جيسيكا حسام لـ'في الفن': مكنتش أعرف تطبيقات المراهنات قبل 'منتهي الصلاحية' ونضج 'أمينة' في 'كامل العدد ++' شدني .. ودا أصعب مشهد ليا السنة دي
عام تلو الآخر تثبت الفنانة الشابة جيسيكا حسام أقدامها في عالم الفن، تقدم شخصيات مختلفة وتنال إعجاب الجمهور يتفاعل معها.هذا العام في رمضان 2025 شاركت جيسيكا حسام في مسلسل 'كامل العدد ++' لتعود بشخصية 'أمينة' لكن بشكل وطريقة تفكير مختلفة، وأيضا قدمت شخصية 'فرح' في واحد من المسلسلات المهمة مسلسل 'منتهي الصلاحية'.تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هناتحدث FilFan.com مع جيسيكا حسام عن المسلسلين وكواليسهما وأصعب المشاهد ورد فعل الجمهور.نرشح لك: أحمد السعدني: حرصت على مشاهدة أولى حلقات 'لام شمسية' مع ابني الأصغر ياسين … وظهر معي في مشهد'أمينة' في الجزء التالت من 'كامل العدد' فاجأت الجمهور بتصرفات أنضج، تحضيرك ليها السنة دي كان إزاي؟'أمينة' في 'كامل العدد ++' انضج ودي حاجة شدتني للشخصية أكتر أني هقدم 'أمينة' كل سنة غير السنة اللي قبلها، كان في تفاصيل كتير السنة دي مش موجودة في شخصيتي كـ'جيسيكا'، كنت محتاجة أفهم عن الناس اللي بيحبوا الطبيعية والتأمل عشان أعرف أقدمها بطريقة الناس تصدقها وفي نفس الوقت أكون حساها.جيسيكا حسام من مسلسل كامل العددشوفنا 'أمينة' السنة دي في مشاهد كتير مؤثرة، احكيلنا عن كواليس المشاهد ديالمشاهد اللي فيها مشاعر سواء مشاهد 'أمينة' مع باباها أو حتى لو مشاهد بكون فيها فرحانة، بحتاج أحضر لها قبلها اتواصل مع مشاعري من قبلها وأكون مرتاحه عشان وأنا بقدمها بطلع كل حاجة من جوايا وقلبي حاسسها، في مشاهد كتير حاجات في النص بتتقال أو بتتعمل مش بتكون مكتوبة بتطلع من القلب وبتكون حقيقية.إيه أكتر مشهد بتحبيه وأكتر مشهد كان صعب في 'كامل العدد ++'؟أكتر مشهد صعب وهو أكتر مشهد قريب لقلبي، لما بعرف أن 'ليلى' عندها سرطان مجمع مشاعر كتير أوي في لحظة واحدة، عرفت أن مامتي تعبانة ومش هينفع أقولها وهي بتتكلم على حاجة وانا بتكلم على حاجة والمشهد مفيهوش كلام كتير كنت محتاجه أظهر كل المشاعر من غير ما أقول ولا كلمة.انضم السنة دي لعيلة 'كامل العدد' الطفل سليم في دور 'عمر'، كلمينا عن كواليسك معاهسليم من أشطر وأذكى الأطفال اللي شفتهم أنا بحبه أوي، بينشر أجواء حلوة في التصوير هو قريب ليا أوي من أول ما شفته وسلم عليا حبيته جدا.إيه أكتر يوم مش بتنسي كواليسه في 'كامل العدد'؟أكتر يوم مش بنسى كواليسه بيكون آخر يوم بيبقى في حفلة وبيبقى مجمع الناس كلها كأنها حفلة حقيقية مش في المسلسل.شاركتي كمان في مسلسل 'منتهي الصلاحية' اللي بيتكلم عن تطبيقات المراهنات، هل كنتي تعرفي حاجة عنها قبل المسلسل؟مكنتش أعرف عن تطبيقات المراهنات قبل مسلسل 'منتهي الصلاحية' بس لما قريت السيناريو بدأت اسأل ناس ولقيت أن في ناس بتلعب ومهتمين بيه، ودا شدني للمسلسل وحسيت أنها قضية مهمة أن لازم نتكلم فيها.جيسيكا حسام من مسلسل منتهي الصلاحية'فرح' في 'منتهي الصلاحية' في مرحلة عمرية مختلفة عن أدوار قدمتيها، حضرتي للشخصية دي إزاي؟شخصية 'فرح' بالنسبة ليا كانت مريحة جدا في تناسق كبير بيني وبينها، اختيارات 'فرح' ونضج تفكيرها في مواقف معينة قريب ليا ممكن أخد نفس القرار، حسيت إني مرتاحه جدا.وأصعب مشاهدك في 'منتهي الصلاحية'؟من أصعب المشاهد مشهد معرفة 'فرح' أن باباها بيشتغل في المراهنات في الحلقة الأخيرة، كان مليان مشاعر كتير وصورناه كله ورا بعضه فكان كله عياط.