عمرو الليثي ومصطفى قمر يدعون لنجل تامر حسني بعد وعكته الصحية

حرص عدد من نجوم الفن والإعلام على مساندة تامر حسني بعد تعرض نجله لوعكة صحية ومن أبرزهم عمرو الليثي ومصطفى قمر.
ونشر الإعلامي عمرو الليثي عبر صفحته الرسمية على "فيسبوك" منشورًا جاء فيه: "ادعو الله أن يشفي آدم ابن أخي الغالي تامر حسني، وأن يرفع عنه ويخفف آلامه.. اللهم اشفه شفاء لا يغادر سقما"، وقد لاقى هذا الدعاء تفاعلًا واسعًا من المتابعين الذين شاركوه الدعاء لآدم وتمنوا له الشفاء العاجل.
كما نشر مصطفى قمر من خلال حسابه الشخصي بموقع تبادل الصور والفيديوهات إنستجرام خاصية إستوري معلقًا: "ربنا يقومهولك بالسلامة ياتيمو کلنا بندعيله ياحبيبي بحبك يا آدم يا ابني الغالي بإذن الله تقوم وتشفى وتبقى زي الفل قلبي معاك ياتامر وبإذن الله يشفي شفاء لا يغادر سقما ياحبيبي".
تطورات الحالة الصحية لـ آدم تامر حسني
كشف نجم الجيل تامر حسني تطورات الحالة الصحية لنجله آدم وذلك عبر صفحته الرسمية بموقع التواصل الإجتماعي "فيسبوك" حيث نشر قائلًا: " أنا مش عارف أشكركم إزاي على كمّ الدعوات اللي دعيتوها لربنا لشفاء آدم ابني اللي جاتلي منكم هنا وعلى تليفوني وتليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بس".
وتابع: "وبقولكم كده عشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد، وخلاص لا روحوا اكشفوا كويس واعملوا سونار على البطن والزايدة مرة و٢ عشان برضو ساعات مش بيبان ولازم الدكتور يضغط بطريقة معيّنة، تقريبًا أقوى شوية عشان يعرف، لإني سمعت كتير اليومين دول إن الزايدة خادعة".
وأضاف: "اطمنوا كذا مرة قبل لحظة انفجارها عشان بجد مشاكل بتحصل بعدها كبيرة وحزنة أوي، وحبيبي آدم عمل عمليتين صعبين أوي عليه وبدعواتكم مستنيين النتايج تكون خير يارب ويعدي مرحلة الخطر، يارب، بحق 'كن فيكون'.
أشفيه وعافيه، هو وكل ولادنا
بس هو راجل وهيتحمل وإن شاء الله ربنا يكرمه ويعافيه ويحفظه هو وإخواته ويحفظ كل ولادكم يارب".
واختتم قائلًا ؛ "وأحب أقول تاني شكرًا من كل قلبي على دعواتكم، أنا شايف قلب كل حد فيكم وهو بيدعي بصدق
متشكر أوي يا جماعة شكرًا لكل اللي اهتم وسأل عن ابني ودعاله هنا أو على التليفون، واللي طلعوله صدقات لشفائه من غير ما يعرفونا شخصيًا، أنا مش لاقي كلام أشكركم بيه وأنا برضو بدعيلكم وبقول لكم مثلها وأضعاف أضعافها، وربنا يحفظكم ويحفظ أولادكم قادر يا كريم".

جرب ميزات الذكاء الاصطناعي لدينا

اكتشف ما يمكن أن يفعله Daily8 AI من أجلك:

التعلم مع الذكاء الاصطناعيالتحقق من الحقائقتحويل النص إلى كلامملخص الذكاء الاصطناعي

