منذ 10 ساعات
داعش بكسروان!؟
عم بجرّب موسم الصيف بلبنان إنو يلتقط أنفاسو، من بعد حرب الـ12 يوم يلي اندلعت بين إيران وإسرائيل، وأثّرت على دول المنطقة كلّا.
و'من حيث لا يدري'، إجتو ضربة أمنية قوية، مع إنتشار خبر توقيف شخص من الجنسية السورية، بمنطقة البوار بكسروان، من بعد دخولو بطريقة غير شرعية للبنان مقابل 100 دولار .
والقصة ما بتوقف هون، فهالشخص اعترف خلال التحقيق معو وتفتيش هاتفو، إنو كان ينتمي لتنظيم 'داعش'، وعُثر بهاتفو على صور إلو حدّ راية التنظيم، وأخرى بيظهر فيا ببزّة عسكرية وحامل سلاح وخنجر، بالإضافة لمقاطع فيديو بتوثّق قيامو بعملية قتل شخص.
ولكن أكد الموقوف إنو ما في مخطط أمني ورا زيارتو للبنان، بل دخل خلسة ليشتغل.
بالمقابل، أوضح الأمين العام للهيئات الاقتصاديّة نقولا شمّاس، إنو بظل الأوضاع الأمنية الصعبة يلي قطعت فيا المنطقة، الخوف كان إنو 'تطير الصيفية بأكملا، وأكد إنو ما زلنا قادرين إنو ننقذ جزء من الصيفية، خصوصًا من بعد تجديد عدد من الحجوزات على لبنان.
فهل ممكن تخلولنا هالصيفية تمرق على خير لأنو اللبنانيين تعبوا؟!
