رغم عملها كطبيبة أسنان.. سهر الصايغ ترفض إجراء تجميل لأسنانها

كشفت الفنانة سهر الصايغ، عن تفاصيل حول استمرارها في ممارسة مهنة طب الأسنان بالتوازي مع مشوارها الفني، مؤكدة أن شغفها بالمجالين هو الدافع الأكبر للاستمرار رغم صعوبة الجمع بينهما.قالت 'الصايغ' خلال حلولها ضيفة على برنامج 'معكم منى الشاذلي'، مساء الخميس مع الإعلامية منى الشاذلي، عبر شاشة 'ON': 'بحب المهنة عشان كده مكملة فيها، أعتقد عشان الواحد يكمل أو ينجح في حاجة لازم يكون بحبها، والاختيار الأسهل والأريح بالنسبالي كان إني أسيب المهنة، بدل من جمعها مع التمثيل، لأن جمعهم متعب'.أضافت أن دراستها لطب الأسنان كانت متزامنة مع فترة الانتشار الفني، مما زاد من صعوبة التوفيق بين المجالين، لكنها قررت أن تكمل. مضيفة: 'تعبت جدًا في الدراسة، فلما بتتعبي بيصعب عليكي تتخلي عن الحاجة، وأنا تعبت في حصولي على الشهادة'.أكدت أن للمهنة أبعادًا فنية، قائلة: 'طب الأسنان في بعض الكتب بيتوصف بـ The Science of Art، وفعلاً فيه جزء فني، لما تساهم في تجميل ابتسامة شخص أو تخفف عنه إحساسه بعدم الرضا عن نفسه، بتحس إنك عملت حاجة حقيقية'.وعن تأثير عملها كطبيبة على شخصيتها، أوضحت سهر: 'المجال ده بيحققلي توازن إنساني، بيفكرني إني أكون بسيطة ومتواضعة، وبيخليني عايشة في الواقع بعيدًا عن الأضواء'.أما عن تفاعل المرضى معها، فأشارت إلى أن ردود الأفعال بتتفاوت ما بين المفاجأة والفرحة، وأكدت أن شخصيتها كطبيبة مختلفة تمامًا عن أدائها كممثلة: 'بتكوني عملية أكتر، ولبسك وشكلك بيكون مختلف تمامًا'.وعن تخصصها الدقيق، أوضحت أنها تعمل في العلاج التحفظي والتجميل، مثل الحشو والفينيرز، لكنها شددت على رفضها الشخصي لاستخدام الفينيرز لمجرد الشكل، قائلة: 'أنا مقتنعة بشكلي الحمد لله، حتى بالعيوب اللي فيه، ولو ربنا أنعم عليك بسِنة طبيعية وصحية، ليه تشيلها؟'.اختتمت حديثها بتأكيد احترامها لأي اختيارات تجميلية للآخرين، لكنها ترى أن 'الأهم في النهاية إن البني آدم يكون مرتاح في شكله وراضي عن نفسه'.

جرب ميزات الذكاء الاصطناعي لدينا

اكتشف ما يمكن أن يفعله Daily8 AI من أجلك:

التعلم مع الذكاء الاصطناعيالتحقق من الحقائقتحويل النص إلى كلامملخص الذكاء الاصطناعي

