بَديل فلورَان في أوّل تَعلِيق!!

صَـابِنَّهَـا
محمد عبد الماجد
بَديل فلورَان في أوّل تَعلِيق!!
عمك (التليحة ود طلحة)، اسمهُ كدا زي شباك الفصل المرزوع، التليحة كان بزرع (بصل)، وعائش في أمان الله، بعد نهاية الموسم بطلع بأرباح كبيرة، بحوّش من أرباحه وبمشي الحج وبرجع يضبح ليه عجل.
كان عائش في نعيم.
في كل سنة أرباحه كانت بتزيد وبصله بنجح أكتر، أصبح أشهر تاجر بصل في المنطقة.. عمل قروش خياليّة من البصل.
من البصل عمل عربات، بدل العربية الواحدة عمل كمية عربات، العربات بتلقّـاها واقفة قدام بيته، لمن تفتكر بيته محطة وقود.. شئ لواري وشئ دفارات وشئ لاندكروزرات وشئ بكاسي دبل قبينة وشئ بكاسي عادية، وكله آخر موديل.
الشرائح والهايسات الواقفة قدام بيته في موقف شندي -الخرطوم ما واقفة.
وكله من البصل.
كتِّر خير البصل.
اشترى ليه بيوت وأراضي ما ليها حد، وعمل ليه عمارة في الخرطوم من عشرة طوابق، وبقى بعد موسم حصاد البصل يغيِّر العربية والموبايل والزوجة الرابعة.
في كل موسم حصاد بصل بعرس ليه زوجة جديدة، لو البصل نجح بجيبها من الجامعة (برلومة) جديدة، ولو موسم البصل ما نجح بشوف ليه أرملة، أو مطلقة، بغرقها في الدهب، أو بجيبها خريجة ليها أربع سنوات من التخرج.
البصل كان بجيب ليه دهب.
الزوجة الثانية والثالثة والرابعة دائماً تغرى بالدهب. والثالثة عاوزة دهب أكتر من التانية، والرابعة عاوزة أكتر من الثالثة.
المهم بعد موسم البصل كان بعرس طوالي.
التليحة ود طلحة البصل مشى معاه كويس، قالوا ليه خش البرلمان، دخل البرلمان وفي الانتخابات كان رمزه (البصلة).
لمن يقدم ليه خطاب عن البصل يقدم خطاباً شافياً وكافياً، ما بخلي شئ، للأمانة كان ضليعاً في البصل.. شوفوا في البصل كان خبير استراتيجي عديل كدا، زي جماعتنا البتكلموا عن الحرب الآن.
كلامه كله كان بصل، كل جملة والتانية يقول ليك الحلة بصلة، دي حكمته المُفضّلة، يسكت شوية وبدون مناسبة يقول ليك البصلة الفاسدة بتفسد الشوال كله، حتى إذا غضب من زول وزعل منه بقول ليك والله الزول دا ما بسوى بصلة، المثل البقول حبيبك لو بقى عسل ما تلحسهُ كله، قلبه وخلاه (حبيبك لو بقى بصل ما تبعد عنه). والمكوشن بلا بصل.. وديك البطانة يعوعي وبصلتهُ في النار، الكلام دا كان بعجبهُ شديد، وبدخل رأسه.. زول فاهم البصل صاح.
كان بعز البصل معزة شديدة.
بسبب البصل بقى يتكلم في السياسة وبقى يسافر أوروبا في الإجازة، وبقى في كلامه بين الجملة والتانية بدخل ليه كلمة إنجليزية.
التليحة ود طلحة أصبح يتحدث في الكرة، وفكّـر يخش إدارات القمة، يمسك الهلال أو المريخ أو الاتحاد العام، ما فارقة معاه.
قال لو مسك فريق من فرق القمة دي، يمين بالبصل دا أجيب أعظم لعيبة.
في ناس قالوا ليه يا زول أدخل اتّحاد الكرة، والله الشئ دا فيه جنس قروش. البصل بدخِّـل ليك عملة محلية، لكن اتّحاد الكرة بدخِّل ليك عملة صعبة.. إنت ما شفت الجماعة ديل بمسكوا في الكراسي كيف؟
أي زول دخل الاتّحاد تاني ما طلع.. مسكوا في الاتحاد بي وشيهم.
بعدين الاتّحاد العام ما عاوز أكتر من فهم البصل العندك دا.
معقولة يا ناس الاتّحاد نحن ح نلعب مع السنغال في سبتمبر القادم على بطاقة التأهُّـل لكأس العالم، السنغال تلعب مع إنجلترا استعداداً لمباراة السودان وتفوز على السودان، ونحن بنلعب على أن الدكتور حسن علي عيسى سحب ترشيحه، والاتحاد فرحان على أن عوض الجزار تقدم بترشحه بديلاً عنه.
