داليا مصطفى: «بأقدم شخصيات جديدة ومبكررش نفسي».. فيديو

كشفت الفنانة داليا مصطفى عن رؤيتها الفنية في اختيار أدوارها، مؤكدة أنها تسعى دائمًا إلى تقديم شخصيات جديدة ومختلفة، وتتجنب التكرار مهما كانت الظروف، مشددة على أهمية النص الدرامي وعمق الشخصية التي تقدمها.
تصريحات داليا مصطفى
وأوضحت داليا مصطفى، في لقاء خاص مع الإعلامية شيرين سليمان، ببرنامج سبوت لايت، المذاع على قناة صدى البلد، قائلة: "بحاول دائمًا أختار حاجات مختلفة، ما بحاولش أكرر الشخصيات، على قد ما أقدر بعمل شخصيات جديدة، ودي مهمتي يعني، طول عمري ما بحبش أعمل شخصية متكررة أبدًا، وبحب أعيشها قوي، وشخصيات كتير قوي بتبقى قريبة جدًا من قلبي".
وتحدثت داليا مصطفى، عن رأيها في السينما خلال الفترة الحالية، قائلة: "أنا بحب أعمل سينما حلوة، مش بحب أعمل أي حاجة، دلوقتي في أفلام كتيرة قوي مش قوية، فأنا مش عايزة أدخل في المنطقة دي، بما إني شغالة كويس قوي في الدراما التلفزيونية، فمش حابه أعمل في السينما حاجة تقللني".
وفيما يتعلق بظاهرة "النمبر وان"، أكدت داليا أنها لا تعارض الفكرة، قائلة: "مش ضد أبدًا النمبر 1 نمبر 2، ده شيء طبيعي من قديم الأزل يعني، على فكرة في النجم الأول عادي، ده طبيعي، وحاجة ما تضايقش، بس الفكرة إنه مافيش حاجة بتتعرض ذات قيمة أقدر أنزل أعملها، بس هو ده السبب، لكن نجم أول ما عنديش أزمة معاها".
داليا مصطفى تشيد بمسلسل ولاد الشمس
وعن الأعمال الدرامية التي شاهدتها مؤخرًا، قالت داليا مصطفى: "اتفرجت بس مش كل المسلسلات، للأمانه اللي عجبني قوي (ولاد شمس) من الحاجات اللي اتفرجت عليها".
وأكدت داليا مصطفى على أن الورق هو أساس الدراما التلفزيونية، قائلة: "الورق الورق الورق، دي أهم حاجة بالنسبة لي، لأن الدراما التلفزيونية قائمة على الورق، السينما مخرج الأول، لكن التلفزيون أساسي لازم يبقى الورق كويس، المخرج بعد كده، الدور نفسه يكون بيقول حاجة، لازم أقدم للناس حاجة جديدة على داليا، هي دي المعايير اللي بحاول أوصل لها".
وتحدثت داليا مصطفى أيضًا عن وعيها الذاتي ومراحل تطورها الشخصي، موضحة: "أنا مقتنعة إن كل مرحلة وليها حلاوتها وجمالها، حتى وإن كان فيها بعض المشاكل بس مؤخرا بقيت مستوعبة وفاهمة كويس قوي إن أي مشكلة بتحصل لي هي درس، مطالبة إن أنا أفهم منه المشكله دي حصلت لي ليه؟، وده يمكن الفترة الأخيره بقى عندي وعي شوية، أو فهم إنه لما بتحصل لي مشكله، أبقى قادره ما أقعدش وأتضايق، لازم أفهم هي المشكلة دي حصلت لي أنا ليه؟ إيه السبب؟".
وتابعت داليا مصطفى قائلة: "أنا مقتنعة جدًا إن ربنا عمل ده علشان أطلع فايزة في الآخر، مش مجرد إنه هو بيعذبني أو بيضايقني أو بيتعبني، لا، هو عايز يخليني أوصل مرحلة تانية خالص من الفهم والوعي، فأنا شايفة إن أنا بعيش دلوقتي أفضل أيام حياتي، والحمد لله".
داليا مصطفى: شايفة إنه أي حد في الدنيا لازم يروح كل فترة لدكتور نفسي
وختمت داليا مصطفى حديثها برسالة عن أهمية الصحة النفسية وضرورة التحدث مع متخصصين أو أصدقاء، قائلة: "شايفه إنه أي حد في الدنيا لازم يروح كل فترة على الأقل لدكتور نفسي، يقعد يتكلم معاه، يقول له مشاكله، يساعده لأن الموضوع مش سهل إنك تمشي في الحياة لوحدك، ما تبقاش فاهم أنت ماشي في أي اتجاه، يعني أبعت مسج لحد: أنا عايزه أتكلم، بس عايزه أتكلم دي ممكن لو اتكلمت مع حد صاحبك، 8 دقائق بس مش أكتر من كده، هتريح أعصابك جدًا، تقول له على المشكلة بتاعتك".
وأضافت داليا مصطفى قائلة: "الستات تحديدًا، الستات غير الرجالة، الرجالة بتبقى محتاجة إجابة واضحة وصريحة: أعمل إيه في واحد، اتنين، تلاتة، الستات لا.. الستات محتاجة تفضفض بس".

