أحدث الأخبار مع #محمودالمليجي
البشاير
٠٢-٠٥-٢٠٢٥
- ترفيه
- البشاير
سمير الحكواتي يكتب محمود المليجي علم علي الاسبان في بلادهم
فى مرة اتعاقد محمود المليجي على الظهور فى فيلم عالمي بيتصور فى إسبانيا ساهمت ماري كويني فى إنتاجه مع شركة 'روما فيلم'.. سافر المليجي ونزل فى فندق من الفنادق فى مدريد.. وبعد ما ارتاح من تعب السفر اتصل بشركة 'روما فيلم' علشان يعرف معاد التصوير امتي.. فرد عليه واحد من المسئولين فى الشركة.. فالمليجي قاله 'أنا محمود المليجي.. وجيت من مصر علشان أصور دوري فى فيلم غرام بنت الشيخ'.. فالمسئول رد عليه وقاله 'بس إحنا منعرفش حد بالاسم ده' .. قفل محمود الخط واتصل بمسئول تاني عن الإنتاج وقاله 'أنا محمود المليجي'.. فضحك بسخرية وقال 'إحنا مش عارفينك'.. فالمليجي قاله 'إزاي وأنا ليا دور فى الفيلم؟' .. فسأله 'دور إيه؟'.. فالمليجي قاله 'دور إبراهيم'.. فضحك مرة تانية وقال 'اه.. انت إبراهيم؟ مقلتش ليه من الأول؟'.. فالمليجي قاله 'لأن اسمي الأصلي محمود المليجي مش إبراهيم'.. فالمسئول رد عليه بتهكم وهو بيقول 'بس إحنا منعرفش غير إبراهيم'.. انتهت المكالمة واضطر المليجي زي ما بيقول فى مقاله لمجلة الكواكب إنه يبلع اللى حصل معاه.. وقال إن أسماء الفنانين العرب مكنتش معروفة برة وقتها لأنه مكنش بيتعمل لهم دعاية مناسبة.. المهم .. تاني يوم نزل المليجي من الفندق وحاول يغير العملة اللي معاه معرفش.. فطلع جري على الاستديو علشان معاد التصوير .. وهناك بدأت المتاعب.. بيقول المليجي إن محدش من المسئولين فى الاستديو رحب بيه.. وحتى لما حس إنه محتاج فنجان قهوة يهدى بيه الصداع اكتشف إن محدش بيقوله انت فين .. لحد ما لقى عامل البوفية رايح له وبيقدم له فنجان قهوة .. يببص حواليه لقى واحد من عمال الكهرباء فى الاستديو بيبتسم له.. وعرف وقتها إنه هو اللي قرر يعزمه على القهوة.. بلع المليجي اللي حصل للمرة التانية.. وفضل قاعد فى الاستديو لا شغلة ولا مشغلة لحد ما الليل دخل .. ومشي كل الموجودين.. وجه خارج فلقى كل واحد رايح يركب عربيته وهو واقف تحت المطر مش عارف يعمل إيه.. وهنا اتدخل عامل الكهرباء للمرة التانية وشده من إيديه دخله الاستديو.. واتصل بالتليفون وبعدها شاور له بإيديه إن فى تاكسي جاي خلال دقايق..وفعلا بعد دقايق وصل التاكسي وركب محمود وانطلق إلى الفندق.. تاني يوم راح الاستديو.. وعلشان يتفادي اللي حصل امبارح طلب منهم يعرف هو هيصور امتى بالظبط ؟ .. فقالوا 'أقعد بس الأول اتفرج على المشاهد اللي بتتصور '.. فضل المليجي قاعد يتفرج لحد ما اليوم خلص ..تالت يوم اتكرر نفس الموضوع.. لحد ما لقى نفسه بيروح يعمل مكياج ويفضل12 ساعة قاعد يتفرج.. قصدي واقف على رجليه يتفرج.. وهنا حد يسأل ليه واقف؟ ما يقعد؟ .. فأقولك إن المليجي مكنش له كرسي وقتها يقعد عليه.. وقال إنه أول يوم لقى كراسي فاضية فى الاستديو فقعد على واحد منها.. وفجأة لقى واحد من العمال جاي بيطلب منه إنه يقوم .. فقام وقعد على كرسي تاني فراح وراه وطلب منه يقوم.. وعرف المليجي وقتها إن الكراسي دي لها أصحاب من الممثلين اللي في الفيلم هيقعدوا عليها.. ففضل يدور حواليه مالقاش كراسي.. لحد ما لقى سلم صغير مخصص كجزء من الديكور.. فبص للعامل وقاله 'السلم ده بتاع حد ؟ أنا هقعد عليه'.. وبقى المليجي لما يتعب من الوقفة يقعد على السلم.. وسط ما هو بيراجع اللي بيحصل له وبيفكر يرجع مصر ويشتري دماغه.. لقى المخرج الإيطالي فرنيتشو اللي سبق له واشتغل فى مصر أكتر من تجربة داخل الاستديو.. وقتها جري عليه المليجي واشتكي له من اللي بيحصل معاه.. فخده من إيديه وداه لمخرج الفيلم اللي قاله إنه فى ممثل إسباني هيمثل قدامه الدور .. ولازم المليجي يركز معاه كويس جدا علشان يقلده وقت التصوير .. جه الممثل الإسباني ووقف يمثل للمليجي.. وبعد ما خلص لقوا المليجي بيقول 'بس اللي بيعمله ده فيه أخطاء'.. فالمخرج بص له وقاله 'إحنا عايزينك تقلده وبس'.. فالمليجي قال 'لا.. أنا همثل دوري بالطريقة اللى أنا شايفها'.. وهنا اتدخل فرنيتشو واتكلم مع المخرج .. اللى بص للمليجي وقال بتهكم 'طيب.. ورينا طريقتك'.. عمل المليجي البروفة وبعد ما خلص لقى على وش المخرج علامات الذهول .. ولسه هينطق لقى فجأة الجو اتكهرب فى الاستديو.. وممثل طول بعرض داخل ومعاه الحاشية بتاعته .. وعرف المليجي إن ده زي ما بيوصف 'أفضل ممثل شر فى إسبانيا'.. والجماهير هناك بتجري وراه فى كل مكان.. للوهلة الأولى حس المليجي بالقلق لأنه هيقف قدام الممثل ده .. لكن لما عمل معاه بروفة ارتاح ولما صور المشهد قدامه اكتشف من نظرات اللي حواليه وكلامهم اللي ترجمه فرنيتشو إنه خلى النجم بتاعهم 'تلميذ مبتدئ' .. وهنا الحال اتبدل تماما .. وبعد ما كان الكل بيتجاهل المليجي بقوا يهتموا بيه.. والعامل اللى منعه يقعد على الكراسي جري جاب له كرسي وكتب على ضهره اسم المليجي.. ده غير إن إدارة الاستديو وفرت له عربية توديه وتجيبه .. لكن الملجي رفض يستخدمها واتصل بالتليفون يطلب تاكسي.. وتاني يوم لقى المخرج بيكلمه فى الفندق يبلغه إنه تم توفير عربية مخصوص تحت أمره .. لكن المليجي رفض ونزل من الفندق خد تاكسي وساب العربية اللي شركة الإنتاج بعتتها واقفة عند باب الفندق.. وقال 'حبيت أديهم درس فى كيفية معاملة الفنان .. خصوصا لو كان ضيف .. لأننا فى مصر بنحط الضيوف فوق راسنا' .. وختم المليجي مقاله بإنهم حاولوا يسترضوه بكل الطرق ومع ذلك رفض.. وأصر على إنه يروح الفندق ويرجع بالتاكسي ..وإنه وقت التصوير يقعد على السلم الصغير مش على أي كرسي..
مصرس
٠٦-٠٣-٢٠٢٥
- ترفيه
- مصرس
طفل يسأل: هل المشاهد غير اللائقة في الأفلام حرام؟، علي جمعة: هذا رأي الشيخ حسب الله (فيديو)
في حلقة اليوم من برنامج "نور الدين والدنيا"، تطرق الدكتور علي جمعة، عضو هيئة كبار العلماء، ومفتي الجمهورية الأسبق، إلى قضية الفنون مثل الغناء والموسيقى والتمثيل. وقال الدكتور علي جمعة: "مسألة كثر الكلام حولها، ويسأل عنها كثير من الشباب لما حدث فيها من الاختلاف.. وهي الغناء والموسيقى والتمثيل، ونحوها من الأمور الشائعة التي أصبحت منتشرة بين الناس، بل، في بعض الأحيان، وشاغلة لحياة الناس، وثقافاتهم". علي جمعة: التمثيل حكايةوسأله طفل: هل المشاهد غير اللائقة في المسلسلات والأفلام حرام، يعني الممثل والممثلة ياخدوا ذنب عليها؟.وأجاب الشيخ علي جمعة: "التمثيل حكاية، يعني واحد بيحكي لنا قصة.. مثلا زي الفنان نور الشريف.. كان فيه واحد اسمه عمر، شخصيته في الفيلم.. اتجوز أو قتل أو عمل خير.. هو بيحكي.. الممثل لا يقصد الحكاية، ولذلك العلماء نصوا على أنه افرض واحد اتجوز واحدة في الفيلم.. تمثيل.. بيحكي إن الشخصية الفلانية اللي مألفها المؤلف في الرواية اتجوزت الشخصية دي، لكن هو هذا الإنسان لا علاقة له مع هذا البني آدم في الحياة الحقيقية".