كلاكيت تاني مرة فيزا المشتريات.. الضحك حتى البكاء

أحيانا نجد أنفسنا مشوشين ومرتبكين ولا ندري ماذا نفعل أو نقول؟ ربما نكون بحاجة إلى أن نتحدث إلى صديق أو ربما مللنا الحديث إلى أنفسنا أو تتكرر أمور قد تبدو تافهة ولكن كثرة تكرارها يجعلها أمرا مزعجا، على أي حال كل واحد فينا عنده حاجات بتدخله في الحالة دي، وأنا بطبيعتي شخص يحب الهدوء ولا أرد على المكالمات التليفونية إذا جاءت في وقت غير مناسب لي حتى وإن كنت اعرف من المتصل، هذا أمر علمته لي الأيام كما أنني أحيانا احب الانعزال عن الآخرين خلال اليوم واعمل موبيلي على FLIGHT MOOD او don't disturb
علاوة على ذلك غالبا لا أهتم بالرد على الأرقام الغربية فإذا تصادف ان اتصل بي رقم غريب فهو وحظه ممكن ارد وممكن لا.. عادي.. ولا يخطر في بالي أن أعرف من الذي كان يتصل.
أمس وفي تمام العاشرة مساء جاء لي اتصال هاتفي من رقم لا أعرفه فقمت بالرد على الفور لأني لم أكن مشغولة بعمل شيء معين ولأنها مكالمة مهمة وطريفة أحببت أن أشرككم فيها ونبدأ المكالمة التي وردت من رقم هاتف 01272587373
مساء الخير يافندم.. ا. وفاء معاي
أيوة يافندم مع حضرتك
أحمد من بنك مصر مع حضرتك يا افندم، آسف إذا كنت اتصلت بحضرتك في وقت غير مناسب
لا: اتفضل حضرتك فيه حاجة؟
بعت بنك مصر لحضرتك 3 مرات رسائل على موبيلك بطلب تحديث بياناتك، حضرتك ليه ما شرفتيناش في البنك ده إجراء مهم جدا
ما كنتش فاضية وبياناتي لم يحدث فيها تغيير، بلغهم حضرتك إن بياناتي زي ما هي تماما
بالنسبة لفيزا المشتريات تقريبا امتى آخر مرة حضرتك استخدمتيها ؟
من حوالي 3 أشهر تقريبا
ليه يا افندم هل في أي مشكلة واجهت حضرتك في التعامل بفيزا بنك مصر؟
لا إطلاقا
اسف يا افندم طب ممكن اعرف ليه حضرتك ما استخدمتهاش الفترة دي كلها
هل في أي مديونيات متراكمة عليها؟
لا خالص أنا عميل ملتزم جدا بس اكتشفت بعد فترة من استخدامها إنها فخ أنا شخص ما بيحبش يقسط بس طول ما فيزا المشتريات معاي ادخل أنا وأولادي المولات نشتري حاجات كتيرة ما لهاش أي فايدة ثم آلاقي نفسي يوم 26 نازلة على الفاتورة بمبلغ محترم فكان القبض بيطير على الفيزا فقلت لنفسي ما فيش داعي لأني استخدمها
مفيش مشكلة يا افندم: تحبي حضرتك الغيها ليكي؟، مش محتاجة تروحي الفرع
لا: يمكن احتاجها كدة كدة رسومها بسيطة
عشان كدة أنا بتصل بحضرتك.. النهاردة آخر يوم في تحديث بيانات العملاء وإذا حضرتك بياناتك ما اتحدثتش من بكرة هيتوقف حساب المشتريات الخاص بحضرتك والحساب العادي هيتجمد فيه الفوائد لمدة 6 أشهر لحد ما يتم تحديث البيانات
مش فاهمة؟!
يعني أي عميل لم يحدث بياناته هيتم عمل حظر على حساباته ولن يستطيع التعامل فيها
نفترض حضرتك اتصلت بي ولم أرد عليك كان ايه اللي هيحصل وليه البنك يتصل بالناس الساعة 10 مساء مش ده وقت متاخر
يا أفندم دي فرصتك الأخيرة من بكرة مش هتعرفي تتعاملي مع حساباتك
طب ممكن اكلم صديق لي في بنك مصر الصبح يحل لي المشكلة دي وادي له بياناتي على التليفون
لا يا افندم قسم تحديث البيانات في المركز الريئسي هو اللي ممكن يساعد حضرتك
الموضوع مش هياخد من حضرتك دقائق وهتوصل لك رسالة من بنك مصر عشان حضرتك تتطمني
الصراحة أنا كنت محتارة الشخص ده بيتكلم بطريقة محترمة ولبقة وبثقة ما شاء الله عليه متمكن والصراحة كنت خايفة أكون قدام كذب مرتب وطبعا هو شخص مدرب على طمأنة العملاء وعارف إن العميل لما يتوتر يعني مهمته هتفشل فلازم نثبت العميل بدل ما يطير، نرجع تاني للحوار
