أحدث الأخبار مع #عبدالعزيزالمازري
كورة سودانية
منذ 16 ساعات
- رياضة
- كورة سودانية
حين يتهالك العظم… وتسقط هيبة الهلال تحت أقدام الغرباء!
العمود الحر عبدالعزيز المازري حين يتهالك العظم… وتسقط هيبة الهلال تحت أقدام الغرباء! لا تزال جماهير الهلال تعيش صدمة خروج أبو عاقلة، أحد أعمدة الارتكاز، في وقت يُفترض فيه أن يُكرَّم لا أن يُغادر. خرج الرجل بصوتٍ خافت لكنه مؤلم، مصرحًا بأن الأسباب 'شخصية'، وهي العبارة التي تخفي ما لا يُقال في العلن، بينما الواقع يشير إلى تعنت إداري وضعف تفاوضي جعلنا نفرط فيه بعد أن قدّم الغالي والنفيس. أبو عاقلة لم يساوم، بل خرج من الباب الكبير وهو يدرك أن الهلال تغيّر، وأن **عظم الفريق** تآكل بفعل فاعل. وقبل أن تجف دموع المحبين على رحيل أبو عاقلة، نعود بذاكرتنا إلى 'الصيني'، لاعب آخر من طينة الكبار، خرج من الباب الخلفي بقرار مفاجئ خلال معسكر السعودية، برئاسة رامي كمال. لحظة مربكة لا تُنسى، إذ لم يصدر توضيح مقنع من المجلس، واكتفوا بصمت إداري عقيم، وكأنهم يقولون لنا: 'انسوه… انتهى'. وهذا ما لن يحدث، لأن الجماهير لا تنسى من قاتل من أجل الشعار. عزّ الله؟ قصة أخرى من قصص التفريط المجاني. لاعب صغير في العمر، كبير في القيمة، تألق في ليبيا أساسياً في فريق النصر، ونحن ننظر إليه بحسرة كنا نملك الجوهرة، فبعناها ببخس. كيف تُدار ملفات التجديد؟ من يُقيّم المواهب؟ من المسؤول عن غربلة العظام والإبقاء على الفتات؟ في المقابل، يشهد الهلال تعاقدات ضخمة مع لاعبين أجانب لا يصمدون أكثر من موسم، كمحطة عبور أو لقطات عابرة في سجل الأزرق. أموال طائلة تُنفق على 'هوية أجنبية مؤقتة' بينما هوية الهلال الحقيقية، تلك التي تُمثلها خبرات محلية وجواكر وطنية، تُنحر بهدوء. كل موسم نبدأ من الصفر، بلا خط وسط ثابت، بلا روح، بلا ملامح. وجماهير الهلال؟ لا ترضى أن تُسكت بـ'بسكويتة' تفاوضية مع لاعب جديد يُباع لها على أنه النجم المنتظر، في حين أن **عظم الفريق** يُسحب من تحته رويدًا رويدًا. الهلال اليوم بلا هوية، بلا قيادة داخل الميدان، بلا استقرار فني. هوية الفريق باتت موسمية، تظهر فجأة وتتبخر قبل أن نحفظ أسماء لاعبيها. مشكلة مجلس الهلال ورئيس قطاعه ليست فقط في اختياراتهم، بل في غياب الشفافية، في الصمت الطويل، في عدم احترام وعي الجمهور. ملفات كبيرة تمر مرور الكرام، كما حدث في الروابط، وكما يحدث الآن في صفقات ومغادرات لا نجد لها تفسيراً سوى 'مزاج إداري' لا علاقة له بالبناء أو المستقبل. الهلال يتهاوى، لأننا فرّطنا في **عظم الفريق**، والمجلس يُكابر، ورئيس القطاع لا يشرح ولا يُحاسب. والمؤلم أننا، إن استمر هذا النهج، سنشهد في الموسم المقبل مزيدًا من السقوط، وربما نُصفق وقتها لموسم نجونا فيه من الهبوط! **نقاط حرة – ملفات لا بد أن تُفتح:** * ما هو المنطق في التفريط في لاعبين مثل الصيني وأبوعاقلة، والتعاقد مع أسماء أجنبية باهتة مثل فوفانا وقاساما؟ هل المال مبرر لهذا الخلل؟ وهل قُدِّر أبناء الفريق بنفس ما أُغدق على الغرباء؟ * ما حقيقة ما جرى في ملف 'الروابط الجماهيرية'؟ أين ذهبت؟ ومن قرر تفكيكها؟ ولمصلحة من تم ضرب هذا الامتداد الاجتماعي المهم؟ * من صاحب القرار في الاستغناء عن لاعبين في قمة عطائهم؟ وكيف يُجدّد في المقابل لأسماء تراجع عطاؤها وانتهت أعمارها الفنية؟ * ما السر في الإبقاء على جهاز فني فشل في تحقيق الأهداف رغم الإمكانيات المهولة؟ من يقيّم الأداء؟ ومن يحاسب؟ * الهلال الآن فريق بهوية موسمية أجنبية مهددة بالسقوط في أي لحظة، فأين الاستقرار؟ وأين هو مشروع الفريق الوطني الحقيقي؟ * وأخيرًا… ما الذي يحدث في ملف 'الدكاكين'؟ من المُستفيد؟ وهل تحوّل الهلال من نادٍ رياضي إلى واجهة استثمارية تُوزّع فيها الامتيازات على المحاسيب؟ **كلمة حرة أخيرة:** الهلال لا يحتاج إلى 'نجم تفاوضي' جديد… بل إلى رجالات تحرس ما تبقى من **عظم الفريق**. الهلال ليس مشروع فرد، ولا مكتب تعاقدات، بل هو كيان ضخم يُبنى بالشفافية، لا بالتعتيم. ومن أراد أن يصنع مستقبلاً، فليحترم تاريخه أولاً.
كورة سودانية
منذ يوم واحد
- رياضة
- كورة سودانية
ساخر وبس
العمود الحر عبدالعزيز المازري ساخر وبس وصيف بارك لوصيف ونحنا مالنا وصيفيات من وحي مباركة الوصيف للوصيف!! اها اهل الوصيف علي التعترهم قاموا كده وقدموا مباركة لنواذيبو نظام مكايدة في ابوزرد الزعيم الصعب .. نقوم كده براحة اصلو نحنا اهل الوصيف ديل حبايبنا وناسنا ماغريبة علهم نقوم كده نتونس معاهم شوية ……………………….. ** من دفتر الوصيف العالمي ** المريخ وصيف كينغ نواكشوط بيبارك لوصيف الهلال نواذيبو.. الوصيف بيواسي الوصيف.. ونحن نعاين ونقول: *يا ربي دا دوري شنو؟ دوري الوصيفين؟!* \#الوصافة\_قدر المريخ في المركز السادس، قدامو كينغ نواكشوط، ولسه بيكتب تهاني! *الزول الداير وصافة بأي طريقة، حتى في الدوري الموريتاني ما قصّر* \#وصيف\_سوداني وصيف موريتاني قالو المريخ بيجهز فريق للموسم الجاي، سمعنا قاعدين يفاوضوا وصيف فريق براعم نواذيبو *البحث عن الوصافة مستمر* الهلال بطل.. نواذيبو وصيفه كينغ نواكشوط خامس.. والمريخ السادس وصيفه يعني لو قسمنا الدوري على مجموعتين: *مجموعة الأبطال ومجموعة المريخ* \#وصيف\_الوصيف —المريخ وصيف كينغ نواكشوط السادس، بيبارك لنواذيبو وصيف الهلال! الوصيف بارك للوصيف.. ونحن نبارك ليهم بالدموع خلي الوصافة تجمع الأحباب! #من_وصيف_لوصيف #هلالنا_البطل المريخ بارك لنواذيبو على الدوري، ونسى نفسو في المركز السادس وراء كينغ نواكشوط الخامس! أها يا مريخ، مبروك ليكم 'الوصافة التانية' يعني وصيف وصيف كينغ نواكشوط.. شن قولكم؟ #تاريخ_مكتوب المريخ دا لو فيهو ذرة كرامة كان بارك لنفسو على المركز السادس، لكن الزول الفي المركز السادس وبيبارك للبطل دا إما زول طيب شديد أو ما قاعد يقرأ جدول #المريخ_وصيف_الوصيف أها كينغ نواكشوط الخامس.. والمريخ وراه السادس، يعني وصيف وصيفك يا مريخ؟ لو في دوري للتهاني الفاضية كنتو المركز الأول بفرق 20 نقطة! المريخ من فرط العشق في الوصافة بقى وصيف كينغ نواكشوط كمان! نحن متأكدين يا جماعة دا دوري موريتاني؟ ولا دوري 'الوصيف العالمي'؟ #الوصافة_تجري_في_الدم
سودارس
منذ 3 أيام
- رياضة
- سودارس
المحترفون يلوّحون بالرحيل... ودوري النخبة يُشعل الفتيل!
