أحدث الأخبار مع #نواذيبو
سودارس
منذ 14 ساعات
- رياضة
- سودارس
نشر في كورة سودانية يوم 19 - 05
دوري (دبِّل ليهو)!! على ناس المريخ مجلس الإدارة والإخوة الأفاضل في المكتب الإعلامي للقلعة الحمراء أن يجهِّزوا منذ الآن تهنئة كبيرة قدر (الليلة وباكر)، تهنئة غليدة للهلال الذي فاز في ظروف الحرب ببطولة الدوري الموريتاني – السوداني (دبِّل ليهو) أو اقترب من ذلك بإذن الله بعد أن أصبح الفارق بين الهلال البطل المُتوّج أو المُشرف ووصيفه بطل الدوري على الأندية الموريتاتية نواذيبو (5) نقاط قبل نهاية الدوري بجولتين، مع مباراة إضافية مُؤجّلة للهلال. كلِّموا ناس المريخ يجهِّزوا تهنئتهم للهلال، يرفعوا إيدهم ويعلوا صوتهم ويقوموا يبشِّروا في العريس ويباركوا ليه بعد أن حقّق الهلال بطولة الدوري الموريتاني السوداني (دبِّل ليهو) في ظل الحرب المشتعلة في السودان والهلال يلعب غريباً أو ضيفاً على الدوري الموريتاني السوبر. فوز الهلال بهذا اللقب إن شاء الله سوف يكون تاريخياً، وهو سوف يكون لنا ذكرى خالدة بعد انتهاء الحرب الآن أو لاحقاً سوف نقول لأولادنا وأحفادنا إنّ الهلال أثناء الحرب فاز بالدوري الموريتاني – السوداني (دبِّل ليهو)، الحرب سوف تصبح ذكرى. تاريخية هذا اللقب (دبِّل ليهو) تأتي من كونه لم يسبق لفريق أن حقّق لقباً خارجياً بالفوز بدوري غير دوري بلاده، أعتقد ذلك، لا أقطع بهذا.. فليبحث لنا الدكتور علي عصام عن هذا الأمر هذا حدثٌ فريدٌ ونادرٌ وغريبٌ في نفس الوقت، خاصةً أنه يحدث في موريتانيا الدولة الشقيقة التي نحبها كثيراً، وقد أحببناها أكثر بعد أن شارك الهلال والمريخ في الدوري الموريتاني، فوجدنا من الإخوة الموريتانيين في كل القطاعات كل احترام وتقدير وحُب. الفوز بالدوري الموريتاني – السوداني (دبِّل ليهو) إنجازٌ عظيمَ للهلال سوف يُكتب في السجلات وهو حدثٌ لا أظنه سيتكرّر لنا أو لغيرنا بعد ذلك، ومن هنا تأتي غلاوته ربما يحدث ذلك كل مائة عام.. قوة الدوري الموريتاني تظهر في المركز الذي يحتله المريخ الآن سادس الدوري ولا أظن أنّ في إمكانية المريخ أن يتحسّن مركزه أكثر من مركزين، على أفضل الأحوال، كذلك أحسب أنّ الكرة الموريتانية مُتطوِّرة، كفى أننا شهدنا تنظيماً بديعاً للدوري الموريتاني وهو أمرٌ كنا نفقده نحن في السودان حتى قبل اشتعال الحرب وأتوقع أن يحدث تطورٌ أكبر في الدوري الموريتاني والكرة الموريتانية في السنوات القادمة بصورة أكبر، خاصةً أن ممثلي الكرة الموريتانية يتواجدون في كُبرى الأندية الأفريقية، وفي بعض الدوريات الأوروبية وسوف ترتفع رقعة تمثيلهم بصورة أكبر في الفترة القادمة، وسوف نقول كلما تُحقِّق الكرة الموريتانية نجاحاً، إنّ الهلال سبق أن فاز بالدوري الموريتاني – السوداني (دبِّل ليهو) أحفادنا ح يقولوا لينا دي حصلت كيف؟ ح نقعد نحكي ليهم. ح نقول ليهم الهلال كان عندو مدرب طلس مدرب قاعد ساكت جعل الهلال يصل لدوري الثمانية في البطولة الأفريقية، بعد غياب عن هذه المرحلة لمدة عشر سنوات، وفاز بالدوري الموريتاني – السوداني (دبِّل ليهو) وهو غريبٌ علينا، مدرب قاعد ساكت أكيد، ما في مدرب بفوز ليه بدوري (دبِّل ليهو) في موسم واحد. طبعاً من لهم رأي في فلوران من ناس الهلال ح يتفقوا لأول مرة مع المريخاب على أن الدوري الموريتاني ضعيفٌ، لا أعرف كيف يقول المريخاب ذلك على دوري يحتلون فيه المركز السادس (فضيحة السواد)؟! يتحدّثون عن ضعفه بعد أن خسروا فيه 9 مباريات، دوري خسروا فيه من رابع الطيش ومن ثالث الطيش ومن تاني الطيش ومن الطيش في عضمو، يبقى ضعيف كيف؟ حيث أصبح فارق النقاط بين الهلال والمريخ 17 نقطة وللهلال مباراة مُؤجّلة ستجعل الفارق إن شاء الله على أقل تقدير 20 نقطة. الكلام دا بعد النمير وبعد مدرب إيطالي ومدرب سوداني ومدرب صربي ومدرب مصري والفرق يمكن أن يكون بين الهلال والمريخ 20 نقطة، فضيحة السواد (دبِّل ليهو).. أتاريهم ناس أسامة عطا المنان وعامر عثمان كانوا ساترين فضائح.. كانوا شايلين بلاوي!!! 