بسمة وهبة تدافع عن شيرين بعد جدل مهرجان موازين: متجلدوهاش.. لو فضلنا نهاجمها هتنتكس ونفتقدها للأبد
ونشرت بسمة مقطع فيديو عبر حسابها الشخصي على انستجرام، قائبة: «متزعلوش من شيرين ومتجلدوهاش، وربنا يعلم أنا بحب شعب المغرب قد أيه، الفنان بيستمد ثقته من جمهوره، شيرين واضح انها كانت تعبانة وطلعت بحالتها النفسية دي عشان متزعلكوش، محدش يعرف يملى مكان شيرين، وحش وقوية وياما ملت مركزها على المسرح، لو فضلنا نهاجم شيرين وننتقدها هتنتكس وهنفقدها للأبد».وأضافت: «بالرغم من إنها صوت لا يعوض في الوطن العربي مع احترامي للجميع، وأعاتب دكتور نبيل عبدالمقصود انه طلع قال ان شيرين زي الفل ومفيهاش حاجة، لا شيرين كان باين عليها التعب، وأنت لما بتقول انها كويسة كده معناه إنك بتقول إنها فنانة مش جديرة تطلع على المسرح أو مش مقدرة قيمة الحدث اللي هي كانت فيه وده طبعا مش صحيح».وأشارت بسمة: «ممكن تكون بسبب تعبها كانت عايزة تلبس حاجة مريحة فلبست القفطان، وغناها بلاي باك ده أكبر دليل أن شيرين عبدالوهاب مش كويسة هو في مطربة في حجم شيرين محتاجة بلاي باك».وأحيت الفنانة شيرين عبدالوهاب، منذ أيام حفلا غنائيا ضمن فعاليات مهرجان موازين في دورته ال20، وعقب الحفل عبر عدد من الجمهور على غضبهم من شيرين بسبب أنها كانت تغني في الحفل على طريقة "البلاي باك" ولم تغني "لايف" خلال الحفل، مما تسبب في غضب بعض الحضور. View this post on Instagram A post shared by Basma Wahba (@basma_wahba)
جرب ميزات الذكاء الاصطناعي لدينا
اكتشف ما يمكن أن يفعله Daily8 AI من أجلك:
التعليقات
لا يوجد تعليقات بعد...
أخبار ذات صلة
بوابة الفجر
منذ 15 دقائق
- بوابة الفجر
زعلني.. رسالة شيرين يحيى لعزيز الشافعي بعد أول تعاون بينهما
نشرت المطربة شيرين يحيى فيديو كليب أحدث أغانيها والتي تحمل اسم "زعلني"، وهي من كلمات وألحان عزيز الشافعي وتوزيع إيهاب كولبكس ومن إنتاج SY records وتم تصوير الفيديو كليب في مصر وهو من إخراج ماريك فيسيلي. وعبرت شيرين عن سعادتها بالتعاون لأول مرة مع عزيز الشافعي وكتبت "النهاردة نزلت أول أغنية ليا مع الاسم الكبير عزيز الشافعي في أغنية "زعلني" اللي مبسوطة إن أخيرا بغني من كلماته وألحانه. وتابعت: وأوعدكم بأغنية حلوة هتعجبكم باذن الله" ليرد عليها عزيز "بالتوفيق يا شيرين وتستاهلي كل حاجة حلوة". كلمات أغنية زعلني: زعلني ب كلمه قالها تلمه رخمه خمه مني لما قال هيبقى رقيق وما رقش لأ زعلني ف لحظه ملاحظه إنه قاسي ناسي احساسي واساسي شايله منه طبعا.. عندي ألف حق نزل دموعي وانا فرحانه بيه معذورة لو ماسألتش فيه نيمني زعلانه الله يسامحه مشكلتي إني بعشق ملامحه النظره جازه بس الضحكه لاذه مهما تعبني بيزيد معزه النظره شاده بس عيونه جامده مهما تعبتي بتزيد موده ضلم حياتي ضلمه ضلمه عيونه ظالمه عشان بحبه يعني وجعني بذمه دي اخرة المتمه احساسيسي مش مهمه لا حد حس بيا ولا حد عليا سمى
مصرس
منذ 3 ساعات
- مصرس
خالد تاج الدين يدافع عن شيرين عبدالوهاب: «حافظوا عليها» (فيديو)
نشر الشاعر الغنائي خالد تاج الدين فيديو جديدًا للنجمة شيرين عبدالوهاب من مهرجان موازين، عبر حسابه على «فيسبوك»، ظهرت فيه وهي تؤدي أغنيتها الشهيرة «ومين اختار يعيش حياته»، والتي كتبها هو بنفسه. وعلّق تاج الدين على الفيديو قائلًا: «ومين اختار يعيش حياته من أحلى كلماتي، مع الرائعة #شيرين، اللي لو غنت بلاي باك أو لايف، هتفضل شيرين، إحنا مش هنطلع شيرين كل يوم يا جماعة، حافظوا عليها».وتأتي رسالته في وقت يتجدد فيه الجدل حول أداء شيرين على المسرح، ما دفعه للتأكيد على موهبتها الاستثنائية وأهمية دعمها في كل الظروف.
مصرس
منذ 4 ساعات
- مصرس
رضوى الشربيني ل شيرين عبدالوهاب: «الناس زعلانين عليكي مش بس منك»
وجّهت الإعلامية رضوى الشربيني رسالة دعم للمطربة شيرين عبدالوهاب، بعد الجدل الكبير الذي حدث عقب حفلها في ختام مهرجان «موازين». رضوى ظهرت في برنامجها «هي وبس» وهي تعبّر عن حزنها، قائلة: «الناس مش بس زعلانة منك، لأ، الناس زعلانين عليكي، على كل الأغاني اللي كانت سند لبنات كتير، وأنا واحدة منهم».وأضافت: «إنتي كنتي دايمًا رمز القوة، صوت بيقول للستات يحبوا نفسهم ويقفوا على رجليهم، وفجأة لقيناك بتبعدي عن الصورة دي حتى لو وقعتي، إنتي أقوى من أي موقف، حتى لو كان صعب».رضوى كملت كلامها بنبرة فيها عتاب ومحبة، وقالت: «إنتي اللي قولتي (أنا كتير، أنا كل حاجة وعكسها)، وعندك رصيد من الأغاني عمره ما كان مجرد فن، ده كان طوق نجاة لناس كتير. عشان كده إحنا موجوعين، لأن غلطة واحدة — سواء كانت في اختيار شخص، أو شغل، أو ناس حواليكي — ممكن تكسّر الصورة دي كلها».واختتمت حديثها برسالة واضحة: «بلاش تسمعي للناس اللي بيشدّوكي لتحت، اسمعي اللي بيحاولوا يطلعوكي من اللي إنتي فيه، أنتي شيرين، النجمة اللي كانت كل بنوتة بتتفرج عليها تقول: أنا عايزة أبقى كده كفاية كده.. لو اللي حوالينا بيأذونا، حتى لو كانوا قريبين، يبقى لازم نحب نفسنا الأول، أنتي نص أغانيكي عن ده». View this post on Instagram A post shared by Dmc Entertainment (@dmcentertainment)
