية، إنت شربت في سمايتها الشاي باللبن بالزلايية؟ أقول ليه أبداً؟ يقول ليّ طيِّب مالك؟ تقوم تسكت يمكن علاقة الزلابية بي شاي اللبن في الزمن دا بقت أقوى. زي العراقي السمني!! والطاقية الحمراء. يمكن البلد دي أي حاجة فيها بقت جائزة. قبل ما يفوت بقول ليك أسمع خلي تلفونك فاتح يمكن نضرب ليك في أي وقت، عليك الله لو مسكلت ليك أرجع ليّ.. الشبكة مرات بتكون كعبة، عشان كدا يمكن أمسكل ليك (4) صباحاً، عليك الله أرجع لي ما بكون عندي رصيد.. خلي الغتاتة وأرجع ليّ من أول جرس، أنتوا القروش دي عاوزين توديهو وين؟ أقوله تمسكل ليّ (4) صباحاً ليه أنا دكتور نساء وتوليد؟ لكن عشان أقفل الموضوع بقول ليه جداً، وأقوم بدون ما أشعر 'كركرب أجي واقع'.. نسيتوا إني في المستشفى. الجماعة بقولوا للدكتور يا دكتور الزول دا مالو؟ الدكتور بعاين لي الموجات الصوتية وبقول ليهم الزول دا هسع في وقفتو دي طقتو مُسيّرة. دا شغل مُسيّرة عديل ـ الدكتور ما عارف عباس خلي الملامة عليّ، أخطر من المُسيّرة. أها أنا عاوز أعمل لي ناس المريخ زي ما عمل لي عباس خلي الملامة عليّ، يمين ما تهنئوا الهلال بالدوري الموريتاني السوداني (دبِّل ليهو) أشبككم زي الفاتح جبرا رحمة الله عليه وقت شبك الجماعة بمطار هيثرو. يلا صفِّقوا كلكم!! … متاريس نحن ما بنخلي حقنا، أقصد ما بنخلي تهنئتنا. يا تهنونا يا تهنونا. الدوري دا نحن تعبانين فيه وإنتوا الجهاز الفنى حقكم بقى زي (غيار الزيت) كل شهر بتغيِّروه!!.. دوري غيّرتوا فيه الجهاز الفني 4 مرات واحتليتوا فيه المركز السادس ـ أنا ما عارف علي جعفر دا في شنو؟ المركز دا ما عاوز ليه مدير كورة، ولا عاوز ليه حارس مرمى. أكيد ثلث كشف المريخ مُهدّد بالشطب بعد التقارير التي وصلتنا من جان كلود، إذا أقيم الدوري السوداني. يمين كسلا فيها حلاة فتك ومتك. نصيحة لمصعب مكين، الكلام دا ما بتقدر عليه، أحسن شيل دفتر العيادة. نحن زمان كنا بنزوغ من الاختبارات وحصة التسميع بي دفتر العيادة. نحن كنا شفوت. وعارفين أي حاجة. الشئ البضحِّك، ناس المريخ عادي ينسحبوا من أمام الهلال، فعلوها في السوبر السوداني وفعلوها في سيكافا، هسع بلاحقوا في الاتحاد عشان ينظم الدوري السوداني.. ولمن تأتي ساعة الجد بنسحبوا!! يا كابو خليك قريب. جان كلود دا ناس مصعب مكين ما بقدروا عليه. … ترس أخير: صلاح نمر بكون أكتر زول مَبسُــوط من جان كلود الأيّامَـات دي.
