أحدث الأخبار مع #مالتيناشونال
تحيا مصر
١٥-٠٣-٢٠٢٥
- ترفيه
- تحيا مصر
أمير طعيمة: مش معترض على عمل زوجتي في التمثيل.. وأنا اللي رشحت عزيز الشافعي في اراب ايدول
حل الشاعر الغنائي أبرز تصريحات أمير طعيمة اليوم انا بشوف نفسي في حتة تانية لما دنيا انفصلت فنيا عن هشام جمال اكتشفت ان الموضوع مرتبط بيه مش بيها انا واخد عهد على أن نفسي أن لو طلعت موضة جديدة من الموسيقى مش ههاجمها لأن احنا اتهاجمنا في بدايتنا طلعت زين تنبألي بحاجات كتير حصلت وكان شايف أني هكون حاجة كبيرة أوي أنا اللي رشحت عزيز الشافعي في اراب ايدول وأنا اللي كنت هبقى المقدم بس هما كانوا عايزين مذيع من جنسية مختلفة محمد فؤاد أعجوبة وعنده عوامل يا بخت اللي عنده نصها ونفسي يرجع يعمل أغاني كتير أمير طعيمة أمير طعيمة: وردة الجزائرية بعتبرها أمي وردة جميلة وطيب ومتواضعة وبحس أنها أمي كانت بتجيب لنا ساندويتشات في الاستديو كنت شغال في شركة مالتي ناشونال وكنت باخد مرتب حلو في أول سنتين ليا في التأليف وفي 2002 بعد أغنية منايا أخدت قرار أني أسيب الشركة وأبويا وأمي شجعوني على القرار دي ودا أصعب قرار في حياتي مراتي يسرا عندها معايير معينة في التمثيل شبه المعايير اللي عندي وأنا مش معترض عليها وعندها طموح غير محدود وهي هتنجح عشان بتعرف تختار كويس 2008 كان في مخرجين صحابي عايزني امثل وكان في فيلم اسمه عرض البحر ومضيته مع خالد صالح عن الهجرة الشرعية بس الموضوع مكملش ولو كملت مكنش هبعد عن التأليف أمير طعيمة عن سعد لمجرد: مقتنعين بفنه وتعامله معانا وكان قد انتفض عدد كبير من الجمهور خاصة المصريين لـ حذف أغنية 'من أول دقيقة'، الذي تعاون بها سعد لمجرد مع الفنانة إليسا، وكانت من كلمات الشاعر المصري أمير طعيمة. ورد أمير طعيمة على تلك المطالبات فقال خلال حلوله ضيفا على برنامج et بالعربي: 'الناس مش عارفين يفصلوا حبنا لـ سعد، بموجب علاقتنا بيه بموجب اللي شوفناه منه، بموجب اقتناعنا بفنه وتعامله معنا، أنا عمري ما شوفت من سعد حاجة وحشة، هو في أزمة كبيرة أتمنى أنه يخرج منها على خير، من غير ما يكون في أي ظلم للأى طرف'.
مصرس
٢٣-٠٢-٢٠٢٥
- أعمال
- مصرس
"أسعار في متناول المواطن المتعاص".. نشطاء يسخرون من طرح الإسكان لشقق بالعلمين ب 61 مليون جنيه بس
طرحت وزارة الإسكان شققا بأبراج العلمين الجديدة، ضمن مبادرة "بيتك في مصر" بأسعار تبدأ من 16 مليون جنيه وتصل إلى 61 مليون جنيه، للمصريين بالخارج، مع أمكانية التقسيط على 10 سنوات بفائدة سنوية، 18%، ليثير ذلك موجة سخرية، من هذا المبلغ الذي تقول عنه وزارة الإسكان إنه في المتناول. فكتب حزب تكنوقراط مصر: "61 مليون جنيه بسK وزارة الإسكان تطرح شققا بأبراج العلمين الجديدة، بأسعار تبدأ من 16 مليون جنيه وتصل إلى 61 مليون جنيه، للمصريين بالخارج". دكتور مصطفى جاويش: "يعني الدفع بالجنيه أم أنه بالدولار؟". محمد الفاتح : "وزارة الإسكان محتاجة وزارة الصحة تكشف عليها". دكتور أمير : "طرح ب60 مليون جنيه للعاملين بالخارج، ده لو مدير تنفيذي لشركة مالتي ناشونال مش هيعرف يسدد ثمنها أساسا، و يعني اللي معاه 60 مليونا يسيب سواحل إيطاليا و أسبانيا و اليونان و جزر الكاريبي و يأخذ شقة ب60 مليونا في العلمين شوية معاتيه" . سعيد : "هما مكسوفين يكتبوا مليون دولار". إيمان : "10 سنوات ولا 100 سنة حد هي الناس هبل تدفع الرقم دا على شقة بيستعملها 3 شهور في السنة وأصلا محدش عنده المبالغ دي إلا قلة قليلة". هياتم : "بسم الله ماشاء ، فعلا أسعار في متناول المواطن المتعاص". سمير أحمد : "يعني مليون جنيه إسترليني، تشتري بيه 4أو 5 فيلات في إسبانيا". صفوت : "لا بتوع الخارج شغالين في المخدرات مليون و200 ألف دولار هو اللي مسافر للخارج بيغرف دولارات دا أقصى مرتب 5000 دولار في الشهر يعني عايز يشتغل 20 سنة علشان يشتري شقة مصيف". إسلام : "مليون وربع دولار للمصريين اللي في الخارج اللي بيناموا 10 في أوضه، عشان يوفروا ويبعتوا لأهاليهم مصاريف".