كلمينا عن الشغل مع محمد فراج ودينا الشربيني والمخرج خالد الحلفاوي والمخرج تامر ناديأستاذ محمد فراج من أكتر الناس اللي بحب اتفرج عليه وهو بس بيحضر للمشهد قبل التصوير، تركيز في كل حاجة وفي كل التفاصيل.جيسيكا حسام مع محمد فراجدينا الشربيني من ألذ وأطيب وأقرب الناس لقلبي، بحبها أوي وبحب روحها وأنها بتبقى حاسه بكل واحد فينا حتى لو هي تعبانة، وأحنا كتير، وهي عايزة على طول أن الكل يبقوا كويسين.جيسيكا حسام مع دينا الشربينيأما أستاذ تامر نادي أنا بحبه جدا وقريب لقلبي، هو شخص هادي ومريح جدا في الشغل، وكذا حد قالي أن هو بيطلع أحسن ما في الممثل في المشاعر وكنت متحمسة أنه يطلع مني حاجات مختلفة ودا اللي حصل.أستاذ خالد الحلفاوي أنا بسميه مدرسة السهل الممتنع، بتفاصيل صغيرة بيغيرها من مشهد لمشهد عادي لمشهد بيضحك جدا، زي مشهد خناق 'أمينة' و'فريدة' كان مكتوب عادي لكن تفاصيل صغيرة قالها خلى المشهد ألذ بكتير.جيسيكا حسام والمخرج خالد الحلفاوياحكينا عن ردود الفعل اللي جاتلك السنة دي على أعمالك؟ردود الفعل كانت حلوة أوى من ممثلين ومخرجين، مكالمات ورسايل كتير، جاتلي رسالة من مخرجة يونانية شافت مشاهد ليا بعتتلي قالت أنها مش فاهمة الكلام لكن تعبيرات وشي خلاها تبكي منها مشاهد 'فرح' مع باباها في 'منتهي الصلاحية'.الفترة اللي جايه إيه الأدوار اللي نفسك تقدميها؟أنا حابه أني أقدم شخصيات مختلفة وبكل الأشكال بنت شعبية وبنت كلاس أقدم أدوار مختلفة استمتع بيها.اقرأ أيضا:ياسمينا علواني تعلن ارتدائها الحجاب: ديننا بيطلب مننا كدة – فيديوفيديو- على طريقة عادل إمام … ريم مصطفى ترد على منتقدي أدائها في 'سيد الناس'كريم عبد العزيز يكشف تاريخ عرض فيلم 'المشروع إكس': مايو القادم إن شاء الله'فهد البطل' في الصدارة … تعرف على المسلسلات العشرة الأعلى مشاهدة على منصة Watch iT في النصف الثاني من رمضانلا يفوتك: في الفن يكشف حقيقة وليد فواز مبدع أدوار الشرحمل آبلكيشن FilFan … و(عيش وسط النجوم) جوجل بلاي| ستور| آب جاليري|
جرب ميزات الذكاء الاصطناعي لدينا
اكتشف ما يمكن أن يفعله Daily8 AI من أجلك:
التعليقات
لا يوجد تعليقات بعد...
أخبار ذات صلة
مصرس
منذ 10 ساعات
- مصرس
هل يمكن أن يرى الجمهور «لام شمسية 2»؟.. كريم الشناوي يجيب
كشف المخرج كريم الشناوي، عن إمكانية تقديمه جزء ثاني من مسلسل «لام شمسية»، والذي تم عرضه ضمن موسم دراما رمضان 2025. وأوضح كريم قائلا :«لا .. أنا ممكن ارجع اعيد تفكير في حاجات جزء تاني يعني ممكن بعد 7 سنين من الهرشة السابعة أعمل «الهرشة السابعة 2»، يبقى عدى 7 سنين كمان ونشوف الناس دي بقت عاملة ازاي»، مضيفا خلال حلوله ضيفا على برنامج «ضيفي»، مع معتز الدمرداش :«بس نضغط على المشروع عشان نقدم جزء تاني لا».واختتم حديثه قائلا: «حاسس أني معنديش الطاقة إني اعمل جزء تاني من حاجة أنا لسه طالع منها».إقرأ ايضا: كريم الشناوي: «مش عايز الأعلى مشاهدة ومحمد سامي ميعرفش يعمل اللي بعمله»كريم الشناوي: التأجيل سبب تغيير أبطال «لام شمسية»وكان المخرج كريم الشناوي، قد أشار إلى أن تأجيل عرض مسلسل «لام شمسية»، لمدة عامين هو ما دفع لتغيير فريق العمل كاملا قائلا:«لما كنا بنحضر للمسلسل في 2022 كانت منى زكي مرشحة لدور نيللي ومتأكد أنها كانت هتعمله بشكل بديع».وتابع: «وكان فيه كاست تاني بالكامل إياد نصار وأحمد رزق وإسعاد يونس لكن لما المشروع اتوقف ورجعنا نستعد ليه كان الناس ارتباطاتها اختلفت».تفاصيل مسلسل «لام شمسية»مسلسل «لام شمسية»، من بطولة أمينة خليل وأحمد صلاح السعدني ويسرا اللوزي ومحمد شاهين وياسمينا العبد والطفل علي البيلي من تأليف مريم نعوم وإخراج كريم الشناوي.
