أحدث الأخبار مع #نصرالدينا؛

24 القاهرة

زيجات وخسارة بعد الثراء.. ننفرد بنشر نص تحقيقات سفاح المعمورة بالإسكندرية وحديثه عن زوجاته وبداية عمله

استكمالا لنشر نص التحقيقات مع نصر الدين.ا؛ المحامي المتهم المعروف إعلاميا بـ سفاح المعمورة ، ننشر في هذا التقرير اعترافاته عن زوجاته البالغ عددهن 4، وأسباب انفصاله عنهن، وكذلك روى تفاصيل تكوينه ثروة طائلة وخسارته بشكل مفاجئ. ثروة طائلة و4 زيجات تفاصيل الحياة الاجتماعية لسفاح المعمورة وإليكم الجزء الثاني نن نص التحقيقات: س ما هو وصفك لحياتك الاجتماعية تحديدا ؟ ج أنا اتجوزت 4 مرات الأولى نوف ودي كانت ست سعودية اتجوزتها في عام 2010 وطلقتها في عام 2015، والطلاق كان بسبب الشغل علشان أنا كنت مشغول طول الوقت فالحياة بينا متوفقتش. لما رجعت مصر اتجوزت ثاني في عام 2018م من واحدة اسمها هدى الجوهري، وطلقتها في شهر 6 عام 2020م علشان كانت عايزاني انضم لحزب اسمه حماة وطن وأنا رفضت. الجوازة الثالثة كانت من واحدة اسمها وجدان هادي عبيد، ودي عراقية الجنسية، اتجوزتها في شهر ديسمبر عام 2019م وطلقتها في شهر مايو لسنة 2020، وطلقتها علشان خلتني أبيع العربية اللي حيلتي علشان تاخد الفلوس وتفتح كوافيير وبعدين اختلفنا فاطلقنا. الجوازة الرابعة كانت بتاعت منى الله يرحمها واتجوزنا في شهر يناير لسنة 2021 لحد ما قتلتها في شهر يناير 2024. س ما وصفك لحياتك الوظيفية تحديدا ؟ ج أنا زي ما قولت أنا اتخرجت من كلية الشريعة والقانون جامعة دمنهور سنة 2000، وسجلت في نقابة المحامين سنة 2006، وفتحت مكتب في مدينة نصر - مصطفى النحاس - الحي السابع، وده عنوان المكتب بتاعي اللي موجود في الكارنية بتاعي لحد دلوقتي. في نفس الوقت بالإضافة لشغل المحاماة كنت بزاول مهنة اسمها اعداد خطط للإنقاذ من الإفلاس كأخصائي بيساعد الشركات اللي بتتعرض لوعكة اقتصادية في انها تتعافى منها، وفضلت شغال في مصر لحد سنة 2005م، وفي السنة دي انا سافرت الأردن واشتغلت هناك في مجال القانون بردو في إعداد اللوائح الداخلية للشركات وبردو في المجال بتاع إنقاذ الشركات من الإفلاس. في 2009 سافرت السعودية وزاولت نفس المهن والدنيا مشيت معايا كويس، وبعدين دخلت في شراكة مع واحد سعودي وبدأت أعمل فلوس كويسة جدًا لدرجة ان أنا في مرحلة من المراحل كنت أحتكم على سيولة حوالي 20 مليون ريال، بالإضافة إلى المال المجمد في شركات مختلفة، لكن تعرضت لحركة غدر من الكفيل اللي كانت كفالتي عليه ومرة واحدة لقيته بلغ عني هروب فالدنيا انقلبت بيا في السعودية وفقدت كل ثروتي اللي عملتها في السعودية لحد ما رجعت مصر في حدود شهر 6 لسنة 2017، وفي الفترة دي انا رجعت تاني أزاول مهنة المحاماة وأعدت القيد في النقابة وبدأت أخد شغل جنائي ومدني وعسكري وإداري وبدأت أعمل اسم تاني في مصر. س ما هي حالتك المادية تحديدا ؟ ج في بداية حياتي أنا حالتي المادية كانت ممتازة، ولما روحت الأردن حالتي المادية اتحسنت أكثر، وبعدين لما روحت السعودية انتقلت نقلة ثانية، ومسكت ملايين الريالات في أيدي لدرجة أن كان عندي فيلا في مدينة أبها، وفيلا في مدينة مكة المكرمة، وكان عندي كذا عربية ما بين لاند كروزر وكيا مواها في ودي عربية منزلش مصر أصلا. وصلت لدرجة من الغنى أن أنا أديت الكفيل بتاعي عربية من عربيات اللاند كروزر بتاعتي بس زي ما قولت غدر بيا، وبلغ عني هروب نكاية فيا وعلشان يستولى على الشركة اللي ما بينا، وفي لحظة واحدة فقدت كل ممتلكاتي وقعدت اضبش في السعودية لحد ما اضطريت أني رجع مصر علشان أبدأ شغل من أول وجديد، ومن ساعتها الدنيا مكانش أحسن حاجة معايا ومبقتش قادر أعيش في نفس المستوى اللي كنت عليه، وزاد على كدة أني كنت اشتريت عربية تويونا كرور لا موديل 2008 بعد ما رجعت مصر وبعتها بعد كده علشان خاطر وجدان مراتي زي ما قولت وأخدت هي الفلوس وفتحت كوافير والدنيا زادت سوء معايا. س وما هي مظاهر تدهور حالتك المادية ؟ ج أنا كنت رجل في السعودية عندي فلل وعربيات والفلوس بتجري في ايدي، واتحولت مرة واحدة لشخص عنده عربية موديل 2008 وبعتها كمان ومشتريتش بعدها، وكمان كذا شقة من اللي كنت مأجرهم كنت بضطر أعملهم مكتب وشقة سكنية في نفس الوقت. ميول للعنف منذ الطفولة.. ننفرد بنشر نص تحقيقات سفاح المعمورة وحديثه عن نشأته| الجزء 1 ننشر نص تضارب أقوال سفاح المعمورة مع تقرير الصفة التشريحية في قتل ضحيته تركية| خاص مفاجأة.. تفريغ هاتف سفاح المعمورة يكشف تزعمه لشبكة دعارة في الإسكندرية| تحقيقات مكتشفة واقعة سفاح المعمورة: كان محرج عليا أدخل الأوضة ولما فتحتها لقيتها مقبرة| تحقيقات