دينا أنور تروي تجربتها مع القديس سمعان الخراز ومعجزة الزلزال ونقل جبل المقطم : زلزال نقل جبل همومي .. قريباً ألبي دعوتك يا أبونا "سمعان" و اجي لك

وجهت الكاتبة التنويرية دينا أنور، رسالة تحت عنوان "حكايتي مع القديس "سمعان الخراز" .. و معجزة الزلزال و نقل جبل المقطم" .
وكتبت أنور عبر حسابها على فيسبوك :" لأني مؤمنة جداً بتناسخ الأرواح و الرسائل الكونية .. من فترة جات لي ثلاث رسايل على فترات متباعدة إني أزور بالذات دير القديس "سمعان الخراز" في جبل المقطم .. كإنه بيناديني من زمان
مختلف عشان يبلغني رسالة محتاجاها في حياتي .. كنت أعرف عنه كمكان سياحي عالمي شهير و كنيسة بديعة محفورة في وسط جبل المقطم و مزار مسيحي مهم .. لكن الحقيقة عمري ما زورته .. و ما كنتش أعرف كتير عن قصة القديس "سمعان الخراز" نفسه .
مضيفة :" لحد ما اتفرجت على الفيلم البسيط اللي عاملاه الكنيسة القبطية عنه عاليوتيوب .. و اللي لسه عالق في روحي و ذهني بترنيمته الجميلة "مابتنساش" .. لدرجة إني بالصدفة البحتة اتفرجت عليه ليلة ما حصل الزلزال اللي فات .. و كانت نفس ليلة سفري لاستلام أرضي من اللي اغتصبوها 8 سنين .. و كنت وقتها نايمة و صحيت بعد شعوري بالزلزال .
و رغم إن كتير منكم هيعتبرني ببالغ أو اتجننت .. بس حسيت إن الرسالة اللي مبعوتة لي إن زي ما حصل زلزال نقل جبل المقطم بسبب مصداقية القديس "سمعان" و إخلاصه و محبته و مساعدته لكل الناس و المحتاجين
و ترفعه عن الشهوات و الأطماع.. انتي كمان هيحصل لك في حياتك زلزال ينقل جبل همومك .. و زي ما جبل المقطم ارتفع حتى بانت الشمس من تحته في حكاية القديس "سمعان" .. إنتي كمان جبل همومك هيرتفع لحد ما
تظهر شمس الحرية و العدل اللي حجبها الظلم في حكايتك .. و تقدروا ترجعوا لمنشورات صفحتي و تتأكدوا إن ليلة ما حصل الزلزال الأسبوع اللي فات كانت نفس ليلة ما طلبت منكم تصلوا لي عشان رايحة استلم أرضي .
اللي عجبني كمان في الفيلم الرائع اللي عملته الكنيسة بإمكانيات إخراجية و إنتاجية بسيطة جداً .. إن الفيلم من بدايته لنهايته لا يكفِّر أحد .. و لا يقلل من أي ديانة أخرى .. و لا يطعن في إيمان أي انسان لصالح الإيمان المسيحي .. و مش مطلّع المسيحيين لابسين أبيض و وشهم منور و غير المسيحيين لابسين إسود و وشهم يخوّف .
على العكس تماماً .. أظهر سماحة الكنيسة القبطية المصرية و وطنيتها و مسالمتها منذ فجر التاريخ .. و إزاي صلواتها كانت لا تنقطع لشعب مصر في سنوات الجفاف و المجاعة و الفقر .. و ازاي الشعب المسيحي توحّد و
اتحّد قبل المعجزة و بفضل قوة إيمانهم و صلاتهم و صيامهم نقلوا الجبل .. بعد ما الإخوات اللي متقاطعين بسبب الورث اتصالحوا .. و بعد ما الراجل الخمورجي اللي بيضرب ابنه كل شوية و هو سكران ما فاق و قرر يبطل سُكر ..
حتى الست اللي كانت بتستغل فقر الناس و بيرهنوا عندها دهبهم و تبخس بتمنه الأرض و جوزها كان حرامي بيسرق الناس وقت المجاعة .. و كانت بتتضايق من صلاة ابنها في البيت و مرواحه الكنيسة كتير .. اتوحدت مع الشعب المسيحي المؤمن و راحت تشوف المعجزة .. و بعد ما شافتها قررت ترجع لكل الناس حاجتهم ..
حتى البنت اللعوب اللي حاولت تغوي أبونا "سمعان" .. برضه اتحدت بقلبها مع إيمان الشعب المسيحي و صلت عشان يقدروا يحققوا المعجزة و يأمنوا مكر الوزير الواشي "يعقوب بن كلس" اللي حاول يشكك في إيمانهم و قوة عقيدتهم أمام الخليفة " المعز لدين الله الفاطمي" .
