أحدث الأخبار مع #حازم_إيهاب
في الفن
منذ 3 أيام
- ترفيه
- في الفن
حازم إيهاب: اتخانت مرتين واتسبت مرة وحصلي مشكلة مزمنة في قلبي بسبب القصة دي
تحدث الفنان حازم إيهاب عن زوجته "منة" وقصة ارتباطه بها. وقال حازم إيهاب خلال لقائه في بودكاست "فايق ورايق" مع إبراهيم فايق: "لما شفت مراتي كان بعد 3 تجارب أسود من السواد، اتخانت مرتين ومرة اتسبت، كانت الدنيا بشعة". تابعوا قناة على الواتساب لمعرفة أحدث أخبار النجوم وجديدهم في السينما والتليفزيون اضغط هنا وتابع حازم إيهاب: " أنا دخلت المستشفى وحصلي مشكلة مزمنة في قلبي بسبب القصة دي، وصلت لمرحلة أن عندي حاجة اسمها عدم انتظام ضربات القلب". نرشح لك: ناهد السباعي تهرب من حرارة الطقس إلى حمام السباحة وأكمل حازم إيهاب: "المرة اللي اتسبت فيها هي دي اللي دخلت فيها المستشفى، مرة اتخانت وفي النص اتسبت وبعدين اتخانت، أنا زي ما أكون باكل علقة، أول مرة اتخانت رد فعلي مكنتش متحكم في إحساسي وعصبي، كنت ساعتها صغير وابتديت بقى شكلي حلو وعملت أسناني ورحت الجيم وكنت بالنسبة للجيل بتاعي يتهافت عليا القلوب، وحسيت أن ليه بيحصل فيا كده". وعن قصة تعارفه بزوجته قال: "ظهرت لي "منة" مراتي من وسط الضلمة، أنا اتجوزت وأنا عندي 24 سنة وكنت بعمل كل اللي في إيدي عشان اتجوز، هي تأثيرها عليا كان إيجابي، لما شفتها أنا كنت بني آدم مش كويس نفسيا وتصرفاتي كان عندي مشاكل كتير جدا، اتقفت معاها وقلت لها أنا في اللحظة دي معيش فلوس بس عايز أقابل مامتك، ودا كان بعد 7 أيام من لما شفتها أول مرة، بعد 10 أيام قابلت مامتها وقلت لها إني لا أملك شيء، أنا لو ربنا كرمني بكرا بحاجة هخطب بعد بكرا، ولو بعده كرمني بحاجة هتجوز بعد بكرة، وهي اعتبرتني زي ابنها". يذكر أن حازم إيهاب شارك في رمضان 2025 بالجزء الثاني من مسلسل "أشغال شقة". مسلسل "أشغال شقة" من بطولة هشام ماجد، أسماء جلال، شيرين، سلوى محمد علي، مصطفى غريب، وآخرين ومن تأليف خالد وشيرين دياب، وإخراج خالد دياب. اقرأ أيضا: صفية العمري عن ظهورها بـ"مايوه" في فيلم "أبدا لن أعود": لما بشوف نفسي دلوقتي بتضايق جدا أول تعليق من جورج وسوف على شائعة وفاته حازم إيهاب: رفضت إجهاض ابني رغم فتوى الأزهر ومراتي معرفتش أنه عمل عملية بعد ما اتولد إطلالة بالأسود القصير وجولة بالرولز رويس وعشاء رومانسي ورقصة في المطعم ... يوميات نسرين طافش في كان الفرنسية لا يفوتك: في الفن يكشف حقيقة وليد فواز مبدع أدوار الشر حمل آبلكيشن FilFan ... و(عيش وسط النجوم) جوجل بلاي| آب ستور| هواوي آب جاليري|
في الفن
منذ 3 أيام
- ترفيه
- في الفن
حازم إيهاب: رفضت إجهاض ابني رغم فتوى الأزهر ومراتي معرفتش أنه عمل عملية بعد ما اتولد
