يا أخوانا بالله شوفوا لينا حل…

العمود الحر
عبدالعزيز المازري
يا أخوانا بالله شوفوا لينا حل…
شكلنا نحنا ذاتنا ما فهمنا المشروع،
لأنو حسب آخر التقارير العالمية، الهلال دا طالع الأول في ترتيب الدوري الموريتاني القوي جدًا، وكمان على المريخ،
وفات برشلونة، وسابق ريال مدريد في الإحصائيات بتاعة 'كنترول اللعب وقت ما تكون ماشي علي حبل'.
يا جماعة الهلال دا عندو فريق؟
ولا أحلى!
فريق بيرقص في الملعب زي ما تقول جاز صوفي.
الااولا مكاشفي القوم
يطوف بين قوله نظر بالعين
شالوا شلوشله من يد لي يد
لي مكاشفي ابو دله كلامه متين
التمريرات بالبصيرة، والخطط بالرادار، وتبديلات المدرب بيجيبها من علم الفلك.
الهلال دا بقى برازيل أفريقيا؟
في العهد الحالي
أكتر كمان!
بس البرازيل ذاتها هسع لو لعبت معانا، بتتعادل بالعافية.
ما شاء الله الفريق متصدر الدوري الموريتاني (واسمو فوق قاعد في ترتيب الجدول)،
في زول بغالطنا كمان؟
والحمد لله… صدارة وجدارة وإدارة، وما في إدارة غيرنا!
وكان جيبت للأجانب ديل؟ بقي ديل حتة تانية خااااااااااااااااااالص!
يا سلام على الاختيارات… العليقي داسي الكورة صاح، واختيارات من بيت الكلاوي.
الزول الكان بجيب بطيخ في الدوري السنغال، معانا ضيوف وعينك ما تشوف، هسع ماسك الدفاع عندنا.
واللي كان بيسوق ركشة في ساحل العاج ، قصدي بسوق وبحاور في الدوري الموريتاني، أسه معانا.
**طيب العليقي؟**
زيو مافي!
دا ما مجلس، دا أكاديمية قرارات.
كل تصريح منو بيرجف ليهو السوق العربي.
يعني شنو 'مهاجم سوبر'؟ إنتو ما شايفين الجماعية في الفريق كيف، والأقوان المطر؟
**المشروع؟**
أول مرة يُطبق في التاريخ، وظروف الحرب خلتنا نبدع.
يعني هسع نحنا بنصرف وبنبني، والفرق التانية مشغولة، وفي الأبطال مشوا سجلوا وعملوا شنو؟
أهو الأهلي ملايين وخرج كما ولدته أمه.
**وتاني برجع لفلوران؟**
أووووه، دا ما مدرب… دا مُعلّم!
منتصر على كهيدي، والفرق الكبيرة في أبطال أفريقيا!
يا أخي دا ضرب الجماعة كلهم، وعلى القنوات الناقلة ذاتها كلهم بشكرو، إلا البرنس هيثم مصطفى.
هيثم شنو؟
هيثم زاتو مشى المريخ، يكون مع الجماعة الحاقدين على الهلال لمن أتكلم على فلوران المؤسس.
بس بالله ما تسمعوا لكلام الحاقدين البيقولوا المدرب بيتوه، أو الإدارة بتقصّر.
ديل ناس عندهم حقد تاريخي،
شايفين الهلال في الطالع وما قادرين يبلعوا القصة.
**النقد؟**
كلمة بايخة.
أي زول بقول كلام غير 'الهلال بخير'، دا ضد الاستقرار، ضد المشروع، ضد الوطن.
كمان دلقون عديل!
يا ناس، نحنا ما فشلنا، نحنا بس سابقين الزمن.
النتائج الما كويسة دي جزء من الخطة،
وكل إخفاق هو نجاح بنكهة التخدير.
بس بالله خلوكم معانا…
وأي زول يتكلم، قولوا ليهو:
'معذرة… يمكن إنت الما فاهم المشروع!'
**كلامي أصلو ما بخلص، لأنو دا الهلال، ونحن عشاقو، والباقين البينتقدوا ديل ما دايرين مصلحة نادينا.**
الهلال دا… ولا ريال مدريد أيام كاسياس!
يا جماعة الخير بالله خلوني أقول الكلام الداير أقولو لي سنين ما قلتو.
انا شاف براي ومعاي الناس البحبو الهلال
**الهلال؟**
يا سلام سلم!
الهلال دا هسع لو دخل دوري أبطال أوروبا… بتلاقي السيتي بيحاول يتهرب من مواجهتو،
والإنتر زاتو بعد طير البارسا بعمل الف حساب.
يا زول دا فريق؟
فوق الفريق!
مزيج بين مانشستر يونايتد زمن بيكهام.
أنا لو مدرب الصقور، كان عملت البدع وخليت الهلال دا المنتخب، ويمثلنا في أفريقيا.
لكن تقول شنو؟ كواسيا ابياه دا مدرب فاشل ساي… أسه شوفو وقارنو بفلوران.
