أحدث الأخبار مع #الدوبليكس
الدولة الاخبارية
١٣-٠٢-٢٠٢٥
- ترفيه
- الدولة الاخبارية
إيمان الخميسى: الفكرة سهلة والتنفيذ هو الأصعب والمخرج صاحب القرار النهائى
الخميس، 13 فبراير 2025 10:45 صـ بتوقيت القاهرة تحدثت مصممة الأزياء إيمان الخميسى، خلال تواجدها في الحلقة الرابعة من بودكاست "الشغلانة" الذي يقدمه الزميل آسر أحمد، ويعرض كل يوم أربعاء عبر منصات اليوم السابع المختلفة، عن آلية العمل مع فريق الإنتاج والإخراج والممثلين داخل اللوكيشن. وقالت إيمان الخميسي: "الاستايليست بتحاول تحقق رؤية المخرج مع العمل وفق لميزانية معتدلة من الإنتاج، أنا مش بصرف بدون مسئولية، ومعظم اللى اشتغلت معاهم عارفين إن مفيش حاجة تيجي ومتشتغلش، عندى أماكن أرخص من السوق كتير جدا". وأضافت الاستايليست إيمان الخميسي: "بيبقي عندي تيم، والفريق بتاع مصمم الأزياء ممكن ينجحوا الاستايليست وممكن يوقعوه، هما جزء كبير، سهل وأنا قاعدة على الكنبة أطلع فكرة، لكن التنفيذ هو الجزء الأصعب، عندي فريق متميز إنه يتعاون مع ترزى ممتاز ويعملها زى ما أنا عاوزة ويعرف ورش كتيرة ويقدر يعمل الحاجة اللى مش موجودة". وعن الاختلاف في الرأي داخل اللوكيشن، قالت إيمان الخميسي: "بيحصل خناقات كتير في الشغل طبعا، والريس المخرج هو صاحب الشغلانة، نتعب في الفكرة والريفيرنس وييجي وقت التصوير ممثل يطلب تغيير بتكون صعبة ومش لذيذة والمخرج هو صاحب القرار". إيمان الخميسى تونسية الأصل، وسبق وعملت فى الكثير من الأعمال منها برنامج الدوبليكس "أبلة فاهيتا" ومسلسل "طريقى" مع النجمة شيرين عبد الوهاب، ومسلسل حلاوة الدنيا مع النجمة هند صبرى، ومسلسل لؤلؤ ومسلسل وراء كل باب، وفيلم عاشق، ومسلسل سوبر ميرو، وعملت كمصممة ملابس للمطرب العالمى مونتانا والنجمة التركية مريم أوزرلى. بودكاست "الشغلانة" يقدمه آسر أحمد، ويعرض كل يوم أربعاء عبر منصات السوشيال ميديا الخاصة بـ اليوم السابع، وكان قد حل المؤلف والسيناريست إياد صالح، في أولى حلقات من البودكاست، للحديث عن صناعة السيناريو والكتابة والتأليف، كما حل محمد سري مدير المشروعات في شركة سعدي جوهر ميديا هب، في ثاني الحلقات للحديث عن كواليس عملية الإنتاج، وحل مهندس الديكور أحمد فايز في ثالث حلقات البودكاست.
مصرس
١٢-٠٢-٢٠٢٥
- ترفيه
- مصرس
إزاى تكون استايليست؟ مصممة الأزياء إيمان الخميسى تجيب فى بودكاست الشغلانة
تحدثت مصممة الأزياء إيمان الخميسى عن تدرج وظيفة الاستايليست داخل اللوكيشن، وعن أهم الصفات التى يجب توافرها فى الاستايليست، بالإضافة إلى نصائح لمن يرغب فى العمل كمصمم أزياء. وقالت إيمان الخميسى فى لقائها ببودكاست "الشغلانة" الذى يقدمه الزميل آسر أحمد: "بدأت استايليست بطلة، وبعدين استايليت لأعمال درامية وسينمائية، أنسب حاجة إنه يكون دارس Customer design وبعد كدا style علشان الأساسيات هى اللى تفرق بين الاستايليست الشاطر والمتفوق، إنك تبقى عارف تناسق الألوان وتقسيمات الجسم، وإيه اللى يدارى العيوب، وتفاصيل كتير زى الهندسة".وعن صفات مهمة فى الاستايليت، قالت إيمان الخميسى: "لازم يسمع كتير، علشان اعرف هما شايفين الشخصيات إزاى، وبعدين نكسر الحواجز ونتكلم، والمفروض إن يكون فى تواصل مستمر بين الكل فى اللوكيشن".ووجهت مصممة الأزياء إيمان الخميسى نصائح مهمة للاستايليست، وقالت "كله دلوقتى مستعجل، وناس تقولى عاوز أنزل اتدرب معاكى وهما مش دارسين، أنا بنصحهم إنهم يدرسوا وفى مدارس كتير فى مصر ودا يساعدهم أسرع وأحسن، والمفروض إنه يبدأ من أول خطوة وهى الملابس والمكواة والترزى".إيمان الخميسى تونسية الأصل، وسبق وعملت فى الكثير من الأعمال منها برنامج الدوبليكس "أبلة فاهيتا" ومسلسل "طريقى" مع النجمة شيرين عبد الوهاب، ومسلسل حلاوة الدنيا مع النجمة هند صبرى، ومسلسل لؤلؤ ومسلسل وراء كل باب وفيلم عاشق ومسلسل سوبر ميرو، وعملت كمصممة ملابس للمطرب العالمى مونتانا والنجمة التركية مريم أوزرلى.بودكاست "الشغلانة" يقدمه آسر أحمد، ويعرض كل يوم أربعاء عبر منصات السوشيال ميديا الخاصة ب اليوم السابع، وكان قد حل المؤلف والسيناريست إياد صالح، في أولى حلقات من البودكاست، للحديث عن صناعة السيناريو والكتابة والتأليف، كما حل محمد سري مدير المشروعات في شركة سعدي جوهر ميديا هب، في ثاني الحلقات للحديث عن كواليس عملية الإنتاج، وحل مهندس الديكور أحمد فايز في ثالث حلقات البودكاست.
