رحمة أحمد تكشف نصيحة عبلة كامل لها في بداية مشوارها الفني

تحدثت الفنانة رحمة أحمد، عن مشاركتها ونجاحها في مسلسل 80 باكو، الذي عُرض في السباق الرمضاني الماضي 2025، بجانب الحديث عن حياتها الشخصية وكشفها تفاصيل مكالمتها مع الفنانة عبلة كامل، وذلك خلال لقائها في أحد البرامج التلفزيونية.
أبرز تصريحات رحمة أحمد
- الفنانة عبلة كامل كلمتني على تليفون أشرف زكي، وادتني نصائح وباركتلي وهي بتتعامل كأم وقالتلي أنوع فـ أدواري، وهي فنانة قديرة وقدوة.
- كنت خايفة من دوري في مسلسل 80 باكو، لأن الانتقال من الكوميدي لـ التراجيدي والعياط يا يبقى حلو أوي يا يبقى مش حلو.
- جزء كبير من مشهد السرقة كان ارتجال، والمخرجة دورت الكاميرا وسابتنا وانتصار كانت مرعبة.
- اتدربنا قبل التصوير في كوافير في الدقي، وعلمتنا نعمل الشعر والحواجب، واللي فاجئني العلاقات الإنسانية بين البنات في الكوافير الحقيقي.
- شخصية عبير في 80 باكو، مؤلمة وفي ستات مبتطلقش علشان معندهاش القدرة المادية بالرغم من أنها بتضرب في بيتها.
- ابني مصطفى مشافش مشهد الضرب الحمد لله.
- اتأثرت نفسيًا جدًا بمشهد السرقة وقعدت أعيط لوحدي في الكرفان، ومش قادرة أتخيل الستات اللي بتعيش ده في الحقيقة، يعني نفسيتي تعبت من مذاكرة دور الستات اللي دي حياتها تعمل إيه.
- بشوف أن مش مهم يكون عندك كام في البنك ولا بيوت قد إيه المهم تكون متعلم وعندك شهادة، لأنك لو اترميت في الشارع هتعرف تجيب لقمة تتعشى بيها.
- أنا مش مؤمنة خالص أن الست تصرف على الراجل، ومش المفروض تصرف على نفسها وهي متجوزة، والعيال مسؤولية الأب تمامًا، وممكن الست تساعد لو اللي قدامها يستاهل.
- بقلق أوي من الزوج اللي بعد فترة يجيب لبس جديد أو بيرفيوم جديد، بتعرفي أن في حاجة، ومبشوفش أن في ست غبية وبتعرف كل حاجة وهي قاعدة مكانها دي حاجة إلهية.
- كان في لجان إلكترونية كتير من وقت الجزء السابع لمسلسل الكبير أوي، واتخضيت أوي وعيطت شوية وبعد كده فهمت ودي ضريبة وجانب من جوانب النجاح.
- مبفهمش يعني إيه سينما نظيفة ومش نظيفة، واللي أنا متأكدة منه أني لا أملُك أني أحكم على أي تصرف لفنان أو فنانة وعمري ما هعمل كده.
- زعلت أول لما شفت انتقادات ريهام عبد الغفور، دي قمر، ليه تعملوا كده؟ اعتبروها من عيلتكم دي فنانة وعاملة دور مهم جدًا في مسلسل ظلم المصطبة.
- ترتيب الأسماء على التتر مش من اختصاص الفنان دي ترجع لإدارة الأعمال ونظرتهم.
- جالي اكتئاب وحصلي سدة نفس، ودي سبب خسارة وزني وفي ناس قالت أني عملت تكميم معدة، ولكني خسيت الوزن اللي زيدته في الحمل والرضاعة.
رحمة أحمد عن أغنيتها الشهيرة مع نجلها: بغنيها معاه من أول ما اتولد
رحمة أحمد بعد مشاركتها في مسلسل 80 باكو: انتصار موهبة جبارة.. وكنا نضحك ونتشاجر مثل علاقتنا بالعمل

جرب ميزات الذكاء الاصطناعي لدينا

اكتشف ما يمكن أن يفعله Daily8 AI من أجلك:

التعلم مع الذكاء الاصطناعيالتحقق من الحقائقتحويل النص إلى كلامملخص الذكاء الاصطناعي