جرب ميزات الذكاء الاصطناعي لدينا

اكتشف ما يمكن أن يفعله Daily8 AI من أجلك:

التعلم مع الذكاء الاصطناعيالتحقق من الحقائقتحويل النص إلى كلامملخص الذكاء الاصطناعي

أخبار ذات صلة

أهل مصر

منذ 3 ساعات

• أهل مصر

شيري عادل تكشف أسرار "أصل الحكاية" وتصرّح: أتمنى بطولة عمل تاريخي

كشفت الفنانة شيري عادل عن تفاصيل أحدث أعمالها السينمائية بعنوان "أصل الحكاية"، مؤكدة حماسها الشديد لتقديم دور جديد ومختلف تمامًا عن جميع أدوارها السابقة. وأوضحت أنها تجسد في الفيلم شخصية باحثة تكتشف أسرارًا تقلب نظرتها للأحداث، ما يضفي على العمل طابعًا فريدًا وغير متوقع. وخلال لقائها في برنامج "سبوت لايت" مع الإعلامية شيرين سليمان عبر قناة صدى البلد، أعربت شيري عن رغبتها في تقديم عمل تاريخي، مشيرة إلى أن تجسيد شخصية حقيقية يتطلب بحثًا دقيقًا في تفاصيل حياتها، وهو ما يضفي بعدًا عميقًا للعمل ويثري التجربة الفنية. كما أكدت وجود العديد من الموضوعات والقضايا التي لم تُطرق بعد في الدراما المصرية، وهو ما يمنحها حافزًا قويًا لاختيار أعمال ذات مضمون هادف ومختلف. وعن محطاتها الكوميدية، أشارت شيري إلى أن أفلام "أمير البحار" و"بلبل حيران"، ومسلسل "بنات سوبرمان"، تُعد من أبرز أعمالها في هذا النوع، مؤكدة حبها للكوميديا عندما تُقدم بأسلوب راقٍ ومميز. وتطرقت إلى مشاركتها في لجنة تحكيم مهرجان أسوان، ووصفت التجربة بالممتعة، معربة عن رغبتها في الحديث عنها بشكل أوسع في وقت لاحق. أما عن المسرح، فكشفت شيري أنها كانت تستعد لمشروع مسرحي مميز، لكن ارتباطها بتصوير مسلسل "جروب الدفعة" حال دون مشاركتها، متمنية أن تسنح لها الفرصة مجددًا لتقديم العمل على خشبة المسرح.