عبدالعزيز المازري المحترفون يلوّحون بالرحيل... ودوري النخبة يُشعل الفتيل! ### **أسامة عطا المنان... قرارك في مرمى النيران!** عندما نكتب عن أسامة عطا المنان، فنحن لا نتحدث عن شخصية عادية في الساحة الرياضية، بل عن رجل نافذ ومؤثر داخل الاتحاد السوداني لكرة القدم. رجل يُشكر أحيانًا... ويُستنكر كثيرًا! لا خلاف على اجتهاده وحضوره الدائم، لكن هل الاجتهاد وحده يكفي؟ وهل تُدار كرة القدم في بلدٍ تمزقه الحرب بقرارات فردية ومباغتة؟! ### **قرار ارتجالي... بلا ضمانات** في لحظة وطنية حرجة، أعلن نائب رئيس الاتحاد، أسامة عطا المنان، عن إقامة "دوري النخبة" في القضارف وكسلا ، دون مشاورات مسبقة مع الأندية أو طرح رؤية واضحة. وكما ورد في بعض المنصات والوسائط الإعلامية، فإن السلطات المحلية بالقضارف رحبت من حيث المبدأ بالاستضافة من الجانب الأمني، لكنها اعتذرت رسميًا عن توفير الإعاشة والإقامة، وأكدت عجزها المالي عن تغطية التكاليف. أما الاتحاد المحلي، فصرّح بعدم توفر الإمكانيات، بينما الاتحاد العام ذاته لم يعلن عن التكفّل بالمنصرفات. وهنا يُطرح السؤال: هل سيتولى الاتحاد تغطية هذه التكاليف؟ وهل تم التنسيق مع الجهات ذات الصلة لضمان توفير كل مستلزمات النجاح؟ أم أننا أمام قرار حُسم بشكل أحادي دون ترتيبات حقيقية؟! ### **الهلال والمريخ... في فوهة المدفع** تحفّظت أندية القمة على المشاركة، وطرح بعضها بدائل، لكن الاتحاد بدا مصرًا. المريخ بدأ خطوات العودة للسودان، فيما لم يصدر الهلال ردًا رسميًا حتى الآن. في الظروف العادية، اللعب داخل السودان يُعتبر ميزة، لكن البلاد لا تعيش وضعًا طبيعيًا. معظم محترفي الهلال والمريخ – وعددهم يفوق 23 لاعبًا – أبدوا تحفظًا على العودة، وبعض عقودهم تتضمن بنودًا تمنع السفر لمناطق النزاع. وهذا ليس تحذيرًا نظريًا؛ فقد خسر الهلال لاعبين مثل **جارجو** و**إيمورو**، بعد أن فسخت الفيفا عقودهما عقب مغادرة البعثة في يونيو 2023. فماذا لو وقعت أحداث أمنية جديدة؟ من يتحمل العواقب؟! ستخسر القمة كثيرًا، وخاصة أن بعض لاعبي الهلال يُعتبرون أهدافًا للأندية الخارجية، وربما تستغل هذه الظروف للظفر بهم عن طريق فسخ العقود. فهل فطن الاتحاد لحجم الخسائر التي ستتكبدها الأندية في حال إصراره على قيام الدوري بهذا الشكل؟! ### **دوري أم مغامرة؟** الأمر لا يخص الهلال والمريخ فقط، بل يشمل أندية من ولايات أخرى تعاني من ضعف الموارد. فهل تكفّل الاتحاد بنقلها، أو تأمينها، أو توفير الحد الأدنى من متطلبات المشاركة؟! فكيف يُقام دوري دون ممول؟! ### **فرصة ضائعة في مهب الريح** ورد أن الهلال والمريخ عرضا دعم سفر الأندية من كسلا إلى أسمرا لتوفير بيئة آمنة، لكن المقترح أُجهض، كغيره من الحلول المنطقية في هذا البلد المنكوب! ### **نعم للدوري... لا للفوضى** نحن مع قيام الدوري، متى توفرت الضوابط، وسُيّج