علي جمعة يحسم الجدل: محدش بيعرف الغيب.. والحيوانات بتحزن لموت أصحابهاعلي جمعة يحذر الشباب من إدمان مواقع التواصل: "اوعى السوشيال ميديا تتحكم فيك" (فيديو) محمود المليجي وعلوية جميل وضرب مثلا، قائلا: "كان عندنا زمان ممثل نحو سنة 1930 اسمه الجريدلي.. كان بيمثل مع بنته، وتظهر في الفيلم كأنه متجوز بنته.. وده ماينفعش.. لكنه في الفيلم بيمثل شخصية متجوزة شخصية تانية.. طيب افرض راجل ومراته؟، كان محمود المليجي متجوز علوية جميل فعلا، وبيمثلوا مع بعض.. افرض في الفيلم طلقها.. هل تطلق علوية من محمود، لا.. لماذا لأنه على سبيل الحكاية.. نص عليها الشيخ علي حسب الله، وكانت تدرس لنا في الحقوق.. حكاية الطلاق لا يقع بها الطلاق.. حكاية الزواج لا يقع بها الزواج.. حكاية أي أخطاء للتعليم المجتمعي لا يأخذ عليها إثم". ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوداث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية. تابع موقع فيتو عبر قناة (يوتيوب) اضغط هنا تابع موقع فيتو عبر قناة (واتساب) اضغط هنا تابع موقع فيتو عبر تطبيق (نبض) اضغط هنا تابع موقع فيتو عبر تطبيق (جوجل نيوز) اضغط هنا
فيتو
٠٦-٠٣-٢٠٢٥
- ترفيه
- فيتو
طفل يسأل: هل المشاهد غير اللائقة في الأفلام حرام؟، علي جمعة: هذا رأي الشيخ حسب الله (فيديو)
في حلقة اليوم من برنامج "نور الدين والدنيا"، تطرق الدكتور علي جمعة، عضو هيئة كبار العلماء، ومفتي الجمهورية الأسبق، إلى قضية الفنون مثل الغناء والموسيقى والتمثيل. وقال الدكتور علي جمعة: 'مسألة كثر الكلام حولها، ويسأل عنها كثير من الشباب لما حدث فيها من الاختلاف.. وهي الغناء والموسيقى والتمثيل، ونحوها من الأمور الشائعة التي أصبحت منتشرة بين الناس، بل، في بعض الأحيان، وشاغلة لحياة الناس، وثقافاتهم'. علي جمعة: التمثيل حكاية وسأله طفل: هل المشاهد غير اللائقة في المسلسلات والأفلام حرام، يعني الممثل والممثلة ياخدوا ذنب عليها؟. وأجاب الشيخ علي جمعة: 'التمثيل حكاية، يعني واحد بيحكي لنا قصة.. مثلا زي الفنان نور الشريف.. كان فيه واحد اسمه عمر، شخصيته في الفيلم.. اتجوز أو قتل أو عمل خير.. هو بيحكي.. الممثل لا يقصد الحكاية، ولذلك العلماء نصوا على أنه افرض واحد اتجوز واحدة في الفيلم.. تمثيل.. بيحكي إن الشخصية الفلانية اللي مألفها المؤلف في الرواية اتجوزت الشخصية دي، لكن هو هذا الإنسان لا علاقة له مع هذا البني آدم في الحياة الحقيقية'. محمود المليجي وعلوية جميل وضرب مثلا، قائلا: 'كان عندنا زمان ممثل نحو سنة 1930 اسمه الجريدلي.. كان بيمثل مع بنته، وتظهر في الفيلم كأنه متجوز بنته.. وده ماينفعش.. لكنه في الفيلم بيمثل شخصية متجوزة شخصية تانية.. طيب افرض راجل ومراته؟، كان محمود المليجي متجوز علوية جميل فعلا، وبيمثلوا مع بعض.. افرض في الفيلم طلقها.. هل تطلق علوية من محمود، لا.. لماذا لأنه على سبيل الحكاية.. نص عليها الشيخ علي حسب الله، وكانت تدرس لنا في الحقوق.. حكاية الطلاق لا يقع بها الطلاق.. حكاية الزواج لا يقع بها الزواج.. حكاية أي أخطاء للتعليم المجتمعي لا يأخذ عليها إثم'. ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوداث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
