أحدث الأخبار مع #جاي
المصريين في الكويت
منذ 4 أيام
- أعمال
- المصريين في الكويت
مصر تدخل عصر ما بعد الدولار.. الجنيه راجع والأزمة انتهت
هو إيه بالظبط اللي بيحصل في الاقتصاد المصري اليومين دول؟ وازاى الدولار اللي كان واصل لأرقام قياسية بينهار بالشكل ده؟ وهل الجنيه راجع بقوة من جديد؟ وليه الناس بقت متفائلة إن الأزمة الاقتصادية بدأت تهدى؟ لو عايز تعرف إزاي مصر بتخرج من عنق الزجاجة.. وإيه اللي بيدعم الجنيه دلوقتي. فيه كام حاجة حصلت فى الايام اللى فاتت بتبشر ببداية مرحلة جديدة للاقتصاد المصري.. الدولار نزل تحت الـ50 جنيه لأول مرة من شهور طويلة.. وصل لـ49.75 جنيه في بنوك زي البنك الأهلي وبنك مصر.. وده مش مجرد رقم بيتغير على شاشات الصرف.. ده دليل قوي إن الجنيه المصري بدأ يسترد قوته.. وإن مصر فعلاً بتتحرك ناحية الاستقرار الاقتصادي. الخبر ده مش جاي من فراغ.. فيه أرقام حقيقية اتعرضت في اجتماع رسمي قدام الرئيس عبد الفتاح السيسي.. أرقام بتقول إن موارد الدولة من العملة الصعبة.. اللي جاية من السياحة وقناة السويس وتحويلات المصريين في الخارج والاستثمارات.. نجحت تغطي كل احتياجات البلد في آخر شهرين.. حتى واردات البترول اللي كلفت 2 مليار دولار. طيب إيه اللي يخلّي الخبر ده مختلف؟ عشان الموارد المرة دي مش جاية من مصادر مؤقتة أو غير مستقرة.. دي موارد محلية.. يعني فلوس بتيجي من قطاعات زي السياحة اللي بدأت ترجع بقوة.. وقناة السويس اللي إيراداتها بتتحسن مع استقرار الأوضاع الإقليمية.. وتحويلات المصريين في الخارج اللي زادت بنسبة كبيرة.. وصلت لـ32.6 مليار دولار في السنة اللي فاتت.. بنسبة زيادة 72.4% عن السنة اللي قبلها.. ده غير الاستثمارات الأجنبية اللي رجعت تاني للسوق المصري بعد ما الأوضاع بدأت تستقر. الموارد دي مش زي الأموال الساخنة اللي ممكن تختفي في أي لحظة.. دي موارد بتدي استقرار حقيقي للاقتصاد. خلينا نركز على نقطة مهمة.. احتياطي النقد الأجنبي في مصر وصل لـ48.14 مليار دولار في أبريل 2025.. ده زيادة عن 41 مليار دولار في نفس الفترة السنة اللي فاتت.. يعني زيادة بنسبة 17.4%.. وده بيخلّي مصر في موقف أقوى لما بتيجي تسدد ديونها الخارجية أو تستورد حاجات زي البترول والسلع الأساسية. لما الاحتياطي بيزيد.. الضغط على الجنيه بيقل.. وده بيترجم لاستقرار في أسعار السلع والخدمات.. وبالتالي المواطن بيحس بالفرق في حياته اليومية. وإيه اللي ساعد على التحسن ده كله؟ أول حاجة.. سياسة البنك المركزي اللي بدأ يتعامل مع سعر الصرف بمرونة أكبر.. من ساعة قرار تحرير سعر الصرف في مارس 2024.. السوق بدأ يستقر.. وتدفقات الدولار رجعت للبنوك والقنوات الرسمية.. ده غير إن الاستثمارات الأجنبية بدأت ترجع.. خصوصاً في أذون وسندات الخزانة.. لأن مصر بقت سوق جاذبة للمستثمرين بعد ما الأسواق العالمية هديت. كمان فيه إجراءات تانية زي دعم القطاع الخاص وتسريع خطط الطروحات الحكومية.. ودي كلها خطوات بتساعد الاقتصاد ينمو بشكل مستدام. بس زي ما فيه إيجابيات.. لسه فيه تحديات.. زي الديون الخارجية اللي هتوصل لـ22.4 مليار دولار في 2025.. وكمان انخفاض صافي الأصول الأجنبية في البنوك.. بس اللي بيحصل دلوقتي بيدينا أمل.. لأن الأرقام بتتكلم.. الجنيه بيرجع يقوى.. والدولار بينزل بشكل ملحوظ.. وده بيحصل بفضل موارد محلية قوية وإصلاحات اقتصادية مستمرة.. الرسالة واضحة.. فيه شغل جدي اتعمل.. وفيه نتايج بدأت تظهر.. والمستقبل بيبشر بأيام أحسن. Leave a Comment