غايتو أنا من ما شفت، مجلسنا دا عرفت الهلال ماشي صاح، ما زي كل المجالس السابقة أبدًا.
لا بشبهم، لا بشبههو.
دا مجلس الإنجاز والإعجاز عديل… ما شفت مجلس زي دا.
قال يقصروا؟ يقصروا وين؟
ديل لو قصروا، بيكون قميصهم ضيق ساكت!
الناس ما بتشوف… يكون مدفوعين من الدلاقين ولا أقطاب الهلال.
الناس البتنتقد دي ما عارفة أي حاجة.
برااااااااااااااحة كده شوفو الأجانب…
دي اختيارات ما حصلت.
اللاعبين الأجانب ديل بجيبوا ليك السخانة وهم في الشتاء.
المهاجم بيسجل من منطقة دفاعنا،
والحارس شايل معاه شبكة وصنارة، يقبض الكور زي السمك.
**أقول لييكم حاجة؟**
أرجع تاني لفلوران عشان أوريكم الزول دا حملات الحقد ضدو.
دا مش مدرب… دا جراح نفسي.
بيفك ضغوط اللاعبين زي ما الدكتور بيفك الجبص.
بقرأ المباراة من وش الشاشة، وبيقلب النتيجة بصرة وش ساي.
والشاشة غشاشه
والناس البتقول 'المدرب السبب'؟
ديل ناس ضد التقدم، ضد الحضارة، وضد الـ Wi-Fi.
أصلو أي زول بسأل ليه لعبنا كدا؟ بنقول ليهو:
دا جزء من الخطة… إنحنا بنلعب شطرنج، ما كورة ساي.
والناس الما عندها صبر، كان تسألوا عن النتائج؟
أبشروا… كلها وهم بصري.
نحنا بنخسر، بس بنربح في المعنويات.
التعادلات موجهة، والخسارات مقصودة.
دا شغل عالي… فوق الفهم.
**الحرب؟**
سببنا الأول والأخير.
يعني الهلال ما عندو ملعب ولا جمهور، لكن ما شاء الله عندو مشروع وأمل وروح بتطير.
### كلمة حرة وكده:
أعذروني يا جماعة…
أنا اليوم ما أنا،
لابس نضارة 'بوغ'،
لابس بوت تطبيل رقم 9.5،
ومعاي ساكسفون الهجيج في فرقة تمجيد المشروع القومي للبلدوزر الإداري.
لو سمعتوني بعزف 'فلوران سيمفوني رقم واحد'،
فدا لأنو مزاجي عالي…
ونحن ما بنهذر معاكم !
نحن بنعزف… ونطبل… وننام على صوت الهزيمة، وهي لابسة فستان النصر.
العليقي قال… نقلب الصفحة ونكتب في كتاب المجد!
نحنا يا جماعة ما فريق…
نحنا 'دولة فنية' عندها نشيد وطني خاص بيها:
**'مشروعنا دا لو فهمتوا… بتشوف القون قبل ما يتسجل'.**
**الهلال هسع؟**
ولا كأنو نادي، دا معهد عالي لتعليم الإبداع الكروي.
كل تمريرة ورقة علمية، وكل تبديل رسالة ماجستير.
اللاعبين قاعدين يناقشوا خطط اللعب بمصطلحات من مؤتمر الأمم المتحدة!
أي زول بيقول فلوران فشل؟
دا أكيد ما تابع 'المشروع' من أولو،
أو ما استوعب إنو الانتصارات في عهدنا بقت معنوية…
نحن بنخسر بالنتيجة،
لكن بنفوز بالحلم!
**تقول لي الأجانب؟**
ما تخلي قلبي يرفرف!
واحد سريع زي رسائل الـ WhatsApp،
وتاني بيقطع الكورة زي مكنة اللحمة في الجزارة
**الهلال ما سجل مهاجم؟**
دا جزء من الخطة البعيدة…
نحن بنلعب من غير مهاجم، عشان نلعب عقول الناس قبل نلعب كورة.
**طبعًا الحرب مأثرة…**
لكن نحنا، رغم الحرب، عندنا مشروع،
وفي زحمة الكلاش، بنبني طموح.
**بالمناسبة، لو أي زول سألنا:**
ليه الفريق بيخسر؟
نقول ليه:
**النتيجة بتخدع… المشروع هو الصح!**
### اخر كلمة :
يا أحباب،
اليوم أنا كاتب المقال دا وقلبي مليان هتاف،
لابس نضارة مشروع بعيون وردية،
لابس بوت 'ما تقاطع التطبيل' المقاوم للصدمات،
وشايل دف تمجيد فوق كتفي.
أنا اليوم ما ناقد…
أنا عازف في أوركسترا الفلاشات،
وغنيت مع الكورال:
**'يا فلوران سير… ونحن وراك صفوف،
حتى لو خسرنا، بنقول انتصاراتنا ظروف!'**
وغنوا معاي:
**'كل ما يمر صباح زايد على شوقك.. الله يصبرك'**،
**'وياما صبرنا على جفاك يا الغالي قدرك عندنا'**،
**'وأغالب دمعي واتصبر وأقول يا الله صبرني'.**