عارف إن حضرتك قلقانة وعشان اثبت لحضرتك بالفعل إني من بنك مصر بمجرد ما حضرتك هتديني الرقم المكون من 16 رقم هتيجي لحضرتك رسالة من بنك مصر وفيه إنه هيتم خصم 20 جنيه من حسابك ودي هي مصروفات بنكية لإجراء عملية التحديث والرسالة هتيجي لحضرتك وحضرتك على التليفون معاي
بعد دقائق من التفكير قلت له ماشي ومليته الأرقام وبالفعل جت من بنك مصر رسالة تقول تم خصم 20 جنيه سالته كده تمام
-لا يافندم لسه في خطوة في 3 أرقام في ظهر الكارت عشان إتمام عملية التحديث ومش هطلب من حضرتك حاجة تاني كدة هتوصل لحضرتك رسالة تاكد إتمام عملية التحديث
- قلت ok وأنا بقول في سري يا رب ما تكونش نصبة
وجت لي رسالة من بنك مصر إن في 2000 جنيه قريت له الرسالة قلت له ده ايه قال - اصل الفلوس بتتحول لحساب حضرتك بفك الحظر تدريجيا يعني 2000 في 2000
ثم جاءت من البنك رسالة بفشل العملية كله ده وهو ما شاء الله على السماعة قال لي - يبدو أن في مشكلة في السيستم ممكن نستخدم انستاباي
قلت له أنا ما عنديش انستاباي فظل منتظرًا على الحظ عشان يديني تعليمات ازاي انزل محفظة انستا باي وبعد ما انستاباي نزلت على موبيلي سبحان الله التطبيق قفل لوحده شكل موبيلي ما فيهوش سعة لتحميل انستاباي هو مزبط نفسه واتس وبس وفجاة انقطعت المكالمة يبدو أنهم بيقطعوا على الناس لما بيمر عليهم ساعة وهما بيتكلموا! وفي ثانية جاءت لي مكالمة على موبيلي من خط أرضي قال لي شخص جديد
- أنا من بنك مصر يا افندم هل حضرتك بتحاولي تعملي مشتريات من على النت بفيزا المشتريات بتاعتك بقيمة ؟
قلت له لا، ده في واحد من بنك مصر بقالة ساعة بيحدث في البيانات وقال لي حسابي هيتوقف بكرة لو ما حدثتهاش معاة، فرد المتصل
- تمام يا افندم هوقف لحضرتك كارت مشترياتك حالا وبعد أسبوع هتروحي تستلميه حضرتك مجانا من الفرع وأرجو إلا تشاركي أي شخص بياناتك أبدا واعملي للرقم اللي اتصل عليكي block
وبمجرد ما قفل بنك مصر اللي بجد.. عاد الشخص المحتال في الاتصال بنفس الهدوء اللي هو كان فيه عملت نفسي مش سامعة التليفون ورحت عاملة له حظر زي ما موظف البنك الحقيقي قال لي ولكنه لم ييأس اتصل بي من رقم اخر وهو 01272626597
يا أفندم حضرتك تليفونك فجاة فصل وبعدين ادي مشغول طول الوقت فيه ايه؟
قلت له بنك مصر كان معاي على التليفون اتصلوا بي أول ما الخط عند حضرتك قطع
قال لي وبكل ثقة يا افندم ما أنا اللي بلغتهم يكلموا حضرتك من الأرضي
قلت له طيب حضرتك عايز ايه دلوقتي
قال لي نكمل تحديث البيانات احنا خلاص في آخر خطوة
-قلت له تمام بنك مصر بلغني إنه وقف كارت فيزا المشتريات الخاص بي وهيصدر لي كارت جديد بعد أسبوع وبدون رسوم
- وبتأثر قال لي يا افندم مش قلت لحضرتك يعني بس لو الخط ما كانش قطع وأنا بكلم حضرتك كان البنك مش هيعمل الحظر ما ده اللي أنا قلته لحضرتك في أول المكالمة - فقلت له وأنا اضحك طب الحمد لله هو ما عملش حظر هو وقف الفيزا وهيعمل فيزا جديدة شكرا لحضرتك على تعاونك..
رد بمنتهي البراءة: يا افندم هو حضرتك بتضحكي على ايه انا لسه ما خلصتش المهمة - قلت له وأنا اضحك مش حضرتك بنك مصر واللي كلموني من بنك مصر واللي كلمني قال لي ما تديش بياناتك البنكية من خلال تليفون أو رسالة والبنك وقف كارتك حفاظا عليكي لأنه شك لما بعت لحضرتك 3 رسائل تحذيرية فاتصلنا بحضرتك اإ كارتك في ناس بتحاول تسحب منه فلوس مشتربات على النت من أورانج
