أنغام تبكي على الهواء: "شيرين عبد الوهاب لحقت عليا بكلام "
وقالت أنغام إنه هذه ليست المرة الأولى التي يتم اتهامها بأنها تقف وراء بعض الحملات ضد شيرين، مضيفة: "أنا تحملت سنين فاتوا، والـ 4 سنين اللي فاتوا طول الوقت كان في تلقيح كلام عليّا حتى منها هي شخصيًا ولم أعلق على كلامها".
وأضافت: "زعلت بيني وبين نفسي وعذرتها كتير وقفلت الموضوع تمامًا، إنما نوصل كمان إن بنوجه الجمهور والرأي العام لـ إن أنغام بتاعت مؤامرات وإنها بتشن حملات على زميلة ونشيطانها".
ووجهت لها لميس الحديدي سؤالًا: "تفتكري هي اللي وراء ده؟"، لترد عليها أنغام: "أنا ما مقدرش اتهامها انما في بعض اللي حوليها بيقولوا الكلام ده وبيوجهوا الناس لدا، ودا حرام وظلم وعيب، ومش هقولك إني أكبر من كدا وهي أكبر من كدا، وعيب حتى الضغينة اللي عمالين تزرعوها بيني وبينها".
وتابعت: "لو هي عندها فكرة صغيرة أنتم كبرتوها في دماغها، اللي حواليها المنتفعين حبها بطريقتك وشجعها بطريقتك واتمصلح عليها بطريقتك، لكن ملكش دعوة بيا".
وكانت تعرضت الفنانة شيرين عبد الوهاب لانتقادات بعد ظهورها في مهرجان موازين وتقديم عدد من الأغاني بطريقة البلاي باك، واتهم البعض أنغام أنها تقود حملة ضدها وتقف وراء هذا لهجوم.
جرب ميزات الذكاء الاصطناعي لدينا
اكتشف ما يمكن أن يفعله Daily8 AI من أجلك:
التعليقات
لا يوجد تعليقات بعد...
أخبار ذات صلة
مصرس
منذ 2 ساعات
- مصرس
أسما إبراهيم ترد على منتقدي شيرين بعد حفلها في مهرجان موازين: الفن الحقيقي أقوى من الأزمات
أعربت الإعلامية أسما إبراهيم عن دعمها الكامل للفنانة شيرين عبدالوهاب بعد تعرضها لهجوم واسع على مواقع التواصل الاجتماعي، إثر مشاركتها الأخيرة في مهرجان "موازين" بالمغرب، حيث واجهت انتقادات بسبب أدائها على طريقة "البلاي باك" بدلاً من الغناء الحي. ونشرت أسما صورة لشيرين عبر حسابها على منصة "أكس"، وعلقت: "كل الحب والدعم لشيرين عبد الوهاب، الفن الحقيقي بيبقى أقوى من كل الأزمات، وصوتك وإحساسك زرعوا الفرح بقلوب الملاين. كلنا بنغلط، وكلنا بنمر بظروف صعبة، لكن الأهم إننا نكمل ونرجع أقوى".وأضافت: "إنتي مش بس فنانة بصوت استثنائي، إنتي حالة إنسانية قريبة من قلوب الناس، وده شيء مش بيتغير.. نحبك، وحنفضل نحبك".وكانت شيرين قد أحيت حفلاً ضمن فعاليات الدورة ال20 من مهرجان "موازين"، إلا أن بعض الحضور أعربوا عن استيائهم بسبب عدم تقديمها الغناء "لايف"، ما أثار جدلاً واسعًا بين محبيها ومنتقديها. كل الحب والدعم لشيرين عبد الوهاب الفن الحقيقي بيبقى أقوى من كل الأزمات، وصوتك وإحساسك زرعوا ، الفرح بقلوب الملاين. كلنا بنغلط، وكل بنمر بظروف صعبة لكن الأهم إنا نكمل ونرجع أقوى إنت مش بس فنانة بصوت استثنائي إنت حالة إنسانية قريية من قلوب الناس، وده الشي مش بيتغير نحبك، وحنفضل… — asmaaibrahamOfficial (@Asmaaibrahem_) June 30, 2025
