أحدث الأخبار مع #عديل
كورة سودانية
١٣-٠٤-٢٠٢٥
- رياضة
- كورة سودانية
جَـدولَ الضـرب المُوريتاني!!
صَـابِنَّهَـا محمد عبد الماجد جَـدولَ الضـرب المُوريتاني!! هذا المُـوسِـم لم أركِّـز كثيراً مع المريخ، اعتبرتهم في مُهمّة سِريّة وهم يلعبون في الدوري الموريتاني، ونسيت موضوعهم بعد أن خرج المريخ من الدور التمهيدي في البطولة الأفريقية من زمن حفروا البحر وقبل أن تُحَـرّر مدني، عندما كانت الخرطوم جريحة تحت سيطرة المليشيات بكباريها وقصرها الجمهوري، عادت الجزيرة وعادت الخرطوم ولم يعد المريخ!! يشيلوا جهاز ويجيبوا جهاز، ما خلوا حاجة.. بدّلوا المدرب، وبدّلوا المحترفين، وبدّلوا الرئيس، وما فاضل ليهم بعد كدا إلا يجيبوا للمريخ (المشتركة)، كل الحلول لم تُجْــدِ في المريخ. الشغل دا شغل (قوات مشتركة).. مشتركة عديل كدا. المؤتمر الوطني ، الدعم السريع ، ثورة . جمال الوالي ، ونسي ، محمد الشيخ مدني ، سوداكل ، القنصل ، ابوجيبين ، النمير ، بالتزكية بدون تزكية ، بالإنتخاب ، بالتعيين كله جربوه في المريخ. والتمهيدي تمهيدي. حال المريخ زي حال البلد !! المسافة بين الهلال والمريخ أصبحت بعيدة، الفارق بين الهلال والمريخ في الدوري الموريتاني يمكن أن يصل إلى أكثر من 20 نقطة، أما في البطولة الأفريقية، فقد خرج المريخ من مرحلة التمهيدي كالعادة، وخرج الهلال من ربع النهائي. بين الهلال والمريخ صحارٍ وفيافي ومحيطات وجبال، الهلال وين؟ والمريخ وين؟ الهلال في كل موسم يُنافس الأهلي المصري وصن داونز والترجي التونسي والمريخ يخرج كما اعتدنا من التمهيدي. التمهيدي باللبن. تمهيدي سادة. تمهيدي بالسمنة. التمهيدي بالشنقيطي. تمهيدي بدون شنقيطي. تمهيدي والأجر على الله. وتمهيدي كما يكون. وتمهيدي كما يجب. في الحرب بطلعوا من التمهيدي، بدون حرب برضو بطلعوا من التمهيدي. الجماعة ديل مع كثافة (التمهيدي) العايشين فيه ومع تمهيدي القولون الذي يعانون منه، بتكلموا عن الهلال وخروجه من ربع النهائي في بطولة الأندية الأفريقية للأبطال. تناسيتهم، رغم إنّي كنت تقريباً كل 72 ساعة أسمع عن هزيمة جديدة للمريخ في الدوري الموريتاني، قلت يا ربي الشئ دا جد واللّا الكاميرا الخفية؟ جد واللّا رامز جلال؟ حتى شعرت أنّ المريخ يُشارك في جدول الضـرب الموريتاني وليس في جدول الدوري الموريتاني، وحتى آخر مباراة، فإنّ المريخ من جملة 25 مباراة خسر 9 مباريات وتعادل في 6 مباريات ولم ينتصر إلّا في 10 مباريات. خسر المريخ قبل خمس جولات من نهاية الدوري الموريتاني 39 نقطة، وأصبحت شباكه مثل الميناء البري في مدينة عطبرة تستقبل كل الوافدين والقادمين برحابة صدر وتبشير. المريخ بوضعه هذا تخيّلوا أنّ إعلامه يسخر من الهلال، ولا أقول جمهوره، لأنّ جمهوره بالوعي الذي يجعله لا يسخر من الهلال كما فعل إعلام المريخ من خسارة الهلال من الأهلي المصري في ربع نهائي البطولة الأفريقية!! صحيفة الرد كاسل الإلكترونية، كانت قد صدرت بعد خسارة الهلال من الأهلي بهدف في نواكشوط بعنوان (دبِّل ليهو) مع وضع صورة أمام عاشور كغلاف للصفحة الأولى، وهذا شئٌ لم تفعله حتى صحيفة الأهلي المصري، رغم أنّ (الدبل) سبقنا إليه المريخ وفي الدوري الموريتاني عندما خسر من فريق الشمال الموريتاني في الذهاب والإياب، فأيِّ (دبل) بربكم أولى بالسخرية والنقد؟!! الدبل من الأهلي أم الدبل من الشمال؟ المريخ خسر من الشمال في الذهاب بنتيجة أعرض من خسارة الهلال في ذهاب دور الثمانية أمام الأهلي في القاهرة، وخسر المريخ في إياب الدوري الموريتاني بنتيجة أعرض من خسارة الهلال أمام الأهلي في إياب نفس الدور بنواكشوط، و(دبل) المريخ في خسارته من الشمال في الذهاب والإياب كانت بواسطة لاعب واحد. إنتو رايح ليكم (دبل)..؟ دبل شنو البتكلم عنه فريق خرج من التمهيدي؟ من زمن الفردة الثالثة في جوز الحمام (قوات أمم متحدة)!! صحيفة الرد كاسل التي يرأس تحريرها الزميل ياسر المنا ظلت تكتب أنّ هذه النسخة هي الأسوأ للمريخ في تاريخه، وخرجت بعد الخسارة الأخيرة أمام أسنيم تتحدث عن حال المريخ وتقول إنّ حال الفريق كحال الإدارة، والإدارة كراسي فاضية. والصحيفة التي سخرت من خسارة الهلال من الأهلي في غلافه، ووضعت صورة إمام عاشور على صدر الصفحة الأولى، جاءت ووضعت في نفس الصفحة صورة لاجتماع لمجلس إدارة المريخ غاب فيه كل الأعضاء، وحضرت الأوراق والدفاتر وعرضت الكراسي وهي خالية، هذا هو المريخ.. حسب كلامهم (كراسي فاضية).. هسع الكلام دا لو قلناه نحن يقعدوا يزعلوا، هم عادي عندهم!! هيثم كابو وين؟ إنّهم يردون على أنفسهم ويكفونا رهق الرد، فليس هناك أسوأ مما يُكتب عن المريخ من إعلام المريخ، فماذا نقول نحن وهم في المريخ قطعوا بأنّ هذا الموسم أو هذا المريخ هو الأسوأ للمريخ في تاريخه الكبير. نحن تاني نقول شنو أكتر من كدا؟ صحيفة مريخابي الإلكترونية كتب فيها الزميل عصام هجو تقريراً يمكن أن يكون الأغرب في التاريخ الحديث، عندما تحدث التقرير واستنفر أئمة الجوامع لانتقاد الهلال على صرفه الدولاري على الفريق كما كانوا يفعلون عندما تعاقد المريخ بصفقة تجاوزت الثلاثة ملايين دولار مع وارغو، فخرجت جوامع الخرطوم تنتقد قيمة الصفقة!! وقال هجو إنّ صفر الهلال الدولي هو أغلى صفر في ظل وجود 12 محترفاً في الهلال، ونسي هجو أنّ نفس العدد من المحترفين يتواجد في المريخ مع ذلك خرج من مرحلة التمهيدي في البطولة الأفريقية، وتعثر 15 مرة من جملة 25 مباراة لعبها المريخ في الدوري الموريتاني!! هسع الموضوع دا محتاج تصرف فيه دولار واحد؟!! والّلا قرش؟!! الذي تم صرفه في تمهيدي المريخ لم يُصرف في غزة حين دمروها ، وحين ارادوا تعميرها. دا أغلى تمهيدي في العالم يُصرف عليه بالعملة الصعبة!! تمهيدي في وجود 11 محترفاًَ..؟ ليه إنتو عاوزين (تمهِّدوا) شنو أصلكم؟ أنا تمهيدي بالشكل دا عمري ما شفتو؟!! المُضحك أنهم كانوا قد شكوا من سُـوء التغذية وسُـوء الوجبات التي تُقدّم لهم في موريتانيا (فضيحة السّـــواد)!! في زول في الحرب دي بتكلم عن الأكل..؟ «طيِّب لو كنتو في السودان وأكلتوا عدسه وسليقته وسخينته كنتو نزلتوا الدرجة الثانية»؟ على ما يبدو أنّ الأهلي المصري خرب طبعهم، خاصّةً في موضوع الأكل دا!! هجو الذي طالب أئمة الجوامع بمهاجمة وانتقاد مجلس إدارة الهلال على صرفه الدولاري لم يُحدِّثني ماذا يقول الأئمة عن محترف المريخ الكولومبي الصفقة الأغلى في سوق الانتقالات السودانية في الفترة الأخيرة، وهو محترف حسب تقارير إعلام المريخ نفسه يتقاضى راتباً يصل لعشرين ألف دولار في الشهر وهو راتبٌ لا يُمنح ربعه لقائد الجيش وهو يقود الحرب على المليشيا منذ أكثر من عامين!! هو الكلام بقروش؟ هذا الكولومبي لم يفتح الله عليه حتى وقتنا هذا بهدف في الدوري الموريتاني وربما هو لم يُسجّل حتى في التمارين؟ ماذا يقول أئمة الجوامع عن الهلال وفي المريخ 11 محترفاً أجنبياً خرجوا من التمهيدي في البطولة الأفريقية وخسروا 9 مرات في الدوري الموريتاني، من بينها كانت خسارتان أمام النادي الذي يتذيّـل ترتيب الأندية الموريتانية في الدوري الموريتاني. في المريخ، مُحلِّلٌ صربيٌّ ومُحلِّلٌ مصريٌّ وهذا العدد من الأجانب في التحليل الفني لا يُوجد حتى في الهلال البطل الذي وصل لربع النهائي الأفريقي. في المريخ، مديرٌ رياضيٌّ مصريٌّ، نازل وطالع وصارف بالدولار، وفي الهلال لا يُوجد هذا المنصب. الزول دا بخطِّط في شنو؟ وماذا يُدير؟ الضرب دا ما عاوز مدير رياضي، الموضوع دا علي جعفر كتير عليه. الجهاز الفني للمريخ يتكون من أجانب عددهم أكثر من أجانب الهلال في الجهاز الفني، وخلال كل 45 يوماً يُغيِّر المريخ جهازه الفني بعد أن يدفع مئات الآلاف من الدولارات للجهاز المُقال كما فعل مع الإيطالي السابق ويدفع مئات الآلاف من الدولارات للجهاز الفني الجديد كما فعل مع جهاز ميشو وطاقمه الجديد!! أئمة الجوامع الذين كانوا قد انتقدوا المريخ على صفقة وارغو فعلوا ذلك، لأن الصفقة كانت من تمويل الدولة وهذا أمرٌ لا يغيب عن أحـدٍ، عكس صرف الهلال الحالي على فريقه، إذ يصرف الهلال على نفسه من دخله وأرباحه، وسيعود للهلال من وصوله لربع النهائي في البطولة الأفريقية قرابة المليون دولار، وقد عاد للهلال قرابة هذا المبلغ من بيعه لمهاجمه الكونغولي ليليبو. الهلال يستثمر في لاعبيه وأدخل عملات صعبة للبلد في هذه الظروف، ومحترفوه الحاليون إذا أخذنا نموذجاً واحداً منهم وهو جان كلود الذي يتحدث العالم كله عنه يمكن أن يُدخل للهلال في هذه الظروف على أقل تقدير 3 ملايين دولار.. أئمة الجوامع يقولوا شنو في هذا الاستثمار وهذه الأرباح التي يحققها الهلال ووارغو مازال غصة في حلق المريخ، ومازال غصة في حلق الدولة؟ مشكلة المريخاب أنهم في أي وقت وأي مناسبة عاوزين يدافعوا عن جمال الوالي. الرئيس آدم سوداكال.. عاوزين يدافعوا عن جمال الوالي. الرئيس حازم مصطفى.. عاوزين يدافعوا عن جمال الوالي. الرئيس أيمن مبارك أبوجيبين.. عاوزين يدافعوا عن جمال الوالي. الرئيس عمر النمير.. عاوزين يدافعوا عن جمال الوالي. اطلعوا من جلباب جمال الوالي وعيشوا حياتكم.. المريخ يستحق منكم أفضل من هذا. عشان كدا هم شايفين كراسي المجلس فاضية. عليكم الله هسع في الهلال مع النجاحات التي حقّقها صلاح إدريس في زول في الهلال بتكلم عن صلاح إدريس أو بدافع عنه؟ الهلال بدخِّل عملات صعبة وإنتو قبل قيام الحرب بـ48 ساعة دخّلتوا إلى البلاد حفتر، الذي اجتمع بمجلس المريخ وأقطابه في السلام روتانا وتناول العشاء معهم، والحرب يُعد ويُرتّب لها في خفاءٍ أو في العلن، ولا أحدٌ يتحدّث ولا أحدٌ يعترض!! أئمة الجوامع يتكلموا عن الهلال والّلا عن الدعم؟ يتكلموا عن شنو؟ واللّا شنو واللّا شنو؟ خلوهم ساكتين أحسن. اتخيّلوا أئمة الجوامع، يتركوا خراب البلد ودمارها، فسادها وما يعيشه الناس من معاناة بسبب الحرب. يتركوا جرائم الدعم السريع والشفشفة عينك عينك ويقعدوا يهاجموا الهلال، الجهة الوحيدة التي تفرحنا في هذا الوقت. يخلوا من خرجوا من التمهيدي بـ11 محترفاً، وجهاز فني فيه أكثر من 8 أجانب ومحترف كولومبي بصرف راتب في الشهر بيصل إلى 20 ألف دولار ويقعدوا عشان خاطر جمال الوالي يهاجموا السوباط والعليقي والدولة هي التي تستفيد منهما وهما يدعمان الجيش والتكايا في هذا التوقيت.. (لا أستطيع أن أبرئهما ولكن