20 نقطة وبهاجموا في فلوران أتحدث عن ند الهلال فريق المريخ الذي يبقى كبيراً في كل الأحوال. دي ما حصلت قبل كدا الرقم القياسي بين الهلال والمريخ في الدوري السوداني كان مسجل بفارق 18 نقطة لصالح الهلال، هذا الموسم ممكن الفارق يبقى 20 نقطة!!! الفأر كان عندو دور!! فضيحة السواد!! (دبِّل ليهو). كلو من فلوران بعمل في حاجات غريبة.. إنت بتعمل في حاجات زي الورد.. (دبِّل ليهو). طيَبعاً المنتقدون لفلوران ممكن يقولوا ليك المريخ ضعيف وظروف الحرب وعدم الاستقرار الفني، طيب إنتوا يا فالحين وقت عارفين عدم الاستقرار الفني بعمل كدا، ليه بتطالبوا بالإطاحة بفلوران، عاجبكم عدم استقرار المريخ؟! (منطق غريب)، أما الحرب فهي كما وقعت على المريخ وقعت على الهلال.. إنتوا بتتكلموا عن الهلال السوداني وليس الهلال السعودي. وعن ضعف المريخ فالمريخ يبقى المريخ حتى لو شال الكورة وهرب. وهل هنالك ضعف أكثر من ذلك؟ فقد كان ذلك يحدث في السودان. أما من يُشكِّك أو يُقلِّل من قيمة الدوري الموريتاني من ناس الهلال، فنقول لهم إنّ الهلال لم يأتِ للدوري الموريتاني من الدوري الإنجليزي أو الإسباني، وإنما جاء له من الدوري السوداني الذي يعاني في البرمجة والتنظيم ويعاني في الملاعب والتحكيم، وإن كان يتفوق الدوري السوداني على نظيره الموريتاني في الجانبين الإعلامي والجماهيري.. لكن حتى على مستوى النقل المنتظم للدوري الموريتاني في القناة الموريتانية يتفوّقون به على القنوات السودانية التي كانت تنقل الدوري السوداني، مع حاجة القناة الموريتانية لمراجعات في النقل التلفزيوني، إذ تبدو الصورة بعيدة إلى جانب إشكاليات في الإخراج والإعادة، ودي برضو حاجات نحن بنعاني منها. أضف الي ذلك تقنية الفيديو المستعلمة في الدوري الموريتاني وغائبة في السودان، وهو أمر يحسب لهم. فنياً، ليس هنالك أي أفضلية للدوري السوداني على الموريتاني بل يمكن أن يتفوّق الدوري الموريتاني على السوداني في السرعة والقوة البدنية واللياقة. المهم يا جماعة الكلام دا بنرجع ليه تاني، بس كلِّموا ناس المريخ وذكِّروهم بتهنئة الهلال، خلوهم يجهِّزوا لينا تهنئة معتبرة.. تهنئة غليدة (دبِّل ليهو) نحن ممكن نسامح في أي حاجة إلا في التهنئة دي. الهلال حقّق بطولة مركبة بفوزه بالدوري الموريتاني السوداني (دبِّل ليهو)، فهو إلى جانب تغلبه وتصدره على كل الأندية الموريتانية، بما في ذلك نواذيبو الذي حقّق البطولة قبل هذا الموسم سبع مرات على التوالي، ليأتي الهلال ويتغلّب عليه في دوريه ويُحقِّق ما فشلت فيه كل الأندية الموريتانية، الهلال إلى جانب هذا الإنجاز هو تصدّر وتغلّب في البطولة الخاصّة التي تجمعه مع نده المريخ، بحساب المواجهات المباشرة وبحساب حصيلة الهلال في النقاط والأهداف في الدوري الموريتاني.. لهذا نطلق على الدوري الموريتاني – السوداني الذي يجمع بين القمة السودانية الهلال والمريخ والأندية الموريتانية دوري (دبِّل ليهو)، لأنّ الهلال حقّق البطولة دبل، الموريتانية والسودانية، دوري تربيع، لذلك نحن نُطالب بتهنئة ليها (ضُل) من ضُلنا حتى في الدوري الموريتاني غايتو الزول وقت يكون (ضُل) يكون ضُل طول عمره، في السودان وقت شالوا الكورة في أول بطولة للممتاز، وفي تنزانيا التي انسحب فيها المريخ من أمام الهلال في السوبر السوداني بعد التسخينة وفي سيكافا الأخيرة التي انسحبوا عنها أيضاً، وفي الدوحة (والي الدين)، وفي أبوظبي (النعسان)، وفي نواكشوط (الغربال).. ضُل في أي حتة، في أي زمان وأي مكان. عايزين تهنئة (دبل)، وقت بتعرفوا تهنوا ما بنخلِّيكم، زمان كنا بنلقى ليكم العُذر، لكن تاني ما عندنا ليكم عُذر. يلا هنوا يلا صفِّقوا كلكم. زمان كان عندنا قريبنا اسمو (عباس خلي الملامة عليّ)، كنا بنقول ليه كدا، عشان كان زول لوّام لوم شديد، محل ما يلاقيك بتكسر ليك لوم، مرات تزوغ منو، ومرات تخلي ليه الشارع، عشان لو وقّفك ما بفكِّك. يدور فيك لوم زي عريضة الطلاق!! عباس خلي الملامة عليّ، كان وقت يلاقيك في مناسبة زواج بمسكك في العقد ويقول ليك: إنت مالك ما بترد على تلفوني؟ تقول ليه ضربت لي متين؟ يقول ليك الشهر الفات، قبل 21 يوماً كدا تقريباً زي الساعة (7) صباحاً. تقول ليه (7) صباحاً ضارب لي مالك؟ إن شاء الله خير؟ (7) صباحاً لو ضربوا مصنع الشفاء ما بقوم، عاوز إنت وقت تضرب تلفوني أقوم أرد ليك!! يا راجل قول كلام غير دا. يقول ليك أبداً، بس كنت بتغالط مع المدام، الكبير إنت والّلا أخوك الكبير؟ وإنت عارف الغلاط دا ما بقعد لي بعدين.. ما بنتظرها إلى أن تشرق كويس. تقول ليه الغريبة رقمك مسجل عندي، لكن رقمك ما جاتني منو مكالمة. يقول ليك يجيك كيف؟ أنا ضربت ليك من رقم تاني. تقول ليه: والله ما عرفتك.. يقول ليك يعني إنت ما بترد على رقم غريب!!!؟ خلاص تاني بعمل ليك رسالة، قبل ما أضرب ليك، بس رد علينا، عشان الصباح دائماً أنا والمرا بنبدأ يومنا بالغلاط.. نقعد نتغالط كدا لامن تشرق، وبنحتاج ليك مرات في بعض المسائل. بنشرب الشاي بالغلاط بدل الزلابية. تقول ليه جداً. عباس خلي الملامة عليّ، مرات يلاقيك في المقابر، ويقول ليك: يا زول إنت مالك ما بتسلم، يوم داك شايفك من بعيد في المولد النبوي قدر ما رفعت ليك إيدي ما ردّيت عليّ، ولا عبّرتني، بعدين مالك ضعفت كدا؟ ضربك سكري والّلا دي الحرب؟ تتجاوز موضوع الضعفة دي وتقول ليه والله ما شفتك، أشوفك كيف في المولد مع الخلق دي؟ يقول ليك يا زول أنا كنت ظاهر، لابس طايقتي الحمراء، معقولة تكون ما شفتني. تقول ليه: والله ما شفتك. يقول ليك: خلاص عليك الله تاني طاقيتي الحمراء دي لو لاقتك في أي حِتّة أعرف طوالي دا أنا، عباس... عباس خلي الملامة عليّ بقول في الكلام دا والناس بتدفن، والميت بيسألوا فيه والمشيعون بيدعوا ليه. الفايق لي طاقيتك الحمراء منو؟ وعباس خلي الملامة عليّ مرات بتلقاه في الكورة، الجابو اليوم داك الاستاد شنو ما عارف؟ محل ما تقبِّل تلقاه قدامك متل البرّاد الصيني. الليلة الله يحلّنا. من اَشوفو بقنع من الكورة. يقوم يخلِّي الكورة ويمسكك إنت، ما تفهم أي حاجة في الكورة، من التسخينة يشبكك إنت ما سمعت بي التايا بنت جاب اللبن. تقول ليه التايا بنت جاب اللبن مالها؟ يقول ليك ماتت. تقول ليه متين؟ يقول ليك يا زول إنت قاعد وين؟ الزولة دا على الأقل كدا ماتت قبل خمس سنوات، أو سبع سنوات. تقول ليه ما سمعت بيها أصلاً أنا ما بعرفها. يقول ليك، عشان كدا أنا زعلان منك.. ما تعزيني في التايا بنت جاب اللبن؟ تقول ليه وإنت علاقتك بي التايا بنت جاب اللبن شنو؟ يقول ليك كيف؟ إنت ما بتعرف حسن تور الجك؟ تقول ليه ما بعرفو. يقول ليك ما بتعرف صلاح ود كترينا؟ تقول ليه ما بعرفو. يقول ليك طيِّب ما بتعرف تاج السر السنم؟ الزول دا هو وجدك المات سنة 64 قرأوا خلوة في الدامر.. قول ما بتعرفو كمان؟ كانوا دفعة واحدة !!.. أنا دفعتي ما عارفها، عاوزني أعرف دفعة جدي اللي مات سنة 1964م. تقول تتخارج منه عشان تأخذ ليك نفس بين الشوطين والله الجري الجريتو مع عباس خلي الملامة عليّ، حكم المباراة ما جراهو.. تقول ليه أيوه بعرفو… يقول ليك التايا بنت جاب اللبن القلت ما بتعرفها ديك.. تاج السر السنم بيبقى ليها خالها باللفة. تقول ليه وعلاقتك إنت بالموضوع شنو؟ يقول ليك كيف: العراقي بتاعي السمني المُشخّط خيطتو عند خال التايا بنت جاب اللبن الشفيع السنم أخو تاج السر السنم البتكلم ليك عنو من بداية المباراة لغاية ما الحكم الرابع ما رفع الزمن البدل الضائع. العراقي السمني بتاعي تعرفو؟ مرة ادّفق فيه شاي لبن الطيب سجلات عينو حارة مرة شافو، قال لي مالك قصير كدا؟ عامل زي فتيل الريحة لمن يكون في آخرو، تدسو في آخر الدولاب وقبل ما تتريّح منه تعاين ليه سمح في حسرة، من اليوم داك تاني ما شفت لي عافية أقوم وأقع من ملاريا لي تسمم زي شافع التسنين، الله يلعنو الطيب سجلات عينو زي اللجنة الشعبية ما بتريّح ليها زول.. زي لوح الطاقة!! تقول ليه: طيِّب البخليني أعزيك عشان خياطة عراقيك السمني شنو؟ كمان العراريق دخلت في صلة الرحم؟ والّلا عشان لونه سمني؟ تقوم تقيف فجأة، بعد ما روحك تطلع وأقول ليه خلاص أنا طالع، عشان ألحق المواصلات قبل الأبواب ما تزدحم، الزمن بدل الضائع دي عندك حاجة عاوز تقول ليّ فيه؟ يقول ليك أبداً، بس عليك الله لمن نضرب ليك رد على التلفون، عشان مرات أنا والمرا بنقعد نتغالط وبنرجع ليك في بعض المسائل. تقول ليه جداً.. وإنت طالع كدا، الحكم يصفر معلناً نهاية المباراة، بتشوف أقرب زول جنبك في المدرجات وإنت في الطريق للباب وتقول ليه: أسمع الكورة انتهت كم؟ الزول بعاين ليك كدا وبفتكرك من بتاعين الملح البدخلوا بعد ما يفتحوا الأبواب، وبقول ليك، الواحد طول وعرض ولابس نضيف، ويدخل ملح، إنتوا وقت بتحبوا الكورة ما تدفعوا. عباس خلي الملامة عليّ مرات بلاقيك في الفرن. بقول ليك إنت مالك ما بتكفِّر لي؟ تقول ليه مالك، أكفِّر ليك شنو، تراكا شديد ولضديد متل الحصان، يكفِّروا ليك في شنو؟ يقول ليك الأسبوع الفات كانت عاوز تقرصني عقرب، والله مرقت منها بي بنط.. مرقت منها بكرامة البليلة. تقول ليه: والله ما سمعت بيها، ولو العقرب لدغتك، كنا بنجيكم عشان نكفِّر للعقرب. بفتكرك بتهظر وإنت قاصدها!! تقوم تفوت تخلي العيش، خليهم يعملوا أي شئ، كسرة، قراصة، عصيدة، إن شاء الله ما نأكل، بس نتخارج من الفرن دا. وعباس خلي الملامة عليّ، مرات بلاقيك في المستشفى وإنت بين الحياة والموت، شغّال فحص وكشف، يمسكك في غرفة الموجات الصوتية، ويقول ليك: بنتي يخطبوها ما تبارك ليّ؟ تقول ليه، إنت عندك بنت؟ بقول ليك إيمان بنت عمتك خطبوها. تقول ليه وإنت علاقتك بي إيمان بنت عمتي شنو؟ يقول ليك إنت ما عارف إيمان دي زي بنتي، أكلت سمايتها وشربت شاي اللبن في السماية حقّتها بالزلابية، وما تبارك لي؟ تقول ليه لكن إيمان دي أقرب لي منك.. إنت مفروض تبارك ليّ. يقول ليّ يا زول إنت نسيت، أنا شربت في سمايتها شاي اللبن بالزلابية، إنت شربت في سمايتها الشاي باللبن بالزلايية؟ أقول ليه أبداً؟ يقول ليّ طيِّب مالك؟ تقوم تسكت يمكن علاقة الزلابية بي شاي اللبن في الزمن دا بقت أقوى. زي العراقي السمني!! والطاقية الحمراء. يمكن البلد دي أي حاجة فيها بقت جائزة. قبل ما يفوت بقول ليك أسمع خلي تلفونك فاتح يمكن نضرب ليك في أي وقت، عليك الله لو مسكلت ليك أرجع ليّ.. الشبكة مرات بتكون كعبة، عشان كدا يمكن أمسكل ليك (4) صباحاً، عليك الله أرجع لي ما بكون عندي رصيد.. خلي الغتاتة وأرجع ليّ من أول جرس، أنتوا القروش دي عاوزين توديهو وين؟ أقوله تمسكل ليّ (4) صباحاً ليه أنا دكتور نساء وتوليد؟ لكن عشان أقفل الموضوع بقول ليه جداً، وأقوم بدون ما أشعر "كركرب أجي واقع".. نسيتوا إني في المستشفى. الجماعة بقولوا للدكتور يا دكتور الزول دا مالو؟ الدكتور بعاين لي الموجات الصوتية وبقول ليهم الزول دا هسع في وقفتو دي طقتو مُسيّرة. دا شغل مُسيّرة عديل الدكتور ما عارف عباس خلي الملامة عليّ، أخطر من المُسيّرة. أها أنا عاوز أعمل لي ناس المريخ زي ما عمل لي عباس خلي الملامة عليّ، يمين ما تهنئوا الهلال بالدوري الموريتاني السوداني (دبِّل ليهو) أشبككم زي الفاتح جبرا رحمة الله عليه وقت شبك الجماعة بمطار هيثرو. يلا صفِّقوا كلكم!! … متاريس نحن ما بنخلي حقنا، أقصد ما بنخلي تهنئتنا. يا تهنونا يا تهنونا. الدوري دا نحن تعبانين فيه وإنتوا الجهاز الفنى حقكم بقى زي (غيار الزيت) كل شهر بتغيِّروه!!.. دوري غيّرتوا فيه الجهاز الفني 4 مرات واحتليتوا فيه المركز السادس أنا ما عارف علي جعفر دا في شنو؟ المركز دا ما عاوز ليه مدير كورة، ولا عاوز ليه حارس مرمى. أكيد ثلث كشف المريخ مُهدّد بالشطب بعد التقارير التي وصلتنا من جان كلود، إذا أقيم الدوري السوداني. يمين كسلا فيها حلاة فتك ومتك. نصيحة لمصعب مكين، الكلام دا ما بتقدر عليه، أحسن شيل دفتر العيادة. نحن زمان كنا بنزوغ من الاختبارات وحصة التسميع بي دفتر العيادة. نحن كنا شفوت. وعارفين أي حاجة. الشئ البضحِّك، ناس المريخ عادي ينسحبوا من أمام الهلال، فعلوها في السوبر السوداني وفعلوها في سيكافا، هسع بلاحقوا في الاتحاد عشان ينظم الدوري السوداني.. ولمن تأتي ساعة الجد بنسحبوا!! يا كابو خليك قريب. جان كلود دا ناس مصعب مكين ما بقدروا عليه. ... ترس أخير: صلاح نمر بكون أكتر زول مَبسُوط من جان كلود الأيّامَات دي.