مصرس
منذ 2 ساعات
- مصرس
بسمة وهبة تدافع عن شيرين بعد جدل مهرجان موازين: متجلدوهاش.. لو فضلنا نهاجمها هتنتكس ونفتقدها للأبد
حرصت الإعلامية بسمة وهبة على مساندة صديقتها شيرين عبدالوهاب ودعمهامعنويا بعد الهجوم عليها مؤخرا عقب حفلتها في مهرجان موازين بالمغرب في دورته ال20. ونشرت بسمة مقطع فيديو عبر حسابها الشخصي على انستجرام، قائبة: «متزعلوش من شيرين ومتجلدوهاش، وربنا يعلم أنا بحب شعب المغرب قد أيه، الفنان بيستمد ثقته من جمهوره، شيرين واضح انها كانت تعبانة وطلعت بحالتها النفسية دي عشان متزعلكوش، محدش يعرف يملى مكان شيرين، وحش وقوية وياما ملت مركزها على المسرح، لو فضلنا نهاجم شيرين وننتقدها هتنتكس وهنفقدها للأبد».وأضافت: «بالرغم من إنها صوت لا يعوض في الوطن العربي مع احترامي للجميع، وأعاتب دكتور نبيل عبدالمقصود انه طلع قال ان شيرين زي الفل ومفيهاش حاجة، لا شيرين كان باين عليها التعب، وأنت لما بتقول انها كويسة كده معناه إنك بتقول إنها فنانة مش جديرة تطلع على المسرح أو مش مقدرة قيمة الحدث اللي هي كانت فيه وده طبعا مش صحيح».وأشارت بسمة: «ممكن تكون بسبب تعبها كانت عايزة تلبس حاجة مريحة فلبست القفطان، وغناها بلاي باك ده أكبر دليل أن شيرين عبدالوهاب مش كويسة هو في مطربة في حجم شيرين محتاجة بلاي باك».وأحيت الفنانة شيرين عبدالوهاب، منذ أيام حفلا غنائيا ضمن فعاليات مهرجان موازين في دورته ال20، وعقب الحفل عبر عدد من الجمهور على غضبهم من شيرين بسبب أنها كانت تغني في الحفل على طريقة "البلاي باك" ولم تغني "لايف" خلال الحفل، مما تسبب في غضب بعض الحضور. View this post on Instagram A post shared by Basma Wahba (@basma_wahba)
مصرس
منذ 3 ساعات
- مصرس
باكية على الهواء.. أنغام ترد على الزج باسمها في أزمة الفنانة شيرين
ردت الفنانة أنغام على الشائعات التي طالتها مؤخرًا بشأن الحملة الموجهة ضد الفنانة شيرين عبدالوهاب بعد حفلها في مهرجان موازين، وما تردد عن أن أنغام كانت السبب وراء هذه الحملة. وكشفت أنغام، خلال مداخلة هاتفية مع برنامج "كلمة أخيرة" الذي تقدمه الإعلامية لميس الحديدي على شاشة ON، أنها كانت في المستشفى منذ السبت الماضي بسبب وعكة صحية مفاجئة، قائلة: "أنا فعلًا في المستشفى بعد وعكة صحية حصلت بشكل مفاجئ يوم الأربعاء الماضي. شعرت بتعب شديد وتم نقلي للمستشفى صباح السبت. الحقيقة مكنتش عايزة حد يعرف علشان كنت تعبانة جدًا ومكنتش قادرة أستقبل زيارات ولا أشرح حالتي الصحية، فقررت مافيش داعي أقول علشان أرتاح شوية."