باكية على الهواء.. أنغام ترد على الزج باسمها في أزمة الفنانة شيرين
وكشفت أنغام، خلال مداخلة هاتفية مع برنامج "كلمة أخيرة" الذي تقدمه الإعلامية لميس الحديدي على شاشة ON، أنها كانت في المستشفى منذ السبت الماضي بسبب وعكة صحية مفاجئة، قائلة: "أنا فعلًا في المستشفى بعد وعكة صحية حصلت بشكل مفاجئ يوم الأربعاء الماضي. شعرت بتعب شديد وتم نقلي للمستشفى صباح السبت. الحقيقة مكنتش عايزة حد يعرف علشان كنت تعبانة جدًا ومكنتش قادرة أستقبل زيارات ولا أشرح حالتي الصحية، فقررت مافيش داعي أقول علشان أرتاح شوية."وأضافت: "كنت فاكرة إني داخلة المستشفى يوم واحد آخد مسكنات وأعمل فحوصات وأخرج، لكن الموضوع طلع محتاج فترة أطول، والحمد لله الموضوع بسيط بس محتاج صبر واستشارات."وحول الحملة التي استهدفتها، قالت: "أنا مكنتش مصدقة الكلام خالص. أنا مش من الشخصيات اللي بتحب تدافع عن نفسها ولا بترد على الشائعات، ولا بدخل في مهاترات، وده منهجي في حياتي من زمان سواء على المستوى الشخصي أو المهني. أنا طول عمري بسيب الأمور تختفي لوحدها، وربنا بينصفني دايمًا."وتابعت: "أنا ست اللي يعرفني كويس عارف إني مش بتاعة مشاكل، ولا بدعي المثالية، أنا إنسانة عادية بحب شغلي وبحترم جمهوري، وحتى اللي مش بيحبني بحترمه، لأن مفيش فنان بيتفق عليه كل الناس، وده طبيعي لأن الأذواق بتختلف."وأوضحت: "الظلم المرة دي غير محتمل، لا قادرة أتكلم ولا قادرة أسكت، لكن الأمر وصل لدرجة التجريح والشتائم والتلميحات اللي مش مقبولة من ناس المفروض مسؤولين وزملاء. البعض بيقول إحنا عارفين مين ورا الحملة، والفانز بتوع المطربة المنافسة بيتكلموا وكأنهم عارفين حاجة، وفي مواقع كتبت اسمي بشكل مباشر."وأضافت: "ليه الشتيمة والتجريح وأنا في المستشفى؟! محدش كان يعرف غير أقرب الناس ليا. وأنا على سرير المستشفى لقيت ناس بتبعتلي وبتشتمني وأنا مالي! هو أنا ليه علاقة بالمشكلة اللي حصلت في الحفلة؟! أنا مالي! ضمائركم راحت فين؟!"وأردفت: "حتى لو مكنتش في المستشفى، مالي؟! أنا تحملت أربع سنين من التلميحات حتى منها شخصيًا، ومع ذلك ماردتش ولا مرة. كنت بزعل بيني وبين نفسي وكنت بعذرها كتير. لكن نوصل لمرحلة توجيه الناس ضدي؟! تطلعوني كأني بتآمر وأقود حملات ضد زميلة؟! ده ظلم وحرام وعيب."وأكدت: "أنا لا أتهمها شخصيًا، لكن في ناس حواليها بيقولوا كده وبيوجهوا الناس لكده. أنا مش هقول إني أكبر من كده وهي كمان أكبر من كده، بس عيب اللي بيحصل. واللي بيحاولوا يقربوا منها بطريقة مغلوطة يقولوا لها تحبها وتشجعها براحتك، لكن مالهمش دعوة بيا."وحذرت أنغام: "أي شخص هيتمادى وهيجيب سيريتي، مش هسكت. أنا فعلاً تعبت. ورفعت قضية على شاب قبل كده كتب عني على تويتر وقال 'مش هترحمي شيرين يا أنغام' وكسبت القضية اتحبس. وأي حد هيتجرأ تاني ويزج بإسمي مش هسكت."ولم تتمالك أنغام نفسها خلال المداخلة وبكت قائلة: "كفاية ظلم، كفاية كره، كفاية حقد. أنا تعبت. سبوني في حالي. محدش ليه دعوة بنيتي، ربنا اللي هيحاسبني. كفاية توجيه حملات ضدي."واختتمت: "لما إعلامي يطلع يدافع عن شيرين له كل الاحترام، لكن وإنت بتبص على شيرين، بص كمان على أنغام اللي مالهاش علاقة بالموضوع. كفاية مقارنة عقيمة ومؤذية. هي اسمها شيرين وأنا اسمي أنغام، ليها جمهورها وليا جمهوري. ربنا يكرمنا كلنا.