مصرس
٠٥-٠٣-٢٠٢٥
- ترفيه
- مصرس
محي اسماعيل: مفيش حاجة اسمها نمبر وان.. وفاتن حمامة الأفضل في تاريخ السينما
رفض الفنان محي اسماعيل، إطلاق لقب «نمبر وان» في الوسط الفني، معتبرًا أنه مصطلح غير دقيق في ظل وجود قامات فنية كبيرة مثل محمود المليجي وزكي رستم. وقال خلال حواره في برنامج «سابع سما» المُذاع عبر شاشة «النهار»: «مفيش حاجة اسمها نمبر وان، ومن اخترع هذه الكلمة كان مخطئا، عندنا محمود المليجي وزكي رستم وشخصيات تخض، عندما يُقال كلام كهذا، يجب أن ننفيه ونستمع إلى صوت العقل والموهبة الحقيقية».وتحدث عن طموحه الفني، قائلا: «أتمنى أقدم شخصية معمر القذافي»، معبرًا عن حبه لسماع صوت الشيخ مصطفى إسماعيل، واصفا صوته بالجميل والنقي والهادئ.ورد على سؤال جريء عن الخيانة في حياته، قائلا: «من يخون شخصية مريضة ويشعر بالنقص.. أنا ولا مرة خنت الستات».واختار «إسماعيل» صوت الفنانة شادية ك «صوت مصر الأول»، معتبرًا أن نور الشريف أنجح أبناء جيله من الفنانين، قائلا: «نور الشريف كان تلميذي وكان دائمًا يرافقني».ورأى أن الفنانة فاتن حمامة «الأفضل في تاريخ السينما المصرية»، مشيرا إلى أن الفنانة المسرحية محسنة توفيق أكثر فنانة تشبهه في الطباع، قائلا: «كانت شخصية سايكو، عندها تقلبات نفسية؛ لكنها كانت نجمة مشهورة في المسرح القومي».وتحدث عن علاقاته الاجتماعية، قائلا: «عندي أصدقاء في كندا، لكن في مصر زملاء ومعارف، أنا لما احتاج صديق في ثانية يأتي؛ لكن لما الناس تحتاجني مش هتلاقيني إما نايم أو ميت، أو مش في البيت، أو تعبان».
بوابة الفجر
٠٣-٠٣-٢٠٢٥
- ترفيه
- بوابة الفجر
سحر رامي تهاجم السقا وكرارة وسعد: أعمال البلطجة زادت عن الحد
كشفت الفنانة سحر رامي عن رأيها في نوعية الأعمال الدرامية في السنوات الأخيرة، حيث رأت أن هناك تشابهًا كبيرًا بين المسلسلات التي يقدمها نجوم مثل محمد رمضان، عمرو سعد، أحمد العوضي، أحمد السقا، وأمير كرارة، قائلة: "أشعر أن جميع هذه الأعمال متقاربة جدًا في طابعها، والتركيز على أدوار البلطجة والعنف أصبح زائدًا عن الحد". وأضافت خلال لقائها في الجزء الثاني من حلقتها ببرنامج "خط أحمر" الذي يقدمه الإعلامي محمد موسى على قناة الحدث اليوم، أنها لا تمانع أن يقدم محمد رمضان نسخة جديدة من فيلم "كابوريا"، مشيرة إلى أنه ممثل موهوب وقادر على تقديم أعمال ناجحة، لكنها شددت على أنه لا مجال للمقارنة بينه وبين الفنان الراحل أحمد زكي، قائلة: "كل فنان له بصمته الخاصة، ولا يمكن أن نقارن بينهم، تمامًا كما لم يكن أحمد زكي نسخة من فريد شوقي أو محمود المليجي عندما قدم أدوارًا مشابهة لهم". وأوضحت أن مشروع "كابوريا 2" سيكون امتدادًا للفيلم الأصلي وليس إعادة إنتاج، موضحة: "العمل سيكمل القصة بطريقة جديدة، ربما من خلال شخصية ابن البطل، لكن حتى الآن لم تُكشف تفاصيل السيناريو بالكامل". وأشارت إلى أن هذا النوع من الدراما لم يكن جديدًا، فقد كانت السينما المصرية تقدم أدوار الشر منذ زمن محمود المليجي وفريد شوقي، ولكنها لم تكن تسيطر على المشهد بالكامل كما هو الحال اليوم، مؤكدة: "التنوع ضروري، ولا بد أن يكون هناك توازن في المحتوى الفني المعروض، لأن ما يقدَّم على الشاشة يؤثر بشكل مباشر في المجتمع".