بالأمان والعدالة. نريده أن يُقام داخل السودان، لكن لا نريده ديكورًا يُخفي الفوضى، أو غطاءً لقرارات فردية ومخاطر تهدد وجود الأندية إفريقيًا. ### **كلمة حرة أخيرة** لسنا ضد كرة القدم، بل نريد دوريًا يُعيد الحياة لا أن يفتح أبواب النزيف. نرفض قرارات تُدار بعقلية "خبط لصق"، ونريد اتحادًا يحكمه المنطق لا مزاج الأفراد. **"حين يُدار الدوري بالهوى... فانتظروا الكارثة!"**
سودارس
منذ 6 أيام
- رياضة
- سودارس
يا أخوانا بالله شوفوا لينا حل…
عبدالعزيز المازري يا أخوانا بالله شوفوا لينا حل… شكلنا نحنا ذاتنا ما فهمنا المشروع، لأنو حسب آخر التقارير العالمية، الهلال دا طالع الأول في ترتيب الدوري الموريتاني القوي جدًا، وكمان على المريخ، وفات برشلونة ، وسابق ريال مدريد في الإحصائيات بتاعة "كنترول اللعب وقت ما تكون ماشي علي حبل". يا جماعة الهلال دا عندو فريق؟ ولا أحلى! فريق بيرقص في الملعب زي ما تقول جاز صوفي. الااولا مكاشفي القوم يطوف بين قوله نظر بالعين شالوا شلوشله من يد لي يد لي مكاشفي ابو دله كلامه متين التمريرات بالبصيرة، والخطط بالرادار، وتبديلات المدرب بيجيبها من علم الفلك. الهلال دا بقى برازيل أفريقيا؟ في العهد الحالي أكتر كمان! بس البرازيل ذاتها هسع لو لعبت معانا، بتتعادل بالعافية. ما شاء الله الفريق متصدر الدوري الموريتاني (واسمو فوق قاعد في ترتيب الجدول)، في زول بغالطنا كمان؟ والحمد لله… صدارة وجدارة وإدارة، وما في إدارة غيرنا! وكان جيبت للأجانب ديل؟ بقي ديل حتة تانية خااااااااااااااااااالص! يا سلام على الاختيارات… العليقي داسي الكورة صاح، واختيارات من بيت الكلاوي. الزول الكان بجيب بطيخ في الدوري السنغال ، معانا ضيوف وعينك ما تشوف، هسع ماسك الدفاع عندنا. واللي كان بيسوق ركشة في ساحل العاج ، قصدي بسوق وبحاور في الدوري الموريتاني، أسه معانا. **طيب العليقي؟** زيو مافي! دا ما مجلس، دا أكاديمية قرارات. كل تصريح منو بيرجف ليهو السوق العربي. يعني شنو "مهاجم سوبر"؟ إنتو ما شايفين الجماعية في الفريق كيف، والأقوان المطر؟ **المشروع؟** أول مرة يُطبق في التاريخ، وظروف الحرب خلتنا نبدع. يعني هسع نحنا بنصرف وبنبني، والفرق التانية مشغولة، وفي الأبطال مشوا سجلوا وعملوا شنو؟ أهو الأهلي ملايين وخرج كما ولدته أمه. **وتاني برجع لفلوران؟** أووووه، دا ما مدرب… دا مُعلّم! منتصر على كهيدي، والفرق الكبيرة في أبطال أفريقيا! يا أخي دا ضرب الجماعة كلهم، وعلى القنوات الناقلة ذاتها كلهم بشكرو، إلا البرنس هيثم مصطفى. هيثم شنو؟ هيثم زاتو مشى المريخ، يكون مع الجماعة الحاقدين على الهلال لمن أتكلم على فلوران المؤسس. بس بالله ما تسمعوا لكلام الحاقدين البيقولوا المدرب بيتوه، أو الإدارة بتقصّر. ديل ناس عندهم حقد تاريخي، شايفين الهلال في الطالع وما قادرين يبلعوا القصة. **النقد؟