قال الشخص المحتال: طب ما أنا برضة حذرت حضرتك في اول المكالمة
قلت تماما الحمدلله كنت هتعرض لعملية نصب وربنا سترها من عنده شكرا يارب وقفلت السكة في وشه
اعتقد إن هذا الشخص المحتال نفسيته تبعت مني وربما أحبط بشدة إن كان عنده إحساس لأنه استمر على الهاتف ساعة وربع واستخدم كل ذكاؤه اللي ربنا وهبه ليه ولكن القدر لم يعطه الفرصة فقد وقفت اللعبة في آخر لحظة أما أنا فشكرت الله كثيرا وظللت اضحك مما حدث كاني كنت اشاهد مسرحية كوميدية والصراحة كل المشاعر السلبية اللي كانت عندي تبخرت كما تبخر هذا المحتال
طبعا ممكن تسألوني وأنا ليه حكيت ليكم الحكاية دي.. حقكم تسألوا وانا هجاوبكم..
اولا: بحب اشارك خبراتي في الحياة للاخرين يمكن يلاقوا فيها حاجة تفيدهم او ربما تمنع عنهم شر كان ممكن يقعوا فيه على رأي المثل "شر البلية ما يضحك" وتقريبا كنت محتاجة لفاصل من الضحك شوية.. مش عيب انك تضحك على تصرف عملته، احيانا دة بيكون شئ صحي ودليل على انك متصالح مع نفسك ومتقبلها بكل ما فيها
ثانيا: المحتال بيكون شخص ذكي ومحضر ادواته كويس وعنده سيناريو للمفاجاءات وفاهم ومتوقع انماط العملاء اللي بيتعامل معاهم يعني لما ينتحل شخصية موظف خدمة عملاء في بنك لازم يكلمك بطريقة تجعلك لا تشك في كونه موظف في البنك وبيكلمك بصوت فيه هدوء ويحسسك انك شخص مهم وبيستخدم كلمات فيها نوع من الالفة والود واحيانا التعاطف وكانه يعرفك من زمان ويقدرك واحنا بطبيعتنا كبشر بنحب نحس اننا مهمين خاصة لو تعامل معنا شخص واحنا عندنا توتر، مضغوطين او محبطين.. لما بتكون عندنا مشاعر سلبية من السهل على المرض او المحتال اختراقنا لأنه ليست لدينا دفاعات قوية
الخوف محرك قوي يتلاعب المحتال بيه عليك دائما يحسسك إنه جاي لإنقاذك من كارثة وهو اللي بيحضر العفريت وبيعرف يصرفه وتلاقيه يخلط الكذب في الصدق بطريقة منظمة ومرتبة وهو اعصابه هادئة ونبرة صوته فيها ثقة ولا بيزعق ولا يتنرفز إلا في حالة واحدة لو عايز يقنعك انك في خطر لو ما سمعتش كلامه
وعشان اكون صريحة معاكم دي المرة الثانية لي في موضوع الكروت من سنتين اتصل بي شخص برضة وقال إني إحدى شهادتي في بنك مصر ربحت جائزة قدرها 7 آلاف جنيه والحقيقة أنا صدقته لأنه ما شاء الله قال اسمي رباعي وعشان كدة المكالمة بتاعته لم تستغرق سوى 10 دقائق أو أقل ولكن كالمعتاد ربنا سخر لي من عباده من ينقذني في اخر لحظه فاجد سمير زميلي في الشركة ينادي يا أستاذة وفاء وعمل لي اشارة بيديه معناها اقفلي الخط فقفلت في وش المتصل
ثم قال الحقي دلوقتي اتصلي بخدمة عملاء بنك مصر والـcib عشان توقفي كارتك حالا قبل ما تلاقي حساباك فاضية
والحقيقة أنا سمعت كلام سمير ونفذت ما طلبه مني جزاه الله خيرا، وقال لي ده أهم من الشغل اعمليه الأول وبالفعل الشخص حاول أن يسحب عدة مرات دون جدوى لأن على الحظ كان الحسابين ليست بهم أي أموال في ذلك اليوم بس من باب الاحتياط خفت يجرب في يوم القبض فاجد نفسي في ورطة
الحمد لله حصل خير.. أنا نفسي اقبض على الشخص ده وأمثاله ممن يحتالون على الناس ولكن لاني لست جهة أمنية أحببت فقط أن أرسل لكم اشارات تحذيرية ولكم أيها الاصدقاء كل التحية.