نحن ح نتأهّل لنهائيات كأس العالم بترشح عوض الجزار.
الله يلزمنا الصبر.
التليحة ود طلحة كان في كل موسم بتوسع في زراعة البصل وكانت أرباحه في كل عام بتزيد.. كان بفهم في البصل، الله كاتب ليه رزقه في البصل.
عائش كدا في أمان الله إلى أن لمُّوا فيه جماعة شفوت، أو هم شايفين نفسهم كدا. قالوا ليه يا زول بصل شنو؟ العالم إتقدّم والطاقة الشمسية والآيفون والدوري الإنجليزي ـ الناس مشت وإنت لسه ما عاوز تطوّر، ما عاوز تتقدّم وتخش العولمة؟!
ما عارف علاقة الآيفون بالموضوع دا شنو؟!
الزول سمع الكلام الكبير دا ـ وأصلاً كان عنده عقدة (عولمة)، قال ليهم أخش العولمة كيف؟!
ملأوا ليه رأسه.
قالوا ليه تخلي (البصل) البتزرع فيه دا، إنت بقيت زول كبير وعندك اسم، وما محتاج لي زول، معقولة بعد الاسم العملتو دا تزرع بصل.
مالك ومال تلتلة البصل.
يا زول إتطوّر.. خش التكنولوجيا، العالم ما بنتظر ليه زول ولا بقيف.
قال ليهم يعني أعمل شنو؟
قالوا ليه أدخل العولمة.
قال ليهم أدخل العولمة كيف؟ أنا لقيت عولمة ورفضت أدخلها.
قال ليهم لكن للمعلومية أنا لا بعرف أعوم ولا بعرف كمبيوتر.
قالوا ليه يا زول العولمة دي لا عاوزة عوامة، ولا عاوزة كمبيوتر.
قال ليهم طيب أعمل شنو عشان أخش العولمة؟
قالوا ليه تزرع (فراولة)، بصل شنو يا زول؟ وتلبس تي شيرت وبرمودة، إنت ما مُحتاج للبصل، البصل دا يزرعوه المزارعين الصغار، إنت عملت ليك اسم، لازم تزرع فراولة. معقولة لكن حايم لينا في الحلة بالعراقي.
الفراولة دي بتخليك فوق، بتمشي السماء، ورأسك بكون مرفوع، وبدل ما تبقى نائب برلماني عن دائرة البصل، ح تبقى نائب برلمان عن دائرة الفراولة، تبقى ليك قيمة ومكانة.. تبقى زول مُحترم.
موضوع (الفراولة) دخل ليه في رأسه، خاصةً هو كان عنده عُقدة (عولمة)، وحسب فهمهُ افتكر زراعة (الفراولة) نوعاً من أنواع التحضُّر والتقدُّم والفهم، نوعاً من أنواع العولمة.
التليحة ود طلحة جاتو نفسيات من البصل، وقال لازم يغيِّر ويزرع فراولة، الجابرهُ على البصل شنو؟ خلاص هو شايف نفسهُ خدم البلد دي بما فيه الكفاية في جانب البصل، ولازم بقية عُمرهُ دا يزرع فراولة، كفاية بصل، عاوز يعيش حياته.
بعدين (الفراولة) بترفع ليه قيمته الاجتماعية بتديهو (برستيج)، وبدل ما يقولوا تاجر بصل يقولوا تاجر فراولة، لا سيما أنّ هذا الموضوع كان يسبِّب له إحراجاً، خاصة عندما يتقدم لطالبة جامعية، في طالبات كانن وقت يجيبوا ليهن سيرة البصل بكشن ويرفضن، والموضوع دا كان عامل ليه حساسية، كان عامل ليه نفسيات، لكن ساكت عليه.
بعدين وقت يزرع فراولة ح يطلع من الجلابية والعِمّة وح يشوف ليه بِـدَل سفاري في المرحلة الانتقالية الأولى، ثم يخش في بِـدَل (فُـل سوت) إلى أن يخش في الـ 'تي شيرتات' والبرمودات، والقمصان نص كُــمْ، ويعوِّض شبابه الذي أضاعه في زراعة البصل.
التليحة ود طلحة موضوع (الفراولة) وقع ليه شديد، وموصوع الـ 'تي شيرت'، قال بلا بصل بلا لَمّـة.
كفاية بصل.. يا ناس يا عسل كفاية بصل.
أنا ح أقعد أضيِّع عمري كله في البصل؟!
ونحن أصلاً وقت نرتاح بنفتري.
وقت تمشي معانا، نحن برانا بنقيف.. البصل مالو عليكم الله؟ عيبوهُ لي.