أخبار ذات صلة

الدستور

منذ 6 ساعات

• الدستور

مؤسسة فرقة هواة الجامعة الأمريكية: والدى سر اتجاهى للرقص والفن والموسيقى

أبدعت فرقة هواة الفلكلورية بالجامعة الأمريكية في تقديم مجموعة من الرقصات الاستعراضية على أنغام "العتبة جزاز"، و"يا غريب الدار"، و"على رمش عيونها"، خلال استضافتهم ببرنامج "معكم" الذي تقدمه الإعلامية منى الشاذلي عبر قناة "ON". من جانبها قالت بنكي سليم، مؤسسة الفرقة، خلال لقائها ببرنامج "معكم" المذاع على قناة "on": "أنا خريجة محاسبة الجامعة الأمريكية، واتجاهي للرقص والموسيقى والفن، كان بسبب والدي، وهو الفنان عمرو سليم". وأضافت: "كبرنا وسط الموسيقى التي ينتجها والدي، ورقصات الباليه، وعرفنا ما هي المقامات الموسيقية، وأول مرة نرى فيها الفلكلور، كان في منطقة الكرنك وكنت في إجازة وسط العام، وحاولنا تقليد فرقة رضا، ومن هنا عشقت هذه النوعية من الفنون". وتابعت: "كان لدي إصرار على أن أكون مثل من يؤدون الرقصات الفلكلورية في فرقة رضا، ولم أكن أتخيل أني قد أصل لتلك المرحلة، وبعد أن التحقت بالجامعة الأمريكية، اكتشفت أن هناك نشاط للطلاب، وهناك أساتذة في فرقة رضا كانوا أساتذة لتعليم الرقص ضمن تلك الأنشطة". وأردفت: " أردت أن استكمل النشاط الذي أحببته بعد تخرجي من الجامعة،، وسافرت عدة دول في الخارج وشاركت في رقصات الفلكلور، إلا أن الأمر تطور حتى تم عمل الفرقة".

مصرس

منذ 19 ساعات

• مصرس

موعد عرض حلقة أبطال «نجوم الساحل» مع منى الشاذلي

يحل أبطال فيلم «نجوم الساحل» غدًا الخميس ضيوفًا في برنامج معكم مع الإعلامية منى الشاذلي في حلقة مليئة بالحديث عن الفن وكواليس العمل التي جمعتهم. تفاصيل فيلم نجوم الساحل«نجوم الساحل» الذي يضم مجموعة من الأبطال الشباب وهم مايان السيد، على صبحي، أحمد عبدالحميد، على السبح، أحمد داش، تميم حافظ، مالك عماد، وكذلك هو التجربة التمثيلية الأولى لمغني الراب فليكس، ويضم الفيلم أيضًا عددا من ضيوف الشرف.والفيلم من إخراج رؤوف السيد، وهو مخرج اشتهر بتقديم الأعمال الكوميدية والتجارب الشبابية مثل «الحريفة» الجزء الأول، برنامج «المهيسون» الذي قُدم منه عدة مواسم عبر شاشة قناة «القاهرة والناس».

الاقباط اليوم

منذ 2 أيام

• الاقباط اليوم

دينا أنور تروي تجربتها مع القديس سمعان الخراز ومعجزة الزلزال ونقل جبل المقطم : زلزال نقل جبل همومي .. قريباً ألبي دعوتك يا أبونا "سمعان" و اجي لك