سودارس
منذ 20 ساعات
- رياضة
- سودارس
((نواكشوط كينغ اختبار أكثر أثارة))
يعقوب حاج أدم ((نواكشوط كينغ اختبار أكثر أثارة)) – يعود هلال السودان مساء اليوم وعند الساعة العاشرة والنصف بتوقيت السودان لمواجهة جديدة في الدوري الموريتاني امام فريق نواكشوط كينغ صاحب المركز الثالث برصيد 46 نقطة من 27 مباراة حيث يفصل بينه وبين هلال السودان المتصدر 9 نقاط وفريق نواكشوط يطمع في المركز الثالث وهو منافس قوي لفريق نواذيبو الوصيف الذي يقف خلف الهلال برصيد 54 نقطة وتبقت لنواكشوط مباريتين غير مباراة الليلة وقد يستطيع اللحاق بفريق نواذيبو فاز في مبارياته الثلاثة لأن رصيده سيصل إلى 55 نقطة شريطة ان يخسر فريق نواذيبو مبارؤاته الثلاثة المتبقية وهذا شئ أشبه بالمستحيل إلا ان ذلك لن يثبط من همم لاعبي نواكشوط في اللقاءات الثلاثة والتي ستكون أهمها مباراته الليلة امام الهلال حيث سيسعى فريق نواكشوط لأن يفعل ماعجز عنه نواذيبو وحققه فريق الشمال وكان لقاء الجولة الأولى بين الفريقين قد انتهى سلبيا دون أن يقوى أيا منهما على التفوق على الآخر،، – ولاندري ماذا سيفعل المدرب فلوران في لقاء الليلة هل سيواصل نفس الخرمجة والعك والعراك الذي كان عليه الفريق في تلك المباريات التي كان فيها الفريق الهلالي فاقداً للهوية والشخصية الاعتبارية وبخاصة في مباريتيه أمام لكصر ونواذيبو والتي تعرض فيها المدرب فلوران للطرد في حادثة غريبة لاتتوافق مع مدرب يحمل اسم الهلال فهل ستعود الأنتصارات المقنعة في هذا اللقاء والمقرونة بالاداء المموسق الذي يخلب ألباب الجماهير أم سيستمر الفريق في تقديم عروضه الجنائزية التي أشبعتنا لطماً وشق جيوب؟؟؟ ((ماهكذا تورد الابل ياكفاح؟؟)) – المدرب القومي كفاح صالح الجيلي نشهد له بأنه من المدربين المميزين في الساحة الرياضية فهو قد قاد عدد من الفرق وترك بصمته عليها بالدرجة التي جعلته مطلوباً ومرغوباً في كل الأندية وكل ذلك يعود لأنه مدرب يحترم المهنة التي عشقها منذ الصغر ونحفظ للمدرب كفاح انه ومنذ ان بزغ نجمه في الوسط الرياضي كان يحتفظ بعلاقات حميمة مع كل أهل الوسط الرياضي جعلته محبوباً لدى الجميع بدماثة خلقه وحسن معشره ونقاء سريرته بل كان يمثل حمامة السلام في أي خلاف ينشب بين الرياضيين على أختلاف مشاربهم وكم كان غريباً أن يرفع الكوتش كفاح شكوى رسمية للجهات العدلية في حق الزميل الخلوق عبد الخالق ود الشريف بحجة الأساءة اليه ونحن حقيقة نستغرب أن يقدم الاخ كفاح على خطوة مثل هذه لأن قضايا الرياضيين عمرها ماوجدت الحل بين المحاكم ونحن نناشد الكوتش كفاح بسحب الشكوي اليوم قبل الغد وندعو الاخ ود الشريف للأعتذار للكوتش كفاح ولم الموضوع في إطارالأسرة الواحدة حتى لايقول البعض بأن أسرة الرياضيين قد أصابتها عدوى التنافر والتطاحن؟؟ (الوصيف لتقليص الفارق والهلال لزيادة الغلة) – بطولة النخبة التي ستنطلق في الاسبوع الأخير من شهر مايو الجاري قد تكون فرصة سانحة لوصيفنا الدايم مريخ العرضة جنوب لتقليص فارق البطولات في الدوري الممتاز والذي يفصل بين الفريقين هلال مريخ حيث أحرز الهلال البطولة 15 مرة مقابل 11 بطولة للوصيف فهل يقوى الوصيف على الفوز بلقب بطولة النخبة المنتظرة ليقلص الفارق إلى ثلاثة بطولات أم يواصل الهلال هيمنته على بطولته المحببه ويوسع الفارق إلى خمسة بطولات بينه وبين الوصيف الدايم الذي استمرأ حكاية البقاء كظل ظليل لهلال الملايين؟؟ ((ومضة)) – الجزولي خيار أمثل عضو عليه بالنواجز آخر الأضراس،، ((دبوس)) – أسفي على موردة العمرين التي باتت نسياً منسياً ؟؟؟؟؟؟؟؟؟؟؟؟؟ ((فاصلة ….. أخيرة)) – نواكشوط وإن طال السفر يافلوران،،