نيجي بقى لقصة أبونا "سمعان" نفسه .. القديس المسيحي اللي السما اختارته و العدرا بلغت بيه نيافة البطريرك عظيم الإيمان "ابرآم بن زرعة" إن هو اللي هيقدر بصلاته و إيمانه يحقق المعجزة للشعب المسيحي .. بعد صلاتهم و صيامهم ثلاثة أيام لرفع المحنة .. بعد ما الخليفة طلب منهم ينقلوا الجبل بقوة إيمانهم حسب الكتاب المقدس و إلا تبقى عقيدتهم باطلة ..
كان اسكافي بسيط فقير .. بيعامل الناس بود و أخلاق و أدب و محبة نقية .. كان بيصلي في أي مكان و كل مكان بإيمان حقيقي و بيطلب من كل الناس يذكروه في صلاتهم .. كان بيصحى كل يوم الصبح يملى مية و يلف على بيوت العجائز و
المرضى و الأرامل و الأيتام يحط لهم مية قدام بيتهم .. بيتبرع بكل رزقه لانسان محتاج لأنه مؤمن إن عطية الفقير أعظم في السما من عطية اللي بيدي فياضته .. و من شدة التزامه و أخلاقه فقع عينه لما ضبطها بتبص على جسد امرأة ..
و الأجمل إن الفيلم لم يظهر هذا العمل في صورة إيمان غير مسبوق أو تقوى فردية .. بل أظهره في سياق فهم متواضع من القديس "سمعان" لنصوص الكتاب المقدس .. و أظهرها كغلطة منه في حق جسده .. و أظهر لوم الآباء له على التطبيق الحرفي دون التفكير في المعنى الروحاني .. و هو ما يعكس عظمة الإيمان المسيحي الذي لا يشجع الانسان على فقدان حياته أو المساس بانسانيته أو إيذاء نفسه في سبيل أي شيئ حتى إيمانه.
و حتى بعد ما البطريرك بلغه باختيار السما له لتحقيق المعجزة .. طلب يصلي ورا رجال الكنيسة من غير ما حد يعرفه .. و طلب ماحدش يقول مين هو إلا بعد ما يموت .. و رحل في صمت بعد تحقيق المعجزة عشان يكسر في نفسه الكِبر و يعيش بسيط زي ما هو لحد ما يسافر للسما .
حكيت لكم القصة دي مش عشان أي أسباب ممكن تيجي في بالكم .. أبناء العقيدة النبيلة دي عندهم في تراثهم الإيماني و العقائدي ما يكفيهم للثبات على إيمانهم مهما شافوا أو واجهوا .. و بالتالي مش محتاجيني أنا و لا غيري ندافع عنهم و لا نظهر سماحتهم و لا حتى نسلط الضوء على تراثهم الإيماني العميق .
الناس النبيلة دي مش محتاجين غير ناس مؤدبة و متربية و مثقفة .. عندهم شغف للإطلاع على تاريخهم بشكل حقاني و عادل و منصف .. و إمكانية و شجاعة لنقله بكل صدق حتى لو مش عاجب محرفين التاريخ .
الناس النبيلة دي مش محتاجين غير ناس تحترم وطنيتهم و حبهم للبلد و صلاتهم لكل مخلوق حتى مبغضيهم .. مش محتاجين غير تقدير سماحتهم و عدم استغلال طيبتهم و سمو أخلاقهم في نشر الكراهية ضدهم و التطاول على مقدساتهم من همج رعاع ما شافوش تربية و لا سمعوا عن أدب و لا حد عارف يحط لبذائتهم لجام.
الحياة مهما ارتقت و تطورت بالعلم و الطب و التطور و المعرفة .. يظل بداخل كل شخص فينا مساحة روحانية طفولية بريئة تميل إلى تصديق وجود ماورائيات بتغيّر نواميس الكون و تعلو على قوانين الحياة و تحقق بعض المستحيلات للانسان حسب درجة صلاحه و نفعه للناس و طيبة قلبه و محبته للغير .
المساحة دي لا تتعارض أبداً مع كونك انسان واقعي أو مؤمن بالعلم .. لكن عشان الحياة بدون أخلاق و مشاعر و خيال لا تطاق .. خلي المساحة الخفيّة دي من حياتك هي اللي تلهمك و ترشدك ازاي توزّع محبة و عطاء .. و ازاي تحنو
على كل الكائنات .. و ازاي تساعد كل ما تكون قادر و تكون فرحان إنك بتدي مش بتاخد .. و ازاي لما تحب تكون وسط مجموعة تختار المجموعة اللي تشبه روحك .. عشان اتحادك مع أرواح بتشبهك هو اللي أحياناً كتير بيحقق المعجزات .
واختتمت :" و قريباً ألبي دعوتك يا أبونا "سمعان" و آجي لك .. شكراً إنك اختارتني اتكلم عنك و أنقل من فوق قلبي جبل هموم .. زي ما السما اختارتك تنقل الجبل عن شعب المسيح النبيل.