جرب ميزات الذكاء الاصطناعي لدينا

اكتشف ما يمكن أن يفعله Daily8 AI من أجلك:

التعلم مع الذكاء الاصطناعيالتحقق من الحقائقتحويل النص إلى كلامملخص الذكاء الاصطناعي

أخبار ذات صلة

حضرموت نت

منذ ساعة واحدة

• حضرموت نت

مواعيد مباريات اليوم الأربعاء.. توتنهام ضد مان يونايتد والنصر أمام الخليج

يستعرض موقع وتليفزيون 'كورة بلس' في السطور التالية مواعيد مباريات اليوم حيث تأتي مواجهة توتنهام ضد مانشستر يونايتد في نهائي بطولة الدوري الأوروبي على قمة تلك اللقاءات. وفي بطولة كأس عاصمة مصر ، تقام مواجهتين قويتين حيث يلتقي بتروجت ضد سيراميكا كليوباترا وحرس الحدود أمام إنبي. وبثلاثة مواجهات في الدوري السعودي، يكون النصر على موعد مع الخليج والخلود أمام الفيحاء والوحدة ضد الهلال. مواعيد مباريات كأس عاصمة مصر بتروجت X سيراميكا كيلوباترا – 7 مساء – كورة بلس حرس الحدود X إنبي – 7 مساء -كورة بلس موعد مباراة نهائي الدوري الأوروبي والقنوات الناقلة توتنهام X مانشستر يونايتد – 10 مساء – beIN Sports HD 1 مواعيد مباريات الدوري السعودي والقنوات الناقلة النصر X الخليج – 7.10 مساء الخلود X الفيحاء – 7.25 مساء الوحدة X الهلال – 9 مساء

حضرموت نت

منذ 2 ساعات

• حضرموت نت

ملخص وأهداف مباراة مانشستر سيتي ضد بورنموث في الدوري الإنجليزي 'فيديو'

يقدم لكم موقع كورة بلس ملخصًا شاملًا وأهداف مباراة مانشستر سيتي ضد بورنموث، والتي أقيمت ضمن منافسات الجولة السابعة والثلاثين من بطولة الدوري الإنجليزي الممتاز، وشهدت تألقًا لافتًا للنجم المصري عمر مرموش الذي سجل هدفًا عالميًا منح به التقدم لفريقه في الشوط الأول. هدف عالمي لعمر مرموش شهدت الدقيقة 15 من عمر المباراة لحظة مميزة حينما أطلق عمر مرموش تسديدة صاروخية من خارج منطقة الجزاء سكنت شباك بورنموث، معلنًا عن تقدم مانشستر سيتي بهدف رائع، نال إعجاب الجماهير والمتابعين حول العالم. ويأتي هذا الهدف ليؤكد على جاهزية مرموش ومكانته بين نجوم الفريق في واحدة من أصعب مراحل الموسم. سيلفا يضاعف النتيجة لمانشستر سيتي تشكيل مانشستر سيتي أمام بورنموث دخل المدرب بيب جوارديولا المواجهة بالتشكيل التالي: حراسة المرمى: إيدرسون خط الدفاع: نونيز، روبن دياز، جفارديول، أكانجي خط الوسط: ماتيو كوفاسيتش، إيلكاي جوندوجان، بيرناردو سيلفا، كيفين دي بروين خط الهجوم: عمر مرموش، إيرلينج هالاند رودري على دكة البدلاء شهدت قائمة السيتي تواجد النجم الإسباني رودري على دكة البدلاء، بعد غياب طويل استمر منذ سبتمبر الماضي بسبب إصابة في الرباط الصليبي. ووفقًا لصحيفة 'آس' الإسبانية، فإن رودري بات جاهزًا للعودة التدريجية، ويأمل الفريق أن يسهم ظهوره في استعادة التوازن الفني. السيتي يسعى للعودة والانتصار خاض مانشستر سيتي هذه المباراة بهدف استعادة نغمة الانتصارات، خاصة بعد خيبة الأمل التي لحقت به عقب خسارة نهائي كأس الاتحاد الإنجليزي أمام كريستال بالاس. ويحتل السيتي الآن المركز السادس في جدول ترتيب الدوري برصيد 65 نقطة، ويطمح إلى تأمين مقعد في دوري أبطال أوروبا للموسم القادم، حيث تفصله نقطة واحدة فقط عن فرق المراكز المؤهلة مثل نيوكاسل وتشيلسي وأستون فيلا. موقف بورنموث قبل المباراة أما فريق بورنموث، فقد دخل المواجهة وهو في المركز الحادي عشر برصيد 53 نقطة، ويأمل في تحقيق نتيجة إيجابية أمام أحد أقوى فرق البطولة، خصوصًا وأنه يسعى لتحسين موقعه في جدول الترتيب قبل نهاية الموسم.