مصرس
منذ 10 ساعات
- مصرس
كريم الشناوي: «مش عايز الأعلى مشاهدة ومحمد سامي ميعرفش يعمل اللي بعمله»
كشف المخرج كريم الشناوي عن رأيه في فكرة الأعلى مشاهدة مؤكدا على أنه لا يهتم بأن يكون مسلسله الأعلى مشاهده ولكنه يسعى لأن يكون العمل الأهم. وأوضح قائلا:«مسلسل لام شمسية مش أعلى مشاهدة.. مسلسل «إش إش» هو الأعلى مشاهدة.. بس أنا مش عايز أبقى الأعلى مشاهدة مش فارق معايا.. أنا مهتم اكتر اكون الأهم» وتابع خلال حلوله ضيفا على برنامج «ضيفي» مع معتز الدمرداش قائلا:« الموضوع له علاقة بتعريفنا إحنا عايزين نعمل إيه.. لما يبقى في مسلسل تاني أعلى مشاهدة أنا دي مش خناقتي».وأضاف:«النوعية دي لازم تبقى موجودة في ناس بتحبها وعمري ما بشوف أن المنع حل في السوق» واختتم حديثه قائلا:«محمد سامي أشطر واحد في الحتة دي.. أنا معرفش أعملها زيه بس هو ميعرفش يعمل اللي أنا بعمله». View this post on Instagram A post shared by Rabab Elghzaly (@rababelghzaly)إقرأ ايضا: منهم «منى زكي وإسعاد يونس»| كريم الشناوي يكشف أبطال «لام شمسية» قبل التغييرتفاصيل مسلسل «لام شمسية»مسلسل «لام شمسية» من بطولة أمينة خليل وأحمد صلاح السعدني ويسرا اللوزي ومحمد شاهين وياسمينا العبد والطفلة علي البيلي من تأليف مريم نعوم وإخراج كريم الشناوي.
مصرس
منذ 10 ساعات
- مصرس
محمد شاهين يبكي بسبب هذا المشهد في «لام شمسية»
تأثر الفنان محمد شاهين أثناء حديثه عن كواليس واحدة من مشاهده مع ياسمينا العبد بمسلسل "لام شمسية". وكشف شاهين كواليس مشهد وداعه لابنته زينة التي تلعب دورها ياسمينا وتأثر خلال حديثه لدرجة البكاء قائلاً: "هي الحاجة الحقيقية اللي دائما بيشوفها قدام عينية ومش بيعرف حتى يكدب على نفسه بيها ولازم يودعها وهو مش عارف هيشوفها تاني ولا .. وهو عايش حياته عشانها".وأضاف شاهين خلال حلوله ضيفًا على برنامج «الراديو بيضحك» مع فاطمة مصطفى: "في اَخر يوم تصوير من المسلسل ويعد ما صورت مشهد المحاكمة.. المخرج كريم الشناوي قال لي يلا علشان هنعمل مشهد زينة ووداعي ليها وإنا عارف إني مش هشوفها تاني ودي أكثر المشاهد المؤثرة بالنسبة لي". View this post on Instagram A post shared by Fatma Mostafa (@fatmamostafaofficial)اقرأ ايضًا : «المهم إنها عاجبة مراتي».. مسلم يرد على انتقادات بدلة زفافهتفاصيل مسلسل "لام شمسية"مسلسل "لام شمسية" والذي تم عرضه ضمن موسم رمضان 2025 من بطولة أمينة خليل وأحمد صلاح السعدني ويسرا اللوزي وياسمينا العبد والطفل علي البيلي ومحمد شاهين من تأليف مريم نعوم وإخراج كريم الشناوي.