مصرس

منذ 5 ساعات

• مصرس

خالد يوسف: «السينما فن جماعي.. والجمهور حر يختار ويُقيّم دون وصاية».. فيديو

تحدث المخرج خالد يوسف عن رؤيته لصناعة السينما، وتعريفه الشخصي للنجاح، وأهمية احترام حرية الجمهور في الاختيار والتقييم، مؤكدًا أن السينما لا يمكن أن تقوم على مجهود فردي، بل هي عمل جماعي يشارك فيه عشرات المبدعين من تخصصات مختلفة. تصريحات خالد يوسف وأوضح المخرج خالد يوسف، في لقاء خاص مع الإعلامية شيرين سليمان، ببرنامج سبوت لايت، المذاع على قناة صدى البلد، قائلًا: "فيلم ينجح مش من حيث إنه يدخل فلوس قد ما من حيث كم مشاهد شافه؟ كم مشاهد نزل وراح دخل صالة العرض عشان يشوف الفيلم ده؟ ده النجاح.. فبكل تأكيد بيهمني الإيرادات من المنطلق ده على الأقل مش من منطلق إرجاع فلوس الفيلم يعني." وأضاف خالد يوسف، قائلًا: "السينما طول عمرها عمل جماعي بيقوم بيها 120 بني آدم، مخرج وممثلين وأبطال ومدير تصوير ومهندس ديكور ومزيكا تصويرية، كل دول بيتضافروا كده عشان يقدموا عمل للناس. فما فيش يعني هو في النجم الأكبر في تاريخنا ينفع يعمل فيلم لوحده من غير ما يبقى في مخرج ومن غير ما يبقى في ممثلة قدامه أو بطل قدامه أو بطلة أو مدير تصوير أو بتاع؟ فالسينما هي الفن الجماعي يعني، الفن اللي يسميه به جماع وسائل التعبير الإنساني".وتابع خالد يوسف قائلًا: "موجود فيه التصوير وموجود فيه الإخراج وموجود فيه المزيكا وموجود فيه الديكور وموجود فيه كل يعني موجود فيه كل الفنون."رأي خالد يوسف في إعادة تقديم الأعمال الفنية وتطرق يوسف خلال الحوار إلى قضية إعادة تقديم الأعمال الفنية، مؤكدًا أنها ليست تكرارًا، بل قد تكون رؤية جديدة لنفس الحدوتة، قائلًا: "أنا بتصور إنه مثلًا فيلم زي فيلم زي أمير الانتقام اتعمل ثلاث مرات حتى في عصر واحد، فريد شوقي عمله وأنور وجدي عمله يعني فمن حق رغبة متوحشة والراعي والنساء هم حدوتة واحدة وكل مخرج عمل فيلم مختلف عن الثاني، وبالتالي أي عمل هياخده اثنين مخرجين بنفس حتى السيناريو نفسه السيناريو هيطلعوا فيلمين مختلفين، فما بالك بقى بإن حد جايب عايز يعمل دراما اتعملت صحيح لكن برؤية مختلفة من حقه". وأشار خالد يوسف، إلى أنه شخصيًا لا يحب إعادة تقديم أعماله، لكنه لا يرفض أن يفعلها غيره، قائلًا: "أنا ما أحبش أعمل، إذا كنت بقول لك ما أحبش أعمل أجزاء ثانية من أفلامي اللي أنا عاملها، أنا ما أحبش لكن ده ما يمنعش خالص إنه في مخرج آخر شايف وجهة نظر ما، شايف رؤية معينة في هذا العمل اللي اتعمل نفسه يعبر بيها يعني." موسم دراما رمضان وتحدث خالد يوسف عن موسم دراما رمضان، قائلًا: "شفت مسلسلات رمضان وعجبني جدًا مجموعة كبيرة من المسلسلات والسنة دي أنا رأيي كانت من من أكثر المواسم نجاحًا وتوفيقًا، أنا شفت مثلا 5 مسلسلات، وكانوا كلهم كويسين قوي قوي كمان يعني، لام شمسية، قلبي ومفتاحه، 80 باكو، ظلم المصطبة". وعن دور الجمهور، علّق يوسف قائلًا: "الجمهور من حقه يعمل اللي هو عايزه. الجمهور يعمل اللي هو عايزه. الجمهور يعني يعبر عن رأيه براحة راحته زي ما بنقول يعني يعمل اللي هو عايزه. يعني وبعدين أنا نفسي كنت بقول ويلي ويلي من نار الكلمة إن لم تجد من يسمعها حتى أو يصفعها". وتابع خالد يوسف، قائلًا: "يعني لو أنت عملت عمل ومر مرور الكرام دون أن هو حد يشيد بيك أو حد يشتمك يبقى أنت مريت من غير ما حد ياخد باله. يبقى أنت ما كانش المفروض تعمله، فلما الناس بتتوقف عند عمل سواء بالنقد البناء ولا حتى النقد اللي مش بناء أو سواء بالإعجاب، أنت يبقى أنت عملت عمل قد أثر في الناس". وأضاف خالد يوسف قائلًا: "الجمهور قايم على الحرية، إنه من حقه يغير بالريموت أو من حقه يروح السينما الفلانية للفيلم الفلاني أو ما يروحش. فالجمهور حر. وعلى فكرة لما المخرج أو الممثل أو الفنان بشكل عام بيقول الجملة ديت هو مش قصده إهانة الناس هو قصده إن الجمهور حر. هو قصده إن الجمهور جُبل على الحرية في الاختيار، على فكرة هو ده الاستفتاء الديمقراطي الوحيد في حياتنا، ودي الحاجة الوحيدة اللي أنت بكامل إرادتك بتشوفها أو ما تشوفهاش. فهو اختيار ديمقراطي، أنت بتختار المسلسل ده عجبك ما بتختارش ده بتقلب، بتروح الفيلم ده أو بتروح الفيلم ده". واختتم خالد يوسف، قائلًا:"فالجمهور حر، فهم ما بيقولوهاش بتنطيط، يعني الناس ساعات تاخدها بمنطق يعني أنت مش همك يعني؟ يعني أنت ما انتاش عايز الجمهور يشوفك يعني وبتقول اللي مش عاجبه يروح يتفرج على سينما ثانية ولا على مسلسل ثاني؟ لا أنا رأيي إنه هؤلاء الفنانين ما يقصدوش كده، هم يقصدوا إن الجمهور حر يختار ما يشاء ويعجب بمن يشاء ويهاجم من يشاء ولا سلطان على الجمهور".

الجمهورية

منذ 5 ساعات

• الجمهورية

شيري عادل : " اتمنى تقديم عمل تاريخي"

كما أعربت شيري عادل ، خلال استضافتها في برنامج " سبوت لايت" الذي تقدمه الإعلامية شيرين سليمان عبر قناة "صدى البلد"، عن شغفها بالأعمال التاريخية، مؤكدة أن متعة تجسيد شخصية حقيقية تكمن في البحث العميق في تفاصيل حياتها ومواقفها، وهو ما يضيف بعدًا آخر للعمل الفني. وأشارت شيري عادل إلى أن هناك العديد من القضايا والموضوعات التي لم يتم تناولها دراميًا بعد، وهو ما يمنحها كفنانة حافزًا لتقديم المزيد.