أحدث الأخبار مع #العتاوله
أخبار اليوم المصرية
١٣-٠٢-٢٠٢٥
- ترفيه
- أخبار اليوم المصرية
من الكواليس إلى الشاشة.. فريدة سيف النصر تكشف محطات لا تُنسى في حياتها
جمعت بين ملامح مصرية أصيلة وأداء فني و بين القوة والعذوبة، هكذا استطاعت الفنانة فريدة سيف النصر أن تحفر اسمها في قلوب الجماهير عبر أدوار تنوعت بين الدراما والتراجيديا والكوميديا. منذ بداياتها، أثبتت أنها ليست مجرد وجه جميل، بل موهبة حقيقية قادرة على التلون والتألق في مختلف الأدوار. تحمل في أدائها بصمة خاصة، حيث تمزج بين العفوية والاحترافية، ما جعلها واحدة من أبرز نجمات جيلها. اليوم، نقترب منها أكثر في حوار خاص مع "بوابه اخبار اليوم " لنكتشف أسرار رحلتها الفنية، رؤيتها للمستقبل، وكواليس أعمالها المميزة . ما الذي جذبك لعالم التمثيل في البداية؟ وهل كنتِ تتوقعين الوصول لهذه المكانة؟ أنا مثلت وأنا صغيره في إعدادي وثانوي وكنت بطلة المسرحيات في المدرسة وكنت بحب أفلام سعاد حسني ونجلاء فتحي وكنت بقلدهم في المراية وكنا في المرحلة دي بنغني أغاني صغيرة على الحب ومحدش بيتوقع بيوصل لأيه والحمدلله حب الجمهور هو السبب وحب ربنا في البداية". من هو أول شخص شجعكِ على دخول المجال الفني؟ "محدش شجعني على دخول الفن ومحدش كان موافق خالص وكانوا عايزني أخلص دراستي ويبقى معايا شهادة الأول". لكن المخرج جورج سيدهم لما جه لبابا وسمير غانم قالوله لازم فريدة تبقى بطلة مسرحية فرقة ثلاثي أضواء المسرح بتاعتنا وكان ربنا عايز ده وكنت متدربة على المسرح وكان جورج وسمير غانم الحقيقة اللي شجعوني وحسن عبد السلام الله يرحمه". ما رأيك بحمله الانتقادات الموجهه للفنانين علي السوشيال ميديا ؟ الانتقادات الي بتتوجه للفنانين لو مكنتش حقيقه بتبقي بايخه جدا وبيبقي فيها حسد لو هننتقد نتتقد في دوره وشغله لكن ليه انتقد حد عشان خير ربنا ميدهوله " . ما رأيك بموجه الانتقادات الموجهه للفنان تامر حسني والفنانه بسمه بوسيل ؟ حكايه بسمه زوجه تامر حسني انا عمري ما فكرت اتابعهم ولا هي ولا تامر الحقيقه وانا بحب تامر واغانيه لذيذه بس مش ستايلي لانه صغير وكان متربي معانا في العجوزه وصاحب اخويا الصغير جدا " . وأضافت: ازاي تخليهم يتدخلوا في حياتكم ومكنتش اعرف ان الست جميله اوي كدا وناس كتير متغاظين منها وبينتقدوها انتي مالك واحده بتتكلم علي جوزها وابوها عيالها تخشوا تبعدلوا انتوا مالكم وهو مش هيبص لحد فيكم ولا يتجوز حد فيكم وان فكر يتجوز يبقي يرجع لبسمه احسن وانا مش بتدخل بس يدور علي حد زي بسمه " . وتابعت :"بسمه عامله زي الورده الي اتفتحت علي ايده مش ورده اتشمت واترمت لا دي بتاعته بنته علي مراته وكفايه انها ام اجمل اطفال شفتهم في حياتي وكفايه انهم شكل تامر حسني سبحان الله .وقلبي بيقولي ان شاء الله انه هيرجع لمراته العقل حلو برضو ." . وأضافت فريده : " ليه تشتم في زميلك وفي اخلاقه وانت مشوفتش منه حاجه وحشه زي ما بيحصل في رمضان وفي بنات كتير وممثلات كتير " . ما تعلقك علي الحملات الانتقادية لتشويه صورتك بمجال الفن والجمهور ؟ لأول مرة تحصلي حملات انتقادية في الوسط الفني وأول مره أشوفها بعد العمر ده وده غريب جداً إن الناس الكبيرة دي والمخرجين الكبار والنجوم الميجا ستار اللي اشتغلنا قدامها عمرنا ما شوفنا الكلام ده وأول مره أحس إن في ناس بتتعب نفسيًا في الجيل الجديد اللي فرق بيني وبينه مثلا ١٠ سنين ". ما تعليقك علي الانتقادات بعد نجاح مسلسل العتاوله وإشاعات انك كنتي تضايقين بعض الفناين ؟ طلعت عليا حمله انتقاديه اني بضايق الفنانين الصغيرين في مسلسل العتاوله وده محصلش وكذب و مش لاقيين حاجه يقولوها وحجه وردوا زمايلي في المسلسل وقالوا محصلش . بما فيهم مي كساب ولبني ونس وانا كنت عامله الدور حلو اوي فا المخرج قال اني كنت جايبه سقف الدور وانت عرفت منين اني جيبت اخر السقف انت لو مخرج شاطر كنت هتطلع من عنيا حتي لو معنديش هتطلع حاجه من عنيا في التمثيل ولكن الحمدلله .. ما رأيك بالنجوم الذين لا يريدون مشاركه أحد من الفنانين في دور بطوله؟ إحنا خدنا فرص كتير وهما مكنوش بياخدوا فرص بصراحة ويمكن ده بيكون السبب في تعب الفنان ويمسكوا فرصه تكون مفيش غيرها وده غلط ان واحده فنانة تمشي زميلاتها أو ممثل يكون مش عايز حد ناجح غيره وغلط إن حد يقول مش عايز فنان يشاركني في البطوله والكلام ده ". ما هي أسباب نجاح فريده سيف النصر ونجاح أعمالها ؟ سبب من أسباب نجاحي إني بجدد وبحب كل الألوان والأشكال لأن الناس بتزهق وانا بحب ادخل وأمثل مع كل الاجيال وحاجات مختلفة عني كل مرة" . المسرح حياتي وروحي الأول وفيه نتيجه فوريه واحتكاك بالجمهور علطول وبتتعاملي علطول بالناس وبتحسي بكل الحاضرين وتفاعلهم .. وبحب السينما أكتر وانا سينمائيه والتمثيل والمزيكا بحب كل حاجه فيها وهي الأدوار الي عايشه عليها الناس كلها وفاكراها لحد دلوقتي.
بوابة الفجر
٠٤-٠٢-٢٠٢٥
- ترفيه
- بوابة الفجر
حمادة صميدة: أتمنى تقديم دور مريض سرطان
حل الفنان حماده صميده ضيفًا علي برنامج موني والنجوم والذي تقدمه الاعلاميه أمنية بدير علي راديو 99 اف ام والمقرر إذاعته الإثنين من كل أسبوع في تمام الثامنه مساءًا علي كافه المنصات واليوتيوب. صرح حماده صميدة، عن بدايته في المجال حيث أنه كان يعمل في المهن بياع أنابيب وشيال اسمنت وغيره وبدأ كومبارس ثم بعد ذلك شارك في العديد من الاعمال الفنيه واولهم فيلم بوبوس قال حماده صميده أنه قدر يحقق تريندات كثيره والتيك توك اكبر داعم ليه وسنده في فترات كان معدم فيها وخصوصا تريند كله يقول بطيخ.. ومعلم مع الجمهور من خلال الكوميديا والبلطجيه واضاف حماده صميده اتمني أن اقدم دور مريض سرطان وأدوار اجتماعيه دراميه تؤثر أكثر مع الجمهور ولون جديد بالنسبه له يريد أن يتم اختياره فيه من المؤلفين والمخرجين وتابع حماده صميده عن أعماله القادمه في رمضان أنه سيشارك في مسلسل العتاوله الجزء الثاني واشقال شقه والذي سيتم عرضهم علي قناه أم بي سي مصر برنامج "موني والنجوم " يتناول طبيعه البرامج التوك شو المتنوعه في المواضيع والأفكار والضيوف ويحتوي علي 4 فقرات بين الضحك واللعب والجد والحب والاسئله الجريئه الغير تقليديه
بوابة الفجر
٠٤-٠٢-٢٠٢٥
- ترفيه
- بوابة الفجر
حمادة صميدة: أتمنى تقديم دور مريض سرطان
حل الفنان حماده صميده ضيفًا علي برنامج موني والنجوم والذي تقدمه الاعلاميه أمنية بدير علي راديو 99 اف ام والمقرر إذاعته الإثنين من كل أسبوع في تمام الثامنه مساءًا علي كافه المنصات واليوتيوب. صرح حماده صميدة، عن بدايته في المجال حيث أنه كان يعمل في المهن بياع أنابيب وشيال اسمنت وغيره وبدأ كومبارس ثم بعد ذلك شارك في العديد من الاعمال الفنيه واولهم فيلم بوبوس قال حماده صميده أنه قدر يحقق تريندات كثيره والتيك توك اكبر داعم ليه وسنده في فترات كان معدم فيها وخصوصا تريند كله يقول بطيخ.. ومعلم مع الجمهور من خلال الكوميديا والبلطجيه واضاف حماده صميده اتمني أن اقدم دور مريض سرطان وأدوار اجتماعيه دراميه تؤثر أكثر مع الجمهور ولون جديد بالنسبه له يريد أن يتم اختياره فيه من المؤلفين والمخرجين وتابع حماده صميده عن أعماله القادمه في رمضان أنه سيشارك في مسلسل العتاوله الجزء الثاني واشقال شقه والذي سيتم عرضهم علي قناه أم بي سي مصر برنامج "موني والنجوم " يتناول طبيعه البرامج التوك شو المتنوعه في المواضيع والأفكار والضيوف ويحتوي علي 4 فقرات بين الضحك واللعب والجد والحب والاسئله الجريئه الغير تقليديه
