أحدث الأخبار مع #جيسيكاحسام
في الفن
٣٠-٠٣-٢٠٢٥
- ترفيه
- في الفن
دينا الشربيني مع جيسيكا حسام ويوسف عمر في سحور لفريق عمل "كامل العدد"
اجتمع أبطال مسلسل "كامل العدد" مجددا وهذه المرة في حفل سحور. نشرت الفنانة الشابة جيسيكا حسام عددا من الصور لها برفقة نجوم العمل. ظهرت جيسيكا حسام مع دينا الشربيني وإنجي المقدم ويوسف عمر ورانيا منصور والأطفال أبطال المسلسل. وعرض الجزء الثالث من مسلسل "كامل العدد" في النصف الأول من شهر رمضان 2025 وحقق نجاحا كبيرا. وعن فكرة تقديم جزء رابع من مسلسل "كامل العدد" قال المخرج خالد الحلفاوي في حواره مع " "العلم عند الله أنا مش بقعد أخطط هعمل إيه السنة اللي جايه، دي حاجات بمشي ورا قلبي، ومحدش بيقول لأ للفكرة الحلوة لكن حتى الآن إحنا متكلمناش في فكرة الجزء الرابع". ومسلسل "كامل العدد ++" بطولة دينا الشربيني، شريف سلامة، مريم الخشت ، أحمد كمال، أحمد جمال سعيد، تميم عبده ، ، جاسيكا حسام الدين ، مالك عماد ، حمزة دياب ، يوسف عمر ، يوسف جبريل ، لينا صوفيا ، سيليا والفنانة القديرة إسعاد يونس، وغيرهم كثير من النجوم ، المسلسل من تأليف يسر طاهر، رنا أبو الريش ومن إخراج خالد الحلفاوي.
أخبار مصر
٢٩-٠٣-٢٠٢٥
- ترفيه
- أخبار مصر
جيسيكا حسام لـ'في الفن': مكنتش أعرف تطبيقات المراهنات قبل 'منتهي الصلاحية' ونضج 'أمينة' في 'كامل العدد ++' شدني .. ودا أصعب مشهد ليا السنة دي
عام تلو الآخر تثبت الفنانة الشابة جيسيكا حسام أقدامها في عالم الفن، تقدم شخصيات مختلفة وتنال إعجاب الجمهور يتفاعل معها.هذا العام في رمضان 2025 شاركت جيسيكا حسام في مسلسل 'كامل العدد ++' لتعود بشخصية 'أمينة' لكن بشكل وطريقة تفكير مختلفة، وأيضا قدمت شخصية 'فرح' في واحد من المسلسلات المهمة مسلسل 'منتهي الصلاحية'.تابعوا قناة على الواتساب لمعرفة أحدث أخبار النجوم وجديدهم في السينما والتليفزيون اضغط هناتحدث مع جيسيكا حسام عن المسلسلين وكواليسهما وأصعب المشاهد ورد فعل الجمهور.نرشح لك: أحمد السعدني: حرصت على مشاهدة أولى حلقات 'لام شمسية' مع ابني الأصغر ياسين … وظهر معي في مشهد'أمينة' في الجزء التالت من 'كامل العدد' فاجأت الجمهور بتصرفات أنضج، تحضيرك ليها السنة دي كان إزاي؟'أمينة' في 'كامل العدد ++' انضج ودي حاجة شدتني للشخصية أكتر أني هقدم 'أمينة' كل سنة غير السنة اللي قبلها، كان في تفاصيل كتير السنة دي مش موجودة في شخصيتي كـ'جيسيكا'، كنت محتاجة أفهم عن الناس اللي بيحبوا الطبيعية والتأمل عشان أعرف أقدمها بطريقة الناس تصدقها وفي نفس الوقت أكون حساها.جيسيكا حسام من مسلسل كامل العددشوفنا 'أمينة' السنة دي في مشاهد كتير مؤثرة، احكيلنا عن كواليس المشاهد ديالمشاهد اللي فيها مشاعر سواء مشاهد 'أمينة' مع باباها أو حتى لو مشاهد بكون فيها فرحانة، بحتاج أحضر لها قبلها اتواصل مع مشاعري من قبلها وأكون مرتاحه عشان وأنا بقدمها بطلع كل حاجة من جوايا وقلبي حاسسها، في مشاهد كتير حاجات في النص بتتقال أو بتتعمل مش بتكون مكتوبة بتطلع من القلب وبتكون حقيقية.