منذ يوم واحد
كامل الوزير: تكلفة تطوير الطريق الدائري الإقليمي تتجاوز 50 مليار جنيه.. ومحدش قال إننا غلابة
أكد الفريق
كامل الوزير
، نائب رئيس الوزراء للتنمية الصناعية وزير الصناعة والنقل، أن هناك توجيهات رئاسية بعمل خطة زمنية بين الهيئة العامة للطرق والكباري ونائب وزير النقل للنقل البري، لإنهاء الطريق الدائري الإقليمي بالكامل.
وأوضح الوزير خلال تصريحات إعلامية على هامش جولته التفقدية لحادث الطريق الدائري الإقليمي، أنه تم البدء في تطوير وصيانة قطاع بطول 152 كم، يتم العمل حاليًا في 110 كم فقط منه، ويتم استكمال باقي الطريق تباعًا.
تكلفة تطوير الطريق الدائري الإقليمي
وأردف الفريق كامل الوزير: الطريق الدائري الإقليمي ده عشان يتطور ويتجدد ويترفع كفاءته مش هيكلف أقل من 50 مليار جنيه عشان يتقوى ويتطور ويبقى زي الجزء اللي خاص، وكل الاستشاريين المصريين عارفين كده كويس.
وأكمل الوزير: عندنا فلوس ومحدش طلب منكم فلوس، ومحدش قال إحنا غلابة مش معانا فلوس، لأ عندنا فلوس.. والفلوس دي جاية من الكارتات اللي بنعملها وبنصرف منها على الطريق.
وأشار الوزير خلال حديثه، إلى أن موازنة الهيئة العامة للطرق والكباري تتراوح بين 25 لـ30 مليار جنيه سنويًا لتطوير ورفع كفاءة الطرق، ومن 7 لـ10 مليار جنيه للصيانة الدورية لباقي الطرق.
بعد حادث المنوفية.. مصدر بهيئة الطرق: لا توجد مشاكل فنية بالطريق الدائري الإقليمي
كامل الوزير عن حادث الطريق الإقليمي: كلنا جاهزين للحساب.. ومفيش حد فوق القانون