أي شخص يملك إدانة عليهما أو يشهد لهما بفساد فليتقدّم). الذي أعرف ولا أجزم هنا كما أشرت قاطعاً أنّ حميدتي قائد الدعم السريع عندما كان يلاحق السوباط ويطارده بالقانون وبالابتزاز، كان يدعم بمستشاريه في المريخ ونحن دائماً للأسف نستعمل القانون للتعدي على الآخرين إذا كنا نمثل السلطة، في ذلك الوقت الذي أجبر فيه حميدتي رئيس الهلال على مغادرة البلاد، كان رئيس المريخ وحفتر في عشاء عمل بأحد فنادق الخرطوم الفخمة أو في منزل حميدتي، لا أدري وهم يتهامسون ويتسامرون قبل اشتعال الحرب بـ48 ساعة. إنتو بتعملوا الحاجات دي بالظاهر وتتهموا الناس بالباطل!! مع ذلك أقول، إننا نرحب بمحاسبة ومحاكمة كل ما يثبت عليه فساد أو يظهر عليه ثراء في زمن الحرب والمتاجرة بأزماتها وأوجاعها، وسوف نكون عوناً لكل الكتابات التي تشير إلى ذلك، ولكن من غير محاصصة، معاي أفعل ما يحلو لك وإن كان حراماً، ضدي لا تفعل حتى ما هو حلالٌ. أتحدّث هنا بلطف ولكن ساعة الجد، سوف ندعم ونساند كل من يحارب الفساد ويكشفه. … متاريس الهلال بيلعب في الدوري الموريتاني بتشكيلة غير متجانسة وبعيدة عن المشاركة، مع ذلك فإنّ الفريق الحمد لله ينتصر. بس مفروض فلوران يمنح الدوري الموريتاني في الفترة المقبلة اهتماماً أكبر. خاصةً أنّ الهلال ليس لديه شئٌ بعد ذلك غير الدوري الموريتاني. ومن ثَمّ السوبر السوداني في كريمة كما أعلن الاتحاد السوداني. التجهيز للسوبر السوداني مهمٌ.. كما أنّ الفوز الشرفي بالدوري الموريتاني سوف يكون حدثاً. على الهلال بعد الخروج الأفريقي، التركيز في الدوري الموريتاني. جرس كافي دق جرس الخطر في المريخ. وأحمد بيتر عندما كان موقوفاً وكانت عندو مشكلة في الجنسية كان أفضل ليه. بيتر ظهر بمستوى ضعيف وسجل فيه أسنيم هدفاً غريباً. بعد دا بهاجموا في أبوعشرين. راهنت على فشل ميشو من أول يوم. ورهاني الآن على فشل جواو موتا أكبر إذا تعاقد معه المريخ. كلّمناكم. وقلنا ليكم النصيحة لله. إذا كانت الإطاحة بالمدرب حلّاً، كان المريخ عمل ليه حاجة. سِـر الهلال في استقراره الفني. في فترة توقُّف الدوري الموريتاني يجب أن يعود الهلال لصدارة الدوري الموريتاني. رتِّبوا للموسم الجديد من الآن. طرف مازيمبي الموريتاني لاعب على أعلى طراز، هذا اللاعب أعتقد أنه مطلق السراح بعد نهاية هذا الموسم، إذا تعاقد معه الهلال سوف يحدث إضافةً كبيرةً في الهلال. الدولي إبراهيما كيتا الطرف اليمين في مازيمبي وفي المنتخب الموريتاني لاعب مع إيبولا بقفل الطرف اليمين بالطبلة والمفتاح. بعد الدوري الموريتاني والسوبر السوداني، لاعبو الهلال في حاجة إلى راحة سلبية طويلة. نحنُ ضد زيادة عدد المُحترفين في الهلال، هنالك مُحترفون يمكن الاستغناء عنهم. جونيور أصبح بعيداً وعثمان ديوف بقع في أخطاء كثيرة، والطيب بن زيتون لا مهاجم ولا مدافع. استبدال هذه العناصر بمهاجم صريح وارتكاز ومدافع، يُمكن أن يجعل الهلال في حِتّة تانية. أما بقية الأسماء، فاستمرارها ضروري مع الهلال. هنالك فرصة لتجنيس لاعب أو اثنين للاستفادة منهما في المنتخب. جوباك وكنن وكردمان وخيري وسيمبو ومدني وكبه هم نجوم ورجال الموسم القادم. هذه العناصر الشابّة يجب المحافظة عليها وعدم التفريط فيها. … ترس أخير: أنا فصاحة سادس الدوري الموريتاني في الأهلي المصري بطل القرن ما شُفتها.
كورة سودانية
٠٢-٠٤-٢٠٢٥
- رياضة
- كورة سودانية
خسارة واقعية ونتيجة مفخخة .!!