المصريين في الكويت
٢٠-٠٥-٢٠٢٥
- أعمال
- المصريين في الكويت
سر زيارة نائب رئيس صندوق النقد الدولي وحكاية 1.3 مليار دولار اللي وراها
مصر في الوقت الحالي عندها ضيف مهم جدا، والضيق ده هيكون وراه 1.3 مليار دولار.. ياتري مين الضيق ده .. وآية الفلوس اللي هتيجي من وراه دي كلها. من فترات طويلة ومصر بتتعاون مع صندوق النقد الدولي لتطوير وتحديث الاقتصاد المصري علشان يكون أكثر من قوة وصلابة وقدره علي مواجهة الصدمات اللي بتنتج عن التغيرات والتوترات الجيوسياسية واللي مفيش أكثر منها في الوقت الحالي، واللي طبعا بيكون لها تبعات في زيادات كتيرة بتحصل في أسعار الطاقة والسلع والخدمات. التعاون اللي موجود حاليا بين مصر وصندوق النقد الدولي قائم علي وجود تعاون وتمويل مالي، وفعلا مصر خلال السنين اللي فاتت حصلت علي اكثر من قرض من الصندوق وكل قرض من القروض اللي حصلت عليها مصر كان بها شروط ومعايير خاصة، ولكن اصعبهم القرض الاخير واللي بتوصل قيمته ل 8 مليار دولار واللي الحكومة حصلت علي موافقته في مارس 2024. الصعوبة الكبيرة في قرض ال8 مليار دولار جاية بسبب ان اغلب بنوده متعلقه برفع الدعم عن السلع والخدمات اللي بتقدمها الحكومة للمواطنين، وللاسف رفع الدعم دي جاي في وقت العالم كله بيمر بظروف وتغيرات جيوسياسية واقتصادية غير مسبوقة، والظروف دي أثرت علي الأسعار والبورصة العالمية وكانت سبب في زيادة أسعار عدد كبير من السلع . طيب اية اللي بيحصل بين مصر وصندوق النقد الدولي لصرف شرائح قرض ال8 مليار دولار ؟. الأمور بين الحكومة وصندوق النقد الدولي كانت ماشية وزي الفل لحد ما جه معياد صرف الشريحة الرابعة من قرض ال 8 مليار واللي للاسف صندوق النقد الدولي تأخر جدا في صرفها عن مواعيدها المقررة بسبب رفض الحكومة تنفيذ البنود المشروطة في الإتفاق برفع الدعم عن السلع والخدمات واهمهم رفع أسعار البنزين والسولار وشرائح الكهرباء، وده اللي الرئيس عبدالفتاح السيسي رفضه بشكل قاطع خصوصا أن رفع الدعم عن القطاعات دي هيضر بعدد كبير من المواطنين خصوصا الفئات محدودة الدخل . الرئيس عبدالفتاح السيسي وجه الحكومة للتفاوض مع صندوق النقد الدولي لتخفيف وتأجيل بعض شروط رفع الدعم خصوصا أن الاقتصاد المصري كان بيمر بظروف وضغوط غير عادية بسبب التوترات الجيوسياسية الموجودة في المنطقة العربية، والتغيرات دي أثرت مصادر كتيرة من أبواب الدخل الدولاري لمصر من الخارج أهمهم قناة السويس واللي إيراداتها تراجعت باكثر من 70% من الأرقام اللي كانت بتحققها في السنين اللي فاتت، وده اللي وافق عليه الصندوق بعد مناقشات طويلة لحد ما الحكومة حصلت علي الشريحة الرابعة من القرض واللي وصلت ل 1.2 مليار دولار . في الوقت الحالي مصر عندها ضيف مهم جدا من صندوق النقد الدولي وهو نائب رئيس الصندوق واللي موجود حاليا علشان يعمل المراجعة الخامسة لصرف الشريحة الخاصة من قرض ال 8 مليار دولار، وهيبدا يراجع علي الشروط اللي الحكومة اتفقت فيها مع الصندوق واللي أغلبها برضوا متعلق برفع الدعم لكن المرة دي الحكومة نفذت أغلبها، وفي حالة الموافقة علي المراجعة فالحكومة هتحصل علي شريحة جديدة من القرض هتوصل ل 1.3 مليار دولار وهيكون موعد وصولها مع نهاية شهر يونيو اللي جاي. Leave a Comment