** كلمة بايخة. أي زول بقول كلام غير "الهلال بخير"، دا ضد الاستقرار، ضد المشروع، ضد الوطن. كمان دلقون عديل! يا ناس، نحنا ما فشلنا، نحنا بس سابقين الزمن. النتائج الما كويسة دي جزء من الخطة، وكل إخفاق هو نجاح بنكهة التخدير. بس بالله خلوكم معانا… وأي زول يتكلم، قولوا ليهو: "معذرة… يمكن إنت الما فاهم المشروع!" **كلامي أصلو ما بخلص، لأنو دا الهلال، ونحن عشاقو، والباقين البينتقدوا ديل ما دايرين مصلحة نادينا.** الهلال دا… ولا ريال مدريد أيام كاسياس! يا جماعة الخير بالله خلوني أقول الكلام الداير أقولو لي سنين ما قلتو. انا شاف براي ومعاي الناس البحبو الهلال **الهلال؟** يا سلام سلم! الهلال دا هسع لو دخل دوري أبطال أوروبا… بتلاقي السيتي بيحاول يتهرب من مواجهتو، والإنتر زاتو بعد طير البارسا بعمل الف حساب. يا زول دا فريق؟ فوق الفريق! مزيج بين مانشستر يونايتد زمن بيكهام. أنا لو مدرب الصقور، كان عملت البدع وخليت الهلال دا المنتخب، ويمثلنا في أفريقيا. لكن تقول شنو؟ كواسيا ابياه دا مدرب فاشل ساي… أسه شوفو وقارنو بفلوران. غايتو أنا من ما شفت، مجلسنا دا عرفت الهلال ماشي صاح، ما زي كل المجالس السابقة أبدًا. لا بشبهم، لا بشبههو. دا مجلس الإنجاز والإعجاز عديل… ما شفت مجلس زي دا. قال يقصروا؟ يقصروا وين؟ ديل لو قصروا، بيكون قميصهم ضيق ساكت! الناس ما بتشوف… يكون مدفوعين من الدلاقين ولا أقطاب الهلال. الناس البتنتقد دي ما عارفة أي حاجة. برااااااااااااااحة كده شوفو الأجانب… دي اختيارات ما حصلت. اللاعبين الأجانب ديل بجيبوا ليك السخانة وهم في الشتاء. المهاجم بيسجل من منطقة دفاعنا، والحارس شايل معاه شبكة وصنارة، يقبض الكور زي السمك. **أقول لييكم حاجة؟** أرجع تاني لفلوران عشان أوريكم الزول دا حملات الحقد ضدو. دا مش مدرب… دا جراح نفسي. بيفك ضغوط اللاعبين زي ما الدكتور بيفك الجبص. بقرأ المباراة من وش الشاشة، وبيقلب النتيجة بصرة وش ساي. والشاشة غشاشه والناس البتقول "المدرب السبب"؟ ديل ناس ضد التقدم، ضد الحضارة، وضد ال Wi-Fi. أصلو أي زول بسأل ليه لعبنا كدا؟ بنقول ليهو: دا جزء من الخطة… إنحنا بنلعب شطرنج، ما كورة ساي. والناس الما عندها صبر، كان تسألوا عن النتائج؟ أبشروا… كلها وهم بصري. نحنا بنخسر، بس بنربح في المعنويات. التعادلات موجهة، والخسارات مقصودة. دا شغل عالي… فوق الفهم. **الحرب؟** سببنا الأول والأخير. يعني الهلال ما عندو ملعب ولا جمهور، لكن ما شاء الله عندو مشروع وأمل وروح بتطير. ### كلمة حرة وكده: أعذروني يا جماعة… أنا اليوم ما أنا، لابس نضارة "بوغ"، لابس بوت تطبيل رقم 9.5، ومعاي ساكسفون الهجيج في فرقة تمجيد المشروع القومي للبلدوزر الإداري. لو سمعتوني بعزف "فلوران سيمفوني رقم واحد"، فدا لأنو مزاجي عالي… ونحن ما بنهذر معاكم ! نحن بنعزف… ونطبل… وننام على صوت الهزيمة، وهي لابسة فستان النصر. العليقي قال... نقلب الصفحة ونكتب في كتاب المجد! نحنا يا جماعة ما فريق… نحنا "دولة فنية" عندها نشيد وطني خاص بيها: **"مشروعنا دا لو فهمتوا... بتشوف القون قبل ما يتسجل".