أحدث الأخبار مع #بيشوف
الكنانة
١٩-٠٤-٢٠٢٥
- صحة
- الكنانة
التفكير المفرط كتبت/د/شيماء صبحى
علاقة ناجحة مع شخص عنده Anxiety و Over thinking؟ فيه حاجه اسمها Anxiety و Anxiety disorder وهى القلق واضطراب القلق.. بالعادة القلق بيكون مرتبط بمشكلة تانية هي الـ Overthinking أو الإفراط في التفكير..وهم عرضين نفسيين بيجي معهم أعراض تانية متل ا(لأرق والصداع أحيانًا ومشاكل الجهاز الهضمي واضطرابات التغذية) مثل (النهم الشديد أو إنعدام الشهية والبكاء بلا سبب) القلق والإفراط في التفكير. مبدئيًا الشخص إللي عنده Overthinking دماغه ما بيتوقف عن التفكير حتى وهو نايم وبيتعذب جدًا بسبب هالشي طول اليوم..بيفكر في أمور جدية جدًا وعادةً سلبية في كل وقت حتى وهو بيشوف فيلم في السينما، وبياكل، حتى وهو بيصلي..لو الله عطاك نعمة إنك تدخل الـNothing box شوي وتسرح في اللاشيء، فهو فعلا ما بيعرف معنى نوثينغ بوكس..عمره ما جرب إنه المخ تبعه ما يبطل يلف ويدور مثل الخلاط. ومن كتر تسارع الأفكار في مخه بيحس كأن فيه شخص ماسك مطرقة وعم يدق بمسامير في مخه..بيدخل بعدها في حالة تشبه حالات الهوس، بيبقى عندو رغبة شديدة في الكلام والغناء ويطلع كل مشاعره وأفكاره فورًا بعد Over dose التفكير إللي هيجيب أجله، عشان كدا رح تلاقيه ساعات بيرغي بلا توقف وبيتكلم بسرعة جدًا وممكن يعيد نفس المواضيع إللي اتكلم فيها 100 مرة.. إنت مفكره ممل بس الحقيقة هي أن مخه يعيد ويزيد في نفس الفكرة بمحاور مختلفة كل يوم.. دايمًا مضطرب وقلقان في علاقاته وإفراط التفكير بيخليه يسأل حاله طول الوقت.. أنا غلطان؟ هو أصحابي بيحبوني؟ هو حبيبي بيحبني؟ هو كان متعود يتصل اليوم ومبارح بطل يتصل..أكيد أنا عملت شي غلط؟ لو شفت رسالته وما ردت عليه بيصبر شوي وبيستحمل، بس بعد شوي الأفكار بتتمكن منه: أكيد هو بيعرف..أكيد فيه مشكلة..ممكن يوصل فيه التفكير لو اتأخرت عليه كم يوم أو اتغيرت معه في المعاملة كم يوم إنه بيفكر إنك خلاص مش عاوز تعرفه مرة تانية! تخيل مدى الألم الابيعيشوا وهو بيترجم تصرفاتك إنك مش بتحبه ومش عاوز تعرفو مرة تانية؟! إنت بتكون مفكره مش مهتم أو بيدلع أو اخد موقف لما بيقعد يقولك مالك رد عليه ؟أو يتصل فيك كتير، لكن هو الحقيقة بيبقى محتاج جملة واحدة بس تخليه يرتاح عشان يعرف ينام..لإنك بتبقى قاعد في بيتك بتتفرج على فيلم أو نايم بس هو بيبقى حرفيًا عايش ساعات سودة منتظرك تظهر وتطمنه إنه كل أفكاره المجنونة هي مالها أساس من الصحة ف بيبقى لا على حامي ولا على بارد عشان نفسه يرتاح ويعرف يعيش يومه عادي مثل الناس الطبيعية مفتاح الشخص دا هو كلمة وحدة 'الأمان'..كل إللي الشخص دا محتاجه لو إنه يحس بالأمان كل ما تجيلوا فكره سلبية كبيرة وإنت مع الوقت خلاص بتعرف السيناريوهات إللي بتدخله في مود التفكير . لما بقلك هو أنت اشتقتلي؟ لما بيقولك هو إنت زعلان؟، لما بيقولك انت مختفي، لما بيقولك إنت متغير معي، لما بيقولك فاكر زمان لما كنت بتعمل كذا..هي جمل معناها إنه متهدد وقلقان ومضطرب ومش محتاج أي حاجة أكتر من جملتين تلاتة بس حلوين و إيجابيين وهو بيكون تمام..مش محتاج أكتر من مكالمة دقيقة..رسالة..أغنية لطيفة..ساعات بيكون كل إللي محتاجه إنك حتى تعمله لايك على بوست..اللايك الهبلة يلي بنكرهها هي ممكن تشيل من مخه فكرة سلبيه ويقول لحاله: ' لا لا هو مش زعلان مني ولا شي هو حتى لسا عاملي لايك من شوي..أنا على باله صح'.