فيتو
١٤-٠٥-٢٠٢٥
- علوم
- فيتو
معجزة نباتية بمعرض الزهور، "منقار الببغاء" زهرة عادت للحياة بعد 140 عامًا من الاختفاء (فيديو وصور)
وسط أجواء مبهجة تفوح منها رائحة الزهور والألوان، لفت انتباهنا نبات فريد من نوعه، يُعرض في ركن مميز من معرض الزهور بالدقي، يحمل اسمًا غريبًا ومظهرًا مدهشًا... إنها زهرة منقار الببغاء او 'Lotus berthelotii' ، التي اختفت من الطبيعة منذ أكثر من 140 عامًا، لكنها ظهرت هنا من جديد بفضل جهود فريق مصري من المهندسين الزراعيين والجناينية الشغوفين بالنباتات النادرة. زهرة انقرضت... لكنها عادت من جديد في حوار خاص مع "فيتو"، كشف لنا المهندس الزراعي عطية، أحد العارضين البارزين في المعرض، تفاصيل مثيرة حول هذه الزهرة، قائلًا: "منقار الببغاء مش مجرد اسم غريب... دي نبتة نادرة جدًا، اسمها جاي من شكل الزهرة اللي فعلًا بيشبه منقار طائر الببغاء، خصوصًا لما تتقفل بالليل، كأنها طائر نايم بيضم جناحاته." وتتميز الزهرة بألوانها النارية المتدرجة من الأحمر إلى البرتقالي، وتُعد واحدة من أجمل النباتات الزاحفة في العالم. موطنها الأصلي... واختفاؤها من الطبيعة يعود أصل زهرة منقار الببغاء إلى جزر الكناري في إسبانيا، حيث كانت تنمو في بيئة طبيعية محددة، وتعتمد في تلقيحها على نوع نادر من الطيور يُدعى عصفور الجنة. لكن مع انقراض هذا الطائر، توقفت دورة التلقيح الطبيعي، ما أدى إلى اختفاء الزهرة من البرية تمامًا عام 1884م. وعلّق المهندس عطية على هذه النقطة قائلًا: "اختفاء الطائر كان ضربة قاتلة للنبتة، لأن مكانش في أي كائن تاني يقدر يلقحها. النبتة دي انقرضت فعلًا في الطبيعة، بس الحمد لله العلماء اشتغلوا على تلقيح صناعي، وقدروا يحافظوا عليها ولو بشكل محدود". التلقيح الصناعي... واللمسة المصرية وأوضح عطية أن نجاح بعض تجارب التلقيح الصناعي ساهم في إحياء الزهرة، خاصة داخل مشاتل خاصة ومعارض نباتات في أوروبا ومصر. وأضاف: 'بفضل الجناينية الشطار في مصر، قدرنا ننتج النبتة دي بأحجام مختلفة من 15 لـ30 سم، وده إنجاز كبير يُحسب للمهندسين المصريين اللي حابين يحافظوا على الجمال الطبيعي والنباتات المهددة بالانقراض'. زهرة موسمية تعشق الربيع زهرة منقار الببغاء نبات عشبي معمر زاحف ومتعرش، ينتمي لعائلة الفاصوليا، وهو رقيق البنية لكنه قوي التحمل نسبيًا. يُزهر في فصل الربيع وأوائل الصيف، لكنه يتوقف عن التفتح نهائيًا في ظل حرارة الصيف المرتفعة. وتتميز الزهرة بأوراقها الفضية الدائمة الخضرة، التي تضفي عليها بريقًا خاصًا حتى عندما لا تكون مزهرة. كما أن شكلها المتدلّي يجعلها مثالية للزراعة في الأصص المعلقة أو الحدائق ذات التصميم المنخفض. الزهرة التي "تنام" ليلًا واحدة من الظواهر المثيرة للدهشة التي أشار إليها عطية هي طريقة "نوم" الزهرة: "الغريب فعلًا إن الزهرة بالليل بتقفل شكل المنقار وبتلم أوراقها الخضراء، كأنها طائر بينام! حاجة مش بس جميلة، لكن كمان بتحسسنا إن النبات ده فيه روح". دعوة لحماية النباتات النادرة في نهاية حديثه، دعا المهندس عطية إلى تعزيز جهود حماية النباتات النادرة، مؤكدًا أن البيئة لا تحتمل المزيد من الفقد: "كل نبتة نادرة بننقذها، كأننا بننقذ صفحة من كتاب الطبيعة... وكتاب الطبيعة لازم نقرأه ونفهمه، مش نحرقه". ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوداث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