وجهت الكاتبة التنويرية دينا أنور، رسالة تحت عنوان "حكايتي مع القديس "سمعان الخراز" .. و معجزة الزلزال و نقل جبل المقطم" . وكتبت أنور عبر حسابها على فيسبوك :" لأني مؤمنة جداً بتناسخ الأرواح و الرسائل الكونية .. من فترة جات لي ثلاث رسايل على فترات متباعدة إني أزور بالذات دير القديس "سمعان الخراز" في جبل المقطم .. كإنه بيناديني من زمان مختلف عشان يبلغني رسالة محتاجاها في حياتي .. كنت أعرف عنه كمكان سياحي عالمي شهير و كنيسة بديعة محفورة في وسط جبل المقطم و مزار مسيحي مهم .. لكن الحقيقة عمري ما زورته .. و ما كنتش أعرف كتير عن قصة القديس "سمعان الخراز" نفسه . مضيفة :" لحد ما اتفرجت على الفيلم البسيط اللي عاملاه الكنيسة القبطية عنه عاليوتيوب .. و اللي لسه عالق في روحي و ذهني بترنيمته الجميلة "مابتنساش" .. لدرجة إني بالصدفة البحتة اتفرجت عليه ليلة ما حصل الزلزال اللي فات .. و كانت نفس ليلة سفري لاستلام أرضي من اللي اغتصبوها 8 سنين .. و كنت وقتها نايمة و صحيت بعد شعوري بالزلزال . و رغم إن كتير منكم هيعتبرني ببالغ أو اتجننت .. بس حسيت إن الرسالة اللي مبعوتة لي إن زي ما حصل زلزال نقل جبل المقطم بسبب مصداقية القديس "سمعان" و إخلاصه و محبته و مساعدته لكل الناس و المحتاجين و ترفعه عن الشهوات و الأطماع.. انتي كمان هيحصل لك في حياتك زلزال ينقل جبل همومك .. و زي ما جبل المقطم ارتفع حتى بانت الشمس من تحته في حكاية القديس "سمعان" .. إنتي كمان جبل همومك هيرتفع لحد ما تظهر شمس الحرية و العدل اللي حجبها الظلم في حكايتك .. و تقدروا ترجعوا لمنشورات صفحتي و تتأكدوا إن ليلة ما حصل الزلزال الأسبوع اللي فات كانت نفس ليلة ما طلبت منكم تصلوا لي عشان رايحة استلم أرضي . اللي عجبني كمان في الفيلم الرائع اللي عملته الكنيسة بإمكانيات إخراجية و إنتاجية بسيطة جداً .. إن الفيلم من بدايته لنهايته لا يكفِّر أحد .. و لا يقلل من أي ديانة أخرى .. و لا يطعن في إيمان أي انسان لصالح الإيمان المسيحي .. و مش مطلّع المسيحيين لابسين أبيض و وشهم منور و غير المسيحيين لابسين إسود و وشهم يخوّف . على العكس تماماً .. أظهر سماحة الكنيسة القبطية المصرية و وطنيتها و مسالمتها منذ فجر التاريخ .. و إزاي صلواتها كانت لا تنقطع لشعب مصر في سنوات الجفاف و المجاعة و الفقر .. و ازاي الشعب المسيحي توحّد و اتحّد قبل المعجزة و بفضل قوة إيمانهم و صلاتهم و صيامهم نقلوا الجبل .. بعد ما الإخوات اللي متقاطعين بسبب الورث اتصالحوا .. و بعد ما الراجل الخمورجي اللي بيضرب ابنه كل شوية و هو سكران ما فاق و قرر يبطل سُكر .. حتى الست اللي كانت بتستغل فقر الناس و بيرهنوا عندها دهبهم و تبخس بتمنه الأرض و جوزها كان حرامي بيسرق الناس وقت المجاعة .. و كانت بتتضايق من صلاة ابنها في البيت و مرواحه الكنيسة كتير .. اتوحدت مع الشعب المسيحي المؤمن و راحت تشوف المعجزة .. و بعد ما شافتها قررت ترجع لكل الناس حاجتهم .. حتى البنت اللعوب اللي حاولت تغوي أبونا "سمعان" .. برضه اتحدت بقلبها مع إيمان الشعب المسيحي و صلت عشان يقدروا يحققوا المعجزة و يأمنوا مكر الوزير الواشي "يعقوب بن كلس" اللي حاول يشكك في إيمانهم و قوة عقيدتهم أمام الخليفة " المعز لدين الله الفاطمي" . نيجي بقى لقصة أبونا "سمعان" نفسه .. القديس المسيحي اللي السما اختارته و العدرا بلغت بيه نيافة البطريرك عظيم الإيمان "ابرآم بن زرعة" إن هو اللي هيقدر