WinWin
منذ يوم واحد
- رياضة
- WinWin
الهلال السوداني ينتصر ويبتعد بصدارة الدوري الموريتاني
استعاد الهلال السوداني توازنه وحقق الفوز على فريق الأمن المدني الموريتاني بهدفين مقابل هدف اليوم الأحد 18 مايو/ أيار على ملعب "شيخو بيديا" بالعاصمة نواكشوط في مباراة مؤجلة من الدوري الموريتاني بسبب ارتباطات الفريق القارية. وابتعد "العملاق السوداني" بصدارة الدوري الموريتاني بوصوله إلى 59 نقطة بفارق 4 نقاط عن منافسه نواذيبو الذي تُوّج باللقب الفعلي قبل جولتين من نهاية المنافسة، فيما حقق الهلال صدارة شرفية في ظهور استثنائي للفريق بالدوري الموريتاني برفقة المريخ. الهلال يستعيد بريقه قدّم الفريق الهلالي مباراة رفيعة المستوى ضد الأمن المدني، بسيطرة واضحة على مجرياتها، وظهور متميز لعناصر الفريق بعد سلسلة مباريات خيّب خلالها آمال جماهيره مما أثار غضبهم، قبل أن يستعيد بريقه ويعود للظهور المتميز معيداً الطمأنينة لجماهيره قبل 3 جولات من انتهاء مسيرته بالدوري الموريتاني، ومنح المدرب فلوران إيبينغي الفرصة لعناصره الأساسية بعد أن شهدت المباريات الماضية تغييراً مستمراً لمقابلة الروزنامة المزدحمة التي واجهت الفريق مؤخراً. أعاد مدرب الهلال فلوران إيبينغي حارس مرماه عيسى فوفانا للمشاركة في مباريات الدوري بعد غياب دام طويلاً، وكانت مباراة "الموج الأزرق" ضد النادي الأهلي المصري في ربع نهائي أبطال أفريقيا آخر موعد لظهور الإيفواري بعد أن استأثر بفرصة المشاركة بالبطولة، تاركاً الثلاثي محمد المدني وعلي أبوعشرين ومحمد كديابا يتناوبون على حماية عرين الفريق، وأخفق فوفانا في الاحتفاظ بنظافة شباكه، وتلقى هدفاً كرس لظاهرة سيئة رافقت الفريق مؤخراً باهتزاز شباكه في آخر 8 مباريات خاضها. الغربال لا يتوقف عن إحراز الأهداف أحسن مهاجم الهلال محمد عبد الرحمن "الغربال" استغلال فرصة ظهوره أساسياً في المباراة ضد فريق الأمن المدني ووضع قائد "العملاق السوداني" فريقه في المقدمة بهدف بات من ثوابت مبارياته بعد عودته مؤخراً من الإصابة، وتساوى مع متصدر لائحة الهدافين بإحرازه 10 أهداف، لتتضاعف فرصه في التتويج باللقب الشخصي، مع تبقي 3 مباريات ومباراتين لمنافسيه. من جانبه، واصل مهاجم "الموج الأزرق" أحمد سالم مبارك تألقه في مباريات فريقه، وأحرز هدفاً بعد دخوله في شوط اللعب الثاني بديلاً لزميله محمد عبد الرحمن، وتقدم اللاعب الموريتاني في لائحة الهدافين، معززاً تقدم فريقه ومسهماً في فوز ثمين، ويمثل سالم ثقيلاً كبيراً في المقدمة الهجومية للفريق حيث يعد أفضل اللاعبين خلال مبارياته مؤخراً. وبات رفاق القائد محمد عبد الرحمن في حاجة لنقطة واحدة من 9 نقاط متاحة، لينهي الفريق مسيرته بالدوري الموريتاني بصدارة تاريخية، مبتعداً عن أقرب ملاحقيه مسجلاً مشاركة استثنائية رائعة وبأرقام قياسية قبل عودة وشيكة إلى البلاد للمشاركة في دوري السوبر السوداني الذي ينطلق خواتيم شهر مايو الجاري.