جرب ميزات الذكاء الاصطناعي لدينا
اكتشف ما يمكن أن يفعله Daily8 AI من أجلك:
التعليقات
لا يوجد تعليقات بعد...
أخبار ذات صلة
في الفن
منذ 6 ساعات
- في الفن
فيديو - ميار الببلاوي: أنغام وشيرين عبد الوهاب مش محتاجين يضربوا في بعض تحت الحزام
قالت الفنانة ميار الببلاوي إن الجمهور يشعر بالإحباط عندما يحرص على شراء تذكرة لحفل مطربه المفضل، ثم يفاجأ بأن مطربه المفضل يغني بطريقة "بلاي باك". وأضافت خلال تقديم برنامج "أنا حوا" عبر قناة الشمس الزرقاء: "إنك تدفع تذكرة وتحارب علشان تلاقي مكان صف أول وتسمع مطربك المفضل وتتسلطن معاه، ده بيجيب إحباط للناس لما تلاقي المطرب طالع يغني بلاي باك". تابعوا قناة على الواتساب لمعرفة أحدث أخبار النجوم وجديدهم في السينما والتليفزيون اضغط هنا وتابعت: "طيب ما أنا أسمع المطرب في البيت أو التليفون أو التليفزيون، البلاي باك مسموح للأصوات الضعيفية، المؤدين وليسوا مطربين". وتعليقا على الاتهامات التي وجهت للنجمة أنغام بتوجيه حملات ضد النجمة شيرين عبد الوهاب بعد حفلها الأخير بمهرجان "موازين" الدولي في المغرب، قالت ميار الببلاوي: "أنغام وشيرين الاثنين كلهم أحاسيس، لا أنغام ولا شيرين محتاجين يخبطوا في بعض من تحت الحزام، أو يعملوا مقالب ودسائس لبعض. أنغام نجمة لها ثقلها، وشيرين نجمة لها ثقلها". طالع أيضا - يا بختي .. رسالة منة القيعي لعمرو دياب بعد أول تعاون بينهما في "يابخته" وعلقت ميار الببلاوي على إطلالة شيرين في الحفل قائلة: "العباية كانت وحشة يا شيرين ومش عاجباني، إنت ممكن تلبسي أحلى من كده". وحرصت ميار الببلاوي على الدعاء لأنغام بالشفاء العاجل قائلة: "ألف مليون سلامة عليكي يا أنغام، دموعك غالية علينا يا صوت مصر". وكانت أنغام ردت على الشائعات التي طالتها مؤخرًا بشأن الحملة الموجهة ضد الفنانة شيرين عبدالوهاب بعد حفلها في مهرجان موازين، وما تردد عن أن أنغام كانت السبب وراء هذه الحملة. (التفاصيل) اقرأ أيضا: أحمد فهمي يروي قصة عن معجب ناداه في الشارع بـ"كلب السقا": مكنتش عارف اللي قال كدة أتصور معاه ولا أشتمه عمرو دياب يتعاون مع ابنيه جنا وعبد الله في ألبومه الجديد "ابتدينا" بيومي فؤاد: اعتذر لو زعلت حد من غير قصد ... حقك عليا رضوى الشربيني لشيرين عبد الوهاب: لازم تحبي نفسك شوية.. ده انتي نص أغانيكي عن إزاي نحب نفسنا لا يفوتك: ليه جمهور المغرب زعل من شيرين عبد الوهاب؟ حمل آبلكيشن FilFan ... و(عيش وسط النجوم) جوجل بلاي| آب ستور| هواوي آب جاليري|
في الفن
منذ 6 ساعات
- في الفن
فيديو - ياسمين الخطيب: شيرين عبد الوهاب تتعرض لاغتيال معنوي ممنهج ... وأنغام تم الزج باسمها في شائعات هبلة وعبيطة
قالت الإعلامية ياسمين الخطيب إن المطربة شيرين عبد الوهاب تتعرض لاغتيال معنوي ممنهج. وأضافت خلال تقديمها برنامج "مساء الياسمين" عبر قناة الشمس: "شيرين عبد الوهاب مش مجرد مطربة بتتعرض لهجمة انتقادات، شيرين موهبة مصرية كبيرة بتتعرض لاغتيال معنوي ممنهج". تابعوا قناة على الواتساب لمعرفة أحدث أخبار النجوم وجديدهم في السينما والتليفزيون اضغط هنا وأشارت ياسمين الخطيب إلى الانتقادات التي تعرضت لها شيرين بعد حفلها الأخير بمهرجان "موازين" الدولي في المغرب قائلة: "قيل إن شيرين غنت عن طريق البلاي باك، ومقدرتش