العمود الحر عبدالعزيز المازري خسارة واقعية ونتيجة مفخخة .!! *في واحد زمان في الحلة معذب ناس الحلة عذاب *ماخلا حاجة ماعملها لسانو طويل خلاص وعندو نقاش ما بتغالط ابدا تلقاهو زول اهوج ومتعب خلاص في أي حاجة *أولاد الحلة بقوا يهربوا منو عديل عشان ما يقعدوا معاهو *الأهلي دا زي الاهوج دا في افريقيا مع الكاف *المهم ومافي الامر يعني كورة امبارح دي الهلال خسر بهدف ودي نتيجة واقعية من واقع ما يعيشه الهلال *نقص عددي وتشكيل خاطئ في البداية كعهدنا مع فلوران بوجود الطيب بن زيتون مدافعا ونحمد الله ان كانت الإصابة بدرا وسلاما علي جمهور الهلال بتصحيح الأوضاع بدخول ضيوف *يافلوران زول عندو أربعة مدافعين متوسطي دفاع تخصص يقوم يجيب لاعب مسجلو كمهاجم *ماعلينا في فلوران فقد صحح الوضع في شوط اللعب الثاني ولو كان الهلال مكتملا ولعب كرته العادية لما خسر بهدف بل كان اقلاها خرج بنتيجة تعادل بعد إضاعة الهدف الما بضيع والمغص كتلنا عديل *اها دا كلو كوم والعملوا ناس الأهلي كوم اخر واقصد اللاعبين والجهاز الإداري فالجماهير السودانية والهلالية قدمت درس راقي في فن التشجيع وتقبل النتايج لكن يبقي سلوك لاعبي الأهلي والأجهزة الإدارية سلوك مستهجن تجاه الحكم التشادي الذي ادار المباراة بطراز رفيع استحق معه وسام الشجاعة والعدالة *بماذا يفسر الشناوي هجومه علي الحكم وكذا حال عضو الجهاز الفني اللي خلي الشناوي يهجم ويسب الحكم بهذه الصورة *لو عاد للمباراة قليلا فالحكم جامل الأهلي كثيرا وخاصة في المخالفات الكثيرة وعدم منح لاعبي الأهلي كروت بعد اعتراضهم المستمر وسبابهم للحكم والمخاشنات *أعاد الشناوي مره اخري مافعله في الخرطوم من قبل بل ان اعتراضات لاعبي الأهلي علي الحكم كانت بصورة كبيرة جدا اثرت علي المباراة ونحمد الله علي سلوك لاعبي الهلال الذين لعبوا الكرة كما كانت وتقبلوا النتيجة رغم احقيتهم في الشوط الثاني بنتيجة المباراة لو كانوا لعبوا كرتهم العادية وتركوا الحذر والخوف الشديد *في رائي المتواضع ان فلوران لا يلام ابدا فالنقص العددي واضح في الهلال وان كان هنالك خطأ هو إدارة الشوط الأول والربكة التي حدثت والخلل في وسط الملعب *عطفا علي النتيجة ان كان هنالك زعل رغم واقعيتها فقد حق علي جمهور الهلال ان يغضب فقد أضاع نصرا في متناول اليد بمباراة كانت سهلة جدا عكس مباريات الهلال السابقة التي تصدر بها مجموعته *هذه النتيجة مفخخة جدا رغم احتفال جماهير الهلال بفريقها لكنها نتيجة تحتاج للكثير من الجهد الإداري والفني وخاصة من فلوران والجهاز الطبي المطالب بتسريع علاج المصابين *يجب علي الهلال الاستفادة من مباراة الأرض فالخروج بهذه النتيجة امام اكثر من ستين الف متفرج تحتاج للكثير والاستفادة من أجواء موريتانيا وملعبها بالعشب الصناعي لتحويله لإيجابيات يستفيد منها الهلال *مجلس الهلال مطالب بوجود جماهير وذلك ليس غريبا علي السوباط بتسفير مجموعة الاولتراس لتكون حاضرة في موريتانيا وهذا اقل ما يمكن تقديمه للهلال فالفرصة لن تتكرر *كما يجب استنفار الجماهير الموريتانية من خلال الاسواق والمقاهي وتقديم تشيرتات الهلال وترغيبهم في حضور المباراة وتقديم التذاكر مجانية للجماهير الموريتانية واستخدام روابط فرقها لدعم الهلال فما قدمته موريتانيا يجب ان يكون حصاده تشجيع كبير للازرق *الأهلي دائما في مبارياته مع الهلال يستخدم سلاح الجماهير وحان الان دخول مجلس الهلال بقوة للاستفادة من هذا الوضع *اما الشق الفني ففلوران يحتاج لتجهيز لاعبيه بطريقة لا تقبل هدف وتمطر شباك الشناوي بأكثر من هدف *علي ثقة لو ان الهلال لعب كرته العادية فالنصر حليفنا وان ادار كل من المجلس والجهاز الفني ما يناط بهم وفق رؤية وتخطيط فالتاهل سيكون من نصيب هلال الملايين *اخر كلمة حرة ..هزيمة واقعية ونتيجة مفخخة كلمات حرة *استحق الحكم التشادي نجومية المباراة وابان انه من حكام النخبة *احمد سالم والجان اكبر مكاسب الهلال *خطأ كبير ارتكبه الحارس فوفانا وهو يصر علي إخراج الكرة وسط المدافعين بدلا عن الأطراف وهذا خطأ تدريبي يحتاج لتنبيه *الخطأ الذي ارتكه فوفانا ان كان صدر من ابوعشرين لنصبت له المشانق وربك ستر *رؤوفا الفنان مكانه داخل الملعب يافلوران وياسر الكاسر كلاعب بديل اثره اكبر من ان يكون أساسي *مجلس الهلال والعليقي ادرك الان ان الغلطة الكبرى هي عدم الاستفادة من التسجيلات وخاصة في جانب الدفاع الايسر والموريتاني الذي يعاني من الضعف *نجوم الهلال بحاجة للثقة في مقدراتهم حتي يكون النصر حليفنا في موريتانيا *كلمة حرة أخيرة…روابط الهلال التي صدعنا بها مجلس الهلال في دول الخليج وفرق بها بين الهلالاب بسوء الاختيار ماذا استفاد الهلال منها وقد حان دورها الان في دعم الفريق معنويا وجماهيريا في معركة نواكشوط القادمة *تاني كلمة ماخاب من شاور واستشار ياعليقي بلاش نفخة وتعصب
سودارس
٠٢-٠٤-٢٠٢٥
- رياضة
- سودارس
خسارة واقعية ونتيجة مفخخة .!!