جرب ميزات الذكاء الاصطناعي لدينا

اكتشف ما يمكن أن يفعله Daily8 AI من أجلك:

التعلم مع الذكاء الاصطناعيالتحقق من الحقائقتحويل النص إلى كلامملخص الذكاء الاصطناعي

أخبار ذات صلة

عرب نت 5

منذ 10 دقائق

• عرب نت 5

سعر الذهب في مصر اليوم الجمعة 23-5-2025

الذهب تنتظر السوق المحلية بدء التعامل على سعر الذهب اليوم الجمعة 23 مايو 2025 في مصر، مع الساعة العاشرة صباحًا وذلك بعد تداول أعيرة الذهب على ارتفاع قبل نهاية يوم الخميس. سعر جنيه الذهب اليوم في مصر4 بلغ سعر جنيه الذهب عيار 21، قبل نهاية يوم الخميس 37080 جنيهًا، وهذا السعر يساوي الذهب الخام، بدون مصنعية أو ضريبة أو دمغة، ويزن 8 جرامات عيار الذهب 21. 6أسعار الذهب اليوم فى مصر بلغت أسعار الذهب قبل نهاية تعاملات يوم الخميس في مصر كالآتي: بلغت أسعار جرام الذهب عيار 24 نحو 5302 جنيهًا. تداولت أسعار جرام الذهب عيار 21 عند 4640 جنيهًا. وصلت أسعار جرام الذهب عيار 18 إلى 3977 جنيها. سجلت أسعار جرام الذهب عيار 14 نحو 3093 جنيهًا. أسعار الذهب اليوم في مصر- شراء سجلت أسعار الذهب قبل نهاية تعاملات يوم الخميس في مصر كالآتي: سجلت أسعار عيار الذهب 24 نحو 5280 جنيهًا. حققت أسعار عيار الذهب 21 نحو 4620 جنيها. بلغت أسعار عيار الذهب 18 نحو 3960 جنيها. تداولت أسعار عيار الذهب 14 عند 3080 جنيها.

الدستور

منذ 15 دقائق

• الدستور

سعر أنبوبة الغاز اليوم الجمعة 23 مايو 2025 في مصر

شهد سعر أنبوبة البوتاجاز اليوم الجمعة 23 مايو 2025 استقرارًا عند المستويات التي أقرتها الحكومة في أبريل الماضي، وذلك بعد إعلان لجنة التسعير التلقائي للمواد البترولية قرارها الأخير في 11 أبريل 2025، ضمن خطوات الدولة لخفض الدعم تدريجيًا والتماشي مع الأسعار العالمية. الأسعار الرسمية لأنبوبة البوتاجاز في مصر المنزلية: 200 جنيه بدلًا من 150 جنيهًا، بزيادة قدرها 33.3%. سعر أنبوبة الغاز اليوم الجمعة 23 مايو 2025 في مصر سعر أنبوبة الغاز اليوم الجمعة 23 مايو 2025 في 2025، ضمن خطة الحكومة لخفض الدعم تدريجيًا ومواكبة الأسعار العالمية: سعر أنبوبة البوتاجاز المنزلية: 200 جنيه، بدلًا من 150 جنيهًا سابقًا، بنسبة زيادة 33.3%. سعر أسطوانة البوتاجاز التجارية: 400 جنيه، مقارنة بـ300 جنيه سابقًا، بزيادة 33.3%. كما تم تحريك سعر طن الغاز الصب من 12،000 إلى 16،000 جنيه، وارتفع سعر الغاز المستخدم في قمائن الطوب إلى 210 جنيهات لكل مليون وحدة حرارية، بدلًا من 190 جنيهًا، بزيادة مماثلة. أسعار أنبوبة البوتاجاز قال المهندس كريم بدوي، وزير البترول والثروة المعدنية، إن الحكومة تستهدف تعزيز الإنتاج المحلي لتقليل فاتورة الاستيراد بنحو 1.5 مليار دولار كل ستة أشهر، وذلك في إطار خطط تقليل الاعتماد على الواردات وسداد مستحقات الشركاء الأجانب، إلى جانب دعم مشروعات البحث والاستكشاف. ورغم تحريك سعر أسطوانات البوتاجاز، فإن الحكومة قررت تثبيت أسعار البنزين والسولار حتى نهاية أكتوبر 2025، بهدف الحد من معدلات التضخم، وفقًا لتصريحات رئيس الوزراء الدكتور مصطفى مدبولي. اقرأ أيضا