الموسم بدأ والتليحة ود طلحة دخل ليك في (برمودة) ،وزرع الفراولة، ما خلى ليه حواشة أو مشروع ما زرعه (فراولة).
المنطقة كلها زرعها فراولة.
الولاية كلها زرعها فراولة.
البلد كلها اتزرعت فراولة.
وتكاليف زراعة الفراولة كبيرة والتخصص جديد على المزارعين، اضطر التليحة ود طلحة يكب كل قروشه في (الفراولة) وشال كمان سلفيات من البنك، ورهن بيوته وعرباته ـ يبدو أنه عاوز يزرع السودان كله فراولة.
من أول موسم قال عاوز يطير السماء، كان يدخل في الفراولة شوية شوية، وما يفك البصل طوالي.
لكن التليحة ود طلحة دخل بالتقيل في الفراولة، قال عاوز يعمل طفرة.
ولأنّ الناس ما فاهمة زراعة الفراولة والبيئة والمناخ، ما بيئة ولا مناخ فراولة، الخسائر أصبحت تتوالى على التليحة ود طلحة.
الموسم ضرب.
وما حصده من الفراولة ليس هناك مجال لتخزينه، عشان ما في تلاجات، والتلاجات التي وفروها للفراولة ما كان في كهرباء عشان تشغلها، وما اشتغل منها بالطاقة الشمسية، والمولدات كانت تكلفته كبيرة.
وما تم عرضه بعد ذلك في الأسواق من محصول الفراولة ما كان قادر ينافس الفراولة المستوردة.
الفراولة الكانت بتجي من برّه البلد أرخص وأجود.
التليحة ود طلحة كل هذه المشاكل وقعت في رأسه.
ناس الضرائب بي جهة، وناس البنوك بي جهة، والتجار بي جهة.
خسائر تقيلة.
كل الثروة التي كوّنها التليحة ود طلحة من البصل راحت في الفراولة.
البيوت والعربات، كلها راحت حتى صحة التليحة راحت.
جاهو السكري ومسكهُ الضغط، وبقى يتكلم براهو.
مرة يقول البصل.
ومرة يقول المشكلة من الفراولة.
والجماعة الشفوت القالوا ليه تزرع فراولة، ابتعدوا عنه، وقالوا الزول دا خسر لأنه ما دخل العولمة صاح!!
قالوا خسر والفراولة ما نجحت معاهُ، عشان هو زول جاهِــل.
التليحة ود طلحة فقد عرباته وفقد بيوته، وفقد نسوانه الأربع، وبعد ما كان شايل آيفون آخر صيحة، شال 'تلاتين عشرة'، رجع للبدايات، رجع للتمهيدي!! بقى يطلع من دور الـ64.
الغريبة الشفوت القالوا ليه تزرع فراولة، الركّبوا ليه موضوع الفراولة في رأسه، دخلوا مع مزارع منافس في شراكة وزرعوا (بصل) ونجحوا نجاح مبالغة، ومسكوا البلد.
يوم التليحة ود طلحة قابل ليه واحد منهم وهو طالع من بنك، قال ليه إنتوا تدخِّلوني العولمة وتدخلوا إنتوا البنوك.. تدخِّلوني السجون والمستشفيات وتدخلوا إنتوا السوق؟
صاحبكم قال للتليحة ود طلحة، الظاهر عليك إنت دخلت العولمة بكراعك الشمال، إنت دخلت العولمة غلط!!
المهم التليحة ود طلحة بقى من مستشفى لي محكمة، ومن محكمة لي مستشفى، وكل ما يجيبوا ليه سيرة الفراولة يشد شعرهُ وبقول براي سـويتها في نفسي، البصل كان مالو؟ كنت عايش أحسن عيشة، البخلِّيني أمشي على الفراولة شنو؟
وقعت ليكم والّلا أعيدُه ليكم؟!
هسه ناس الهلال عاوزين يفكوا (البصل) ويجروا وراء (الفراولة)!!
إنتوا يا ناس الهلال الواحد إلا يجيكم بالبصل.. ما بتقع ليكم إلا بالبصل؟!
أحسن تلحقوا نفسكم قبل ما يحصل ليكم الحصل على التليحة ود طلحة.
الشئ الغريب، ناس الهلال عاوزين يطبِّقوا تجربة المريخ الفاشلة، وكل شهرين أو 45 يوماً يجيبوا ليهم مدرب جديد.. وناس المريخ عاوزين يطبِّقوا تجربة الهلال الناجحة ويستقروا على مدرب واحد.
نجاح تجربة فلوران مع الهلال تتمثل في استمراريته كل هذه المدة.