عبدالعزيز المازري خسارة واقعية ونتيجة مفخخة .!! *في واحد زمان في الحلة معذب ناس الحلة عذاب *ماخلا حاجة ماعملها لسانو طويل خلاص وعندو نقاش ما بتغالط ابدا تلقاهو زول اهوج ومتعب خلاص في أي حاجة *أولاد الحلة بقوا يهربوا منو عديل عشان ما يقعدوا معاهو *الأهلي دا زي الاهوج دا في افريقيا مع الكاف *المهم ومافي الامر يعني كورة امبارح دي الهلال خسر بهدف ودي نتيجة واقعية من واقع ما يعيشه الهلال *نقص عددي وتشكيل خاطئ في البداية كعهدنا مع فلوران بوجود الطيب بن زيتون مدافعا ونحمد الله ان كانت الإصابة بدرا وسلاما علي جمهور الهلال بتصحيح الأوضاع بدخول ضيوف *يافلوران زول عندو أربعة مدافعين متوسطي دفاع تخصص يقوم يجيب لاعب مسجلو كمهاجم *ماعلينا في فلوران فقد صحح الوضع في شوط اللعب الثاني ولو كان الهلال مكتملا ولعب كرته العادية لما خسر بهدف بل كان اقلاها خرج بنتيجة تعادل بعد إضاعة الهدف الما بضيع والمغص كتلنا عديل *اها دا كلو كوم والعملوا ناس الأهلي كوم اخر واقصد اللاعبين والجهاز الإداري فالجماهير السودانية والهلالية قدمت درس راقي في فن التشجيع وتقبل النتايج لكن يبقي سلوك لاعبي الأهلي والأجهزة الإدارية سلوك مستهجن تجاه الحكم التشادي الذي ادار المباراة بطراز رفيع استحق معه وسام الشجاعة والعدالة *بماذا يفسر الشناوي هجومه علي الحكم وكذا حال عضو الجهاز الفني اللي خلي الشناوي يهجم ويسب الحكم بهذه الصورة *لو عاد للمباراة قليلا فالحكم جامل الأهلي كثيرا وخاصة في المخالفات الكثيرة وعدم منح لاعبي الأهلي كروت بعد اعتراضهم المستمر وسبابهم للحكم والمخاشنات *أعاد الشناوي مره اخري مافعله في الخرطوم من قبل بل ان اعتراضات لاعبي الأهلي علي الحكم كانت بصورة كبيرة جدا اثرت علي المباراة ونحمد الله علي سلوك لاعبي الهلال الذين لعبوا الكرة كما كانت وتقبلوا النتيجة رغم احقيتهم في الشوط الثاني بنتيجة المباراة لو كانوا لعبوا كرتهم العادية وتركوا الحذر والخوف الشديد *في رائي المتواضع ان فلوران لا يلام ابدا فالنقص العددي واضح في الهلال وان كان هنالك خطأ هو إدارة الشوط الأول والربكة التي حدثت والخلل في وسط الملعب *عطفا علي النتيجة ان كان هنالك زعل رغم واقعيتها فقد حق علي جمهور الهلال ان يغضب فقد أضاع نصرا في متناول اليد بمباراة كانت سهلة جدا عكس مباريات الهلال السابقة التي تصدر بها مجموعته *هذه النتيجة مفخخة جدا رغم احتفال جماهير الهلال بفريقها لكنها نتيجة تحتاج للكثير من الجهد الإداري والفني وخاصة من فلوران والجهاز الطبي المطالب بتسريع علاج المصابين *يجب علي الهلال الاستفادة من مباراة الأرض فالخروج بهذه النتيجة امام اكثر من ستين الف متفرج تحتاج للكثير والاستفادة من أجواء موريتانيا وملعبها بالعشب الصناعي لتحويله لإيجابيات يستفيد منها الهلال *مجلس الهلال مطالب بوجود جماهير وذلك ليس غريبا علي السوباط بتسفير مجموعة الاولتراس لتكون حاضرة في موريتانيا وهذا اقل ما يمكن تقديمه للهلال فالفرصة لن تتكرر *كما يجب استنفار الجماهير الموريتانية من خلال الاسواق والمقاهي وتقديم تشيرتات الهلال وترغيبهم في حضور المباراة وتقديم التذاكر مجانية للجماهير الموريتانية واستخدام روابط فرقها لدعم الهلال فما قدمته موريتانيا يجب ان يكون حصاده تشجيع كبير للازرق *الأهلي دائما في مبارياته مع الهلال يستخدم سلاح الجماهير وحان الان دخول مجلس الهلال بقوة للاستفادة من هذا الوضع *اما الشق الفني ففلوران يحتاج لتجهيز لاعبيه بطريقة لا تقبل هدف وتمطر شباك الشناوي بأكثر من هدف *علي ثقة لو ان الهلال لعب كرته العادية فالنصر حليفنا وان ادار كل من المجلس والجهاز الفني ما يناط بهم وفق رؤية وتخطيط فالتاهل سيكون من نصيب هلال الملايين *اخر كلمة حرة ..