أحدث الأخبار مع #أسامةأكرم

24 القاهرة

بسبب عدم صيانة أسطوانات الأكسجين.. غرق غطاسين في البحر نتيجة إهمال شركة الغطس

تداول مستخدمو مواقع التواصل الاجتماعي منشورًا عبر موقع فسبوك، حول وفاة اثنين من الغطاسين المصريين بالبحر، نتيجة إهمال شركة الغطس التابعين لها، مطالبين الجهات المعنية بمحاسبة المتسببين في وفاة الغطاسين نتيجة عدم صيانة أسطوانات الأكسجين قبل نزولهما البحر. الغطاس حسن عدلي وفاة غطاسين في البحر بسبب الإهمال وقال أسامة أكرم، صديق أحد الغطاسين المتوفين في البحر، في منشور له عبر حسابه الشخصي بموقع فيسبوك: الموت في الأعماق مش بسبب البحر، لكن بسبب اللي فوق الأرض، في يوم عادي، يوم 21 مايو 2025، ميناء السخنة، نزل فريق غطاسين مكون من 2 غطاسين بس، ودا غير مطابق لشروط وكود الغطس المصري، تابع لشركة غطس اسمها O2 Diving، مقرها في الإسكندرية، لمهمة لحام وصيانة تحت الماء مش في عمق كبير، من 3 لـ 4 أمتار فقط، ناس نازلة شغل مش سياحة ولا مغامرة.. نازلين يرزقوا. وتابع أسامة أكرم، صديق أحد الغطاسين المتوفين في البحر في منشورًا له عبر حسابه الشخصي بموقع فيسبوك: من أول لحظة كانت الكارثة بتحفر طريقها، والغطاسين طلعوا بسرعة اشتكوا من أعراض غريبة وهي دوخة وشبه إغماء وضيق تنفس وتهيؤات، وأعراض معروفة لأي غطاس محترف، نتيجة نقص أوكسجين أو تسمم بسبب خلل في أسطوانات التنفس، ورغم التحذيرات وإن في ناس رجعت وقالت في حاجة غلط، المعدات بايظة، إلا إن الشركة قررت تبعت اثنين من الغطاسين غيرهم، ومن غير ما تصلح حاجة، وهما حسن محمد عدلي ومحمد نبيل. منشور أسامة أكرم عن وفاة صديقه الغطاس حسن عدلي منشور أسامة أكرم عن وفاة صديقه الغطاس حسن عدلي وأضاف أسامة أكرم، حسن ومحمد دخلوا البحر الساعة 12 الظهر، بس عمرهم ما طلعوا مع بعض تاني، حسن طلع بعد 7 ساعات متوفي، ومحمد قعد 24 ساعة تحت الماء بدون جهاز مراقبة، مفيش إشراف، مفيش إنقاذ، مفيش نظام تتبع أو تواصل، وفي إهمال قاتل، يعني إيه حد يفضل ميت تحت الميه يوم كامل، عارف يعني إيه أهله مستنيينه، مش عارفين حتى جثته فين؟.. يعني إيه شركة تسيب ناسها تموت علشان توفر تمن صيانة. واستكمل أسامة أكرم، صديق أحد الغطاسين المتوفيين، حسن لما طلعوه، لقو في انبوبة الاوكسجين فيها 4\3 مليانه، دا معناه ان حسن كان مات أصلا قبل ما يستنفذ الأوكسجين كله، بسبب تسمم جاله علشان أسطونة الأوكسجين اللي فيها ملوث، وفيه نسبة ثاني أوكسيد الكربون أكثر، واللي بتسبب تسمم فوري. الخارجية تكشف آخر مستجدات بحارة السفينة Petro 1 العالقة قبالة السواحل الإماراتية بعد نشر القاهرة 24.. الخارجية تتابع موقف السفينة التي تقل بحارة مصريين قبالة السواحل الإماراتية