الأموال
٠٤-٠٣-٢٠٢٥
- ترفيه
- الأموال
رنا سماحة تكشف أسرار طلاقها وتُصرّح: 'عايزة حد أرجل مني'
فتحت الفنانة رنا سماحة قلبها لأول مرة وتحدثت عن كواليس انفصالها عن زوجها الملحن سامر أبو طالب بعد زواج استمر 5 سنوات، وقرارها برفع قضية خُلع، كما كشفت عن نظرتها للحب والزواج بعد التجربة. انفصال رغم المحاولة قالت رنا سماحة في لقائها ببرنامج "أوضة ضلمة" مع الإعلامية إنجي هشام على قناة "هي":"انفصلنا وأنا حامل.. رجعنا حطينا شروط عشان نكمّل، بس ده محصلش.. كل واحد فينا كان عايش بطريقته ومش عايز يغيّرها". وأوضحت أن ما طلبته لم يكن مجرد شروط، بل أساسيات الحياة الزوجية:"أنا مش عايزة مجرد جواز.. عايزة أحس إني ست والطرف التاني يكون ضهري وسندي.. لكن كنت حاسة إني لوحدي". قضية الخُلع وكواليس الانفصال تحدثت رنا عن قرارها برفع قضية خلع بعد رفض سامر الطلاق بالتراضي:"مكنش عايز يطلّقني.. قعدت شهور في بيت أهلي وهو مبيصرفش عليّ ولا على ابنه، وأنا اللي كنت بشتغل وأصرف". وأضافت بحسم:"أنا تنازلت عن كل حقوقي.. لكن حق ابني لأ". علاقتها بأهل طليقها أوضحت رنا أن علاقتها بأهل زوجها السابق انقطعت تمامًا بعد الانفصال:"أهله مشافونيش من بعد الطلاق.. كان بيشوف ابنه لما بقوله تعالى خده، وبعدين رفع قضية رؤية وهو بيشوف الولد في بيته". وعن فكرة الرجوع لطليقها:"لو حاول يرجع.. مستحيل أرجع له". مواصفات فتى أحلامها بعد تجربتها، أوضحت رنا أنها تبحث عن شريك حياة مختلف:"عايزة حد أرجل مني.. مش مجرد مسؤولية أو فلوس، الصرف على البيت ده حق الست مش منّة، والمفروض الراجل يعرف ده لوحده". الظلم في العمل وتجربة الإجهاض كشفت رنا أيضًا عن الظلم الذي تعرضت له خلال فترة عملها كمذيعة:"اتصدمت لما مشيت من مكان كنت فيه فترة طويلة بطريقة مستحقهاش.. زميلي كمّل عشان مكنش عنده خلافات، لكن أنا كان عندي". كما تحدثت عن تجربة الإجهاض المؤلمة:"الإجهاض وجع نفسي وجسدي.. بس ده نصيب ورزق زي أي حاجة في الحياة". اختتمت رنا سماحة حديثها برسالة قوية:"أنا مبندمش على حاجة في حياتي.. حتى الوجع علّمني".