حكى الفنان حازم إيهاب عن ابنه "يونس" الذي توفي بعد 13 يوما من ولادته. وقال حازم إيهاب خلال لقائه في بودكاست "فايق ورايق" مع إبراهيم فايق: "الحمد لله عمري ما دخلت في الحتة إن كاره اللي حصل أو متضايق من اللي حصل بالعكس، بعد 4 شهور جواز ومكنش في شغل مراتي كانت حامل، قلت الولد بيجي برزقة، الدنيا كانت كويسة لحد الشهر الخامس روحنا للدكتورة وشافت حاجة وهي مكنش عندها طريقة للتواصل صح قالت المعلومة بشكل مرعب قالت "إحنا محتاجين نعمل فحص إيكو للقلب"، سألتها ليه قالت "خير"، "منة" مراتي قلقلت ومامتها، وعملنا "الإيكو" واكتشفنا أن فيه غرفة من غرف القلب مش شغالة، لغاية اللحظة دي معندناش مشكلة لأن الدم بينتشر في جسمه من قلب الأم مش من قلبه هو، حاولت إني اسحب الموضوع ناحيتي لأن كان في مكالمة بيني وبين ناس في أمريكا بلغوني بشكل رسمي أن في الحالة زي دي الموضوع مش بيكمل". تابعوا قناة على الواتساب لمعرفة أحدث أخبار النجوم وجديدهم في السينما والتليفزيون اضغط هنا وتابع حازم إيهاب: "أنا بقيت بطمن "منة" مراتي وأن الموضوع هيظبط، مكنتش عارف أواجهها وأقولها، دا غير أن هي كان ممكن تتعرض للخطر، كلمت حد من الأزهر وسألته أعمل إيه، قالي أن مسموح أن ننزل الطفل لكن لما بدأت اسأل لقيت أن في خطر على حياة "منة" مراتي فقلت لأ، وكان عندي مشكلة إني ابقى قاعد قعدة زي دي وأحكي وهو خلصان في الشهر الخامس ولا السادس، كان هيطاردني كابوس طب ما أنت متعرفش ما ربنا كان ممكن يحط فيه معجزة، ربنا قادر على كل شيء". نرشح لك: #شرطة_الموضة: رزان جمال بفستان برجندي برقبة Halter ... سعره 423 ألف جنيه وأكمل حازم إيهاب حكايته: "بعد الولادة كانت أصعب بكتير أنا بشكر دكتور عبد الرحمن من مستشفى مجدي يعقوب، "يونس" عمل عملية بعد 6 ساعات من الولادة، "منة" كانت فاكرة أن "يونس" في الحضانة في المستشفى اللي هي موجودة فيها، ومتعرفش أن هو راح مستشفى تانية خالص، عمل أول عملية محاولة يفتحوا الحتة دي وفعلا فتحت والدكتور قالي أن دي خطوة مهمة، 13 يوم وكانوا طوال جدا عليا لأني مكنتش بنام، لكن مع الأسف كنا اتأخرنا العضلة دي كانت لازم تشتغل قبل ما يتولد عشان تقدر تضخ الدم وتبقى قوية وهي مكنتش قوية، مع اليوم الـ13 كان لازم يعمل عملية تانية، دخل عمل العملية دي وفضل قاعد فيها 4 ساعات وخرج الدكتور وزي مشاهد الأفلام الدكتور قالي تعالى إحنا حاولنا لكن في آخر العملية كان بيدي بوادر أن هو مش هيكمل الجسم كان بينهار". واختتم حازم إيهاب كلامه: "كانت صدمة وربنا يجعله شفيعا لينا، في الأول أنا كنت منهار وأنا كنت صدقت أن هو هيكون موجود وهحضر سريره، لكن الحمد لله انتهت الحدوتة بسرعة ودا كرم من ربنا في ناس بتقعد أكتر". يذكر أن حازم إيهاب شارك في رمضان 2025 بالجزء الثاني من مسلسل "أشغال شقة". مسلسل "أشغال شقة" من بطولة هشام ماجد، أسماء جلال، شيرين، سلوى محمد علي، مصطفى غريب، وآخرين ومن تأليف خالد وشيرين دياب، وإخراج خالد دياب. اقرأ أيضا: القصة الكاملة لمشاجرة نجل محمد رمضان مع زميله والحكم بإيداعه دار رعاية هند صبري: عمري ما أشتغل علشان الفلوس ... الحمد لله مش محتاجة بالمستندات ... أسرة عبد الحليم حافظ تكشف حقيقة زواجه من سعاد حسني سالم مصطفى "سخسوخ" في فيلم "الكيف": حصل موقف زعل محمود عبد العزيز مني - فيديو لا يفوتك: في الفن يكشف حقيقة وليد فواز مبدع أدوار الشر حمل آبلكيشن FilFan ... و(عيش وسط النجوم) جوجل بلاي| آب ستور| هواوي آب جاليري|