قمة النجاح هو أن يكون هنالك مدربٌ في الهلال أكمل فترته.. لا شالو الهلال لا هو رحل باختياره من الفريق.. دي أنا عندي قمة النجاح أو هي أقوى دليل وأعظم برهان على نجاح فلوران مع الهلال.. وبسبب الاستقرار نجح الهلال.
فلوران مدرب ليس خارقاً، وريكادو البرازيلي ليس خارقاً، ديل نجحوا عشان الاستقرار.
واستقرار في هذه الظروف بدون فلوران بيصبح أمراً مستحيلاً، أو شيئاً غاية في الصُّـعوبة.
طبعاً في ظِـل جمهور الهلال الصعب، وفي وجود إعلام الهلال الشرس، والما عندهُ صبر، من المستحيل أن يستمر معك مدرباً كل هذه الفترة إذا لم يكن مدرباً ناجحاً.
لكن نحنُ كعادتنا، عاوزين نهد هذا النجاح، عاوزين بس نغيِّـر من أجل التغيير.
بدون أيِّ فهم أو خُطة أو رؤية!!
المشكلة المُخيفة أنّ (الفراولة) المطروحة لكي تكون بديلاً للبصل، فراولة مُخيفة ومضروبة ونسبة نجاحها صفر في الهلال!!
وزي ما بقولوا في المواقع بديل فلوران في أول تعليق.. نسمع تعليقكم.
هوا بس.
مَن هو البديل الأفضل لفلوران، أنا بعتقد أنّ البديل الأفضل لفلوران هو فلوران نفسه!!
الأسماء المُسرّبة والتي أشارت بعض التقارير الإعلامية إلى أنها سوف تكون بديلة لفلوران والتي أعلن عنها تكهناً في أول تعليق!! أسماء مُتواضعة، وسيرتها التدريبية ضعيفة وتُعاني من عدم الاستقرار، وهي قادمة من تجارب فاشلة!!
إذا رحل فلوران نرجو أن يتم التعاقد مع مدرب كبير.. ما تخموا الناس وتقولوا لينا كلام إنشاء ساكت دا مدرب (تكتيكي)، دا كلام ساكت، تكتيكي دي كلمة فضفاضة وما عندها معايير، دعونا نسأل أنفسنا، هل هنالك مدربٌ كبيرٌ يمكن أن يقبل بهذه الأوضاع؟ وإذا تم التعاقد معه، هل سوف يصبر ويحتمل كما صبر واحتمل فلوران؟ وإذا صبر واحتمل، هل سوف يصبر عليه إعلام وجمهور الهلال بعد تجربة فلوران الناجحة؟ أراهن إننا سوف نكرر نفس الأسطوانة وسوف نهاجمه ونطالب بالإطاحة به كما فعلنا مع فلوران، إذا صبر علينا نحن ما بنصبر عليه.
نفس الكلام والتنظير الذي سمعناه منهم عن فلوران، سوف نسمعه عن المدرب الجديد، فهذه عادة عندهم لن تتغيّـر وهو منوالٌ ظللنا نسير عليه!!
إذا رحل فلوران، لن أحزن على فلوران كما أشرت، وإنّما سوف أحزن على مجلس إدارة الهلال، الذي أصبح القرار ليس في يده. سوف أحزن على المشروع وأتهكّم عليه وأسخر منه.
المدرب يفوت أو ما يفوت ما مشكلة، المشكلة يكون ما عندنا مجلس.
….
متاريس
بكرة إن شاء الله أكتب ليكم عن تصريحات السُّــوبَـاط الأخيرة.
وعن المهاجم السوبر.
قالوا ليك السوباط (لمح) لرحيل فلوران!!
وصحيفة النادي كتبت وداعا فلوران.
يبدو اننا داخلين على معمعة جديدة.
الله يستر.
أحسن حاجة في العليقي أنّـه ما بصرح قبل التسجيلات، العليقي بصرح بعد التسجيلات.
السُّــوبَـاط قبل والعليقي بعد.
يا ربي ح نتأهل لكأس العالم بانتخابات الاتحاد العام.
عندنا اتحاد، سيكافا كتيرة عليه.
بلد ما عندها وجيع.
إذا كان اتحاد الكرة دوري السوبر السوداني ما قادر عليه، ح يقدر يوصِّلنا لنهائيات كأس العالم؟!
في كسلا والقضارف عجزوا، تفتكروا ممكن يوصِّلونا أمريكا.
غايتو إلا ننتظر اللوتري.
منتخبنا إلا يصل الولايات المتحدة عن طريق اللوتري.
أخير نسكت.
ما نفــوِّر دمّكــم ســاكت.
….
ترس أخير: بكـرة إن شاء الله الحِصّـة سُــوبـاط.