الدستور

منذ 15 دقائق

• الدستور

سعر الفراخ البيضاء اليوم الجمعة 23 مايو 2025 في مصر.. تحليل السوق

شهدت أسعار الفراخ في مصر اليوم الجمعة 23 مايو 2025 تطورات ملحوظة في الأسواق المحلية، وذلك بعد أن شهدت انخفاض طفيف خلال تعاملات اليوم، تُعد الدواجن مصدرًا مهمًا للبروتين. وتتأثر أسعار الفراخ بالعديد من العوامل، بما في ذلك تكاليف الإنتاج وتوافر الأعلاف وأسعار النقل، بالإضافة إلى الطلب الموسمي والعوامل الجوية التي قد تؤثر على الإنتاج، ومع تغيرات أسعار الفراخ المستمر، نقدم لكم من خلال هذه السطور سعر الفراخ البيضاء وباقية الأنواع اليوم الجمعة 23 مايو 2025 ببورصة الدواجن في مصر. أسعار الفراخ اليوم في الاسواق المصرية أسعار الفراخ البيضاء الآن سجلت أسعار الفراخ البيضاء اليوم تغيرًا بسعر الكيلو الدواجن بمختلف أنواعها في التحديث الصباحي، وسجلت الفراخ البيضاء بالمزارع 85 جنيهًا، فيما تراوح سعرها بين 90 و100 جنيه في محلات بيع الدواجن للمستهلك وفقًا للمنطقة. أسعار الفراخ الساسو اليوم الجمعة تمتاز الساسو بجودة عالية ونكهة قوية، وسجل سعر الكيلو منها في المزارع 97 جنيهًا، فيما يتراوح السعر للمستهلك ما بين 102 إلى 112 جنيهًا. أسعار الفراخ البلدي بلغ سعر الفراخ البلدي 122 جنيهًا للكيلو في محلات البيع. سعر الفراخ الأمهات اليوم الجمعة فيما سجلت الفراخ الأمهات البيضاء، اليوم 65 جنيهًا في سعر الكيلو، ويختلف السعر بحسب المنطقة. أسعار البيض إلى جانب الدواجن، شهدت أسعار البيض أيضًا تحركات ملحوظة: البيض الأحمر: سجل سعر الكرتونة جملة 127 جنيهًا، وتُباع للمستهلك بـ137 جنيهًا. البيض الأبيض: بلغ سعر الكرتونة جملة 123 جنيهًا، وسعرها للمستهلك 133 جنيهًا. أسعار الكتاكيت اليوم في مصر سجلت أسعار الكتاكيت اليوم استقرارًا ملحوظًا، وجاءت الأسعار على النحو التالي: سعر كتكوت ساسو وساسو بيو تراوح بين 13 و14 جنيهًا. سعر الكتكوت المشعر بقيمة تتراوح ما بين 7.5 و8 جنيه. سعر الكتكوت الأبيض (قطعان) بقيمة تتراوح بين 25 و25.5 جنيه. سعر الكتكوت البلدي الحر بقيمة تتراوح بين 7 و7.5 جنيه. اقرأ أيضًا: أسعار الفراخ والأمهات اليوم الخميس 15 مايو 2025 وفقا لبورصة الدواجن أسعار الفراخ البلدي في الإسكندرية اليوم الخميس سعر الفراخ البيضاء اليوم الخميس 15 مايو 2025 في مصر آخر مستجدات بورصة الفراخ البيضاء والحمراء الخميس 15 مايو 2025