أحدث الأخبار مع #برديساللي

البشاير

نيللي رفضت مشاركة نبيلة عبيد في تأسيس شركة إنتاج : وانا مالي يااختي

رغم ان 'نبيلة عبيد' اتولدت بطلة في فيلم 'رابعة العدوية' وبعدها في الكام فيلم اللي عملهم لها زوجها المخرج 'عاطف سالم' لحد عقد الاحتكار ما خلص، ولحد ما حصل انفصال بينهم، بعد كدا مستواها تراجع وبقت تاخد أدوار تانية في يوم كانت 'نبيلة' عازمة أصدقاء ليها على حفلة العرض الخاص لأحد أفلامها اللي وصفتها نبيلة بأنها 'أفلام رديئة' حست بالخجل قدامهم، خصوصا انهم التزموا الصمت من غير كلمات مجاملة أو نفاق أثناء عودة 'نبيلة' من الحفل، خدت قرار بينها وبين نفسها انها تتوقف عن تقديم النوعية دي من الأفلام، وتبدأ مرحلة جديدة في حياتها راحت نبيلة لصديقتها 'نيللي' وعرضت عليها انها تشاركها ويعملوا شركة إنتاج سوى، ع شان تقدم من خلالها الروايات اللي هي حاباها وتكون بطلتها، لأنها شايفة نفسها ممثلة كويسة (وهي فعلا كذلك)، لكن 'نيللي' رفضت، لأنها كانت بتصور في السنة الواحدة ١٠ أفلام وكانت بتبقى هي البطلة وماحبتش تدخل في دوامة الإنتاج ومسئولياته ودا كان هيعطلها وقتها غيرت 'نبيلة' مسارها على الفور واتوجهت للكاتب 'إحسان عبدالقدوس' ع شان تشتري إحدى رواياته وتنتجها بنفسها وللمخرج 'أشرف فهمي' اللي اتجوزته وخلته يخرجهالها وبعدها استمر تعاون 'نبيلة' مع 'إحسان' و'أشرف فهمي' في سلسلة البطولات المطلقة، وبقت تكتب على أفيشات أفلامها 'نجمة مصر الأولى' في سياق آخر، كانت 'نبيلة' بتحضر لمسلسل قوي تدخل بيه التليفزيون في منتصف التمانينات، وتحديدا كان رواية 'برديس' اللي كان سبق وقدمتها في الإذاعة، لكن حصل مشاكل بين 'نبيلة' وصناع العمل في التليفزيون، وتم ترشيح 'نيللي' ع شان تلعب الدور، واتعرض المسلسل وقتها في رمضان وحقق نجاح كبير