مصرس
١٤-٠٢-٢٠٢٥
- أعمال
- مصرس
السيادة تبدأ من التنمية.. مشروعات مصر العملاقة تغير قواعد اللعبة بالمنطقة
لما نقول إن مصر قفزت 100 مركز في مؤشر جودة الطرق و 64 مركزا في مؤشر تطوير البنية التحتية، فإحنا مش بنتكلم عن حاجة عابرة كده والسلام لا ده تغيير جذري مش بس في الطرق و البنية التحتية، لكن في حياة الناس ومكانتنا وسط دول العالم. طيب الكلام ده معناه اية؟معناه انك لما تستثمر في البنية التحتية والطرق وتحقق نتائج وانجازات ملموسة على الأرض مش مجرد خطط فيحصل تصدير ونقل خبرات، فالدول التانية بتبدأ تلجأ لمصر وتثق في قدراتها على سبيل المثال لا الحصر:تنزانيا : مصر نفذت مشروع سد جوليوس نيريري بتكلفة 3 مليارات دولار، وده أكبر مشروع في شرق إفريقيا، والمهمة كانت بقيادة الشركات المصرية.العراق: شاركت مصر في مشروعات إعادة الإعمار، وبتنفذ حاليا العاصمة الإدارية الجديدة في بغداد، بالإضافة إلى مشروعات طرق وموانئ.إفريقيا: مصر بتشارك في مشروعات ضخمة لربط الدول الإفريقية بشبكة طرق إقليمية حديثة، ما يعزز التعاون الاقتصادي.ليبيا: مصر ساهمت في إعادة إعمار البنية التحتية وتطوير مشروعات الطرق والمباني.الدول دي بتثق إن خبراتك قادرة على إدارة مشاريع ضخمة بكفاءة، وده بيصب في اسم مصر ومكانتها قدام العالم.وللعلم البنية التحتية القوية مش بس طرق وموانئ، لا دي شريان الاقتصاد والتنمية وبتنعكس ايجابيا على واحده من اهم ايرادات الدولة الا وهى السياحه ، وده ببساطة لان مفيش حد هيفكر يروح مكان مفهوش مثلا طرق نظيفة او صرف محترم او طرق ووسائل نقل حديثة متماشية مع الدول المتقدمة ومناسبة وادامية وشكلها كويس ويخلينى اروح المناطق الاثرية بسرعه وبسهولة سواء مثلا الاهرامات او غيرها من المناطق السياحية وبالتالى زياده العائدات من السياحة.طيب لو بنتكلم من وجهة نظر رجال ومراكز الاعمال والبزنس فانت ماشاء الله حدث ولا حرج عنالموانئ والمناطق اللوجستية الجديدة اللى جذبت مستثمرين دوليين بيفتحوا شركات ومصانع جديدة ومراكز اقليمية، ما يعني فرص عمل أكتر ودخل قومي أعلىواما فيما يخصالقطاع العقارى وعلاقنة الوثيقة بالبنية التحتية والطرق فمبيعات العقارات للأجانب حققت نص مليار دولار في 6 شهور بس.الشركات المصرية بقت شريك أساسي في تنفيذ مشاريع عالمية زي المدن والسدود والموانئ وخد بالك من الحته ديه لان بيكون ليها مردود ايجابى وسياده سياسية وليك تقلك ف المنطقه بدون دخول فى تفاصيل ده غير زيادة الاستثمارات:أي مستثمر بيشوف بنية تحتية بالجودة دي بيحط ثقته في البلد. ده معناه مصانع جديدة، شركات، وخلق فرص عمل على سبيل المثال لا الحصر بولاريس بارك التركية اللى على طريق العين السخنة واكتوبر والمنطقة الصناعية الروسية فى شرق بورسعيد والعين السخنة و المنطقة الصناعية الصينية "تيدا" فى المنطقة الاقتصادية فقناه السويس وغيرهم من المناطق الصناعية اللى مصر عملتها لتوطين الصناعات سواء العربيات و الموبيلات والمركبات والقطارات ومناطق صناعية زى شرق بورسعيد والعلمين الجديده والمنطقة الصناعية ببرج العرب وراس الحكمة وعندك خط الرورو اللى بينك وبين ايطاليا اللى اشتغل فعليا ومنطقة E2الصناعية فى اكتوبر والمنطقة الحره فى العاصمة الادارية والمدينة الصناعيه بالعاصمة الاداريه وغيرهم كتيرطيب حاجه كمان موضوع توطين الصناعات او حتى الطرق والموانئ الجديدة ساعدت في تقليل تكلفة نقل البضائع، وده هينعكس ان شاء الله بشكل مباشر على أسعار السلع وده الاهم بالنسبة للمواطن المصرى، ده غير طبعا انخفاض الحوادث بنسبة 18% عن سنة 2015 ده برغم زيادة عدد السكان والعربيات وكمان تقليل الوفيات بنسبة 28.5% بالرغم من نفس الظروف.والاهم كمان توفير فرص عمل جديدة: مشروعات الطرق والموانئ والمشاريع الدولية اللي مصر بتنفذها وفرت آلاف الفرص للمصريينوطبعا بنية تحتية يعنى خدمات أفضل لينا ولاهالينل فى المحافظات والاقاليم سواء زي المستشفيات والمدارس وغيرهمفي النهاية، لما بنشوف إنجازات زي دي، لازم نحس بالفخر ببلدنا وقدرتنا على التغيير ،بدل منقعود نتريق او نبقا ماده للسخرية من دول تانية، صحيح إن لسه في تحديات كتير، بس الإنجازات دي بتقول إن ان شاء الله مفيش مستحيل،، وطبعا أكيد بنتمنى نشوف تحسن أكبر في مؤشر مستوى المعيشة، لأن في الآخر كل اللي بنعمله ده هدفه الأساسي هو إن كل مصري يعيش حياة كريمة وان مصر تاخد مكانتها اللى تستحقها كالعاده وسط دول العالم
