أحدث الأخبار مع #مهاتراتصائم
الصحفيين بصفاقس
٢٤-٠٣-٢٠٢٥
- ترفيه
- الصحفيين بصفاقس
مهاترات صائم : يا ستاغ ..ربّي يهديك ..راك قريب تباصينا
مهاترات صائم : يا ستاغ ..ربّي يهديك ..راك قريب تباصينا 24 مارس، 18:00 والله تقول التوام متاع الصوناد والي هي الستاغ عاملة علينا بالعاني …ضربة ضربتين والضوء مقصوص …لا يعلموك ولا عاطيينك قيمة ..ها ستاغ وخيتي ما تحقرناش رانا عندنا ثلاجات وتلافز وريسبتارات …وراهم كيف تقص وترجع يمكن يتحرقوا وانت اعرف العارفين …بجاه ربي ساسينا شوية راهو حرام عليك
الصحفيين بصفاقس
١٥-٠٣-٢٠٢٥
- الصحفيين بصفاقس
مهاترات صائم : الله يرحم ضحايا الحوادث …بالله انتبهوا ونقصوا مالسرعة
مهاترات صائم : الله يرحم ضحايا الحوادث …بالله انتبهوا ونقصوا مالسرعة 15 مارس، 18:00 يا والله احوال الواحد يحل عينيه يلقى كان المصائب ..حوادث بالجملة وقتلى والي صار اليوم في القاصة الحزامية موش غريب والمكان معروف وهو نقطة سوداء مالا علاش ما ننتبهوش ؟ وما نردوش بالنا ؟ علاش الالحزن يتنقل من دار لدار من الميت لدار السائق الموقوف ….ربي يحفظنا ويحمينا الناس الكل
الصحفيين بصفاقس
١٤-٠٣-٢٠٢٥
- الصحفيين بصفاقس
مهاترات صائم : نشالله ياخذوا العبرة من حادث طريق تنيور آمس
مهاترات صائم : نشالله ياخذوا العبرة من حادث طريق تنيور آمس 14 مارس، 18:00 ما عنديش فكرة عالحادث كسفاش صار واقليّة قليلة الي كانت حاضرة تعرف وكل حد وحكايتو للاسف ولكن النتيجة كانت مرعبة ومخيفة ..واحد الله يرحمو توفى على عين المكان وسائق الحالفة والكنفيور تجرحو والكار دخلت في حيط …..تي هي السوريتراس كلها داخلة في حيط ….. والخسارة المادية كبيرة سيارة وحافلة وجدار ….زعمة الناس تاخوا العبرة من الحادث هذا ؟؟؟ والله ما ظاهرلي قدّام الي شفتو اليوم من تهوّر وسياقة متاع مجانن وربي يقدّر الخير واكهو …وقيّد على رمضان حافظ كسكاس
الصحفيين بصفاقس
٠٦-٠٣-٢٠٢٥
- منوعات
- الصحفيين بصفاقس
مهاترات صائم : حرام ..والله حرام يا صوناد …راهو شهر كريم
مهاترات صائم : حرام ..والله حرام يا صوناد …راهو شهر كريم 6 مارس، 18:00 يا والله احوال وياوالله اشياء غريبة تصير في صفاقس …الصوناد تقدّم وتوخّر وتقص الماء على خلق ربي من العصر معناها الناس تبدا في الحركة وتحضير شقان الفطر ويقص عليها الماء …والله حرام واكبر حرام وموش منطقي ولا معقول …المحطة تخدم ما شاء الله وربي عطا خيرو بالامطار ..مالا علاش القصّان ؟ شماتة ؟ والا اشياء اخرى ؟ تعرفوا اش عملتوا؟ خليتوا العباد تتهمكم باشياء خطيرة …زعمة ربي يهديكم وتنحيو هالصنعة مهما كانت الاسباب ؟؟ حافظ كسكاس
الصحفيين بصفاقس
٠٢-٠٣-٢٠٢٥
- منوعات
- الصحفيين بصفاقس
مهاترات صائم : يا ناس يا هووو….رانا صايمين
مهاترات صائم : يا ناس يا هووو….رانا صايمين 2 مارس، 18:00 يا ناس يا مواطنين رانا نحترموكم ونحترموا حريتكم …افطروا …اشربوا…اتكيفوا…..لكن احترموا حقنا في عقيدتنا …واحترموا الاغلبيّة …راهو موش فخرة كيف تجاهر بالافطار….انت في داخل داخلك ناقم على روحك وكاره روحك …راهو ربي قال ' واذا عصيتم فاستتروا' صدق الله العظيم ….واضح ؟؟؟ حافظ كسكاس