جرب ميزات الذكاء الاصطناعي لدينا

اكتشف ما يمكن أن يفعله Daily8 AI من أجلك:

التعلم مع الذكاء الاصطناعيالتحقق من الحقائقتحويل النص إلى كلامملخص الذكاء الاصطناعي

أخبار ذات صلة

الرياضية

منذ 11 ساعات

• الرياضية

متحف تمنية.. معلم تراثي يحتضن 10 آلاف قطعة نادرة

يستقطب متحف تمنية في منطقة عسير زوَّاره من داخل السعودية وخارجها، محتضنًا بين جدرانه، التي يعود عمرها إلى أكثر من 250 عامًا، إرثًا تاريخيًّا غنيًّا، يتمثل في أكثر من 10.000 قطعةٍ أثريةٍ، بعضها يرجع لنحو 600 عامٍ. وفي جولةٍ لـ "الرياضية"، رصدنا اشتمال المتحف على مجموعةٍ نادرةٍ من المخطوطات القديمة، وأكثر من 200 عملةٍ تاريخيةٍ، من أبرزها درهمٌ أموي، يعود لعام 85 هـ، وعملة الريال العربي من عهد الملك عبد العزيز، رحمه الله، إضافةً إلى عملةٍ للملك خصرف، تعود لعصر ما قبل الإسلام. كذلك يحتوي المتحف على أسلحةٍ قديمةٍ مثل "الفتيل، والمقمع، والنبوت"، إلى جانب معروضاتٍ فريدةٍ من نوعها، بينها خشبة الحبس التي كانت تُستخدم بوصفها سجنًا تقليديًّا بتوجيهٍ من شيخ، أو نائب القبيلة، وكسوة الكعبة التي تعود لعام 1325هـ، إضافةً إلى مدافن الحب التي استُخدمت لتخزين الطعام قبل أكثر من 300 عام. وأعرب السائح المصري أحمد عبد الرؤوف عن إعجابه بالمتحف، مشيرًا إلى أن زيارته، شكَّلت تجربةً ثريةً وفريدةً، وفي حديثه لـ "الرياضية" قال: "حرصت على زيارة هذا المتحف لما يحتويه من مقتنياتٍ نادرةٍ، تحكي تاريخ المنطقة، وقد استمتعت بها مع عائلتي بشكلٍ كبيرٍ". من جانبه، أوضح الموظف محمد حسن، أن المتحف يشهد اهتمامًا متزايدًا من الزوار الأجانب الذين يُبدون إعجابهم بالمحتوى الأثري الغني، ويعدُّونه فرصةً للتعرُّف على التراث السعودي عن قربٍ. ويفتح المتحف أبوابه يوميًّا من الـ 04:00 عصرًا حتى الـ 10:00 مساءً، ويبلغ سعر التذكرة عشرة ريالاتٍ للكبار، فيما يُعفى الأطفال دون العاشرة والعاملات المنزليات من رسوم الدخول.