WinWin
منذ 3 أيام
- رياضة
- WinWin
الهلال السوداني يسجل حدثًا تاريخيًّا ونواذيبو يقترب من اللقب
ابتعد نادي الهلال السوداني بصدارة الدوري الموريتاني بفوزه على نواكشوط كينغس بهدفين مقابل هدف، ليصل إلى 56 نقطة، ليصنع الفريق الحدث في ظهور تاريخي بنسخة استثنائية من الدوري الموريتاني. وسجل العملاق السوداني صدارة شرفية للدوري الموريتاني في الوقت الذي اقترب منافسه فريق نواذيبو، الذي حقق لقبه الثاني تواليًا قبل جولتين من ختام المنافسة، بعد ابتعاده بفارق مريح عن أقرب ملاحقيه. الهلال السوداني.. البطل غير المتوج في موريتانيا! اقترب "الموج الأزرق" من تحقيق صدارة تاريخية وتحقيق حدث غير مسبوق، ويحتاج 3 نقاط فقط من 6 نقاط متبقية متاحة لينهي الدوري في الطليعة، بعد أن ابتعد بفارق نقطتين عن منافسه نواذيبو. ويعد الهلال السوداني البطل الحقيقي لمنافسة الدوري الموريتاني وفقًا لنتائجه بالمنافسة، ليذهب اللقب لفريق نواذيبو في حال حصوله على نقطة واحدة من مباراتيه المتبقيتين، وتعد مشاركة الهلال وغريمه المريخ بالبطولة شرفية فقط. الهلال يتجاوز نواكشوط ويتشبث بصدارة الدوري الموريتاني اقرأ المزيد وأسدى الفريق الهلالي خدمة كبيرة للأندية الموريتانية، وكشف حقيقة موقفها ووضعها بين الأندية العربية والأفريقية، بعد أن سجل حضورًا رائعًا، وحقق انتصارات متتالية وبأقل مجهود وبعناصر الصف الثاني التي خاض بها عددًا كبيرًا من مبارياته، بانشغال عناصره الأساسية بالنسخة الحالية من دوري أبطال أفريقيا، التي ختمها بالوصول إلى ربع النهائي، وتعد أرقام الهلال الأفضل بالدوري الموريتاني، حيث حقق أكبر عدد من الانتصارات بالمنافسة كما وسجل رقمًا تهديفيًّا قياسيًّا. ويطمح زملاء "الغربال" في تحقيق رقم قياسي من النقاط والأرقام التهديفية بالدوري الموريتاني، مع تبقي مباراتين بالمنافسة، قبل عودة مرتقبة إلى البلاد للمشاركة في دوري السوبر السوداني، الذي يستهله بمباراة قوية ضد الميرغني كسلا بمدينه شرقي البلاد يوم 31 مايو/ أيار الجاري، وربما يخوض النادي الأزرق مبارياته بعدد محدود من اللاعبين، بسبب رفض أجانبه مرافقة الفريق على خلفية الظروف الأمنية بالبلاد.
إذاعة موريتانيا
منذ 4 أيام
- أعمال
- إذاعة موريتانيا
رئيس الجمهورية يدشن جسر الصداقة الموريتانية الصينية
دشن فخامة رئيس الجمهورية، السيد محمد ولد الشيخ الغزواني، مساء اليوم الخميس، جسر الصداقة الموريتانية الصينية، الذي سيمكن من تطوير البنية التحتية الحضرية في العاصمة نواكشوط، تجسيدا لرؤية موريتانيا الحديثة. وتجول فخامة رئيس الجمهورية في مختلف مناحي هذا الجسر وتلقى شروحا حول الخصائص الفنية له ومدى موائمتها لمتطلبات عصرنة المدينة من خلال تسهيل النقل بين ولايات نواكشوط، قبل أن يزيح الستار عن اللوحة التذكارية لهذا المشروع ويقص الشريط الرمزي إيذانا ببدء تشغيله. في بداية الحفل شاهد الحصور فلما وثائقيا استعرض أهم الإنجازت في مجال البنى التحتية التي قام بها قطاع التجهيز والنقل، كما شاهد الحضور فلما وثائقيا آخر استعرض مختلف المراحل التي مر بها هذا الجسر. ويبلغ العمر الافتراضي لهذا الجسر، الذي تم تصميمه وفق المواصفات القياسية العالمية، 100عام، بطول بلغ 270 مترا وعرض سطحه 19,5 مترا، ويتكون أعلى الجسر من اتجاهين بسعة مسارين في كل اتجاه، أما أسفل الجسر فيتألف من مسارين في كل اتجاه للسيارات ومسارات للدراجات الهوائية والراجلين، مع أرصفة بعرض 2.50 مترا. كما يتكون من 40 دعامة مثبتة على عمق يصل 60 متراً، و54 عارضة خرسانية، و9 فتحات بطول 30 متراً لكل واحدة، وأروقة فنية خاصة بمنشآت الكهرباء والصرف الصحي، وقنوات تصريف مدمجة، إضافة إلى إشارات ذكية لتنظيم حركة المرور على التقاطعات أسفل الجسر. وبلغت التكلفة الإجمالية لهذا المشروع، الممول من جمهورية الصين الشعبية 220 مليون يوان صيني (أكثر من 1,25 مليار أوقية جديدة)، وأنجز المشروع في 28 شهرا. وأكد معالي وزير التجهيز والنقل السيد أعلي ولد الفيرك، في كلمة بالمناسبة، أن عهد فخامة رئيس الجمهورية، شهد طفرة نوعية في إنجاز مشاريع البنية التحتية، مما شكل رافعة لتعزيز التنمية الاقتصادية والاجتماعية في البلد، مبرزا أنه