أخبار ذات صلة

24 القاهرة

منذ ساعة واحدة

• 24 القاهرة

إلهام شاهين عن دورها في بطلوع الروح: تحمست للعمل واديته من عندي بزيادة

تحدثت الفنانة إلهام شاهين عن مسلسلها بطلوع الروح، الذي قدمته في السنوات الماضية، عن داعش، حيث أعربت عن سعادتها بتقديم هذا العمل، الذي يكشف العديد من أفكار داعش التي يخضعون بها الشباب. إلهام شاهين عن دورها في بطلوع الروح: تحمست للعمل واديته من عندي بزيادة وقالت إلهام شاهين على هامش حضورها حفل توقيع كتاب الدكتور خالد منتصر: دول عندهم كل شيء مباح، والقائدة قالت اللي ترفض النكاح هقتلها بإيدي، والحمد لله المشاهد دي متشالش منها حاجة خالص، وأنا تحمست للدور واديته من عندي بزيادة. كما استكملت إلهام شاهين حديثها عن الإرهاب، إذ ذكرت: عادل إمام لما عمل فيلم الإرهابي كانت شخصيته في الفيلم رجل معموله غسيل مُخ ومصدقهم، ولكن لما يلاقوه رجع يفوق ويفهم الوضع قرروا يقتلوه. وسبق، وتحدثت إلهام شاهين عن دورها في مسلسل بطلوع الروح، إذ قالت في ندوتها بـ القاهرة 24: عملنا دراسة وافية وعملت دكتوراه في داعش، والحمد لله المخرجة دقيقة جدًا وعملت دراسة رهيبة لأنها جابت 70 فيديو لداعش وهما بيدبحوا ويجلدوا ويضربوا بالنار ويقتلوا، وكل الحاجات بيصوروها مش عارفة ليه عاوزين يأكدوا الجريمة على نفسهم.. هل أنتم الدواعش بتدافعوا عن قضية وبلد ودين؟.. الإجابة لأ، لأنكم ناس من جنسيات مختلفة اتلمت في بلد ما تخصهمش يعني مش بتدافع عن أرضك ولا دينك. بحضور إلهام شاهين وليلى علوي.. محافظ جنوب سيناء ونائب رئيس وزراء اليونان يفتتحان أول نادي يوناني بالمحافظة| صور إلهام شاهين تنشر صورا صحبة ماجدة الرومي وكلوديا مارشيليان خلال زيارتها إلى لبنان |صور

مصراوي

منذ 5 ساعات

• مصراوي

أول رد من مسلم على منتقدي "بدلة" حفل زفافه: "مفيش أسهل من البلوك"

القاهرة- مصراوي: شارك المطرب مسلم جمهوره ومتابعي حسابه الرسمي على موقع انستجرام، فيديو رد من خلاله على منتقدي "بدلة" حفل زفافه الذي أقيم قبل يومين. وظهر مسلم إلى جوار زوجته يارا في سيارتهما، قائلا "عايز أتكلم بصراحة: أول حاجة الفرح عدى على خير واليوم كان كويس بس الحمد لله انبسطنا باللي حصل، مبسوط جدا باليوم، وعايز أتكلم عن موضوع البدلة، بص يا معلم كده كده أنا مش محتاج أعمل تريند، أنا من أيام زمان بطلع تريند بشكلي ولبسي وكل حاجة". وتابع "عارف إن ممكن تكون ثقافة اللبس اللي بلبسه ممكن متكونش نفس ثقافة اللبس اللي في مصر، لكن أنا دايما متأثر بالحاجات دي وبتابع الناس اللي برة وحاجتي بتيجي من برة، البدلة اللي مكانتش عجباكم دي كنت جايب القماش بتاعها لوحده من فرنسا، والتيشيرت من برادا وينفع للجنسين، ولقيت كتير تعليقات كإنكم مصدومين إني لابس كده، فنانين كتير غيري بيعملوا كده بس إزاي لازم مسلم هو اللي يتقاله تعليقات سلبية". وهاجم مسلم منتقديه، قائلا "أنا مش محتاج آراء حد لو مش حاببني ممكن تعملي إلغاء متابعة، لو عندك رأي قول مش عاجبني، هحترم ده لكن مالهاش لازمة تشتمني وتشتم أهلي، أنا مستاهلش إن ده يحصل، أقسم بالله اللي جالي الفرح الصغير قبل الكبير كنت بعاملهم كويس وربنا عالم". وأكد أنه يحب الظهور بشكل مميز وينجح في اختيار إطلالته، مضيفا "من وجهة نظري شايف إنها جامدة بس عشان عارف إن الناس شافوني في بيوتهم، بس أنا مكنتش لابس بدلة من بحيرة الأمازون، ومش أول واحد ألبسها عملتها وأنا راضي عن نفسي كفاية أهلي ومراتي والفنانين كانوا معجبين بلبسي ولبس يارا، ومعنديش أسهل من البلوك انت هتستفاد إيه، قول رأيك باحترام كل واحد عنده وجهة نظر في اللي هو بيعمله". واحتفل مسلم ويارا بزفافهما قبل يومين وسط حضور الأهل والأصدقاء، وظهر بـ"بدلة" طالتها انتقادات البعض، الذين رأوا أنها لم تكن مناسبة للحفل.

أهل مصر

منذ 9 ساعات

• أهل مصر

محمد رمضان يدفع الملايين.. تسوية قضائية بين الفنان وMBC

أعلن الفنان محمد رمضان عبر صفحته الرسمية على موقع التواصل الإجتماعي "فيسبوك" عن سداد مبلغ 26 مليون جنيه لصالح مجموعة MBC، تنفيذًا لحكم قضائي صادر ضده، بالإضافة إلى دفع رسوم قضائية قدرها 9 ملايين جنيه. ونشر رمضان على صفحته الشخصية منشور داء من خلاله: "تم تنفيذ حكم القضاء المصري النهاردة بسدادي 26 مليون إلى ام بي سي، و 9 مليون جنيه رسوم قضائية. السؤال هنا يا سادة ليه مفيش خبر واحد نزل في المواقع العامة والخاصة والحكومية؟! هل لأن ده خبر إيجابي بيوضح إن محمد رمضان أخد من إم بي سي 13 مليون رجعهم عن طريق القضاء 36 مليون وألتزم بالتنفيذ ؟!". وتابع حديثه قائلا: "ملحوظة إم بي سي لم تطالبني أبدا بالسداد من قبل، أنا اتفاجئت بالحكم والحمد لله اتنفذ ورقبتنا سدادة".