جرب ميزات الذكاء الاصطناعي لدينا

اكتشف ما يمكن أن يفعله Daily8 AI من أجلك:

التعلم مع الذكاء الاصطناعيالتحقق من الحقائقتحويل النص إلى كلامملخص الذكاء الاصطناعي

أخبار ذات صلة

الدستور

منذ 24 دقائق

• الدستور

شقيق محمد رمضان يحتفل بعيد ميلاد النجم على طريقته الخاصة

احتفل محمود رمضان، بعيد ميلاد شقيقه النجم محمد رمضان على طريقته الخاصة. وشارك محمود رمضان، جمهوره ومتابعيه، عبر صفحته الرسمية بموقع تبادل الصور والفيديوهات "انستجرام" صورة له مع شقيقه، معلقًا: "كل سنة وأنت طيب أخويا وحبيبي الغالي، وعقبال ١٠٠ سنة في نجاح دائم.. ثقة في الله". ويعد محمود رمضان هو مدير أعمال شقيقه النجم محمد رمضان. على جانب آخر، طرح محمد رمضان ، أحدث أغانيه الجديدة "لسه بدري عليه" على موقع الفيديوهات "يوتيوب" وعدد من المنصات الإلكترونية. كما يخوض "رمضان" بطولة فيلم" أسد" المقرر طرحه بالسينمات قريبا، ويشاركه البطولة ماجد الكدواني، شريف سلامة، خالد الصاوي، رزان جمال، ومن تأليف وإخراج محمد دياب.