WinWin
٠٨-٠٥-٢٠٢٥
- رياضة
- WinWin
برهان تيه يكشف عوامل مؤثرة ستعيد البريق لنادي المريخ
توقع برهان تيه مدرب المريخ والمنتخب السوداني السابق استعادة فريقه لبريقه مجددا، مؤكدا أن الإدارة أحسنت اختيار طاقم فني متميز، متوقعا نجاحا باهرا لتجربة شوقي غريب ومعاونه محسن سيد، مؤكدا أن الأخير نجح في إغلاق ثغرة كبيرة مثلت هاجسا حقيقيا للاعبين وتسببت في رحيل كبار النجوم وتسببت في هزة عنيفة للفريق. واعتبر تيه في حديث خاص لموقع winwin أن الانسجام والتفاهم بين المدرب شوقي غريب ومحسن سيد سيسهل من مهمتهما، وسيسهم في عودة الفريق لسابق عهده، ونوه إلى أن عددا من كبار نجوم الفريق تعرضوا لظلم كبير تسبب في رحيلهم، واصفا الخلل بالإداري ومؤكدا أن رئيس النادي عمر النمير بدأ يتحسس الطريق الصحيح. تيه يعدد العوامل التي ستساعد المريخ على العودة للواجهة وكشف برهان تيه عن تعاون تام وانسجام بين مدرب "الزعيم الأحمر" شوقي غريب ومعاونه محسن سيد سيسهم في تقديمهما لتجربة جيدة بقوله: "التعاون والانسجام والطموح عوامل مؤثرة في نجاح الأجهزة الفنية بالأندية". وأضاف بقوله: "تواصل معي محسن سيد وأشاد بالتعاون والاحترام المتبادل بينه والمدرب شوقي غريب، مما انعكس إيجابا على عملهما في الفترة الماضية التي شهدت طفرة نسبية في مستوى الفريق ونتائجه، أعتقد أن الفريق قابل لمزيد من التطور في الفترة المقبلة بمواصلة الاجتهاد والعمل الشاق". محسن سيد مؤهل لتحقيق النجاح واعتبر عميد مدربي السودان أن محسن سيد يستطيع تحقيق نجاح كبير مع المريخ بقوله: "أعتقد أن سيد مؤهل لتحقيق النجاح، يحظى باحترام كبير بين اللاعبين، كما أنه مجتهد ومثابر وطموح وترك بصمة مع المنتخبات السنية المختلفة والأندية التي أشرف على تدريبها، كما أنه يتميز بالتعاون والتعامل الجيد مع المحيطين به". وتابع: "نجح محسن سيد في إغلاق ثغرة كبيرة في فريق المريخ بإجادته لدور حلقة الوصل بين اللاعبين وإدارة النادي"، مضيفا: "افتقد النادي لشخصية تمثل حلقة وصل بين إدارة النادي ونجوم الفريق مما تسببت في رحيل عدد كبير منهم وقادت لهزة عنيفة انعكست سلبيا على النتائج والمستوى الفني، وبتعاقد النادي معه، نجح محسن سيد في لعب الدور بنجاح مما أسهم في منح نجوم الفريق دفعة معنوية وأريحية كبيرة وقادتهم لظهور جيد". كبار النجوم تعرضوا للظلم في هذا السياق، أوضح مدرب منتخب "صقور الجديان" السابق، عن ظلم تعرض له كبار نجوم الفريق بقوله: "أعتبر أن محمد المصطفى وبخيت خميس ومصطفى كرشوم لاعبين مخلصين لم يتم تقييمهم بما يتوافق مع يستحقونه، وأجبروا على الرحيل، أشرفت على تدريبهم واكتشفتهم مبكرا، تميزوا بسلوك جيد وقدموا مستويات باهرة واشتهروا بالوفاء والطموح وما تردد عن زهدهم في الاستمرار مع الفريق ورغبتهم في الرحيل ليس صحيحا". ثورة في الهلال والمريخ تُزيح كبار نجوم السودان اقرأ المزيد ونبه تيه أن "المريخاب" بدأ يستعيد بريقه مؤكدا أن الفريق يحتاج للكثير بقوله: "المريخ بدأ في استعادة عافيته ويحتاج للمزيد من الإضافات. لن تستطيع المجموعة الحالية التقدم في البطولة الأفريقية، ولن يستطيعوا المنافسة يجب دعمهم خلال الميركاتو الصيفي بلاعبين متميزين". وختم تيه حديثه: "ينبغي دعم الفريق الحالي بعناصر محلية وبلاعبين أجانب يستطيعون أن يحدثوا الفارق"، وزاد: "سيكون الميركاتو الصيفي فرصة مثالية لدعم الفريق حتى يعود إلى الواجهة من جديد، فالتنافس المحلي لا يمثل معيارا للاعبين، النادي حدد هدفه في التقدم بالبطولة القارية وبلوغ محطة المجموعات ولن ويستطيع تحقيق هذا الهدف بالعناصر الحالية".