إيه أكتر مشهد بتحبيه وأكتر مشهد كان صعب في 'كامل العدد ++'؟أكتر مشهد صعب وهو أكتر مشهد قريب لقلبي، لما بعرف أن 'ليلى' عندها سرطان مجمع مشاعر كتير أوي في لحظة واحدة، عرفت أن مامتي تعبانة ومش هينفع أقولها وهي بتتكلم على حاجة وانا بتكلم على حاجة والمشهد مفيهوش كلام كتير كنت محتاجه أظهر كل المشاعر من غير ما أقول ولا كلمة.انضم السنة دي لعيلة 'كامل العدد' الطفل سليم في دور 'عمر'، كلمينا عن كواليسك معاهسليم من أشطر وأذكى الأطفال اللي شفتهم أنا بحبه أوي، بينشر أجواء حلوة في التصوير هو قريب ليا أوي من أول ما شفته وسلم عليا حبيته جدا.إيه أكتر يوم مش بتنسي كواليسه في 'كامل العدد'؟أكتر يوم مش بنسى كواليسه بيكون آخر يوم بيبقى في حفلة وبيبقى مجمع الناس كلها كأنها حفلة حقيقية مش في المسلسل.شاركتي كمان في مسلسل 'منتهي الصلاحية' اللي بيتكلم عن تطبيقات المراهنات، هل كنتي تعرفي حاجة عنها قبل المسلسل؟مكنتش أعرف عن تطبيقات المراهنات قبل مسلسل 'منتهي الصلاحية' بس لما قريت السيناريو بدأت اسأل ناس ولقيت أن في ناس بتلعب ومهتمين بيه، ودا شدني للمسلسل وحسيت أنها قضية مهمة أن لازم نتكلم فيها.جيسيكا حسام من مسلسل منتهي الصلاحية'فرح' في 'منتهي الصلاحية' في مرحلة عمرية مختلفة عن أدوار قدمتيها، حضرتي للشخصية دي إزاي؟شخصية 'فرح' بالنسبة ليا كانت مريحة جدا في تناسق كبير بيني وبينها، اختيارات 'فرح' ونضج تفكيرها في مواقف معينة قريب ليا ممكن أخد نفس القرار، حسيت إني مرتاحه جدا.وأصعب مشاهدك في 'منتهي الصلاحية'؟من أصعب المشاهد مشهد معرفة 'فرح' أن باباها بيشتغل في المراهنات في الحلقة الأخيرة، كان مليان مشاعر كتير وصورناه كله ورا بعضه فكان كله عياط.كلمينا عن الشغل مع محمد فراج ودينا الشربيني والمخرج خالد الحلفاوي والمخرج تامر ناديأستاذ محمد فراج من أكتر الناس اللي بحب اتفرج عليه وهو بس بيحضر للمشهد قبل التصوير، تركيز في كل حاجة وفي كل التفاصيل.جيسيكا حسام مع محمد فراجدينا الشربيني من ألذ وأطيب وأقرب الناس لقلبي، بحبها أوي وبحب روحها وأنها بتبقى حاسه بكل واحد فينا حتى لو هي تعبانة، وأحنا كتير، وهي عايزة على طول أن الكل يبقوا كويسين.جيسيكا حسام مع دينا الشربينيأما أستاذ تامر نادي أنا بحبه جدا وقريب لقلبي، هو شخص هادي ومريح جدا في الشغل، وكذا حد قالي أن هو بيطلع أحسن ما في الممثل في المشاعر وكنت متحمسة أنه يطلع مني حاجات مختلفة ودا اللي حصل.أستاذ خالد الحلفاوي أنا بسميه مدرسة السهل الممتنع، بتفاصيل صغيرة بيغيرها من مشهد لمشهد عادي لمشهد بيضحك جدا، زي مشهد خناق 'أمينة' و'فريدة' كان مكتوب عادي لكن تفاصيل صغيرة قالها خلى المشهد ألذ بكتير.جيسيكا حسام والمخرج خالد الحلفاوياحكينا عن ردود الفعل اللي جاتلك السنة دي على أعمالك؟