أحدث الأخبار مع #فيصل_العطيشان

الرياض

ملتقى الشعراءمن أول نفرح اليا قرّب سهيل

تُعد المساجلات الشِّعرية من أصدق أحاسيس الشاعر، والمؤثرة في القلوب، حيث تفيض بمشاعر الود والتقدير، وسعة الخيال وذلك من خلال المواضيع التي يختارها الشعراء، والأخذ والرد بينهم في هذا الفن واللون المحبوب والمطلوب فيما بينهم نظراً للانسجام الشاعري والفكري بينهم، ومن قصائد شعراء المقناص والصيد بالصقور في مقناص ما دار بين الشاعرين فيصل بن محمد العطيشان ورد خالد بن سليمان الجريش. الصوت يقول فيصل العطيشان: من أول نفرح اليا قرّب سهيل واليوم أصبح مقدم سهيل عادي ما عاد ليله سلوة (ن) للمشاكيل اللي يحبون القنص والهدادي من يوم حطوا للحباري محابيل وصارت تبيّع مع دجاج البلادي وناسٍ ترش السم وسط المحاصيل بديارها لين اقربت للنفادي ثم ابتلا المقناص ناس (ن) جواهيل ناس تدوج وما احترك بالزنادي فلاعاد بالمقناص غير البهاذيل ما عاد به غير التعب والنكادي تاخذ شهر وانتا تفر المداهيل يمكن توفق بالكثير بمصادي وين العبور ووين هاك الحفافيل اللي باثاريها زهت كل وادي واليوم راحت كنها احلام في ليل ارجو السموحة اليا رثاها فوادي الصدى لخالد الجريش: يا مرحبا ترحيبة ن كلها هيل إعداد ماعد النشاما القنادي وإعداد ما تذرى ذوار المراميل وإعداد ما هبت هبوب البرادي با أهل الوفاء والطيب واهل المعاميل يوم الدويني بالوقوف امترادي ما همهم عند الوقوف البهاذيل المال بايديهم جداه الحصادي نسل التميمي مرسل لي مراسيل يشكي من المقناص قل المصادي ماهوب عن نفسه عموم الرجاجيل وامور يذكرها ثبات وعدادي يرثى بها الصقار عزر وتناكيل يابومحمد مثلنا والمهادي بالصبر والماضي رسوم ومخاييل وأفكار نذكرها على كل بادي ما ينعدل قلبي عن البر بالميل إلا يطير طويق مثل الجرادي الله من يوم ن طردنا كما الخيل واطيورنا منها تعشاء الثنادي كل يصوّر في خياله تخاييل بالبال درج ومرج وايضا البعادي حتى المداور واذكر الدرع بالسيل وامرسها قدام عيني وكادي وان نسمت يا حلوها بالمساييل والفاقع الشارد طلوعه سنـادي ماشفت منها جارين لك تشاكيل مير أن حنا وانت حزنا سدادي بس البلا من ينقل الطير بالجيل ماهوب شايف صيد حسب اعتقادي كثر الحباري بالصقاقير تقليل والقل منهم كثرها ياسنادي میر إن حب سهيل لجل التعاليل ومرافق الاجواد لارض الحمادي ومبادل القيفان باحلا التماثيل اما يفيد علوم ولا استفادي والطير نقله يطرد الهم ويزيل غلٍ نكت بالقلب مثل السوادي وعوايدٍ ن منها صفاة وتنافيل و فوايدٍ ن شرحه طويل المرادي يقرب بها الصّقار من كل حلحيل وتجنّب القناص هرج الدوادي هذا يصبرنا على الطير ياصيل وايضا يخلينا ندوج البوادي.