كورة سودانية
٠٢-٠٥-٢٠٢٥
- رياضة
- كورة سودانية
المرِّيخ يَخسر (سُـوء تَغذية).. الهِلال يَخسر (تَواطؤاً)!!
صَـابِنَّهَـا محمد عبد الماجد المرِّيخ يَخسر (سُـوء تَغذية).. الهِلال يَخسر (تَواطؤاً)!! عندما خرج الهلال من دور الثمانية في بطولة أبطال أفريقيا، اعترض المريخاب وسخروا وتهكّموا وتتريقوا، وثار إعلام المريخ وهدّد وندّد وشجب، واعتبروا خروج الهلال من دور الثمانية أمام الأهلي المصري كارثة، وقالوا بل هي الفضيحة ذاتها، في الوقت الذي خرج فيه المريخ من نفس البطولة من مرحلة التمهيدي قبل ما نقوم من النوم، في منتهى السلاسة والوداعة والكلمة الطيبة. تمهيدي.. تمهيدي.. الدنيا طارت.. بتحصل في أرقى العائلات!! يعني إنتوا عاوزين تقنعونا إنّكم بتزعلوا على هلالنا أكتر من مريخكم؟ بتزعلوا على هلالنا عند الخروج أكتر مننا؟ دي شِبكة شنو الوقعنا فيها دي؟ المريخ يخرج من التمهيدي، عادي وطبيعي ومُتعوِّدة دائماً ـ وظروف الحرب ومشاكل البلد وعدم الاستقرار.. والفريق في مرحلة بناء، حتى اسم (المشروع) لطشوا مِنّنَـا.. وبقوا يتكلموا بنفس كلامنا. دي شِبكة شنو الوقعنا فيها دي؟ الهلال يخرج من دور الثمانية عيب ومشكلة وما صاح. إنتوا هلالنا دا عندكم أكبر في نظركم من نظرتنا ليه. يمكن عشان كل سنة بطلعوا من التمهيدي الموضوع بقى عندهم أكتر من عادي.. اتعوّدوا على التمهيدي، ما غريب عليهم. الغريب شنو؟ تمهيدي بالرز. تمهيدي باللبن. تمهيدي سَـادة. تمهيدي على الريحة. إعلام المريخ عندما خرج الهلال من دور الثمانية، قالوا كيف الهلال يخرج من هذا الدور والفريق فيه 12 محترفاً، وهم عندهم نفس العدد وطلعوا من التمهيدي!! تطلع من دور الثمانية وعندك 12 محترفاً، مشكلة، تطلع من التمهيدي وعندك 12 محترفاً، حاجة طبيعية، البلد فيها حرب والفريق بمر بظروف غير عادية، والفريق في مرحلة بناء، والمشروع ـ المشروع اللطشُوه من الهلال عندهم عذر وعند الهلال مشروع شنو؟ سنة بهاجموا في العليقي بسبب هذا (المشروع)، أول ما قعدوا في الواطة ، ولقوا ليهم قروش عملوا ليهم (مشروع)!! دي شِبكة شنو الوقعنا فيها دي؟ علماً بأنّ المريخ قد يكون خسر مادياً في محترفيه أكثر مما دفعه الهلال في التعاقد مع محترفيه. يكفي أن نقول إنّ مهاجم المريخ الكولومبي بصرف في الشهر 20 ألف دولار ، لغاية الوقت البكتب ليكم فيه دا وفي ظل هذه الأوضاع وفي تلك الحرب!! بس فالحين تتعذروا لي بالحرب عندما تخسروا، وفي المرتبات والدفع كأنّ البلاد لا تمر بأزمة ولا تعيش حرباً. المريخ الذي خرج من التمهيدي في هذه الحرب وفي موسمه الصفري هذا، تعاقد مع أربعة أجهزة فنية. شئ إيطالي. وشئ سوداني. وشئ صربي. وشئ مصري. وقبلهم مصري وإنجليزي وبرازيلي ـ ما خلوا ليهم جنسية!! وخسروا (9) مباريات في الدوري الموريتاني. تخيّلوا أنّ إعلام المريخ الذي يعترض على صرف الهلال، هو صرف قرابة المليون دولار لإنهاء التعاقد مع مدربه الإيطالي!! وكل ستة شهور بغيروا المحترفين. في إنهاء التعاقد فقط يصرفوا كل هذه الأموال، في التعاقد بعملوا شنو؟ دي شِبكة شنو الوقعنا فيها دي؟ الناس ديل عاقلين زينا وزيكم كدا ـ والّلا بقولوا أي كلام والسلام. لو بتتكلموا برّه رأسكم قولوا لينا عشان نشوف ليكم عذر. المريخ يا سادة قبل هذا الموسم عسكر في مصر قرابة ستة أشهو، ثم دخل للموسم الجديد بعد معسكر في بورتسودان. لعبوا في بطولة السوبر السودانية وبسبب جان كلود وإيمي وكوليبالي انسحبوا من الملعب أمام الهلال، وقالوا وجود كاميرات حول الملعب هي سبب الانسحاب ـ ما عاوزين الفضيحة تكون مُوثّقة ومُصورّة!! وانسحب المريخ لنفس الأسباب السالف ذكرها من بطولة سيكافا. المريخ شارك في دورة ودية بنيحيريا. وكل دا ليه؟ عشان البطولة الأفريقية التي خرجوا منها من مرحلة التمهيدي. ولعب المريخ في الدوري الموريتاني. وخسر (9) مباريات. دا ليه؟ عشان البطولة الأفريقية التي خرجوا من مرحلتها التهميدية. يقولوا ليكم الكلام ألف مرة. دي شِبكة شنو الوقعنا فيها دي؟ المريخ يا سادة، التغييرات عنده لم تكن في الأجهزة الفنية والمحترفين فقط، زي ما بحصل في بعض الأندية، التغييرات في المريخ كانت في الإدارات والرؤساء. وبرضو بطلعوا من التمهيدي. أي نظام يمسك البلد يجيبوا ليه رئيس تابع للنظام. من نفس الحِتّة. نفس المقاس. أي سلطة أو حكومة يجيبوا ليهم منها رئيس. الإنقاذ ـ جمال الوالي (أسامة ونسي ومحمد الشيخ مدني ما ح أحسبهم). من الضرائب جابوا زول ـ من الجمارك جابو زول. ما عاوزين نقيف ليكم على الواحدة. الدعم السريع ـ مبارك أبوجيبين (حفتر ما ح أقيف فيه)!! الجيش ـ عمر النمير. ديل لمن الحكومة قبّلت على الأتراك، جابوا ليهم تركي اسمو أوكتاي. جاهزين ـ مع أي نظام. محل ما تقبّل تقبّل. وبس تشيل فيني وتودي. وفي المراحل الانتقالية بين مجلس ومجلس بجيبوا مرة سوداكال ومرة القنصل حازم. ومرة مدني الحارث، ومرة المستشار مختار، ومرة الجاكومي، ومرة اللواء نور الدين. محل ما تصب المطرة تصب. جاهزين.. جاهزين لحماية المريخ. وبعد دا ـ يطلعوا يتكلموا عن خروج الهلال من دور الثمانية عشان الهلال فيه 12 محترفاً!! طيِّب إنتوا عملتوا كل دا وزيادة ولا شئ غير (التمهيدي). حتي (الدبل) الذي سخروا منه في الهلال لأن الهلال خسر ذهابا وإيابا من الأهلي في البطولة الإفريقية وقعوا فيه عندما خسروا بنتيجة أعرض من الشمال في الدوري الموريتاني في الذهاب وفي الإياب. مُحترفون من مختلف الجنسيات، مرة كوتة، صنف واحد من البرازيل، ومرة كوتة مُشكّلة. رؤساء من كل حكومة بجيبوا رئيس، ومن أي نظام وسلطة عندهم ممثل. وأجهزة فنية على رأس كل 45 يوماً جهاز فني جديد. مرة (غريب)، ومرة من البلد. وبتطلعوا من التمهيدي!! دا عادي عندكم وخروج الهلال من دور الثمانية هو المشكلة. دي شِبكة شنو الوقعنا فيها دي؟ تعالوا شوفوا الكارثة الأكبر. والله لو قعدتوا لي في الواطة دي أصلو ما بتجيكم عوجة. المُفارقة أنّ المريخ، أي فريق احتل المركز الأخير في الدوري الموريتاني عندما لعب أمامه خسر منه. فعلها المريخ عندما خسر من الحرس الوطني عندما كان يحتل المركز الأخير في ترتيب أندية الدوري الموريتاني بمشاركة الهلال والمريخ. المريخ خسر من الحرس الوطني بهدف دون مقابل. في زول قال (تواطؤ). تعالوا شوفوا الفضيحة الأكبر. لخطأ إداري، خسر الهلال أمام لكصر بعد أن اعتبرت لجنة الانضباط مشاركة 6 أجانب مع الهلال مُخالفة، واعتبرت حسب اللائحة خسارة الهلال 0 / 3 بعد أن كانت المباراة قد انتهت بالتعادل الإيجابي بهدف لكلٍّ. ولسه الهلال عنده فرصة للرد والاستئناف ـ أكيد الهلال عنده كلام. إعلام المريخ اعتبر خسارة الهلال بخطأ إداري (تواطؤاً) من أجل خدمة لكصر الذي تبعده 8 نقاط من المتذيل وتفصله 4 نقاط من الفريق صاحب الترتيب الـ15، علماً بأنّ المريخ عندما كان لكصر يحتل المركز الأخير، خسر منه المريخ بثلاثة أهداف، عادي عندهم دا. يخسر المريخ يقولوا ليك (سوء التغذية)، والأكل في موريتانيا غير جيد والطعام تسبب في ضعف لياقة اللاعبين!! يخسر الهلال بخطأ إداري يقولوا ليك (تواطؤ). دا فهم شنو دا؟ إنتوا الناس ديل بتجيبوهم لينا من وين؟ دي شِبكة شنو الوقعنا فيها دي؟ طيِّب يا متعلمين، يا مُتحضِّرين، يا مُفتِّحين، يا مُثقّفين.. الهلال لو عاوز يفتح للكصر ويتواطؤ لمصلحته ألم يكن من الأفضل أن يخسر المباراة في الملعب؟ خاصةً أنّ الهلال كان خاسراً نتيجة المباراة حتى الدقيقة 75. علاقة الهلال بفريق لكصر شنو عشان يعمل تواطؤ لصالحه؟ المريخ خسر 9 مباريات في الدوري الموريتاني واستقبلت شباكه أسرع هدف في الدوري، ألم يكن من الأفضل للهلال أن يخسر في الملعب لو أراد التواطؤ لصالح لكصر؟ اللفة الطويلة دي لي شنو؟ إنتوا ما شايفين نتائج فريقكم في الدوري الموريتاني؟ ندِّيكم منها نوعية، هذا الكلام كتب عن المريخ بعد إحدى المباريات (حقق فريق المريخ السوداني الفوز على فريق 'تفرغ زينة' في ختام مباريات المرحلة الأولى من الدوري الموريتاني بثلاثية مقابل هدف. وقلب المريخ تأخره بهدف في الشوط الأول إلى فوز مستحق، سجّل أهدافه حسن صابون ومحمد قباني الذي أحرز هدفين. وجاء هذا الانتصار بعد أطول سلسلة خسائر تعرّض لها الفريق في تاريخه الحديث، حيث تعثر في 6 مباريات متتالية في المسابقة المحلية الموريتانية. أدّت هذه النتائج إلى ثورة جماهيرية أجبرت إدارة النادي على إقالة المدرب جيوفاني سوليناس، بالتزامن مع التعاقد مع لاعبين أجانب والاستغناء عن آخرين، كان آخرهم حارس المرمى). نشرك 6 أجانب قصداً وتواطؤاً ليه؟ والهلال كان يمكن أن يشارك بالصف الثالث ويخسر زي ما بخسر المريخ وهو يشارك بعناصره الأساسية. لكن كل ذلك لا يعني تجاهل الخطأ الذي وقع فيه الهلال، ولا يعني كذلك التساهل فيه، أو المرور فيه مرور الكرام، خاصةً في ظل صمت الهلال، لأنه حتى الآن لم يخرج أي مسؤول في الهلال يُوضِّح الصورة للجمهور أو يعتذر، وأعتقد أنّ مشكلة الهلال الحقيقية في عدم الشفافية، وهذا أمرٌ تحدّثنا فيه كثيراً، لكن مجلس الهلال وهو المسؤول الأول والأخير، يُفضِّل دائماً السكوت!! الخطأ واردٌ ولكن السكوت عليه هو الخطأ الأكبر! أنا لا أحب تضخيم الأخطاء واعتبارها كارثة وفضحية، وحاجة ما معقولة، ولا أحب كذلك إقامة المشانق وخروج الخطب الرنانة والدروس العظيمة من البعض عندما يحدث خطأ وارد. في نفس الوقت لا أحب التجاهل والصهينة عند الأخطاء، أو تصغيرها بصورة مستفزة. أؤمن بالمحاسبة، وقبل ذلك بالشفافية وتحمُّل المسؤولية والمواجهة والاعتذار. الغريب في الهلال، إنهم لا يتحدّثون ولا يعلنون حتى عن الإصابة عندما يتعرّض أحد اللاعبين للإصابة فيسكتون عنها وكأن الإصابة جريمة أو كأنها عورة يجب سترها، رغم أنّ كل الأندية تعلن عن الإصابات والموقف الطبي أولاً بأول، في الهلال يغيب اللاعب وتتفاجأ بذلك ويسأل الإعلام والجمهور عنه بعد أن يفتقده، فيعلن المجلس بعد ذلك عن الإصابة مُجبراً!! طبعاً هنا لا نلوم الجهاز الفني ولا المكتب الإعلامي للهلال، لأنّ أمر النشر والإعلان يصدر من مجلس الإدارة أو من رئيس القطاع الرياضي تحديداً، وهو المنصب الذي يشغله نائب رئيس الهلال المهندس محمد إبراهيم العليقي. في الهلال، يُمكن أن يغادر لاعبٌ لبلاده سراً، فيفتقده الإعلام والجمهور، فيعلن أن اللاعب محجوزٌ ببلاده بسبب الجواز أو الحرب ـ هكذا يفعلون في الهلال!! وكما انتقدنا إعلام المريخ على التلميح لتواطؤ الهلال لصالح لكصر أو التصريح بذلك صراحة، ننتقد كذلك إعلام الهلال والصحيفة الناطقة باسم المجلس، صحيفة الزرقاء، وهي تتحدّث عن أن ريال مدريد نفسه قد سبق ووقع في خطأ مُشابه كالذي وقع فيه الهلال، وكأن الأخطاء إذا وقع فيها ريال مدريد حلال وما فيها مشكلة!! لا أدري لماذا نحن دائماً نترك الإيجابيات ونتمثل بالسلبيات، عندما نتمثل بالكبار؟ يا جماعة كونكم أنتم في صحيفة المجلس أو إعلام المجلس، لا يعني ذلك السكوت عن الأخطاء، الأسوأ من ذلك أنهم يجمّلونها. … متاريس الهلال كان عنده رفاهية فعلاً لفقد نقطة أو ثلاث نقاط ـ الآن وضع الهلال أصبح لا يحتمل فقدان أي نقطة. أعتقد أن الهلال بعد الخروج من البطولة الأفريقية لم يدخل بعد لحمى المنافسات المحلية. التركيز مهمٌ ومطلوبٌ من الجميع بما في ذلك الجهاز الفني للهلال ومجلس الإدارة. إطلاق سراح أي لاعب في هذا التوقيت مرفوضٌ. خروج أي لاعب من الهلال في هذا الوقت خسارة لن تُعوّض. مهاجم منتخب سيراليون للشباب موموه كامارا، اللاعب الذي يرتدي القميص رقم (10)، مهاجم خطير وصغير في السن وسجل هاتريك في شباك منتخب مصر للشباب الذي ينظم بطولة الأمم الأفريقية للشباب. هذا اللاعب، الأنظار اتّجهت إليه، نتمنى أن يرصده الهلال، وأن يرصد كذلك المواهب التي يمكن أن تفرزها بطولة الأمم الأفريقية للشباب. اشتقنا للغربال الذي اقتربت عودته. … ترس أخير: دائماً مُنتصرين إن شاء الله.