ردود الفعل كانت حلوة أوى من ممثلين ومخرجين، مكالمات ورسايل كتير، جاتلي رسالة من مخرجة يونانية شافت مشاهد ليا بعتتلي قالت أنها مش فاهمة الكلام لكن تعبيرات وشي خلاها تبكي منها مشاهد 'فرح' مع باباها في 'منتهي الصلاحية'.الفترة اللي جايه إيه الأدوار اللي نفسك تقدميها؟أنا حابه أني أقدم شخصيات مختلفة وبكل الأشكال بنت شعبية وبنت كلاس أقدم أدوار مختلفة استمتع بيها.اقرأ أيضا:ياسمينا علواني تعلن ارتدائها الحجاب: ديننا بيطلب مننا كدة – فيديوفيديو- على طريقة عادل إمام … ريم مصطفى ترد على منتقدي أدائها في 'سيد الناس'كريم عبد العزيز يكشف تاريخ عرض فيلم 'المشروع إكس': مايو القادم إن شاء الله'فهد البطل' في الصدارة … تعرف على المسلسلات العشرة الأعلى مشاهدة على منصة Watch iT في النصف الثاني من رمضانلا يفوتك: في الفن يكشف حقيقة وليد فواز مبدع أدوار الشرحمل آبلكيشن FilFan … و(عيش وسط النجوم) جوجل بلاي| ستور| آب جاليري|
أخبار مصر
٢٧-٠٢-٢٠٢٥
- ترفيه
- أخبار مصر
رمضان 2025 – جيسيكا حسام ابنة محمد فراج في 'منتهي الصلاحية'
تشارك الفنانة جيسيكا حسام في موسم دراما رمضان 2025 من خلال دورها في مسلسل 'منتهي الصلاحية'.تقدم جيسيكا حسام في مسلسل 'منتهي الصلاحية' دور ابنة الفناة محمد فراج واسمها في العمل 'فرح'.تابعوا قناة على الواتساب لمعرفة أحدث أخبار النجوم وجديدهم في السينما والتليفزيون اضغط هناجيسيكا حسام في مسلسل منتهي الصلاحيةوتظهر جيسيكا حسام بدور فتاة تعيش مع والدتها المنفصلة عن والدها، لكنها تحب والدها جدا، وهي طالبة في المرحلة الثانوية تصل ضمن الأحداث لمرحلة دخول الجامعة.ونشاهد جيسيكا حسام في 'منتهي الصلاحية' بشكل جديد كشابة بعيدا عن أدوار الطفولة.طالع أيضا – 22 مسلسلا مكونا من 15 حلقة في رمضان 2025… 12 في النصف الأول و10 في النصف الثانيجيسيكا حسام ومحمد فراج في مسلسل منتهي الصلاحيةمسلسل 'منتهي الصلاحية' بطولة ياسمين رئيس ويشاركها محمد فراج، هبة مجدي، سامي مغاوري، دنيا ماهر، حسن مالك، وعدد آخر من الفنانين، وهو من تأليف محمد هشام عبيه وإخراج تامر نادي، ويعرض على قناة MBC مصر ومنصة 'شاهد' في النصف الثاني من رمضان.كما تشارك جيسيكا حسام في رمضان من خلال دور آخر في مسلسل 'كامل العدد ++' لدينا الشربيني وشريف سلامة، من إخراج خالد الحلفاوي ومن تأليف رنا أبو الريش ويسر طاهر.اقرأ أيضا:مي فاروق تلفت الأنظار بإطلالتها في حفل أم كلثوم في المتحف المصري الكبيرالعثور على جين هاكمان وزوجته متوفيان في منزلهماسعره 47 ألف جنيه … محمد رمضان يستعين بأهالي بنها بسبب قفازه: فيه مصحف غالي علياقنوات ART تكشف عن مواعيد عرض مسلسلات رمضان 2025 … المسلسل يعرض 7 مرات يوميالا يفوتك: في الفن يكشف حقيقة وليد فواز مبدع أدوار الشرحمل آبلكيشن FilFan … و(عيش وسط النجوم) جوجل بلاي| ستور| آب جاليري|