حضرموت نت

منذ 4 ساعات

• حضرموت نت

مانشستر سيتي ينتصر بثلاثية أمام بورنموث وتألق لافت لعمر مرموش 'فيديو'

حقق مانشستر سيتي فوزًا مثيرًا على حساب بورنموث بثلاثية مقابل هدف بالمباراة التي جرت بين الفريقين، ضمن منافسات الجولة السابعة والثلاثين من الدوري الإنجليزي الممتاز. وشهدت المواجهة تألق النجم المصري عمر مرموش، الذي افتتح التسجيل بهدف عالمي، قبل أن يعزز برناردو سيلفا النتيجة لصالح السيتي، ليقتنص الفريق ثلاث نقاط ثمينة في صراعه على المراكز الأوروبية. هدف عالمي لعمر مرموش دخل مانشستر سيتي اللقاء بقوة وفرض سيطرته منذ الدقائق الأولى، وترجم تفوقه بهدف مذهل عن طريق عمر مرموش في الدقيقة 15، حيث أطلق تسديدة صاروخية من خارج منطقة الجزاء استقرت في الزاوية العليا لمرمى بورنموث، وسط دهشة الجماهير والمحللين على حد سواء. الهدف الذي أظهر إمكانيات مرموش الفنية العالية، جاء تتويجًا لأداء مميز قدمه اللاعب منذ بداية اللقاء، وأكد مكانته كلاعب مؤثر في تشكيلة المدرب بيب جوارديولا في مرحلة حاسمة من الموسم. سيلفا يضاعف النتيجة في الشوط الثاني، واصل السيتي ضغطه على دفاعات بورنموث، ونجح برناردو سيلفا في مضاعفة النتيجة عند الدقيقة 68 بعد جملة فنية رائعة شارك فيها دي بروين ومرموش، قبل أن تصل الكرة إلى سيلفا الذي وضعها بهدوء في الشباك، مؤكدًا تفوق أصحاب الأرض. وفي الدقيقة 89 نجح نيكولاس جونزاليس في تسجيل الهدف الثالث لمانشستر سيتي بعد تسديدة متقنة من على حدود منطقة الجزاء سكنت الشباك في الزاوية اليسرى للمرمى. تشكيلة مانشستر سيتي دخل المدرب بيب جوارديولا اللقاء بالتشكيلة التالية: حراسة المرمى: إيدرسون خط الدفاع: نونيز، روبن دياز، جفارديول، أكانجي خط الوسط: كوفاسيتش، جوندوجان، سيلفا، دي بروين خط الهجوم: عمر مرموش، إيرلينج هالاند رودري يعود إلى القائمة شهدت المباراة تواجد النجم الإسباني رودري على دكة البدلاء لأول مرة منذ سبتمبر الماضي، بعد تعافيه من إصابة طويلة في الرباط الصليبي. وأشارت تقارير صحفية إلى أن اللاعب أصبح جاهزًا للمشاركة التدريجية خلال المباريات القادمة، في وقت يحتاج فيه الفريق إلى دعم فني في وسط الملعب. السيتي يستعيد نغمة الانتصارات جاء هذا الانتصار في توقيت مهم لمانشستر سيتي بعد خسارته نهائي كأس الاتحاد الإنجليزي أمام كريستال بالاس. ورفع الفريق رصيده إلى 68 نقطة في المركز الثالث، ليقترب بشكل كبير جدًا في حسم التأهل إلى دوري أبطال أوروبا. موقف بورنموث أما بورنموث، فقد تلقى هزيمته الثانية على التوالي، ليتجمد رصيده عند 53 نقطة في المركز الحادي عشر. ورغم الأداء الدفاعي الجيد في بعض فترات اللقاء، إلا أن الفريق فشل في مجاراة سرعة وسط وهجوم السيتي، ليبتعد تدريجيًا عن المراكز الأوروبية قبل جولة واحدة من نهاية الموسم.