خلال الفترة الأخيرة تحققت إنجازات عديدة شملت جميع القطاعات ذات الصلة بتحسين حياة المواطنين، كالتعليم والصحة والمياه والطاقة والزراعة والإسكان. وقال إن الإنجازات متواصلة، تنفيذا للتوجيهات السامية لفخامة رئيس الجمهورية، التي تضمنها برنامجه طموحي للوطن، الذي تعمل حكومة معالي الوزير الأول السيد المختار أجاي، على ترجمته وتجسيده على أرض الواقع. وأضاف معالي الوزير أن قطاع الطرق لم يكن بمنأى عن هذه الإنجازات، حيث شرع في بناء ما يزيد على 2200 كلم من الطرق الجديدة موزعة على 44 مشروعا بغلاف مالي بلغ سبعة وعشرين مليار أوقية جديدة، بعضها اكتملت فيه الأشغال، مما مكن من الربط بين بعض مقاطعات الوطن، كتامشكط وبومديد وجكني وبنشاب، مبرزا أن هذه المشاريع ستمكن بعد اكتمالها من ربط باقي المقاطعات، كما ستعزز من الربط والاندماج الإقليمي بين بلادنا ودول الجوار من خلال محور ازویرات تيندوف وجسر روصو. وأضاف أنه تمت إعادة تأهيل أكثر من 1200 كلم من شبكة الطرق الوطنية، في أكبر عملية صيانة عرفتها البلاد، شملت المحاور الرئيسية كطريق الأمل وطريق، نواكشوط-روصو، وطريق بوكي-كيهيدي، إضافة إلى إنجاز 387 كلم من الطرق الحضرية بانواكشوط وبعض المددن الداخلية. واستعرض معالي الوزير العديد من الإنجازات التي تحققت في مختلف المجالات، كإنشاء مؤسسة أشغال صيانة الطرق للحفاظ على الشبكة الطرقية، وإعادة تأهيل مطار نواذيبو الدولي، وغير ذلك من المشاريع الحيوية التي اكتملت الأشغال في بعضها والبعض قيد الإنجاز، إلى جانب مشاريع هامة سيعلن عن مناقصاتها. وقال إن هذا المشروع 'جسر الصداقة الموريتانية- الصينية'يعتبر منشأة عصرية هامة ستبقى شاهدة على عمق الصداقة بين الشعبين الموريتاني والصيني، معربا باسم الحكومة والشعب الموريتاني عن أصدق عبارات الشكر والعرفان لحكومة جمهورية الصين الشعبية على دعمها المتواصل لبلادنا في مختلف المجالات التنموية، خاصة في مجال البنى التحتية. بدروه أوضح نائب رئيسة جهة نواكشوط السيد إدوم ولد اعبيد الله، أن تدشين جسر الصداقة، كسابقيه– جسر تآزر وجسر الحي الساكن – يندرج في إطار حزمة المشاريع الهامة التي تواصل حكومة معالي الوزير الأول العمل على تنفيذها، بتوجيهات من فخامة رئيس الجمهورية، من أجل إعطاء مدينة نواكشوط الوجه الحضري اللائق بها كعاصمة وواجهة للبلد. وقال إن المشاريع التي دشنت تستحق الإشادة والتثمين، خاصة ما يتعلق منها بتعزيز الحكامة الإدارية وتوطيد دعائم السيادة الوطنية، مؤكدا أن هذه المشاريع سيكون لها أثر مباشر على ساكنة العاصمة، حيث ستساهم في تعزيز انسيابية المرور ودعم البنية التحتية للمدينة، وتحديثها بما يتماشى مع متطلبات الحاضر وتطلعات المستقبل. من جهته أوضح عمدة بلدية لگصر السيد محمد السالك ولد عمار، أن هذا الجسر يشكل أهم الإنجازات الهيكلية التي تشكل نقلة نوعية في مسار عصرنة نواكشوط وتعزيز بنيته التحتية. وأضاف أن إطلاق مشروع حركية نواكشوط في أفق 2026 الذي يعد خطوة نوعية في سبيل تحسين جودة الحياة الحضرية وتعزيز انسيابية المرور في العاصمة لا يمثل فقط نقلة نوعية لربط الاحياء بعضها ببعض، بل يجسد رؤية كاملة لمدينة نواكشوط نابضة بالحياة وعصرية، كما يعكس الوفاء بالالتزام بتنمية وازنة وشاملة، إضافة إلى مدى تطور العلاقات الموريتانية مع الشركاء. أما سفير جمهورية الصين الشعبية المعتمد لدى بلادنا، سعادة السيد تانغ تشونغ دونغ، فعبر نيابة عن الحكومة الصينية، عن أحر التهاني لموريتانيا حكومة وشعبا على إنجاز هذا الجسر، مثمنا حضور فخامة رئيس الجمهورية لتدشينه،مهنئا الإدارات والمقاولين الذين شاركوا في بنائه. وقال إن الصين وموريتانيا تربطهما علاقات دبلوماسية وصداقة طويلة الأمد، وقد تجسدت هذه العلاقات في التقاء فخامة الرئيس شي جينبينغ بـرئيس الجمهورية السيد محمد ولد الشيخ غزواني ثلاث مرات خلال عامين وتوقيع اتفاقيات مهمة في العديد من المجالات. وأبرز أن هذه العلاقات سلكت اتجاها جديدا في التعاون الودي بين البلدين من خلال ما توصلت إليه قمة منتدى التعاون الصيني الإفريقي العام الماضي في بيحين، التي أعلن فيها عن رفع مستوى العلاقات بين الصين وموريتانيا إلى شراكة استراتيجية.