رواتب السعودية

منذ 15 ساعات

• رواتب السعودية

بالصور.. المهندس حسن أسامة فيرق نجل التشكيلية غدير حافظ يحتفل بزفافه في المدينة المنورة

نشر في: 13 يونيو، 2025 - بواسطة: خالد العلي في ليلة امتزجت فيها دموع الفرح بنسمات المدينة المنورة الطاهرة، احتفلت الفنانة التشكيلية السعودية غدير حافظ بزفاف نجلها البكر المهندس حسن أسامة فيرق على الآنسة أفنان سمير الصباغ، وذلك في إحدى قاعات الأفراح بالمدينة المنورة، وسط حضور بهيج من الأهل والأصدقاء ولفيف من الشخصيات الاجتماعية والفنية. وعبّرت غدير حافظ عن فرحتها بهذه المناسبة بقولها: »زواج ابني حسن هو ثمرة سنوات من الدعاء والانتظار، أجمل إنجاز في حياتي، ولحظة تفوق كل مشاعري.« وأضافت أنها تنتظر اللحظة التي ترى فيها ابنها الأصغر يزن أسامة فيرق، مسؤول الصحة والسلامة المهنية، يكمل مسيرته بالزواج أيضًا، قائلة إنها تواصل الدعاء ليرزقه الله شريكة حياة صالحة. وعن عروس ابنها، قالت غدير: »أفنان ليست فقط زوجة لابني، بل ابنة أكرمني الله بها… الحمد لله الذي جمع بيننا بالمحبة والدعاء.« يُذكر أن غدير حافظ تُعد من أبرز الفنانات التشكيليات في المملكة، ولها حضور واسع محليًا ودوليًا، إضافة إلى جهودها التعليمية التي أثمرت آلاف المتدربات والمواهب الفنية في السعودية وخارجها. المصدر: عاجل

صدى الالكترونية

منذ 20 ساعات

• صدى الالكترونية

أحمد السقا : اتضربت بالنار في عيني ولا أفكر في الزواج.. فيديو

كشف الفنان المصري، أحمد السقا، عن أسوء إصابة تعرض لها مشيرا إلى أنه لا يفكر في الزواج مرة أخرى. وقال السقا إنه لم يندم على أي قرار اتخذه في حياته الشخصية، أو أفلام قدمها خلال مسيرته الفنية، مشيرا إلى أنه أعزب ولا يفكر في الزواج حاليا بعد انفصاله عن زوجته الاعلامية مها الصغير. وتابع خلال تصريحاته ببرنامج «تفاعلكم» بقناة العربية: «معنديش حاجة أندم عليها… وبتمنى الستر والصحة وحسن الختام وحُب الناس إن شاء الله». ولفت إلى أنه تعرض للإصابة بسبب طلق ناري بالعين، وذلك خلال تصويره فيلم «الجزيرة» الجزء الأولى، حيث استمر في العلاج لأكثر من عام و8 شهور. وأوضح :' أسوأ واحدة كانت إصابتي في عيني لما اتضربت بالنار في عيني وكنت بصور الجزيرة 1 في الأقصر، وكان فضل من ربنا إن عيني ترجع مكانها، وقعدت سنة و8 شهور مش بشوف منها، والحمد لله عُمر الشقي بقي». وتابع : «عندي في الرأس فيه واحدة، ورجلي فيها كتير، والنص اليمين بتاع الوش، والمعدة فاضل فيها كليتين وكبد وقلب، والحمد لله قدر الله وماشاء فعل». يذكر أن فيلم «الجزيرة 1» عرض عام 2007 وهو من تأليف وإخراج شريف عرفة.