هزيمة واقعية ونتيجة مفخخة كلمات حرة *استحق الحكم التشادي نجومية المباراة وابان انه من حكام النخبة *احمد سالم والجان اكبر مكاسب الهلال *خطأ كبير ارتكبه الحارس فوفانا وهو يصر علي إخراج الكرة وسط المدافعين بدلا عن الأطراف وهذا خطأ تدريبي يحتاج لتنبيه *الخطأ الذي ارتكه فوفانا ان كان صدر من ابوعشرين لنصبت له المشانق وربك ستر *رؤوفا الفنان مكانه داخل الملعب يافلوران وياسر الكاسر كلاعب بديل اثره اكبر من ان يكون أساسي *مجلس الهلال والعليقي ادرك الان ان الغلطة الكبرى هي عدم الاستفادة من التسجيلات وخاصة في جانب الدفاع الايسر والموريتاني الذي يعاني من الضعف *نجوم الهلال بحاجة للثقة في مقدراتهم حتي يكون النصر حليفنا في موريتانيا *كلمة حرة أخيرة…روابط الهلال التي صدعنا بها مجلس الهلال في دول الخليج وفرق بها بين الهلالاب بسوء الاختيار ماذا استفاد الهلال منها وقد حان دورها الان في دعم الفريق معنويا وجماهيريا في معركة نواكشوط القادمة *تاني كلمة ماخاب من شاور واستشار ياعليقي بلاش نفخة وتعصب
سودارس
٠٢-٠٣-٢٠٢٥
- رياضة
- سودارس
الوصيف خفيف خلونا في الدوري والاهلي!!
عبدالعزيز المازري الوصيف خفيف خلونا في الدوري والاهلي!! *انا ماعارف الهلالاب ديل ناس كده، لا تعرف تتعجب من ردود افعالهم لا تعرف توافق عليها *الهلال دا ليهو فترة زمنية اكثر من عامين عديل شغال يصقع ويطقع في المريخ دا شمال ويمين حتي نسينا انه ند للهلال *ما الهلال براهو حتي الفرق الموريتانية شغالة فيهو فتك ومتك !! *المريخ يعاني خلو يفرح شوية ..ياهلالاب عيب عليكم *يعني هزيمة بنقص عددي واضح كده وحكم متحامل ومجامل زي دي والهلال لاعب تسعة قصاد حداشر من اهل الوصيف والحكم ال12 دي براها بالمناسبة محتاجة قعدة ومباركة *عارف في ناس كده من الهلالاب يقول ليك ماعاوزين شماعة، هي شماعة شنو اكتر من كده *اسه لو قلبنا الشغلة دي والمريخ كان ناقص تسعة موقفو كان بكون شنو امام نجوم الهلال مش كان اتفرتق عديل ولا امير كمال هرب وشرد بالكورة زي ما زيكو عمل واتكررت الفعلة الشنيعة ديك *غايتو انا حمدت الله انو الطرد دا للهلال وفرصة نشوف مستر فلوران والناس المختلفة معاهو هل ينجح ولا لا *فلوران أكون صادق دائما بطبز في التشكيلة الاولي وبحاول يعالج القصة في الشوط الثاني ومنها تكون البليلة خلصت والقصة انتهت *فلوران ماقاعد يخاف يعني نقول مدرب شجاع لكن ما ممكن تكون الشجاعة بالصورة دي تقعد ناس ايبولا بره وتلعب ياسر صاحب التجربة الجديدة ولا تجازف بضيوف المبتعد عن المشاركة وكمان تزيد الطين بله بوجود بوغبا المصائب والعائد من إصابة *اها براحة كده الموضوع دا مش ساهم في الهزيمة زاتا ..