** **الهلال هسع؟** ولا كأنو نادي، دا معهد عالي لتعليم الإبداع الكروي. كل تمريرة ورقة علمية، وكل تبديل رسالة ماجستير. اللاعبين قاعدين يناقشوا خطط اللعب بمصطلحات من مؤتمر الأمم المتحدة! أي زول بيقول فلوران فشل؟ دا أكيد ما تابع "المشروع" من أولو، أو ما استوعب إنو الانتصارات في عهدنا بقت معنوية… نحن بنخسر بالنتيجة، لكن بنفوز بالحلم! **تقول لي الأجانب؟** ما تخلي قلبي يرفرف! واحد سريع زي رسائل ال WhatsApp، وتاني بيقطع الكورة زي مكنة اللحمة في الجزارة **الهلال ما سجل مهاجم؟** دا جزء من الخطة البعيدة… نحن بنلعب من غير مهاجم، عشان نلعب عقول الناس قبل نلعب كورة. **طبعًا الحرب مأثرة…** لكن نحنا، رغم الحرب، عندنا مشروع، وفي زحمة الكلاش، بنبني طموح. **بالمناسبة، لو أي زول سألنا:** ليه الفريق بيخسر؟ نقول ليه: **النتيجة بتخدع… المشروع هو الصح!** ### اخر كلمة : يا أحباب، اليوم أنا كاتب المقال دا وقلبي مليان هتاف، لابس نضارة مشروع بعيون وردية، لابس بوت "ما تقاطع التطبيل" المقاوم للصدمات، وشايل دف تمجيد فوق كتفي. أنا اليوم ما ناقد… أنا عازف في أوركسترا الفلاشات، وغنيت مع الكورال: **"يا فلوران سير... ونحن وراك صفوف، حتى لو خسرنا، بنقول انتصاراتنا ظروف!"** وغنوا معاي: **"كل ما يمر صباح زايد على شوقك.. الله يصبرك"**، **"وياما صبرنا على جفاك يا الغالي قدرك عندنا"**، **"وأغالب دمعي واتصبر وأقول يا الله صبرني".**
كورة سودانية
منذ 6 أيام
- رياضة
- كورة سودانية
يا أخوانا بالله شوفوا لينا حل…
العمود الحر عبدالعزيز المازري يا أخوانا بالله شوفوا لينا حل… شكلنا نحنا ذاتنا ما فهمنا المشروع، لأنو حسب آخر التقارير العالمية، الهلال دا طالع الأول في ترتيب الدوري الموريتاني القوي جدًا، وكمان على المريخ، وفات برشلونة، وسابق ريال مدريد في الإحصائيات بتاعة 'كنترول اللعب وقت ما تكون ماشي علي حبل'. يا جماعة الهلال دا عندو فريق؟ ولا أحلى! فريق بيرقص في الملعب زي ما تقول جاز صوفي. الااولا مكاشفي القوم يطوف بين قوله نظر بالعين شالوا شلوشله من يد لي يد لي مكاشفي ابو دله كلامه متين التمريرات بالبصيرة، والخطط بالرادار، وتبديلات المدرب بيجيبها من علم الفلك. الهلال دا بقى برازيل أفريقيا؟ في العهد الحالي أكتر كمان! بس البرازيل ذاتها هسع لو لعبت معانا، بتتعادل بالعافية. ما شاء الله الفريق متصدر الدوري الموريتاني (واسمو فوق قاعد في ترتيب الجدول)، في زول بغالطنا كمان؟ والحمد لله… صدارة وجدارة وإدارة، وما في إدارة غيرنا! وكان جيبت للأجانب ديل؟ بقي ديل حتة تانية خااااااااااااااااااالص! يا سلام على الاختيارات… العليقي داسي الكورة صاح، واختيارات من بيت الكلاوي. الزول الكان بجيب بطيخ في الدوري السنغال، معانا ضيوف وعينك ما تشوف، هسع ماسك الدفاع عندنا. واللي كان بيسوق ركشة في ساحل العاج ، قصدي بسوق وبحاور في الدوري الموريتاني، أسه معانا. **طيب العليقي؟** زيو مافي! دا ما مجلس، دا أكاديمية قرارات. كل تصريح منو بيرجف ليهو السوق العربي. يعني شنو 'مهاجم سوبر'؟ إنتو ما شايفين الجماعية في الفريق كيف، والأقوان المطر؟ **المشروع؟** أول مرة يُطبق في التاريخ، وظروف الحرب خلتنا نبدع. يعني هسع نحنا بنصرف وبنبني، والفرق التانية مشغولة، وفي الأبطال مشوا سجلوا وعملوا شنو؟ أهو الأهلي ملايين وخرج كما ولدته أمه. **وتاني برجع لفلوران؟** أووووه، دا ما مدرب… دا مُعلّم! منتصر على كهيدي، والفرق الكبيرة في أبطال أفريقيا! يا أخي دا ضرب الجماعة كلهم، وعلى القنوات الناقلة ذاتها كلهم بشكرو، إلا البرنس هيثم مصطفى. هيثم شنو؟ هيثم زاتو مشى المريخ، يكون مع الجماعة الحاقدين على الهلال لمن أتكلم على فلوران المؤسس. بس بالله ما تسمعوا لكلام الحاقدين البيقولوا المدرب بيتوه، أو الإدارة بتقصّر. ديل ناس عندهم حقد تاريخي، شايفين الهلال في الطالع وما قادرين يبلعوا القصة. **النقد؟** كلمة بايخة. أي زول بقول كلام غير 'الهلال بخير'، دا ضد الاستقرار، ضد المشروع، ضد الوطن. كمان دلقون عديل! يا ناس، نحنا ما فشلنا، نحنا بس سابقين الزمن. النتائج الما كويسة دي جزء من الخطة، وكل إخفاق هو نجاح بنكهة التخدير. بس بالله خلوكم معانا… وأي زول يتكلم، قولوا ليهو: 'معذرة… يمكن إنت الما فاهم المشروع!' **كلامي أصلو ما بخلص، لأنو دا الهلال، ونحن عشاقو، والباقين البينتقدوا ديل ما دايرين مصلحة نادينا.** الهلال دا… ولا ريال مدريد أيام كاسياس! يا جماعة الخير بالله خلوني أقول الكلام الداير أقولو لي سنين ما قلتو. انا شاف براي ومعاي الناس البحبو الهلال **الهلال؟** يا سلام سلم! الهلال دا هسع لو دخل دوري أبطال أوروبا… بتلاقي السيتي بيحاول يتهرب من مواجهتو، والإنتر زاتو بعد طير البارسا بعمل الف حساب. يا زول دا فريق؟ فوق الفريق! مزيج بين مانشستر يونايتد زمن بيكهام. أنا لو مدرب الصقور، كان عملت البدع وخليت الهلال دا المنتخب، ويمثلنا في أفريقيا. لكن تقول شنو؟ كواسيا ابياه دا مدرب فاشل ساي… أسه شوفو وقارنو بفلوران. غايتو أنا من ما شفت، مجلسنا دا عرفت الهلال ماشي صاح، ما زي كل المجالس السابقة أبدًا. لا بشبهم، لا بشبههو. دا مجلس الإنجاز والإعجاز عديل… ما شفت مجلس زي دا. قال يقصروا؟ يقصروا وين؟ ديل لو قصروا، بيكون قميصهم ضيق ساكت! الناس ما بتشوف… يكون مدفوعين من الدلاقين ولا أقطاب الهلال. الناس البتنتقد دي ما عارفة أي حاجة. برااااااااااااااحة كده شوفو الأجانب… دي اختيارات ما حصلت. اللاعبين الأجانب ديل بجيبوا ليك السخانة وهم في الشتاء. المهاجم بيسجل من منطقة دفاعنا، والحارس شايل معاه شبكة وصنارة، يقبض الكور زي السمك. **أقول لييكم حاجة؟