وأضافت: "كنت فاكرة إني داخلة المستشفى يوم واحد آخد مسكنات وأعمل فحوصات وأخرج، لكن الموضوع طلع محتاج فترة أطول، والحمد لله الموضوع بسيط بس محتاج صبر واستشارات."وحول الحملة التي استهدفتها، قالت: "أنا مكنتش مصدقة الكلام خالص. أنا مش من الشخصيات اللي بتحب تدافع عن نفسها ولا بترد على الشائعات، ولا بدخل في مهاترات، وده منهجي في حياتي من زمان سواء على المستوى الشخصي أو المهني. أنا طول عمري بسيب الأمور تختفي لوحدها، وربنا بينصفني دايمًا."وتابعت: "أنا ست اللي يعرفني كويس عارف إني مش بتاعة مشاكل، ولا بدعي المثالية، أنا إنسانة عادية بحب شغلي وبحترم جمهوري، وحتى اللي مش بيحبني بحترمه، لأن مفيش فنان بيتفق عليه كل الناس، وده طبيعي لأن الأذواق بتختلف."وأوضحت: "الظلم المرة دي غير محتمل، لا قادرة أتكلم ولا قادرة أسكت، لكن الأمر وصل لدرجة التجريح والشتائم والتلميحات اللي مش مقبولة من ناس المفروض مسؤولين وزملاء. البعض بيقول إحنا عارفين مين ورا الحملة، والفانز بتوع المطربة المنافسة بيتكلموا وكأنهم عارفين حاجة، وفي مواقع كتبت اسمي بشكل مباشر."وأضافت: "ليه الشتيمة والتجريح وأنا في المستشفى؟! محدش كان يعرف غير أقرب الناس ليا. وأنا على سرير المستشفى لقيت ناس بتبعتلي وبتشتمني وأنا مالي! هو أنا ليه علاقة بالمشكلة اللي حصلت في الحفلة؟! أنا مالي! ضمائركم راحت فين؟!"وأردفت: "حتى لو مكنتش في المستشفى، مالي؟! أنا تحملت أربع سنين من التلميحات حتى منها شخصيًا، ومع ذلك ماردتش ولا مرة. كنت بزعل بيني وبين نفسي وكنت بعذرها كتير. لكن نوصل لمرحلة توجيه الناس ضدي؟! تطلعوني كأني بتآمر وأقود حملات ضد زميلة؟! ده ظلم وحرام وعيب."وأكدت: "أنا لا أتهمها شخصيًا، لكن في ناس حواليها بيقولوا كده وبيوجهوا الناس لكده. أنا مش هقول إني أكبر من كده وهي كمان أكبر من كده، بس عيب اللي بيحصل. واللي بيحاولوا يقربوا منها بطريقة مغلوطة يقولوا لها تحبها وتشجعها براحتك، لكن مالهمش دعوة بيا."وحذرت أنغام: "أي شخص هيتمادى وهيجيب سيريتي، مش هسكت. أنا فعلاً تعبت. ورفعت قضية على شاب قبل كده كتب عني على تويتر وقال 'مش هترحمي شيرين يا أنغام' وكسبت القضية اتحبس. وأي حد هيتجرأ تاني ويزج بإسمي مش هسكت."ولم تتمالك أنغام نفسها خلال المداخلة وبكت قائلة: "كفاية ظلم، كفاية كره، كفاية حقد. أنا تعبت. سبوني في حالي. محدش ليه دعوة بنيتي، ربنا اللي هيحاسبني. كفاية توجيه حملات ضدي."واختتمت: "لما إعلامي يطلع يدافع عن شيرين له كل الاحترام، لكن وإنت بتبص على شيرين، بص كمان على أنغام اللي مالهاش علاقة بالموضوع. كفاية مقارنة عقيمة ومؤذية. هي اسمها شيرين وأنا اسمي أنغام، ليها جمهورها وليا جمهوري. ربنا يكرمنا كلنا.