فيتو

منذ 26 دقائق

• فيتو

بعد قرار إلغاء حفله بالعلا، آخر التطورات الصحية لـ محمد عبده

اعتذر الفنان محمد عبده للجمهور عن إلغاء حفله بشكل مفاجئ في مدينة العلا، والذي كان من المقرر إقامته غدا الجمعة. محمد عبده يتعرض لوعكة صحية وقال محمد عبده في مقطع فيديو نشرته شركة روتانا للصوتيات والمرئيات: إنه يحاول منذ 10 أيام، علاج صدره حيث إنه تعرض لـ حساسية شديدة بالرئة 'الربو'، معتذرا لجمهوره عن عدم إقامة الحفل. مرض محمد عبده وكانت شركة روتانا قد أعلنت إلغاء حفل فنان العرب محمد عبده، الذي كان من المقرر إقامته في مدينة العلا غدا الجمعة الموافق 23 مايو الجاري. وأكدت شركة روتانا في بيان عبر صفحتها الرسمية على موقع التواصل الاجتماعي، أن الفنان رابح صقر سيقوم بإحياء الحفل، موضحة: "إلى جمهور فنان العرب محمد عبده الذين كنتم على موعد معه بمدينة العلا يوم الجمعة الموافق ٢٣ مايو ٢٠٢٥، ولكن بكل أسف نعلمكم وبسبب وعكة صحية تعرض لها الفنان وبإذن الله عارض ويزول، وبناءً على طلبه وبالتنسيق مع القائمين على الحفل تم الطلب من الفنان رابح صقر رفيق المسيرة الفنية والداعم لأبو نورة أن يكون ضيف هذه الليلة المميزة لإحياء الحفل، نتمنى لفنان العرب الشفاء العاجل وعودته سالمًا لجمهوره ومحبيه". ألبوم محمد عبده الجديد ومن المقرر أن يطرح فنان العرب محمد عبده ألبومه الجديد 'الوفاء للبدر' اليوم الخميس الموافق 22 مايو في تمام الساعة التاسعة مساءً. ويتضمن الألبوم 5 أغاني من كلمات: الأمير الراحل بدر بن عبد المحسن، وألحان: الموسيقار طلال. ويأتي الألبوم بمناسبة الذكرى الأولى لوفاة الشاعر الأمير بدر بن عبدالمحسن، وتطرحه شركة روتانا عبر قناتها الرسمية على موقع الفيديوهات يوتيوب وكافة تطبيقات الموسيقى. ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوداث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.

الأسبوع

منذ 28 دقائق

• الأسبوع

«خالد الجندي» يطالب بكتابة المؤخر للزوجة ذهبا بدلا من الأموال

خالد الجندي أكّد الشيخ خالد الجندي، عضو المجلس الأعلى للشؤون الإسلامية، أن أول ما يجب على الإنسان فهمه في "فقه الجمال" هو أن يتقي الله في أقواله وأفعاله، موضحًا أن مَن يدّعي الإيمان عليه أن يلتزم بأوامر الله عز وجل، لا أن يتبع هواه ورغباته. وأشار عضو المجلس الأعلى للشؤون الإسلامية، خلال حلقة برنامج "لعلهم يفقهون"، المذاع على قناة "dmc"، اليوم الخميس، إلى أن: "القرآن يضع مبدأ جميل جدًا لما قال: (وإن يتفرقا يُغنِ الله كُلا من سعته)، يعني ببساطة اللي عايز يرضي ربنا، يعمل الحاجة بمواصفات ربنا، مش بمواصفات نفسه وهواه". وتابع: "الآية الكريمة بتقول (فاستقم كما أُمِرت)، مش كما أردت، يعني امشي على اللي ربنا أمرك بيه، مش اللي انت شايفه مناسب لك". وأوضح: "الشريعة قالت تعطي مؤخر صداق، لكن ما يحدث اليوم، فتات ليس له قيمة، ولهذا أنصح الناس يكتبوا المؤخر بجرامات من الذهب". واقترح الجندي: "ليه ما نكتبش المؤخر 20 جرام دهب؟ أو 50 جرام؟ أو نكتب ما يعادل قيمتهم بالفلوس، بالشكل ده نضمن إن حقها محفوظ وما يقلش مع الوقت". ولفت إلى أنه: "في حالات كثيرة، الراجل يقول لزوجته ابريني، وهي تقول له: خُد اللي انت عايزه بس فُكني منك، والمؤخر اللي بتاخده بيبقى كأنه لا شيء، لا بيساعدها ولا له قيمة حقيقية". وتساءل مستنكرًا: "يعني واحدة متجوزة بقالها 30 أو 40 سنة، ولادها كبروا ومبقتش حاضنة، لما تطلق تروح فين؟ تعيش إزاي؟ مش لازم نفكر في مستقبلها؟، علشان كده إحنا طرحنا قبل كده فكرة وثيقة تأمين للأسرة، تضمن للمرأة حياة كريمة بعد الطلاق، خصوصًا لو قضت عمرها كله في خدمة بيتها وجوزها". وشدد على أن: "ربنا لما قال (فإمساكٌ بمعروف أو تسريحٌ بإحسان)، مش بس الفعل، لأ، ده بيشترط مواصفات للفعل، ولو انت فعلاً صادق في نيتك، طبق الفعل زي ما ربنا طلب، مش زي ما مزاجك يقولك".