** أرجع تاني لفلوران عشان أوريكم الزول دا حملات الحقد ضدو. دا مش مدرب… دا جراح نفسي. بيفك ضغوط اللاعبين زي ما الدكتور بيفك الجبص. بقرأ المباراة من وش الشاشة، وبيقلب النتيجة بصرة وش ساي. والشاشة غشاشه والناس البتقول 'المدرب السبب'؟ ديل ناس ضد التقدم، ضد الحضارة، وضد الـ Wi-Fi. أصلو أي زول بسأل ليه لعبنا كدا؟ بنقول ليهو: دا جزء من الخطة… إنحنا بنلعب شطرنج، ما كورة ساي. والناس الما عندها صبر، كان تسألوا عن النتائج؟ أبشروا… كلها وهم بصري. نحنا بنخسر، بس بنربح في المعنويات. التعادلات موجهة، والخسارات مقصودة. دا شغل عالي… فوق الفهم. **الحرب؟** سببنا الأول والأخير. يعني الهلال ما عندو ملعب ولا جمهور، لكن ما شاء الله عندو مشروع وأمل وروح بتطير. ### كلمة حرة وكده: أعذروني يا جماعة… أنا اليوم ما أنا، لابس نضارة 'بوغ'، لابس بوت تطبيل رقم 9.5، ومعاي ساكسفون الهجيج في فرقة تمجيد المشروع القومي للبلدوزر الإداري. لو سمعتوني بعزف 'فلوران سيمفوني رقم واحد'، فدا لأنو مزاجي عالي… ونحن ما بنهذر معاكم ! نحن بنعزف… ونطبل… وننام على صوت الهزيمة، وهي لابسة فستان النصر. العليقي قال… نقلب الصفحة ونكتب في كتاب المجد! نحنا يا جماعة ما فريق… نحنا 'دولة فنية' عندها نشيد وطني خاص بيها: **'مشروعنا دا لو فهمتوا… بتشوف القون قبل ما يتسجل'.** **الهلال هسع؟** ولا كأنو نادي، دا معهد عالي لتعليم الإبداع الكروي. كل تمريرة ورقة علمية، وكل تبديل رسالة ماجستير. اللاعبين قاعدين يناقشوا خطط اللعب بمصطلحات من مؤتمر الأمم المتحدة! أي زول بيقول فلوران فشل؟ دا أكيد ما تابع 'المشروع' من أولو، أو ما استوعب إنو الانتصارات في عهدنا بقت معنوية… نحن بنخسر بالنتيجة، لكن بنفوز بالحلم! **تقول لي الأجانب؟** ما تخلي قلبي يرفرف! واحد سريع زي رسائل الـ WhatsApp، وتاني بيقطع الكورة زي مكنة اللحمة في الجزارة **الهلال ما سجل مهاجم؟** دا جزء من الخطة البعيدة… نحن بنلعب من غير مهاجم، عشان نلعب عقول الناس قبل نلعب كورة. **طبعًا الحرب مأثرة…** لكن نحنا، رغم الحرب، عندنا مشروع، وفي زحمة الكلاش، بنبني طموح. **بالمناسبة، لو أي زول سألنا:** ليه الفريق بيخسر؟ نقول ليه: **النتيجة بتخدع… المشروع هو الصح!** ### اخر كلمة : يا أحباب، اليوم أنا كاتب المقال دا وقلبي مليان هتاف، لابس نضارة مشروع بعيون وردية، لابس بوت 'ما تقاطع التطبيل' المقاوم للصدمات، وشايل دف تمجيد فوق كتفي. أنا اليوم ما ناقد… أنا عازف في أوركسترا الفلاشات، وغنيت مع الكورال: **'يا فلوران سير… ونحن وراك صفوف، حتى لو خسرنا، بنقول انتصاراتنا ظروف!'** وغنوا معاي: **'كل ما يمر صباح زايد على شوقك.. الله يصبرك'**، **'وياما صبرنا على جفاك يا الغالي قدرك عندنا'**، **'وأغالب دمعي واتصبر وأقول يا الله صبرني'.**