بصلاته و إيمانه يحقق المعجزة للشعب المسيحي .. بعد صلاتهم و صيامهم ثلاثة أيام لرفع المحنة .. بعد ما الخليفة طلب منهم ينقلوا الجبل بقوة إيمانهم حسب الكتاب المقدس و إلا تبقى عقيدتهم باطلة .. كان اسكافي بسيط فقير .. بيعامل الناس بود و أخلاق و أدب و محبة نقية .. كان بيصلي في أي مكان و كل مكان بإيمان حقيقي و بيطلب من كل الناس يذكروه في صلاتهم .. كان بيصحى كل يوم الصبح يملى مية و يلف على بيوت العجائز و المرضى و الأرامل و الأيتام يحط لهم مية قدام بيتهم .. بيتبرع بكل رزقه لانسان محتاج لأنه مؤمن إن عطية الفقير أعظم في السما من عطية اللي بيدي فياضته .. و من شدة التزامه و أخلاقه فقع عينه لما ضبطها بتبص على جسد امرأة .. و الأجمل إن الفيلم لم يظهر هذا العمل في صورة إيمان غير مسبوق أو تقوى فردية .. بل أظهره في سياق فهم متواضع من القديس "سمعان" لنصوص الكتاب المقدس .. و أظهرها كغلطة منه في حق جسده .. و أظهر لوم الآباء له على التطبيق الحرفي دون التفكير في المعنى الروحاني .. و هو ما يعكس عظمة الإيمان المسيحي الذي لا يشجع الانسان على فقدان حياته أو المساس بانسانيته أو إيذاء نفسه في سبيل أي شيئ حتى إيمانه. و حتى بعد ما البطريرك بلغه باختيار السما له لتحقيق المعجزة .. طلب يصلي ورا رجال الكنيسة من غير ما حد يعرفه .. و طلب ماحدش يقول مين هو إلا بعد ما يموت .. و رحل في صمت بعد تحقيق المعجزة عشان يكسر في نفسه الكِبر و يعيش بسيط زي ما هو لحد ما يسافر للسما . حكيت لكم القصة دي مش عشان أي أسباب ممكن تيجي في بالكم .. أبناء العقيدة النبيلة دي عندهم في تراثهم الإيماني و العقائدي ما يكفيهم للثبات على إيمانهم مهما شافوا أو واجهوا .. و بالتالي مش محتاجيني أنا و لا غيري ندافع عنهم و لا نظهر سماحتهم و لا حتى نسلط الضوء على تراثهم الإيماني العميق . الناس النبيلة دي مش محتاجين غير ناس مؤدبة و متربية و مثقفة .. عندهم شغف للإطلاع على تاريخهم بشكل حقاني و عادل و منصف .. و إمكانية و شجاعة لنقله بكل صدق حتى لو مش عاجب محرفين التاريخ . الناس النبيلة دي مش محتاجين غير ناس تحترم وطنيتهم و حبهم للبلد و صلاتهم لكل مخلوق حتى مبغضيهم .. مش محتاجين غير تقدير سماحتهم و عدم استغلال طيبتهم و سمو أخلاقهم في نشر الكراهية ضدهم و التطاول على مقدساتهم من همج رعاع ما شافوش تربية و لا سمعوا عن أدب و لا حد عارف يحط لبذائتهم لجام. الحياة مهما ارتقت و تطورت بالعلم و الطب و التطور و المعرفة .. يظل بداخل كل شخص فينا مساحة روحانية طفولية بريئة تميل إلى تصديق وجود ماورائيات بتغيّر نواميس الكون و تعلو على قوانين الحياة و تحقق بعض المستحيلات للانسان حسب درجة صلاحه و نفعه للناس و طيبة قلبه و محبته للغير . المساحة دي لا تتعارض أبداً مع كونك انسان واقعي أو مؤمن بالعلم .. لكن عشان الحياة بدون أخلاق و مشاعر و خيال لا تطاق .. خلي المساحة الخفيّة دي من حياتك هي اللي تلهمك و ترشدك ازاي توزّع محبة و عطاء .. و ازاي تحنو على كل الكائنات .. و ازاي تساعد كل ما تكون قادر و تكون فرحان إنك بتدي مش بتاخد .. و ازاي لما تحب تكون وسط مجموعة تختار المجموعة اللي تشبه روحك .. عشان اتحادك مع أرواح بتشبهك هو اللي أحياناً كتير بيحقق المعجزات . واختتمت :" و قريباً ألبي دعوتك يا أبونا "سمعان" و آجي لك .. شكراً إنك اختارتني اتكلم عنك و أنقل من فوق قلبي جبل هموم .. زي ما السما اختارتك تنقل الجبل عن شعب المسيح النبيل.