تغني على المسرح وده كلام مش صحيح، هي غنت لمدة ساعتين وربع، وأول أغنية بس كانت بلاي باك، وربما بعض الجمهور وأعتقد إنهم قلة تعجلوا ومشيوا، ونقلت الفيديوهات للسوشيال ميديا على إن الجمهور المغربي غاضب". وتابعت ياسمين الخطيب: "الجمهور المغربي يكن محبة كبيرة جدا للمصريين بشكل عام وللمبدعين المصريين بشكل خاص، وأعتقد إن شيرين اختارت المغرب تحديدا بعد غياب طويل لأن الجمهور المغربي متذوق للفن". طالع أيضا - إليسا تستمتع برحلة بحرية في أحدث جلسة تصوير وعلقت ياسمين الخطيب على اتهام البعض المطربة أنغام بالوقف خلف حملة انتقادات شيرين قائلة: "أنغام تم الزج باسمها وأعتقد طالها أذى كبير من ترويج شائعات هبلة وعبيطة". وأكملت: "مش ممكن نجمة بحجم أنغام وتألقها تنتظر سقوط شيرين أو أي زميلة لها علشان تزداد نجومية، لا أنغام هتزيد بسقوط شيرين، ولا شيرين هينتقص منها الهجمات". وكانت أنغام ردت على الشائعات التي طالتها مؤخرًا بشأن الحملة الموجهة ضد الفنانة شيرين عبدالوهاب بعد حفلها في مهرجان موازين، وما تردد عن أن أنغام كانت السبب وراء هذه الحملة. (التفاصيل) اقرأ أيضا: نسرين طافش بفستان وردي أنيق على شاطيء البحر ياسمين رئيس من أول يوم تصوير فيلمها الست لما - صور أجمل يوم في عمري.. إيناس عزالدين تحتفل بتخرج ابنتها نغم #شرطة_الموضة: تفاصيل إطلالة عمرو دياب في بوستر "ابتدينا" ... سعرها 48 مليون ونصف المليون جنيه لا يفوتك: ليه جمهور المغرب زعل من شيرين عبد الوهاب؟ حمل آبلكيشن FilFan ... و(عيش وسط النجوم) جوجل بلاي| آب ستور| هواوي آب جاليري|
الدستور
منذ 9 ساعات
- الدستور
هند الضاوي لـ"معكم": "اليهود أخذوا قرار بأنهم ميطلعوش معايا في مداخلات"
أكدت الإعلامية هند الضاوي، أنها لا تتجاوز في حياتها في حق أي أحد، معقبة: "لكن هناك مواقف لا يمكن تمريرها، وهو ما حدث في اللقاء مع إيدى كوهين، ولذا كل اليهود اللى بيقدموا أخذوا قرار أنهم ميطلعوش معايا فى مداخلات". وأضافت الإعلامية هند الضاوي خلال لقاءها ببرنامج "معكم" الذي تقدمه الإعلامية منى الشاذلي، عبر قناة ON: "أن حوارها مع الصحفي الإسرائيلي إيدى كوهين، كان في مواجهة عبر برنامج "اسأل أكتر" المُذاع عبر فضائية روسيا اليوم، وكان الرد عليه بسبب وصف "النسوان" الذي ردده. وأوضحت أن اليهودى عندما لا يستطيع أن يتغلب على خصمه في حواره، فإنه يتجاوز في شخصه أو معتقداته أو في دولته، لافتة إلى أنه يهودي من أصل لبناني ويعمل على إيقاع الفتنة ما بين العرب وبعضهم، ويروج لرسائل إسرائيلية بالعربية، والتحقير والتقليل من كلمة "ست" وهى الست. وتابعت: "طول المناظرة حاول تغيير كل ما أقوله على أنه رغى وكلام وخلاص، لكنه لم يتمكن من قلب الترابيزة، وهو يلعب على فكرة الخديعة في الثواني الأخيرة". وتابعت: "أعرف النقاط التي أعمل عليها سبوت معينة حتى أرد عليها، خاصة وأنا أمتلك من الوقت 30 ثانية فقط للرد، في حين هم يأخذون وقتًا أطول مني، وفي حال حاولت أقاطعهم كمذيع أو ضيف آخر، لكنهم يقولون انتظري أو اعطيني دقيقة ويقومون بعمل ألاعيب". وأردفت: "في النهاية هذه ملفاتي، وقدرتي على الرد لم تأت من يوم وليلة، لكنها في النهاية خبرة 14 سنة في هذه الملفات، فأصبحت حافظة لها، أصبحت أعرف ماذا سيقول وإلى أي اتجاه سيأخذنا".