أخبار ذات صلة

24 القاهرة

منذ 31 دقائق

• 24 القاهرة

وفاة والد عضو مجلس إدارة نادي الزمالك

توفي منذ قليل والد محمد طارق عضو مجلس إدارة نادي الزمالك بعد صراع مع المرض في الفترة الماضية قبل أن علن نجله عن وفاته منذ قليل. وكتب محمد طارق عضو مجلس الزمالك عبر صفحته علي موقع التواصل الاجتماعي فيسبوك " أن لله وان اليه راجعون.. والدي في ذمة الله ". وكان محمد طارق عضو مجلس إدارة نادي الزمالك قد عاد مؤخرا إلي نادي الزمالك للتواجد في المباريات وحضور اجتماعات مجلس الإدارة بعد شفائه بنسبة كبيرة هو الآخر من ماحدث له. وتعرض عضو مجلس الإدارة لأزمة كبيرة بعد اندلاع حريق كبير بمنزله أثناء تواجده داخله ليسفر عن حريق المنزل إلي جانب تعرض عضو مجلس إدارة الزمالك نفسه لبعض الحروق الشديدة في اليد والوجه. وجلس عضو مجلس إدارة نادي الزمالك فترة كبيرة في المستشفى حتي خرج بعدها لفترة ليست بالقصيرة من أجل النقاهة الطبية قبل العودة لممارسة عمله.

النهار المصرية

منذ 3 ساعات

• النهار المصرية

ملك زاهر تكشف عن المضر الذي تعرضته له خلال الأيام الماضية

كشفت الفنانة ملك زاهر عما تعرضت له من مرض خلال الأيام الماضية، أدى لتواجدها بالمستشفى لمدة 5 أيام. وكتبت ملك زاهر عبر حسابها بـ موقع تبادل الصور والفيديوهات إنستجرام قائلة: أنا واللِه ما كنت متوقعة كل اللي حاصل ده أنا لما حبيت أشارك حالتي الصحية، كنت مخضوضة جدًا على نفسي وفكرة إن لا أنا ولا الدكاترة حتى عارفين عندي إيه، كانت رعباني، وكنت محتاجة بس أوصلكم إن حياتي فيها الحلو وفيها الوحش، وقلت في الستوري إن الموضوع مش الغرض منه القلق، وإني مش عايزة حد يقلق عليا أنا كويسة، وكده كده أحسن من غيري. وأردفت ملك زاهر: عندي يقين في ربنا أنه هايقومني بالسلامة، وإن شاء الله تبقى حاجة بسيطة بس من خضتي كتبت مع أن ديه مش طبيعتي إني أشارك الحاجات السلبية عموما أنا بس مش عارفة أقول إيه ولا إيه من قلبي بشكر كل حد سأل عليا ودعالي واللهِ كله كان بيوصلني، وأنا أسفة لو مردتش على حد وبشكر كل زمايلي وأساتذتي اللي كانوا بيسألوا عليا كل يوم ومسابونيش لحظة وكل صحابي وعيلتي اللي كانوا جمبي. واختتمت ملك زاهر حديثها: بس أنا مطمنة أنا بخف وبتحسن كل يوم الحمد لله والشكر الله ومافيش حاجة خطيرة بإذن الله وأنا أسفة لو كنت قلقتكم بس ده مكانش الغرض أبدا والله، شكرا من كل قلبي على الحب ده أنا عرفت غلاوتي عندكم وعند كل اللي حواليا بشكركم من قلبي

النهار المصرية

منذ 3 ساعات

• النهار المصرية

تامر حسني يطمأن الجمهور على الحالة الصحية لنجله

أعلن الفنان تامر حسني عن خروج نجله أدم من المستشفى بعد إجراء عمليتين جراحتين خلال الفترة الماضية. وكتب تامر حسني، عبر حسابه بموقع فيس بوك: لكل الغاليين اللي اهتموا بتعب ابني، الحمد لله الوضع مستقر بعد العملية التانية وخرج من العناية المركزة بفضل الله ثم دعواتكم اللي لو عشت أشكركم عمري كله مش هوفي حقكم وربنا يتمم الشفاء على خير، ودايمًا بقول على دعواتكم الكريمة: لكم مثلها وأضعاف أضعافها.. شكرًا يا أغلى الناس ربنا يحفظكم ويحفظ ولادكم قادر يا كريم. وسبق وكشف الفنان تامر حسني، تفاصيل مرض نجله آدم، كما طلب من جمهوره الدعاء لنجله بعد خضوعه لعمليتين جراحيتين نتيجة انفجار الزائدة الدودية بشكل مفاجئ، حيث كتب عبر فيس بوك: أنا مش عارف أشكركم إزاي على كم الدعوات اللي دعيتوها لربنا لشفاء آدم ابني هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بس، مش كل سخونية تقولوا ده شوية برد وخلاص اعملوا سونار على البطن والزايدة مرة واتنين.. لازم الدكتور يضغط بطريقة معينة عشان يعرف.