يعني نحنا فوتنا حقت مازيمبي تقوم تطلع لينا بهزيمة من عاشر الدوري المويتاني اللي هو لا وصيفنا لا بشبهنا لا مستوانا *كمان السيد العليقي صاحب المشروع البابور جاز شغال يصرح ويوزع في الأموال قال ايه صرف كامل الاستحقاق ! يا اخي ماهي دي الشماعة زاتا اسه زي فلوران دا بصرفو ليهو خلي اللاعبين نقول هم عبد المأمور *كدي خلينا من دا كلو رئيس نادي الوصيف نمر فرحان شديد خاااااااالص وانا عاذرو وانتو زاتو اعذرو هو ناس موريتانيا واتحادها وناسها عذروهو فريقو دا لو طلع عاشر الدوري الموريتاني كويس *ضفاري حبيبنا وصديقنا قال الهلال فاقد ناقص تسعة لاعبين والمريخ ناقص دين وعقل لذلك لا عذر للهلال في الهزيمة ولا شماعة له *ماعلينا المباراة دي انتهت بخيرها وشرها لكن قصة فلوران والبدايات الصاح واحترام الخصوم دي عاوزه ليها قعدة عديل *اسه مع الأهلي الهلال دا لو لعب كورتو وتشكيلتو الصاح مافي مشكلة تاني لكن لو قعد ينظر فلوران تنظيراتو دي ..حتكون نهايتو الحتمية *الهلالاب ديل فيهم حاجة عجيبة جداً، صفة كده (حقتهم)، يستحيل ان تقنعهم لو عملت السبعة وذمتها *ما قدرت اعرف الحاجة دي تميز ولا حاجة أكبر من كده شوية يا ناس الهلال في ناس موافقة وما بتشوف غير فلوران وناس علي الجبهة الأخرى مقتنعة بفشل فلوران دا كلو هين البقنع العليقي منو! *يستحيل ان يجتمعوا على رأي واحد، لكن عشقهم واحد هو لهذا المارد الأزرق *من بعد مباراة القمة والهلالاب ما بين رأي يطالب ببقاء المدرب ومنحه الفرصة الكافية وعدم فرض أي تدخلات علي عمله رافضين حتي المساعد الوطني البديل لخالد ووجود أي وطني اخر في قطاع الكرة من قدامي اللاعبين علي ان يبقي الوضع كما هو عليه وعلي المتضرر ان يلجأ للصبر او يعتبر مهاجما ومعادي لمشروع العليقي ومجلس السوباط *كلمة أخيرة…دائرة الهلال وخاصة الشفافية معدومة وقبول السلبيات ممنوع بخط دفاع فولاذي لا يقبل الا التطبيل *اخر كلمة تقييم الوضع الحالي هو الأهم كلمات حرة *جماعة المشروع وفلوران دعونا نقيس الأمور بالمنطق ونتفق علي ان الصبر علي المدرب مفتاح النجاح, لكن يبقي السؤال المهم الاحتفاظ بالمدرب ومازالت الأخطاء متكررة ومحلك سر! الا يدعو ذلك لوجود خطب معين في الجهاز الفني ويجب ترميمه ! *التعليل بمشروع الهلال وهذه الأسطوانة التي مللنا سماعها كثيرا يدعو للدهشة اسمعوا من يختلف معكم وعالجوا السلبيات بدلا عن الإصرار الذي اضاعنا وأضاع دعم الفريق بتسجيلات وفقدنا اهم عناصر الهلال لاعب الوسط الفنان والخبرة ابوعاقلة *في اغلب فرق العالم بل في مجملها يوجد مساعد اول وثاني للمدرب من أبناء الوطن والحالة التي يعيشها الهلال الحالي حالة فريدة *كل هذا اقلق الكثيرون كون ان الامر الفني لا يراجع لأن رئيس القطاع الرياضي العليقي مهما قدم من مجهودات يشكر عليها ..هل لديه الدراية والمعرفة لمناقشة الجهاز الفني عن أسباب الخسارة من المريخ وهل لديهم المعرفة بالنقاش الفني مع الطاقم * نجاح المشروع الذي يطبق في الهلال لأول مرة يحتاج لمساعدة ووجود وطنيين مقربين من الجهاز الفني واخرين في دائرة الاستشارة الفنية للتنوير والتبصير فحتي من حقهم ان يناقشوا غياب بعض النجوم والاستماع لتبريرات المدرب بدل ان يحكم المدرب علي لاعبين بالفشل والإصرار علي تكرار الاخطاء *النقاش مع المدرب وتوصيل رؤية معينة من حق أبناء الهلال فلا يمكن ان نظل طول الخط متفرجين علي الجهاز الفني ونترك له الحبل يفعل ما يشاء حتي لو كان علي خطأ! *تظل المطالبة بوجود استشارية فنية ومساعد وطني ومعد نفسي مع الهلال مطلب يمكن ان يفيد المشروع الذي تتعلون به لبناء الهلال *الإدارة الذكية هلي التي تعرف موطن الداء وتقوم باستئصاله او منحه الترياق الشافي! *كلمة حرة أخيرة …حالة فريدة يا عليقي!! … اخر الحكاية نعمة أن بلّغك الله رمضان، فاشكره على ذلك، أن أطال في عمرك لتتمتع بالصيام والعبادة.
