أحدث الأخبار مع #الماظه

البشاير

محمد فوزي صور فيلم ببدلة ابويا : قصة اسامة شوقي

كتب أسامة شوقي تعالوا احكي لكم قصه مثيره و مبهجه من حكاوي ايام زمان.. دي لقطه من فيلم ورد الغرام بطوله الفنان المطرب الملحن الرائع محمد فوزي و الفيتاره الرقيقه ليلي مراد. المشهد دا اتصور في مطار الماظه و كان يومها واقف بعض شباب الطيارين يتفرجوا من بعيد .. المخرج نظر لهم و اختار منهم طيار سمارت شيك انيق و توجه اليه و صافحه؛ – ممكن نستلف البدله بتاعتك ليرتديها محمد فوزي لتصوير المشهد الطيار الشاب دخل عنبر الظباط و بسرعه بدل ملابسه و ارتدي اوفورول الطيارين و اعطي البدله للمخرج.. .. و بعد تصوير المشهد و صفق الحضور بحراره.. و توجه محمد فوزي يصافح الطيار الشاب و تبادل معه حديث مرح ..و قال له؛ – دي فرصه سعيده قوي اتعرفنا علي بعض ياتري اسمك ايه بقي؟ ابتسم الطيار الشاب ذو ال ٣٤ عاما و قال له، انا الطيار احمد شوقي .. نظرت له ليلي مراد و بصوتها الحالم؛ – ميرسي يا كابتن و تمر سنوات و سنوات و احمد شوقي يتجوز بعد الفيلم دا ب ٧ سنوات من ربه الصون و العفاف ، الست هانم عفاف و يخلف اول اولاده و يكون اسمه اسامه و الطفل اسامه دا يكبر و يبقي دكتور و هو اللي بيكتب لكم الحدوته دي دلوقتي تابعنا علي منصة جوجل الاخبارية