١١-٠٥-٢٠٢٥
شاب يستغيث من سائق شركة روكيت: خبطني بالعربية أنا ومراتي وولادي ومعبرونيش
استغاث شاب يدعى أحمد خالد، من تعرضه لحادث تصادم ، على يد سائق يعمل بشركة روكيت للنقل الداخلي، حيث زعم قيادة السائق بسرعة جنونية، وصدمه هو وزوجته وأولاده بسيارته، في منطقة حدائق الاهرام. شاب يستغيث من تصادم سائق شركة روكيت للنقل الداخلي بسيارته الملاكي وقال أحمد خالد في منشور له عبر فيسبوك: امبارح في شارع مدارس حسام الدين في حدائق الأهرام ما بين بوابة حورس وبوابة مينا، عربية سوزوكي تابعة لشركة روكيت للنقل الداخلي في حدائق الأهرام، والسائق جاي مسرع جدا وخبطني خبطة شنيعة، ومراتي وأولادي اتصابو بسبب الخبطة. الحادث الحادث وأضاف: تواصلنا مع النجدة، وعملنا محضر، وأصحاب شركة روكيت للنقل الداخلي بتواصلوا معايا إني أتنازل وهيتحملو كل الخساير، وتنازلت ولم يحصل منهم أي شيء نهائي، ولم يردوا عليا نهائي، وتوجهت لنقطة حدائق الأهرام عشان أبلغهم باللي حصل، وإني عايز جواب لمستشفي الهرم لعمل تقرير طبي لي ولي ولأسرتي. بعد 6 ساعات متواصلة.. السيطرة على حريق مصنع بلاستيك أكتوبر تأجيل محاكمة الطبيب المتسبب في وفاة زوجة عبد الله رشدي لـ 14 مايو الجاري وأردف: سائق الملاكي لما أصحاب الشركة عرفوا إني عايز أعمل تقرير طبي بحالة أولادي وزوجتي، قالوا إن السواق مصاب وأنا معايا فيديو الحادث، وشهود عيان من المنطقة، وإثبات إني مش غلطان 1٪، بس للأسف مش عارف أوصل معاهم لحل.
سرايا الإخبارية
٣٠-٠٤-٢٠٢٥
- سياسة
- سرايا الإخبارية
جدل تحت قبة البرلمان حول إغلاق باب النقاش على مادة في قانون التعاونيات
سرايا - شهدت جلسة مجلس النواب، اليوم الأربعاء، جدلًا تحت القبة حول استمرار النقاش في المادة العاشرة من مشروع قانون التعاونيات، بعد سلسلة من المداخلات التي استمع إليها المجلس. وطلب النائب علي الخلايلة، بعد انتهاء مداخلته، الاكتفاء بمداخلتين من المؤيدين وأخرى من المعارضين، غير أن رئيس المجلس أحمد الصفدي رفض ذلك، مؤكدًا أن إغلاق باب النقاش يجب أن يتم بناء على اقتراح صريح من أحد النواب، وبما أن أحدًا لم يطلب ذلك، فإن النقاش سيبقى مفتوحًا. وأثار رد الصفدي استغراب الخلايلة، الذي أشار إلى ضرورة إنهاء مناقشة مشروع القانون في يوم واحد، قائلاً: "يمكن لأي نائب اقتراح الإقفال". وعلى إثر ذلك، قدّم النائب خالد أبو حسان اقتراحًا بإغلاق باب النقاش على المادة العاشرة، معتبرًا أنها "أُشبعت بحثًا"، وداعيًا للانتقال إلى مناقشة مواد أخرى، غير أن مقترحه لم يحظَ بالأغلبية خلال التصويت. وفي خضم النقاش، طلب النائب نمر السليحات نقطة نظام، قائلاً: "هذا مجلس نواب جاي يشرّع، وبدنا نحكي.. ليش يُقفل باب النقاش؟"، ليعترض عليه الصفدي قائلًا: "هذه فزعة، وليست نقطة نظام".
